කිරිබත්ගොඩ ප්‍රදේශයේ රජයට අයත් ඉඩමක් ව්‍යාජ ඔප්පු සකස් කර විකිණීමේ චෝදනාවට අදාළව හිටපු රාජ්‍ය අමාත්‍ය ප්‍රසන්න රණවීර මහර මහේස්ත්‍රාත් අධිකරණයට භාර වී ඇති බව වාර්තා වේ.
ඒ මහතා මෙසේ මහර අධිකරණය වෙත භාර වී ඇත්තේ අධිකරණය මඟ හරිමින් දින 61ක් සැඟව සිටීමෙන් අනතුරුවය.
අදාල සිද්ධියට සම්බන්ධ විමර්ශනවලදී රණවීර මහතාව අත්අඩංගුවට ගැනීමට අධිකරණය විවෘත වරෙන්තුක් නිකුත් කර තිබිණි.
මැයි 05 වන දින අදාල විමරශණය සම්බන්ධයෙන් පැවැති නඩු විභාගයේදී ප්‍රසන්න රණවීර මහතා මාස 3කට අධික කාලයක් සැඟව සිටින බැවින් ඔහුගේ බැංකු ගිනුම් , ඉඩම් වාහන ඇතුළු දේපළ ගැන විමර්ශණයක් සිදු කර, ඒවා තහනම් කරන්නට උපදෙස් අධිකරණය නිකුත් කර තිබුණි.
ඒ නියෝගයෙන් දින දෙකකට පසු මෙස් ප්‍රසන්න රණවීර මහතා අධිකරණයට භාර වී ඇත.
මෙම ව්‍යාජ ඉඩම් ගනුදෙනුවට අදාළව හිටපු අමාත්‍ය මර්වින් සිල්වා මහතා ඇතුළු අනෙක් සැකකරුවන් හතර දෙනෙකු තවදුරටත් රිමාන්ඩ් භාරයේ තබා ගැනීමට අධිකරණය නියෝග කර තිබිණි.
