විදුලිබල සංශෝධන පනත යටතේ ලංකා විදුලි බල මණ්ඩලය ප්‍රතිව්‍යුහගතකරණය කිරීම සඳහා පිහිටුවන සමාගම් හතරක් සඳහා පත්කරන අධ්‍යක්ෂ මණ්ඩල සාමාජිකයන් කවුරුන්ද යන්න ප්‍රකාශයට පත්කර තිබේ.
බලශක්ති ඇමති කුමාර ජයකොඩි විසින් බලශක්ති අමාත්‍යාංශයේ ලේකම්වරයාට සැප්තැම්බර් 09 දින සහිතව යවන ලිපියක ඒ බව සඳහන් කර තිබේ.
ඒ අනුව ජාතික පද්ධති ක්‍රියාකරු සමාගමේ අධ්‍යක්ෂ මණ්ඩලය ආචාර්ය බෙන්තර ලියනගේ ප්‍රදීප් ප්‍රියදර්ශ පෙරේරා, ජනක අලුත්ගේ, බලශක්ති අමාාත්‍යාංශයේ අතිරේක ලේකම් තර්ෂිණි ප්‍රසාන්ත් මහත්මිය, නෙරංජිත් ගමගේ හා මුදල් අමාත්‍යාංශයෙන් පත්කරනු ලබන සාමාජිකයකුගෙන් සමන්විත වේ.
ජාතික සම්ප්‍රේෂණ ජාල සැපයුම් සමාගමේ අධ්‍යක්ෂ මණ්ඩලය කිත්සිරි මහින්දසිංහ, පැලවත්තගේ නුසිත් සමරසි කුමාරතුංග, බලශක්ති අමාත්‍යාංශයේ අතිරේක ලේකම් තර්ෂිණි ප්‍රසාන්ත් මහත්මිය, නන්දන සුරේෂ් වෙත්තසිංහ හා මුදල් අමාත්‍යාංශය විසින් නම්කරන සමාජිකයෙකුගෙන් සමන්විත වේ.
විදුලි උත්පාදන ලංකා පුද්ගලික සමාගමේ අධ්‍යක්ෂ මණ්ඩලය සාලිය පණ්ඩිතරතන, ඉංජිනේරු අතුල වන්නිආරච්චි, ආචාර්යය ජයසේකර ගනේගොඩ ආරච්චිගේ සාලිය ජයසේකර, බලශක්ති අමාත්‍යාංශයේ අතිරේක ලේකම් කන්නන්ගර ලියනගේ නිශාන්ත චන්දන විජයසිංහ හා මුදල් අමාත්‍යාංශය විසින් නම්කරන සාමාජිකයෙකුගෙන් සමන්විත වේ.
විදුලිය බෙදා හැරීමේ ලංකා පුද්ගලික සමාගමේ අධ්‍යක්ෂ මණ්ඩලය රණේපුරගේ රෝහිත ජයරත්න, ආචාර්ය ජානක බණ්ඩාර ඒකනායයක, බලශක්ති අමාත්‍යාංශයේ අතිරේක ලේකම් ශ්‍රී රංග බ්‍රමාන රාලලාගේ ගෝතමා චාරිනි ගන්නෝරුව මහත්මිය, චන්දන රත්නායක හා මුදල් අමාත්‍යාංශය විසින් පත්කරනු ලබන සාමාජිකයකුගෙන් සමන්විත වේ.
