ශ‍්‍රී ලංකා කාන්තා ක‍්‍රිකට් ක‍්‍රීඩාවෙන් බිහිවූ විශිෂ්ටතම තුන් ඉරියව් ක්රීඩිකාව වන සශිකලා දේදුනු සිරිවර්ධන ක‍්‍රීඩා දිවියෙන් සමුගත්තා. ඒ ඕස්ටේ‍්‍රලියාවේදී. අවුරුදු 17ක් තිස්සේ ශ‍්‍රී ලංකාව නියෝජනය කිරීමෙන් පසුව ඇය වයස අවුරුදු 35 දී ක‍්‍රීඩාවෙන් සමුගත්තේ තමන්ට තවමත් ක‍්‍රීඩා කිරීමේ හැකියාව තිබෙන බව තහවුරු කරමින්.
කාන්තා ක‍්‍රිකට් ලෝක කුසලානයේ අවසන් පූර්ව තරග පුවත්පත පිටවන මොහොත වන විට අවසානයි. මාර්තු 08 වැනි ඉරිදා ලෝක කුසලාන අවසන් මහා තරගය පැවැත්වීමට නියමිතයි. අප සටහන ලියන මොහොත වන විට පළමු වටයේ එක් තරගයක් පමණක් පැවැත්වීමට නියමිතව තිබුණා. පැවති තත්වය අනුව අපට කිව හැක්කේ ඉන්දියාව, ඕස්ටේ‍්‍රලියාව, එංගලන්තය, දකුණු අප‍්‍රිකාව හා බටහිර ඉන්දීය කොදෙව් යන කණ්ඩායම් පහ අතරින් එක් කණ්ඩායමක් ලෝක ශූරියන් වනු ඇති බව පමණයි.
කෙසේ වෙතත් අප කතාකරන මොහොත වන විට ශ‍්‍රී ලංකා ක‍්‍රීඩිකාවන් ලෝක කුසලානයෙන් සමු අරන් හමාරයි. ඉන්දියාව, ඕස්ටේ‍්‍රලියාව, නවසීලන්තය යන කණ්ඩායම් ඉදිරියේ ශ‍්‍රී ලාංකික ක‍්‍රීඩිකාවන් පරාජය වුණා. බංග්ලාදේශය හමුවේ ජයගත්තා. බංග්ලාදේශය ලකුණු 91 කට සීමා කරගන්නටත්, කඩුලූ 9ක් අතැතිව ඒ ලකුණු ප‍්‍රමාණය හඹා යන්නටත් සමත් වූ නිසා ශ‍්‍රී ලාංකික ක‍්‍රීඩිකාවන් ජයග‍්‍රාහී ස්වරයක් ඇතිව පරාජිත තරගාවලියක් අවසන් කළ බව කිව හැකියි.
ශ‍්‍රී ලාංකික ක‍්‍රීඩිකාවන්ට ඉන්දියාව, ඕස්ටේ‍්‍රලියාව, නවසීලන්තය යන කණ්ඩායම් තුනෙන් එකක් හෝ පරාජය කිරීම පහසු කටයුත්තක් නොවෙයි. ශ‍්‍රී ලංකාවේ ක‍්‍රීඩිකාවන්ට හිමිව ඇති පහසුකම්, කාන්තා ක‍්‍රීඩාවට ඇති පිළි ගැනීම ආදි සාධක සලකන විට ශ‍්‍රී ලංකාවෙන් එවැන්නක් බලාපොරොත්තු විය නොහැකියි. එහෙත් තමන්ට හිමි පහසුකම් සමග ජාත්‍යන්තර මට්ටමේදී හැකි උපරිම දස්කම් දැක්වීමට අපේ ක‍්‍රීඩිකාවන් සමත් වූ බව ඔවුන්ට ගෞරවයක් ලෙස කිව යුතුයි.
ශ‍්‍රී ලංකාවේ ක‍්‍රීඩිකාවන් අතර ඇති ධෛර්යසම්පන්න බව, කණ්ඩායම් හැඟීම ඉහළින්ම අගය කළ යුතුයි. තමන්ට ලැබෙන පහසුකම් යටතේ ජාත්‍යන්තර මට්ටමේ දස්කම් පාන්නට ඔවුන් උත්සාහ කළා.
බංග්ලාදේශයට එරෙහිව පැවති තරගයේදී කඩුලූ 4ක් දවාගනිමින් බංග්ලාදේශ පිළ සීමා කරන්නට සමත් වුණේ සශිකලා සිරිවර්ධන. ඇය ලකුණු 16ට කඩුලූ 4ක් දවාගත්තා. තරගයේ වීරවරිය ලෙස ඇය නම් කළා. ඒ අනුව ඇයට සුන්දර සමුගැනීමක් හිමිව තිබුණා.
