මත්ද්‍රව්‍ය චෝදනාවක් මත අත්අඩංගුවට ගෙන සිටියදී හෝමාගම පොලිසිය තුළදී හදිසි මරණයට පත්වූ කිරිවත්තුඩුව ප්‍රදේශයේ පදිංචි 29 හැවිරිදි දෙදරු පියෙකු වන ඉෂාර හර්ෂ කුමාරගේ මරණය සම්බන්ධයෙන් හෝමාගම පොලිසියේ නිලධාරීන් තිදෙනෙකුගේ වැඩ තහනම් කර තිබේ.
වැඩ තහනමට ලක්වූ නිලධාරීන් අතර හෝමාගම පොලිසියේ අපරාධ අංශයේ ස්ථානාධිපතිවරයා ද සිටින බව වාර්තා වේ.
ඉෂාර හර්ෂ කුමාර අත්අඩංගුවට පත්වීමෙන් පසු මරණයට පත්වීම සම්බන්ධයෙන් මේ වනවිට අවධානය යොමුව ඇති අතර, සිද්ධියට අදාළව පොලිස් නිලධාරීන්ට එරෙහිව මෙම පියවර ගෙන තිබේ.
