මේ වනවිට කොටස් වෙළඳපොලේ සහ රජයේ සුරැුකුම්පත් වෙළෙඳපොළේ ආයෝජනය කර තිබුණු ඇමෙරිකන් ඩොලර් මිලියන 165ක් හෙවත් රුපියල් බිලියන 29ක පමණ ආයෝජන විදේශ ආයෝජකයන් විසින් ඉවත් කරගෙන ඇතැයි අනිද්දා සමග අදහස් දැක්වූ මහබැංකුවේ හිටපු නියෝජ්‍ය අධිපති ආචාර්ය ඩබ්ලිව්. ඒ. විජේවර්ධන ප‍්‍රකාශ කළේය.
ආචාර්ය විජේවර්ධන වැඩිදුරටත් ප‍්‍රකාශ කළේ කොටස් වෙළෙඳපොළේ විදේශ ආයෝජන අතරින් ඩොලර් මිලියන 45ක් හෙවත් ශ‍්‍රී ලංකා රුපියල් බිලියන 8ක ආයෝජන විදේශ ආයෝජකයන් විසින් ඉවත් කරගෙන තිබෙන බවයි.

ඩොලර් මිලියන 120ක් හෙවත් රුපියල් බිලියන 21ක් වටිනා රජයේ සුරැුකුම්පත් විදේශ ආයෝජකයන් විසින් අලෙවි කර ඇත. මෙම තත්වය ලංකාවේ ආයෝජනය කිරීම අනතුරුදායක බව විදේශ ආයෝජකයන්ට වැටහීම නිසා සිදුවූවක් බවත්, මෙම තත්වය පවතින තෙක් ඉදිරියේදී විදේශ ආයෝජකයන් පැමිණීමද සිදු නොවනු ඇති බවත් ඔහු පෙන්වා දුන්නේය.

ඇමරිකානු ඩොලරයක විකුණුම් මිල නොවැම්බර් 15 වන දින වන විට මිල රුපියල් 178.10ක් දක්වා ඉහළ ගොස් ඇති බව ශ‍්‍රී ලංකා මහ බැංකුවේ දෛනික විනිමය අනුපාත දර්ශකය වාර්තා කරයි.

ශ‍්‍රී ලංකා මහ බැංකුවේ දෛනික විනිමය අනුපාත දර්ශකය අනුව නොවැම්බර් 15 වන දිනට ඇමරිකානු ඩොලරයක ගැනුම් මිල රුපියල් 174.17ක් ලෙසත් විකුණුම් මිල රුපියල් 178.10ක් ලෙසත් සටහන් වී ඇත.

මෙරට පවතින වත්මන් දේශපාලන අර්බුදය උද්ගත වූ ඔක්තෝබර් 26 දින වන විට ඇමරිකානු ඩොලරයක විකුණුම් මිල රුපියල් 174.44ක් ලෙස පැවැති අතර වත්මන් නීති විරෝධි ආණ්ඩුවේ මහින්ද රාජපක්ෂ මන්ත‍්‍රීවරයා ඇතුළු පිරිස පවසා සිටියේ ඩොලරයේ අගය ඉහළ යෑම යහපාලන රජයේ අඩුපාඩු නිසා බවත් තමන් බලයට පත්වු සැණින් ඩොලරයේ අගය පහළ දැමීමට කටයුතු කරන බවත්ය.

නීති විරෝධී අගමැති මහින්ද රාජපක්ෂගේ ආරක්ෂාව සඳහා යැයි කියමින් නාවික හමුදා විශේෂ යාත‍්‍රා බලගණයේ සාමාජිකයන් සියයක් පමණ පිරිසක් හා මැරයින් බලකායේ සාමාජිකයන් 48 ක ප‍්‍රමාණයක් ලබාදී ඇත.

ආරක්ෂක මාණ්ඩලික ප‍්‍රධානී රවීන්ද්‍ර විජේගුණරත්න විසින් එම නාවික හමුදා සාමාජිකයන් ලබාදී ඇති අතර ඒ සම්බන්ධයෙන් පොලිස්පතිවරයාගෙන් කිසිදු ඉල්ලීමක් සිදුවී නැත.

