No menu items!
22.6 C
Sri Lanka
19 May,2024

පිල්ලෙයාන්ගේ ආයුධ හොයන්න අමාත්‍යංශය එක්ක සාකච්ඡා කරන්න ඕනෑ – පොලිස් මාධ්‍ය ප්‍රකාශක

Must read

ග්‍රාමීය මාර්ග සංවර්ධන රාජ්‍ය අමාත්‍ය සිවනේසතුරෙයි චන්ද්‍රකාන්ත් හෙවත් පිල්ලෙයාන් සහ ඔහුගේ කණ්ඩායම් සතුව නීති විරෝධී අවි ආයුධ තොග පවතින බව පවසමින් ඊළාම් විප්ලවීය ශිෂ්‍ය සංගමයේ (ඊරෝස්) නායක ආර් ප්‍රභා කළ ප්‍රකාශය සම්බන්ධයෙන් මහජන ආරක්ෂක අමාත්‍යාංශය සමග ද සාකච්ඡා කොට ඊට ගත හැකි පියවරයන් ගන්නා බව පොලිස් මාධ්‍ය ප්‍රකාශක නියෝජ්‍ය පොලිස්පති නිහාල් තල්දූව පවසයි. ඔහු මේ බව පැවසුවේ ඊරෝස් සංවිධානයේ නායක ආර් ප්‍රභා විසින් කළ ප්‍රකාශය පිළිබඳව අප විසින් කළ විමසීමකදීය.

අවි ආයුධ තිබෙනවා බවට කී ප්‍රකාශය ජාතික ආරක්ෂාව සම්බන්ධ කාරණාවක් බැවින් එය ආරක්ෂක අමාත්‍යාංශයටත් සෘජුවම සම්බන්ධවන කාරණයක් නිසා ශ්‍රී ලංකා පොලීසිය තනිවම සම්බන්ධ වනවාට වඩා සියලුම පාර්ශව සමග සාකච්ඡා කොට තීරණයක් ගතයුතු බව ඔහු පැවසුවේය. එම නිසා එවැනි ප්‍රකාශ සම්බන්ධව ශ්‍රී ලංකා පොලීසිය තනිවම ක්‍රියාත්මක නොවන බවත් මේ වන තෙක් එම ප්‍රකාශය සම්බන්ධව තීරණයක් ගෙන කටයුතු කළ බවට තමාට තොරතුරු වාර්තා වී නොමැතිබව පොලිස් මාධ්‍ය ප්‍රකාශකවරයා වැඩිදුරටත් පැවසීය.

නැගෙනහිර පළාතේ ක්‍රියාත්මක බව කියන අල්පතා, අරියාද්, සහ ජියාද් යන කණ්ඩායම් සතුවද ආයුධ තොග තිබෙන බවත් රජයෙන් තම කණ්ඩායමට පිස්තෝල 10ක් සපයන්නේ නම් එම ආයුධ සොයා දිය හැකි බවත් ඊරෝස් නායක ආර් ප්‍රභා පැවසුවේය. ඔහු ඒ බව පැවසුවේ මාර්තු 31 වන දින මඩකලපුවේදී පැවති මාධ්‍ය හමුවකදීය.

ඇන්තනී වෙරංග පුෂ්පික

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි