මෙරට වෙළඳපොළේ පවතින සම්බා සහ කීරි සම්බා හිඟය මඟහැරවා ගැනීමට පියවරක් ලෙස ඊට සමාන සහල් වර්ග ආනයනය කිරීමට කැබිනට් අනුමැතිය ලබා දී තිබුණද පවතින යුධ තත්වය නිසා සහල් ආනයනය කළ හැක්කේ සිංහල අලුත් අවුරුද්දෙන් පසුව බවත් අත්යවශ්ය ආහාර ද්රව්ය ආනයනකරුවන්ගේ සහ වෙළෙඳුන්ගේ සංගමයේ සභාපති නිහාල් සෙනවිරත්න මහතා පැවසීය.
තවද ඒ මහතා පවසා සිටියේ සහල් ආනයනය කිරීම සඳහා වන ගැසට් පත්රයක් තවමත් රජය මඟින් නිකුත් කර නොමැති බවය. මාර්තු 31 වන දින පැවැති කැබිනට් තීරණ දැනුම් දීමේ මාධ්ය හමුවේදී කැබිනට් ප්රකාශක අමාත්ය වෛද්ය නලින්ද ජයතිස්ස මහතා සඳහන් කළේ පොන්නි සම්බා ඇතුළු ඒ හා සමාන සහල් වර්ග මෙරටට ගෙන්වීම සඳහා ආනයනකරුවන්ට අවසර පත්ර නිකුත් කිරීමට කැබිනට් මණ්ඩලය තීරණය කළ බවය. එක් ආනයනකරුවෙකුට සහල් මෙට්රික් ටොන් 1,040ක් දක්වා සහල් ප්රමාණයක් ආනයනය කිරීමට අවසර ලබා දී ඇති බවත් ඒ මහතා පැවසීය.