සාමාන්‍යයෙන් පොලිස්පතිවරයාගේ ඉල්ලීමක් අනුව මේ ආකාරයට නාවික හමුදා සාමාජිකයන් ලබාදෙන බව පැවසේ.
මෙසේ ලබාදුන් නාවික හමුදා විශේෂ සාමාජිකයන් මේ වනවිට මහින්ද රාජපක්ෂගේ විජේරාම නිවස අවට කැළැ ආරක්ෂක ඇඳුම් සහිතව සිටින අතර ඔවුන්ට අවශ්‍ය ආහාර ඇතුළු විශේෂ ආහාර නාවික හමුදා මූලස්ථානය විසින් සපයමින් සිටී.

ප‍්‍රථමයෙන් පොරොන්දු වූ ආකාරයට පාර්ලිමේන්තුවේ 113ක බහුතර බලයක් පෙන්වීමට අසමත් වීම නිසා මහින්ද රාජපක්ෂගේ පාර්ලිමේන්තු කණ්ඩායම තුළ මෛත‍්‍රීපාල සිරිසේන ජනාධිපතිවරයා පිළිබඳව දැඩි විරෝධයක් හටගෙන ඇතැයි වාර්තා වෙයි.

ප‍්‍රසන්න රණතුංග, කුමාර වෙල්ගම ඇතුළු පොදුජන පෙරමුණේ ක‍්‍රියාකාරීව කටයුතු කළ මන්ත‍්‍රීවරුන් පිරිසක් මෙසේ විරෝධය දැඩිව ප‍්‍රකාශ කර ඇත.

මෛත‍්‍රිපාල සිරිසේන ජනාධිපතිවරයා විසින් බහුතරය පෙන්වීමට හැකි බව ප‍්‍රකාශ කර ඇත්තේ රවී කරුණානායක මන්ත‍්‍රීවරයා ඇතුළු එක්සත් ජාතික පක්ෂයේ මන්ත‍්‍රීවරුන් 10කට වැඩි පිරිසක් මහින්ද රාජපක්ෂට සහාය දැක්වීමට කැමැත්ත පළ කර ඇතැයි පවසමින්ය. පාර්ලිමේන්තුවේ වාර අවසාන කිරීම සිදුකර ඇත්තේ එම මන්ත‍්‍රී කණ්ඩායම තම කණ්ඩායමට එකතු කරගන්නා තෙක් කාලය අවශ්‍ය බව ප‍්‍රකාශ කරමින්ය.

අනිද්දා සමග අදහස් දක්වමින් ඒකාබද්ධ විපක්ෂයේ පාර්ලිමේන්තු මන්ත‍්‍රිවරයෙකු ප‍්‍රකාශ කළේ එම මන්ත‍්‍රීවරුන් තම කණ්ඩායම සමඟ එක්වෙනු ඇති බවත්, ඒ අනුව පාර්ලිමේන්තුව හරහා ආණ්ඩුව ඉදිරියට ගෙනයෑමට හැකිවනු ඇති බවත් තම කණ්ඩායමේ විශ්වාසය වූ බවයි.

කෙසේ වෙතත් නොවැම්බර් 06 පමණ වෙද්දී මෛත‍්‍රීපාල සිරිසේන ජනාධිපතිවරයාට පාර්ලිමේන්තු කණ්ඩායමේ බහුතර කණ්ඩායමක් එක් කර ගත නොහැකි බව අවබෝධ වූ බවත්, ඒ අනුව නොවැම්බර් 09 වැනිදා පාර්ලිමේන්තුව විසුරුවාහැරීමට තීරණය කළ බවත්, එය මුල් සැලසුමේ නොතිබුණු ක‍්‍රියාවක් බවත් අප සමඟ අදහස් දැක්වු මන්ත‍්‍රීවරයා ප‍්‍රකාශ කළේය.

එම ක‍්‍රියාව හේතුවෙන් තම කණ්ඩායමට විශාල අපකීර්තියකට පත්වීමට සිදුවූ බවත්, මෛතී‍්‍රිපාල සිරිසේනගේ ආරාධනාව පිළිගැනීම සම්බන්ධයෙන් තම කණ්ඩායමේ නායක මහින්ද රාජපක්ෂ පිළිබඳවත් දැඩි විරෝධයක් මේ වෙද්දී ඇතිව තිබෙන බවත් අනිද්දා සමග අදහස් දැක්වූ මන්ත‍්‍රීවරයා කීය.

