හිටපු රාජ්‍ය බුද්ධි සේවා අධ්‍යක්ෂ, විශ්‍රාමික මේජර් ජෙනරාල් සුරේෂ් සලේ මහතාගේ අත්අඩංගුවට ගැනීම සහ රඳවා තබාගැනීම අභියෝගයට ලක් කරමින් ගොනු කර ඇති රිට් පෙත්සමට මැදිහත්වීමට අවසර ඉල්ලා හිමිවරු පිරිසක් ඉදිරිපත් කළ පෙත්සම් කිහිපයක් අභියාචනාධිකරණය අද (22) ප්‍රතික්ෂේප කර තිබේ.
ත්‍රස්තවාදය වැළැක්වීමේ පනත යටතේ තමන් අත්අඩංගුවට ගැනීම සහ රඳවා තබාගැනීම අභියෝගයට ලක් කරමින් සුරේෂ් සලේ මහතා මෙම රිට් පෙත්සම ගොනු කර තිබුණු අතර බෙංගමුවේ නාලක හිමියන් ඇතුළු හිමිවරු පිරිසක් අදාළ නඩු කටයුත්තට මැදිහත්වී අධිකරණය හමුවේ කරුණු ඉදිරිපත් කිරීමට අවසර ඉල්ලා මෙම පෙත්සම් ඉදිරිපත් කර තිබිණි. එම පෙත්සම් සලකා බැලූ අභියාචනාධිකරණය ඒවා ප්‍රතික්ෂේප කිරීමට නියෝග කර තිබේ.
