හය වන ශ්රේණියේ ඉංශ්රිසි මොඩියුලයට වැඩිහිටි වෙබ් අඩවියක ලින්කුවක් ඇතුළත් කර මුද්රණය කිරීම සම්බන්ධයෙන් අධ්යාපන අමාත්යංශයෙන් පත් කළ කමිටුවේ ප්රධානියා වන හිටපු අමාත්යාංශ ලේකම් රංජිත් ආරියරත්න මහතාව ව්යවස්ථාදායක සභාවට පත් කිරීමෙන් අනතුරුව ප්රශ්න ගත වූ මොඩියුලය සම්බන්ධයෙන් සිදු කරමින් පැවැති විමර්ශන ඇණහිට ඇති බව ලංකා ගුරු සංගමයේ ලේකම් ජෝසප් ස්ටාලීන් මහතා පැවසීය.
ජාතික අධ්යාපන ආයතනයේ ඉංග්රීසි දෙපාර්තමේන්තුවේ නියෝජ්ය අධ්යක්ෂ ජනරාල් ලෙස කටයුතු කළ ආචාර්ය දර්ශන සමරවීර, ඉංග්රීසි දෙපාර්තමේන්තුවේ කථිකාචාර්ය කලනි වෙලෝසා සහ සහකාර කථිකාචාර්ය නිපුනි සමරසිංහ යන අයගේ වැඩ තහනම් කළේ රංජිත් ආරියරත්න මහතා අධ්යාපන අමාත්යවරියට ලබා දී තිබුණු මූලික කමිටු වාර්තාවක් අනුව බවත් ස්ටාලින් මහතා පැවසිය.
අදාල ප්රශ්න ගත මොඩියුලය සම්බන්ධයෙන් පත් කළ විමර්ශන කමිටුවට රංජිත් ආරියරත්න මහතා වෙනුවට වෙනත් නිලධාරියෙකු පත් කර ඇති දැයි විමසීමට අප අධ්යාපන ලේකම් නාලක කළුවැව මහතාට දූරකථන ඇමතුම් ගත් නමුත් එම උත්සහය ව්යර්ථ විය.