මේ වනවිට රට තුළ ව්‍යවස්ථා අර්බුදයක් ඇතිව තිබෙන බවත්, මේ තත්වය විසඳාගන්නා ආකාරය පිළිබඳව මහින්ද රාජපක්ෂ හා රනිල් වික‍්‍රමසිංහ යන අගමැතිධුරයට අයිතිවාසිකම් කියන පුද්ගලයන් දෙදෙනාත්, කථානායකවරයා හා ජනාධිපතිවරයාත් එක්ව සාකච්ඡුා කොට තීන්දුවක් ගත යුතු බවත් හිටපු කථානායක චමල් රාජපක්ෂ සහ විපක්ෂ නායක ආර්. සම්බන්ධන් පාර්ලිමේන්තුවේ පක්ෂ නායක රැුස්වීමේදී ප‍්‍රකාශ කර ඇත.

එම අවස්ථාවේදී චමල් රාජපක්ෂ මන්ත‍්‍රීවරයා, රටේ විශාල අර්බුදයක් තිබෙන බව පෙන්වා දී ඇති අතර අගමැතිවරුන් දෙදෙනෙකු සිටින බව පවසා තිබේ.

නොවැම්බර් 15 වැනිදා පාර්ලිමේන්තුවේදී රාජපක්ෂ කණ්ඩායම ගැටුමක් ඇතිකිරීමෙන් පසුව පැවති පක්ෂ නායක රැුස්වීමේදී ඔවුන් ඒ බව ප‍්‍රකාශ කර තිබේ. දෙරණ මාධ්‍ය ජාලය විසින් පාර්ලිමේන්තුව නැවත නොවැම්බර් මස 21 දින දක්වා කල් තබන ලද බවට වාර්තා කළද, පාර්ලිමේන්තුව නොවැම්බර් 16 වැනිදා දහවල් 1.30ට රැුස්වීමට එම පක්ෂ නායක රැ ස්වීමේදී තීරණය කර ඇත.

පාර්ලිමේන්තුව තුළ බහුතර බලයක් නොමැතිවීමේ තත්වය තුළ පාර්ලිමේන්තුව විවෘතව තබාගෙන තවදුරටත් කටයුතු කිරීමේ නොහැකියාව නිසා පාර්ලිමේන්තුව ජනාධිපතිවරයාගේ විධායක බලතල යටතේ නැවත වරක් වාරාවසාන කර පසුව පාර්ලිමේන්තුව විසුරුවාහැරීම සම්බන්ධයෙන් ජනතා කැමැත්ත විමසීමේ ජනමත විචාරණයකට යෑමට ජනාධිපතිවරයා හා නීති විරෝධී අගමැතිවරයා ඇතුළු පාර්ශ්ව තීරණය කර ඇත.

අනිද්දා සමග අදහස් දැක්වූ රාජපක්ෂ කණ්ඩායමේ නීති විරෝධී අමාත්‍යවරයෙකු ප‍්‍රකාශ කළේ මන්ත‍්‍රීවරුන් 113 දෙනෙකුගේ බලයක් තමන්ට නැති වුවද පාර්ලිමේන්තුවේ බලය අත් නොහැර ආණ්ඩුව ඉදිරියට පවත්වාගෙන යෑම සඳහා තීරණය කර ඇති බවත් එම තීරණයේ ප‍්‍රතිඵලයක් වශයෙන් පාර්ලිමේන්තුව වාර අවසාන කිරීම හා ජනමත විචාරණයක් පවත්වන්නට නියමිත බවත්ය.

