ආණ්ඩුක්රම ව්යවස්ථාවේ 121(1) වගන්තිය යටතේ ශ්රේෂ්ඨාධිකරණය හමුවේ අභියෝගයට ලක්කර තිබූ අදාළ පනත් කෙටුම්පත සම්බන්ධයෙන් ශ්රේෂ්ඨාධිකරණයේ තීරණය තමන් වෙත ලැබී ඇති බව කථානායකවරයා සඳහන් කළේය.
ඒ අනුව, පනත් කෙටුම්පතේ 3.1 වගන්තිය අපැහැදිලි වන අතර එය ආණ්ඩුක්රම ව්යවස්ථාවේ 12(1) සහ 14(1)(g) වගන්ති සමඟ අනනුකූල බව ශ්රේෂ්ඨාධිකරණය තීරණය කර තිබේ.
එම අනනුකූලතාව හේතුවෙන් 3.1 වගන්තිය ඉවත් නොකරන්නේ නම් එය ආණ්ඩුක්රම ව්යවස්ථාවේ 84(2) වගන්තිය යටතේ අවශ්ය විශේෂ බහුතරයෙන් පමණක් සම්මත කළ හැකි බවද ශ්රේෂ්ඨාධිකරණය දැනුම් දී තිබේ.
එමෙන්ම පනත් කෙටුම්පතේ 4.0 වගන්තියද ආණ්ඩුක්රම ව්යවස්ථාවේ 12(1) සහ 14(1)(g) වගන්ති සමඟ අනනුකූල බව ශ්රේෂ්ඨාධිකරණය තීරණය කර ඇත.
එම වගන්තිය ශ්රේෂ්ඨාධිකරණය යෝජනා කර ඇති ආකාරයට සංශෝධනය කළහොත් එහි පවතින අනනුකූලතාව ඉවත් වන බවද තීරණයේ සඳහන් වේ. එසේ නොකරන්නේ නම් එයද විශේෂ බහුතරයකින් සම්මත කළ යුතු බව ශ්රේෂ්ඨාධිකරණය දැනුම් දී තිබේ.
තවද, පනත් කෙටුම්පතේ 5.4(b) වගන්තිය ආණ්ඩුක්රම ව්යවස්ථාවේ 12(1) වගන්තිය සමඟ අනනුකූල බව ශ්රේෂ්ඨාධිකරණය තීරණය කර තිබේ.
එම වගන්තියද ආණ්ඩුක්රම ව්යවස්ථාවේ 84(2) වගන්තිය යටතේ අවශ්ය විශේෂ බහුතරයෙන් පමණක් සම්මත කළ හැකි බවත්, ශ්රේෂ්ඨාධිකරණය යෝජනා කර ඇති පරිදි 5.0 වගන්තිය සංශෝධනය කළහොත් එම අනනුකූලතාව ඉවත් වන බවත් තීරණයේ සඳහන් වේ.
කෙසේ වෙතත්, පනත් කෙටුම්පතේ ඉතිරි වගන්ති ආණ්ඩුක්රම ව්යවස්ථාවට අනනුකූල නොවන බව ශ්රේෂ්ඨාධිකරණය තීරණය කර තිබේ.
මේ අතර, ශ්රේෂ්ඨාධිකරණයේ සම්පූර්ණ තීරණය අද දින පාර්ලිමේන්තු කටයුතු පිළිබඳ නිල වාර්තාවේ මුද්රණය කරන ලෙස කථානායක ආචාර්ය ජගත් වික්රමරත්න මහතා නියෝග කළේය.