මේ අතිවිශිෂ්ට දකුණත් පිටදඟ පන්දු යවන්නිය ශ‍්‍රී ලංකා කාන්තා කණ්ඩායමේ සහෝදර ක‍්‍රීඩිකාවන් හඳුන්වන්නේ ‘ලෙජන්ඞ්’ යන නමින්. ඇගේ අවසාන තරගයේදී පිටියට පිවිසෙන විට බංග්ලාදේශයේ සහ ශ‍්‍රී ලංකාවේ කණ්ඩායම් දෙක දෙපස පෙළගැසී අත්පොළොසන් දෙමින් පිටියට පිළිගත්තා. අපේ කලාපයේ ප‍්‍රකට ක‍්‍රීඩිකාවන් රැුසක් සශිකලාගේ සමුගැනීමට සුබ පතමින් අන්තර්ජාලයෙන් සුබපැතුම් එකතු කර තිබුණා. තරගයෙන් පසුව අදහස් දක්වමින් ඇය මෙසේ කියා තිබුණා.
‘අවුරුදු 17ක් ක‍්‍රීඩා කරලා වෙන් වෙන එක ලෙහෙසි නැහැ. එය ක‍්‍රීඩා කරන කෙනෙකුට පොදු තත්වයක්. එහෙත් මම හිතන්නේ මම වැඩි කාලයක් ක‍්‍රීඩා කළා. ඒ නිසා මම ටිකක් හැඟීම්බරයි. විශේෂයෙන්ම පරම්පරා කිහිපයක් සමඟ මා ගනුදෙනු කළා. ඒ නිසා හැඟීම්බර ගතිය වැඩියි.’
ඇය තරගයට සහභාගි වුණේ ඒ හැඟීම් සමග බව කීවා. එහෙත් හැඟීම් පසෙක තබා තරගයේ ජයග‍්‍රහණය ගැන ඇය කල්පනා කර තිබුණා.
‘මම දැනගෙන හිටියා මගේ දායකත්වය අත්‍යවශ්‍ය බව. ඒ නිසා මටම කියාගත්තා මගේ සමුගැනීම ගැන තරගය අවසාන වන තුරු කල්පනා නොකර ඉන්න ඕනෑ බව. අපි දැනගෙන හිටියා ජයග‍්‍රහණයක් නැතිව ගෙදර යන්න බැරි බව. අපි දැනගෙන හිටියා මුල් කණ්ඩායම් හතරට එකතු වන්නට අවැසි හැකියාව හා අවස්ථාව අපට තිබුණු බව. මට ඇත්තටම මේ කණ්ඩායම අතහරින්න දුකයි. මොකද මගේ පවුලට වඩා මම කාලය ගත කළේ කණ්ඩායමේ කෙල්ලන් එක්ක.’
සශිකලා තම කණ්ඩායමේ සහෝදර ක‍්‍රීඩිකාවන්ට හැඟීම්බර ලෙස ස්තූතිවන්ත වුණා. ‘මම ආබාධවලට ලක්ව නැවත පැමිණෙද්දී ඔවුන් මාව ආරක්ෂා කළා. ඒ නිසා මම ඔවුන්ට ස්තූතිවන්ත වෙන්න ඕනෑ.’
අද ඇය ශ‍්‍රී ලංකාවේ ඕනෑම ක‍්‍රීඩිකාවකට ආදර්ශ චරිතයක්. ඇය වීරවරියක්. එහෙත් ඇගේ ගමන සුන්දර හා සුමට ගමනක් නොවූ බව පැහැදිලියි.
එක්දින තරග 118 කට ක‍්‍රීඩා කළ ඇය ලකුණු 2029ක් ලබා තිබෙනවා. ඒ අර්ධ ශතක 7ක් සමග. විස්සයි විස්ස තරග 81 දී ලකුණු 1097ක් ලබා තිබෙනවා. අර්ධ ශතක 2ක් සමග.
පන්දු යවන්නියක ලෙස ඇය එක්දින තරග 118කදී කඩුලූ 124ක් දවාගෙන තිබෙනවා. විස්සයි විස්ස තරග 81 කදී කඩුලූ 77ක් දවාගැනීමට ඇය සමත් වුණා.