නොවැම්බර් 15 දින පාර්ලිමේන්තුව රැස්වීමෙන් පසුව නීති විරෝධී අග‍්‍රාමාත්‍ය මහින්ද රාජපක්ෂ විශේෂ ප‍්‍රකාශයක් කිරීමෙන් පසු එම ප‍්‍රකාශය පිළිබඳව ඡන්දයක් විමසිය යුතු බවට සභානායක ලක්ෂ්මන් කිරිඇල්ල සභාවට කළ යෝජනාවත් සමඟ එම ඡන්දයට ඉඩ නොදෙමින් නීති විරෝධී ආණ්ඩු පක්ෂ සාමාජිකයන් විසින් පාර්ලිමේන්තුවේ කටයුතු කඩාකප්පල් කිරීම සිදුකරනු ලැබීය. එදින මන්ත‍්‍රී මහින්ද රාජපක්ෂ විශේෂ ප‍්‍රකාශයක් කරමින් පාර්ලිමේන්තුව
විසුරුවා මහමැතිවරණයකට යෑමට පාර්ලිමේන්තු සාමාජිකයන්ගේ අනුමැතිය ඉල්ලූ අතර එයද අසාර්ථක විය.
වාර අවසාන හැරීමෙන් පසු නොවැම්බර් 14 දින පාර්ලිමේන්තුව යළි රැුස්වූ අවස්ථාවේදී නීති විරෝධී ආණ්ඩු පක්ෂ සාමාජිකයෝ ඔවුන්ට එරෙහිව විශ්වාසභංග යෝජනාවට ඡුන්දය විමසීමට බාධා කළෝය. එහෙත් හඬ අනුව ඡුන්දය විමසීමෙන් එම විශ්වාසභංග යෝජනාව ජයගත් බව කථානායකවරයා විසින් ප‍්‍රකාශ කරනු ලැබීය. පාර්ලිමේන්තුවේ එදින හැන්සාඞ් වාර්තාවටද විශ්වාසභංගය සම්මත වූ බව ඇතුළත් වන බව පාර්ලිමේන්තුවේ ආරංචි මාර්ග ප‍්‍රකාශ කරයි.

වත්මන් පාර්ලිමේන්තුවේ බහුතර සාමාජිකයන්ගේ සහාය නීති විරෝධී අගමැති මහින්ද රාජපක්ෂට නොමැති බවට නොවැම්බර් 14 දින පාර්ලිමේන්තුවේදී තහවුරුවීමෙන් පසු එය ජනාධිපතිවරයා පිළිනොගන්නා බව ප‍්‍රකාශ කර තිබුණි.
ජනමත විචාරණය පිළිබඳව අදහස් දැක්වූ නීති විරෝධී අමාත්‍යවරයා ප‍්‍රකාශ කළේ ජනමත විචාරණයකින් පාර්ලිමේන්තුව විසුරුවා හැරීමට අනුමැතිය ලැබුණහොත් යළි පාර්ලිමේන්තුව කැඳවා එහි තුනෙන් දෙකක අනුමැතියක් ලබා නොගෙන පාර්ලිමේන්තුව ජනාධිපතිවරයා විසින් විසුරුවා හැරීමට කටයුතු කරන බවයි.

කෙසේ වෙතත් පාර්ලිමේන්තු මන්ත‍්‍රී ආචාර්ය ජයම්පති වික‍්‍රමරත්න මෙම තත්වය පිළිබඳව අදහස් දක්වමින් ප‍්‍රකාශ කළේ ව්‍යස්ථාවේ නොමැති ක‍්‍රියාවක් කිරීමට ජනමත විචාරණයකින් අනුමැතිය ලබාගත නොහැකි බවයි.

ඔක්තෝබර් 26 වැනිදා ගත් ක‍්‍රියාමාර්ගය හේතුවෙන් රට දැඩි අස්ථාවර තත්වයකට පත්වී ඇති බවත්, තවත් කල් නොයවා පාර්ලිමේන්තුවේ බහුතර මතයට කන්දී අප දේශය මෙම ව්‍යසනයෙන් මුදවා ගැනීමට වහාම ක‍්‍රියාකරන ලෙසත් සියලූ පුරවැසියන් වෙනුවෙන් හා නූපන් අනාගත පරපුර වෙනුවෙන් ගෞරවයෙන් ආයාචනය කරන බව කථානායක කරු ජයසූරිය ජනාධිපතිවරයාට පිළිතුරක් යවමින් සඳහන් කරයි.

කථානායක කරු ජයසූරිය විසින් නොවැම්බර් 14 දින පාර්ලිමේන්තුවේ තත්වය පිළිබඳව දැනුවත් කරමින් ජනාධිපතිවරයාට යැවූ ලිපිය සඳහා ජනාධිපතිවරයා විසින් යොමුකළ ප‍්‍රතිචාර ලිපියට ප‍්‍රතිචාර වශයෙන් ජයසූරිය මහතා විසින් මෙම ලිපිය නොවැම්බර් 15 වැනිදා යවා තිබේ.

ආර්ථිකය, සහජීවනය, සංචාරකයන්ගේ පැමිණීම හා අන්තර්ජාතිකව ශ‍්‍රී ලංකාව ලබා තිබූ කිර්තිනාමයද දිගු දේශපාලන දිවිය තුළින් ජනාධිපතිවරයා පෞද්ගලිකව උපයාගත් ගෞරවයද අද ශීඝ‍්‍රයෙන් පිරිහෙමින් පවතින බවත් දැනට ව්‍යවස්ථාදායකය හා විධායකය අතර අනවශ්‍ය ගැටුමක් නිර්මාණය වී ඇති බවත් කථානායකවරයා එම ලිපියෙන් අවධාරණය කරයි.

ජනාධිපතිවරයාගේ ආරාධනය පරිදි නොවැම්බර් 15 දින පෙරවරු 8.30ට හමුවීමට නියමිතව තිබුණද ජනාධිපතිවරයා එවා ඇති ලිපියේ සඳහන් ආකල්ප නිරීක්ෂණය කරන විට එවන් හමුවීමක් ඵල රහිත බව පක්ෂ නායකයන්ගේ අදහස බවද කථානායකවරයා එහි සඳහන් කර ඇත.

තවද ජනාධිපතිවරයාගේ ලිපියෙහි සඳහන් ව්‍යවස්ථාමය හා අනෙකුත් කරුණු පැහැදිලි කරමින් නීති විශාරදයන්ගේද උපදෙස් ඇතිව පිළිතුරු එවීමට අපේක්ෂා කරන බවද එහි වැඩිදුරටත් සඳහන්ය.

ඉඳුවර බණ්ඩාර

දෙවන ධුර කාලයක් සඳහා ජනතා කැමැත්ත විමසීමට පළමු ධුරකාලය අවසන්වීමට වසරක කාලයකට පෙර ජනාධිපතිවරයාට ඇති බලතල උපයෝගි කරගනිමින් ඔහුට ඇති ජනතා කැමැත්ත විමසීම සඳහා ජනාධිපතිවරණයක් පවත්වන ලෙස එක්සත් ජාතික පෙරමුණේ නියෝජිතයෝ හා සිවිල් ක‍්‍රියාකාරිකයෝ ජනාධිපති මෛත‍්‍රීපාල සිරිසේනට අභියෝග කර සිටිති.

19 වැනි ව්‍යවස්ථා සංශෝධනය අනුව ජනාධිපතිවරයාගේ ධුරකාලය වසර 5 කට සීමාවන අතර ඒ අනුව 2019 වසරේ ජනවාරි 8 දිනට ඔහුගේ ධුර කාලයේ වසර 4ක් සම්පූර්ණ වේ.

නොවැම්බර් 14 වැනිදා පාර්ලිමේන්තුවේදී මාධ්‍ය සමග අදහස් දක්වමින් අමාත්‍ය චම්පික රණවක ජනාධිපතිවරයාට ජනාධිපතිවරණයක් කැඳවන ලෙස අභියෝග කර තිබුණි. ජනාධිපති මෛත‍්‍රීපාල සිරිසේනට ලැබුණු ජනවරමට අනුව දැන් ඔහු කටයුතු නොකරන බවත්, ඒ අනුව ප‍්‍රථමයෙන් විමසිය යුත්තේ ඔහුට ඇති ජනතා කැමැත්ත පිළිබඳව බවත් අනුන්ගේ ජනවරම විමසන්නට පෙර තමන්ගේ ජනවරම විමසන ලෙසත් චම්පික රණවක ඇමතිවරයා අභියෝග කර තිබුණි.

