එක්සත් ජාතික
පෙරමුණ පාර්ශවයේ අපේක්ෂකයා කවුරුන්දැයි ප‍්‍රකාශ කිරීම එක්සත් ජාතික පක්ෂයේ නායක
රනිල් වික‍්‍රමසිංහ තවදුරටත් ප‍්‍රමාද කරන්නේ නම් ඔහු අතහැර සජිත් පේ‍්‍රමදාස මහතා
ප‍්‍රමුඛ පාර්ශවය සමග එකතුවී ජනාධිපතිවරණ අපේක්ෂකයා ලෙස සජිත් පේ‍්‍රමදාස මහතා
පත්කරගැනීමට එක්සත් ජාතික පෙරමුණේ පක්ෂ නායකයින් අතර සාකච්ඡුාවක් ගොඩනැගෙමින්
ඇතිබව වාර්තා වේ.
මේ පිළිබඳව
එක්සත් ජාතික පෙරමුණේ මන්ත‍්‍රීවරුන් නොනිල සාකච්ඡුාවක් පසුගිය 19වැනි දා 12.30ට පාර්ලිමේන්තුවේදී පවත්වා තිබේ. එක්සත් ජාතික පෙරමුණේ නායකත්වය දරණ
රනිල් වික‍්‍රමසිංහ අගමැතිවරයාගේ අනුදැනුමකින් තොරව සජිත් පේ‍්‍රමදාස මහතාගේ
කැඳවීම මත එම සාකච්ඡුාව පවත්වා ඇත.
එම රැුස්වීමට
සජිත් පේ‍්‍රමදාස, කබීර් හෂීම්, රංජිත්
මද්දුමබණ්ඩාර ඇතුළු එක්සත් ජාතික පක්ෂයේ නායකයන් විශාල පිරිසක් සහභාගී වී තිබේ.
එක්සත් ජාතික පෙරමුණේ පක්ෂ නායකයන් වන පාඨලී චම්පික රණවක, රවුෆ් හකීම්, පී. දිගම්බරම් ඇතුළු පිරිසක් සහභාගී වී තිබේ.
එම නායකයන් සජිත්
පේ‍්‍රමදාසට සහාය ලබාදීමට කැමැත්ත ප‍්‍රකාශ කර ඇත. මනෝ ගනේෂන් හා රිෂාද් බදියුදීන්
යන පක්ෂ නායකයන් එම රැුස්වීමට සහභාගී වී නැතත් ඒ දෙදෙනාද සජිත් පේ‍්‍රමදාස මහතාට
දැනටමත් කැමැත්ත පළ කර ඇතැයි එහිදී සාකච්ඡුා වී තිබේ.
එම සාකච්ඡුාවට
මන්ත‍්‍රීවරුන් 50ක පමණ පිරිසක් සහභාගී වී ඇත. කෙසේ වෙතත්
එය එක්සත් ජාතික පෙරමුණු පාර්ලිමේන්තු මන්ත‍්‍රී කණ්ඩායමේ නිල සාකච්ඡුාවක් යැයි
සිතා එම සාකච්ඡුාවට සජිත් පේ‍්‍රමදාස මහතාට සහාය පළ නොකරන මන්ත‍්‍රීවරුන්
කිහිපදෙනෙක්ද සහභාගී වී තිබේ.
සැප්තැම්බර් 19 වැනිදා සවස පැවැත්වෙන (පුවත්පත් මුද්‍රණයට
පෙර* එක්සත් ජාතික පෙරමුණේ නායකයින් අතර
හමුවකදී එජාප නායක රනිල් වික‍්‍රමසිංහගෙන් සජිත් පේ‍්‍රමදාස මහතාට අපේක්ෂකත්වය
ලබාදීම පිළිබඳව ඍජුව විමසීමට එම පෙරමුණේ නායකයින් සූදානමින් සිටින බව වාර්තාවේ.
එයට ලැබෙන පිළිතුර මත එජාපෙ පෙරමුණේ නායක රනිල් වික‍්‍රමසිංහ මහතා අතහැර සජිත් පේ‍්‍රමදාස
මහතාගේ පාර්ශවය සමග ගනුදෙනු කරනවාද යන්න තීරණය කරන බවද දැනගන්නට ලැබේ.
එජාපයෙන් කැඞීගිය කණ්ඩායමක් ලෙස සජිත් පේ‍්‍රමදාස මහතාගේ පාර්ශවය සමග එක්සත් ජාතික පෙරමුණේ අනෙකුත් පක්ෂ කටයුතු කරන්නට තීරණය කළහොත් ශ‍්‍රී ලංකා නිදහස් පක්ෂය, හිටපු ජනාධිපතිනි චන්ද්‍රිකා කුමාරතුංග ආදී බලවේග සමග එකතුවී පුලූල් සන්ධානයක් ගොඩනැගීම පිළිබඳවද මේ වනවිට සාකච්ඡුා ආරම්භවී ඇති බව දැනගන්නට ලැබේ.
මංජු කස්තුරිආරච්චි