ශ‍්‍රී ලංකාවේ කාන්තා ක‍්‍රිකට්වලට අද පවතිනවාටත් වඩා අඩු පිළිගැනීමක් පැවති සමයක ඇය වයස අවුරුදු 18ක ක‍්‍රීඩිකාවක ලෙස කාන්තා ක‍්‍රිකට් කණ්ඩායමට එකතු වී තිබුණේ 2003දී. එකල ශ‍්‍රී ලංකාවේ තිබී ඇත්තේ කාන්තා ක‍්‍රිකට් සමාජ 4ක් පමණයි. ක‍්‍රිකට් ක‍්‍රීඩා කරමින් සිටියේ ඉතා සුළු ක‍්‍රීඩිකාවන් සංඛ්‍යාවක්. වෘත්තීයමය ක‍්‍රිකට් යනු කාන්තාවකට දුර සිහිනයක් වූ සමයක ඇය ක‍්‍රිකට් ක‍්‍රීඩා කළා.
2006 දී ශ‍්‍රී ලංකා ක‍්‍රිකට් කණ්ඩායම ක‍්‍රිකට් පාලක මණ්ඩලයට යටතට ගත්තා. ශ‍්‍රී ලංකා පිරිමි ක‍්‍රිකට් කණ්ඩායමට ක‍්‍රිකට් පාලක මණ්ඩලයේ ගිවිසුම් ක‍්‍රමය හඳුන්වා දී වසර 15කට පසුව 2010 දීයි කාන්තාවන්ට ගිවිසුම් හඳුන්වා දුන්නේ. එතෙක් ඇය අසීරු තත්වයන් යටතේ ක‍්‍රීඩා කළා. කණ්ඩායමට නායකත්වය දුන්නා. ලොව ඕනෑම කණ්ඩායමක සිටින ක‍්‍රීඩිකාවන් සමඟ කරට කර සටන් කළ හැකි බව පෙන්වූ ලාංකික ක‍්‍රීඩිකාවන් අතර සශිකලා සිරිවර්ධන හා චමරි අතපත්තු ඉදිරියෙන්ම සිටිනවා.
ලොව හොඳම 2020 තුන් ඉරියව් ක‍්‍රීඩිකා ශ්‍රේණිගතකිරීම්වල අංක එකට පැමිණීමත් ලෝක ක‍්‍රිකට් කණ්ඩායම නියෝජනය කිරීමත් ඇගේ ක‍්‍රීඩා දිවියේ ඉහළම ජයග‍්‍රහණ ලෙස සැලකිය හැකියි. ඇය ක‍්‍රීඩාවෙන් සමුගන්නා විටත් ලොව හොඳම තුන් ඉරියව් ක‍්‍රීඩිකාවන්ගේ ශ්‍රේණිගතකිරීම්වල පළමු දහය අතර සිටියා.
2013 දී ශ‍්‍රී ලංකා කණ්ඩායම එංගලන්තය සහ ඉන්දියාව පරාජය කරන්නට සමත් වුණා. ශ‍්‍රී ලංකාවේ කාන්තා ක‍්‍රිකට් ගැන රට තුළ අවධානයක් යොමු වන්නට ඒ ජයග‍්‍රහණ ප‍්‍රධාන වශයෙන් හේතු වී තිබුණා. ඒ 2013 වර්ෂයේදීම සශිකලා විවාහ වුණා.
විවාහය සමග ක‍්‍රිකට් නවත්වන්නට වේදැයි ඇය තුළ හැඟීමක් තිබුණු බව ඇය කියා තිබෙනවා. ලංකාවේ සම්ප‍්‍රදාය එය. කාන්තාවන් නිවසේ සහ කුස්සියේ සිර කිරීම. කාන්තාවන්ගේ සිහිනවලට තිත තැබීම. එහෙත් ඇගේ සැමියා ඇගේ ක‍්‍රීඩාවට දිරි දුන් බව ඇය කියනවා. කුඩා කාලයේ සිට තමන්ට ක‍්‍රීඩා කරන්නට ඉඩ දුන් පියාට හා විවාහයෙන් පසුව තමන් දිරිමත් කළ සැමියාට ඇය විශේෂයෙන් ස්තූතිවන්ත වුණා.
‘මම අවුරුදු අටේ ඉඳන් ක‍්‍රීඩා කරනවා. මගේ තාත්තාට මම මේ ක‍්‍රීඩා දිවිය ගැන ණයගැතියි. මගේ අම්මා, සහෝදරිය හා සහෝදරයාට ස්තූතිවන්ත වෙනවා. මගේ සැමියාටත් ස්තූතිවන්ත වෙනවා. ඔහු නිසා තමයි මම විවාහයෙන් පසුවත් ක‍්‍රීඩා කළේ. ඔහු මට උදව් කළා.’ ඇය කීවා.