අනිද්දා සමග අදහස් දක්වමින් පුරවැසි බලය සංවිධානයේ සමකැඳවුම්කරුවෙකු වන ගාමිණී වියන්ගොඩ පෙන්වාදුන්නේ ජනවරමක් ලැබෙන්නේ යම් කාලසීමාවකට බවත්, ඒ කාලසීමාව අවසන් වීමට ප‍්‍රථම ජනවරම පිළිබඳව විමසීමේ වුවමනාවක් ඇතිව තිබෙන්නේ ජනාධිපතිවරයා ඇතුළු පිරිසකට වන නිසා ප‍්‍රථමයෙන් විමසිය යුත්තේ ජනාධිපතිවරයාට ජනවරමක් තිබෙනවාද යන කාරණය පිළිබඳව බවත්ය. ජනාධිපතිවරයා ඇතුළු කණ්ඩායමේ තර්ක අනුව එක්සත් ජාතික පක්ෂයට පසුගිය පළාත් පාලන මැතිවරණයේදී ලැබී ඇත්තේ 33%ක ඡුන්ද ප‍්‍රතිශතයක් නම්, ජනාධිපති මෛත‍්‍රීපාල සිරිසේනට ලැබුණේ 4%ක ඡුන්ද ප‍්‍රතිශතයක් බව වියන්ගොඩ මහතා පෙන්වාදුන්නේය. එය නිර්ණායකයක් කරගන්නේ නම් මුලින්ම ජනාධිපති මෛත‍්‍රීපාල සිරිසේනට ඇති ජනමතය විමසිය යුතු බවද ඔහු කීය.
සාධාරණ සමාජයක් උදෙසා ජාතික සංවිධානයේ කැඳවුම්කරු මහාචාර්ය සරත් විජේසූරිය ප‍්‍

රකාශ කළේ රටේ ඇතිවී තිබෙන තත්වයට වගකිව යුත්තේ ජනාධිපතිවරයා බවත් ඒ නිසා ජනමතය විමසන්නේ නම් මුලින් විමසිය යුත්තේ ඔහුට ජනතාවගේ අනුමැතිය තිබේද යන්න පිළිබඳව බවත්ය. ජනාධිපතිවරයා තමන්ට ඡුන්දය දුන් ලක්ෂ 62ක ජනතාවගේ අපේක්ෂාවන් වන පාර්ලිමේන්තුව ශක්තිමත් කිරීම, විධායක ජනාධිපති ක‍්‍රමයේ බලතල ඉවත් කිරීම ඇතුළු අපේක්ෂාවන්ට පිටින් කටයුතු කරන නිසා, ඒ ක‍්‍රියාකාරීත්වයට ජනතා අනුමැතියක් තිබේදැයි විමසා බැලිය යුතු බව ඔහු ප‍්‍රකාශ කළේය.

මීට පෙර ජනාධිපතිවරයා ඔහුගේ ධුර කාලය වසර 5ක්ද නැතහොත් 6ක්ද යන්න පිළිබඳව ශ්‍රේෂ්ඨාධිකරණයෙන් මතය විමසූ අතර ශේෂ්ඨාධිකරණයේ මතය වූයේ ඔහුගේ ධුර කාලය වසර 5ක් පමණක් බවය.

රටේ මුදල් සම්බන්ධයෙන් තීරණ ගතයුතු ආයතනය වන්නේ පාර්ලිමේන්තුව බවත් පාර්ලිමේන්තුව විසින් අයවැය පිළිබඳ විවාදය පැවැත්විය යුතුව තිබියදී පාර්ලිමේන්තුව වාර අවසාන කිරීමට ජනාධිපතිවරයාට බලයක් නොමැති බවත් ලොව වෙනත් රටවල එවැනි අවස්ථාවලදී පාර්ලිමේන්තුව රැස්වී ඇති බවත් හිටපු කථානායක ජෝසෆ් මයිකල් පෙරේරා පවසයි.

පාර්ලිමේන්තුව යනු මහජනතාවගේ අයිතිය නියෝජනය වන ආයතනයක් බවත් ජනාධිපතිවරයාට ව්‍යවස්ථාව යටතේ පාර්ලිමේන්තුව වාර අවසාන කිරීම සඳහා බලතල හිමිව තිබුණත් එම බලතල අත්තනෝමතික ලෙස පාවිච්චි කිරීමේ හැකියාවක් ජනාධිපතිවරයාට නොමැති බව ඔහු පෙන්වාදෙයි. යම්කිසි බලයක් යම් තනතුරකට ලබාදෙන්නේ එම බලය තමන්ගේ පෞද්ගලික අරමුණු වෙනුවෙන් පාවිච්චි නොකරනු ඇතැයි මූලික විශ්වාසය මත බව ඔහු පෙන්වාදුන්නේය. ජනාධිපතිවරයාට පාර්ලිමේන්තුව වාර අවසාන කිරීම සඳහා ව්‍යවස්ථාවෙහි වගන්ති අනුව හැකියාව තිබුණද එය සිදුකළ යුත්තේ අවශ්‍ය අවස්ථාවකදී පමණක් වන බව ඔහු පවසයි.