ත්‍රිකුණාමලය මහේස්ත්‍රාත් අධිකරණය හමුවේ අද (11) පෙනී නොසිටීම හේතුවෙන් බලංගොඩ කස්සප හිමියන් අත්අඩංගුවට ගැනීම සඳහා වරෙන්තුවක් නිකුත් කර තිබේ.
ත්‍රිකුණාමලය වෙරළ තීරයේ සිදුකර ඇතැයි කියන අනවසර ඉදිකිරීම් සහ ආන්දෝලනයට තුඩු දී ඇති බුදු පිළිමයක් සම්බන්ධයෙන් වන නඩුව අද කැඳවූ අවස්ථාවේදී කස්සප හිමියන් ඇතුළු එම නඩුවේ නම් සඳහන් තවත් කිහිපදෙනෙකු අධිකරණය හමුවේ පෙනී සිටියේ නැත. ඒ අනුව පූජ්‍ය බලංගොඩ කස්සප හිමියන් අත්අඩංගුවට ගැනීම සඳහා වරෙන්තුවක් නිකුත් කළ මහේස්ත්‍රාත් අධිකරණය නඩුව වැඩිදුර විභාගය සඳහා 2027 ජනවාරි 6 වැනිදාට කල් තැබීය.
