පාර්ලිමේන්තු කථානායක ආචාර්ය ජගත් වික්‍රමරත්න මහතාට එරෙහිව විපක්ෂ මන්ත්‍රීවරුන් 44 දෙනකු අත්සන් කළ විශ්වාසභංග යෝජනාව පාර්ලිමේන්තුවේ මහලේකම්වරයා වෙත නිල වශයෙන් භාරදී තිබේ.
කථානායකවරයාට එරෙහි චෝදනා 50කට ආසන්න සංඛ්‍යාවක් පදනම් කරගෙන මෙම යෝජනාව සකස් කර ඇති බව වාර්තා වේ.
පාර්ලිමේන්තු කටයුතු මෙහෙයවීමේදී කථානායකවරයා පක්ෂග්‍රාහී සහ ප්‍රජාතන්ත්‍රවාදී නොවන ආකාරයෙන් කටයුතු කර ඇති බවට විපක්ෂය චෝදනා කරයි.
එම හැසිරීම හේතුවෙන් කථානායකවරයා එම තනතුර දැරීමට සුදුසු නොවන බව විපක්ෂයේ ස්ථාවරය වී තිබේ.
