ගල් අඟුරු කොමිසමට පත්කළ ජ්යෙෂ්ඨ නිලධාරීන් දෙදෙනකු ජනාධිපති කාර්යාලයට අනුයුක්ත කරගනියි
ගල් අඟුරු වංචාව පිළිබඳ සොයාබැලීමට පත්කළ ජනාධිපති කොමිෂන් සභාවට සහාය වීම සඳහා නීතිපති දෙපාර්තමේන්තුවෙන් පත්කළ ජේ්යෂ්ඨ නිලධාරීන් දෙදෙනකු ජනාධිපති ලේකම් කාර්යාලයේ සේවය සඳහා අනුයුක්ත කරගැනීමෙන් නීතිපති දෙපාර්තමේන්තුවේ ස්වාධීනතාවට ජනාධිපති කාර්යාලයේ අත පෙවීමක් ගැන අනිද්දා වෙත වාර්තා වෙයි.
ජනාධිපති කොමිෂන් සභාවලට සහාය වීම සඳහා නීතිපති දෙපාර්තමේන්තුවෙන් නිලධාරීන් පත්කිරීම සාමාන්යයෙන් සිදුවන්නකි. ඒ අනුව, ගල් අඟුරු වංචාව පිළිබඳව සොයාබැලීම සඳහා පත්කළ ජනාධිපති කොමිෂන් සභාවට සහාය වීමටද, නීතිපති දෙපාර්තමේන්තුවෙන් නියෝජ්ය සොලිසිටර් ජෙනරාල්වරුන් දෙදෙනකු නම් කර තිබේ. ඒ, ගංගා වාකිෂ්ටආරච්චි හා ඇන්ජලෝ වැන්හොක් යන දෙදෙනාය.
එසේ තිබියදී මේ දෙදෙනාම ජනාධිපති කාර්යාලයේ අතිරේක ලේකම්වරුන් දෙදෙනකු වශයෙන් පූර්ණකාලීනව පත්කරගන්නා බව ජනාධිපති කාර්යාලය නීතිපති දෙපාර්තමේන්තුවට දන්වා තිබේ. එනිසා නීතිපති දෙපාර්තමේන්තුවෙන් ඔවුන් නිදහස් කිරීමේ අරමුණ ඉටු නොවනවා පමණක් නොව, ඔවුන් දෙදෙනාම ජනාධිපති කාර්යාලයේ නිලධාරීන් දෙදෙනකු බවටද පත්කරගෙන තිබේ.
මෙහි තවත් විශේෂත්වයක් වන්නේ නියෝජ්ය සොලිසිටර් ජෙනරාල් ගංගා වාකිෂ්ටආරච්චි, නීතිපති දෙපාර්තමේන්තුවේ මූලික අයිතිවාසිකම් සම්බන්ධයෙන් ශ්රේෂ්ඨාධිකරණයේ කටයුතු කරන විශේෂ අංශයේ අධීක්ෂණ ඡඍෑීෂෘෑභඔ.ීනිලධාරිනියක වීමයි. ඇය ජනාධිපති ලේකම් කාර්යාලයට අනුයුක්ත කරගැනීමෙන්, ළබැඳියාවන් සම්බන්ධ ගැටුමක් නිර්මාණය වන බවද නීතිපති දෙපාර්තමේන්තුවේ අපේ ආරංචි මාර්ග කියයි.