‘ඔයා නවත්වන්නේ ඇයි. හොඳට ක‍්‍රීඩා කරද්දී ක‍්‍රිකට් අත්හරින්නේ ඇයි.’ ජයග‍්‍රහණයෙන් පසුව සැමියා එසේ කීවාලූ. හැම ක‍්‍රීඩිකාවකටම රට නියෝජනය කරන්නටත් එයින් සාර්ථක වෙන්නටත් අවස්ථාවක් ලැබෙන්නේ නැහැ. ඇගේ සැමියා ඒ බව කියමින් ඇය දිරිමත් කළාලූ. අපේ කලාපයේ සෑම සාර්ථක කාන්තාවක පසුපසම ප‍්‍රගතිශීලී පිරිමියෙකු සිටින බව කියමනක් ලෙස කිව හැකියි. ඇගේ පසුපසද එවැනි ප‍්‍රගතිශීලී සැමියෙකු සිටි බව කිව හැකියි.
ජාත්‍යන්තර එක්දින ක‍්‍රිකට්වල කඩුලූ 100ක් හා ලකුණු 1000ක් සම්පූර්ණ කළ පළමු ක්රීඩිකාව බවට පත්වෙන්නට ඇයට හැකිවුණා. අසීරු තත්වයන් යටතේ ශ‍්‍රී ලංකා කාන්තා ක‍්‍රිකට් නම රඳවාගන්නට ඇය කළ මෙහෙය ගැන අප ස්තූතිවන්ත විය යුතුයි. ඇය සැබෑ ලෙසම ලෙජන්ඞ් කෙනෙකු හෙවත් පුරාවෘත්තයක්. කාන්තාවන් සතු සැබෑ ශක්තිය පෙන්වන්නට ඇය සමත් වුණා.
සශිකලාට අමතරව කාන්තා ලෝක කුසලාන තරගාවලියේදී චමරි අතපත්තුද විස්කම් පෑවා. ඇත්තෙන්ම චමරිගේ පිතිහරඹය බලා ඉන්නට සුන්දරයි. දශමයක අවිශ්වාසයක් නැතිව ඇය පිටිය පුරා පිත්ත හැසිරවූවා. හයේ පහර හතක් තරගාවලියේදී ලබන්නට ඇය සමත් වුණා. හතරේ පහර 19ක් ඇය එල්ල කළා. හතරේ හා හයේ පහර ප‍්‍රමාණය අතින් පළමු අදියර අවසාන වන විට තුන්වැනි ස්ථානයේ සිටියේ ඇය. සහභාගි වූ තරග හතරෙන් තුනකදී ලකුණු 30ට වඩා රැුස්කළ ඇය, බංග්ලාදේශ තරගයේදී පමණක් ඊට අඩු ලකුණු ප‍්‍රමාණයකට දැවී ගියා. ශ‍්‍රී ලංකා ක‍්‍රිකට් අනාගතයට රැුගෙන යන බලකණුව ඇය.
දැන් ඇති පැනය වන්නේ සශිකලා නැති පසුබිමක චමරි අතපත්තු සමග අනාගතයට දොරටු විවර කරන්නේ කවුද යන්නයි. ඒ සඳහා සුදුසුකම් ඇති තරුණ ක‍්‍රීඩිකාවන් ගණනාවක් කණ්ඩායමේ ඉන්නවා.
සටහන ලියන මොහොත වන විට ඉන්දියාව සහ ඕස්ටේ‍්‍රලියාව ‘ඒ’ කණ්ඩායමෙන් අවසන් පූර්ව තරගයට සුදුසුකම් ලබා හමාරයි. ‘බී’ කණ්ඩායමෙන් එංගලන්තය සුදුසුකම් ලබා අවසන්. දකුණු අප‍්‍රිකාව හා බටහිර ඉන්දීය කොදෙව් කණ්ඩායම අතර තරගය පැවැත්වීමට නියමිතයි. එහි ප‍්‍රතිඵලය අනුව බී කණඩායමේ සුදුසුකම් ලබන පිළිවෙළ තීරණය වේවි. මාර්තු 08 වැනි ඉරිදා අවසන් මහා තරගය පැවැත්වීමට නියමිතයි. බොහෝ අය බලා ඉන්නේ මෙවර ලෝක කුසලානය ජයගන්නට ඉන්දියාව සමත් වනු ඇතිද කියායි. අපේ කලාපයේ රටක් ලෝක කුසලානය ජයගන්නා පළමු අවස්ථාව බවට එය පත්වේවි. එය අපේ කලාපයේම ක‍්‍රීඩිකාවන්ගේ සිහින සැබෑ කරන අවස්ථාවක් වේවි.x
- x අනුරංග ජයසිංහ
