ගම්පහ ඉඳිගොල්ල විජිත ප්‍රාථමික විද්‍යාලය වසා දමා එම පාසල ගම්පහ වික්‍රමාරච්චි දේශීය වෛද්‍ය විද්‍යාලයට ලබා දීමට අධ්‍යාපන අමාත්‍යංශය කටයුතු කර ඇත.
එම පාසලේ ඉගෙනුම ලබන සිසුන්ව වෙනත් පාසලකට ඇතුළත් කර එම පාසැල වික්‍රමාරච්චි දේශීය වෛද්‍ය විද්‍යාලයට ලබා දෙන ලෙස 2025 සැප්තැම්බර් 22 වන දින බස්නාහිර පළාත් අධ්‍යාපන ලේකම් ජිඑල් වර්ණන් මහතාගේ අත්සනින් යුතුව ගම්පහ අධ්‍යාපන අධ්‍යක්ෂ වෙත ලිපියක් යොමු කර ඇත.
ඉඳිගොල්ල විජිත ප්‍රාථමික විද්‍යාලය වසා දැමීමට කටයුතු කර ඇත්තේ ඇයි දැයි බස්නාහිර පළාත් අධ්‍යාපන ලේකම් ජිඑල් වර්ණන්ගෙන් අනිද්දා කළ විමසීමකදී ඔහු මුලින් පැවසූවේ එවැනි කිසිඳු තීන්දුවක් ගෙන නොමැති බවයි. එහෙත් ඔහු ගම්පහ කලාප කාර්යාලයට යැවූ ලිපියේ කරුණු ගැන කළ විමසීමේදී ඔහු පැවසූවේ අදාළ පාසල වික්‍රමාරච්චි දේශීය වෛද්‍ය විද්‍යාලයට ලබා දුන්නේ භුක්තිය සදහා පමණක් බවයි.
කෙසේ වෙතත් ඔක්තෝබර් 01 වැනි දින ඉඳිගොල්ල විජිත ප්‍රාථමික විද්‍යාලයේ තිබුණු බඩු බාහිරාදිය වෙනත් ස්ථානයකට යවා ඇත.
