No menu items!
29.7 C
Sri Lanka
29 March,2024

ලසන්ත මැරුවේ කීත්ට, උපාලිට ගැහුවේ එකම කණ්ඩායමක්

Must read


මාධ්‍යවේදී ලසන්ත වික‍්‍රමතුංග ඝාතනය කිරීමට සහ උපාලි තෙන්නකෝන්, කීත් නොයාර් යන කතුවරුන්ට පහරදීම කොළඹ මරදාන ටි‍්‍රපෝලි හමුදා කඳවුරේ සේවය කළ එකම යුද්ධ හමුදා බුද්ධි කණ්ඩායමක් බව අපරාධ පරීක්ෂණ දෙපාර්තමේන්තුව කරන ලද පරීක්ෂණවලදී කරුණු අනාවරණය කරගෙන ඇත.  යුද්ධ හමුදා බුද්ධි නිලධාරියෙකු ලෙස පසුගිය රාජපක්ෂ පාලන කාලයේදි ටි‍්‍රපෝලි හමුදා බුද්ධි කඳවුරේ සේවය කර ඇති ලලිත් රාජපක්ෂ නැමැත්තාගේ ඇඟිලි සලකුණු සහ උපාලි තෙන්නකෝන්ගේ වාහනයේ සටහන්ව තිබී ඇති ඇඟිලි සලකුණු සැසඳීමේදී එම නිලධාරියා මෙම ප‍්‍රහාරයට සම්බන්ධවී ඇති බවට අනාවරණය වී ඇත. මේ නිසාම ලලිත් රාජපක්ෂ යන බුද්ධි අංශ සාමාජිකයා උපාලි තෙන්නකෝන් මහතාට පහරදීමේ නඩුවේ සැකකරුවෙකු ලෙස අපරාධ පරීක්ෂණ දෙපාර්තමේන්තුව විසින් පසුගියදා නම්කරනු ලැබීය. ඒ අනුව ජූලි 7 වෙනිදා එම බුද්ධි නිලධාරියා ගම්පහ මහේස්ත‍්‍රාත් අධිකරණයට ඉදිරිපත් කිරීමෙන් පසු රක්ෂිත බන්ධනාගාර ගතකරනු ලැබ ඇත.  මීට අතරව කීත් නොයාර් මහතා     පැහැරගෙන ගොස් පහරදීමේ නඩුවේ සැකකරුවෙකු ලෙසද ලලිත් රාජපක්ෂ නම් කරන ලෙස නීතිපති දප්පුල ද ලිවේරා අපරාධ පරීක්ෂණ දෙපාර්තමේන්තුවට දැනුම් දී ඇත.

සන්ඬේ ලීඩර් කර්තෘ ලසන්ත වික‍්‍රමතුංග ඝාතන මෙහෙයුම සඳහා ලබාගත්තේ යැයි කියන ¥රකථන සිම්පත් 5කට අදාළ ¥රකථන මෙම කාලය තුළ ලසන්ත වික‍්‍රමතුංගගේ මහතාගේ සහ උපාලි තෙන්නකෝන් මහතාගේ නිවෙස් අවට ක‍්‍රියාත්මක වී ඇති බවද අනාවරණය කරගෙන ඇත. මෙම ඝාතනයට සහ ප‍්‍රහාරවලට වගකිව යුතුයැයි දැනට හඳුනාගෙන සිටින යුද්ධ හමුදා බුද්ධි අංශ සාමාජිකයන් පුද්ගලිකව පරිහරණය කරනු ලැබූ ¥රකථනද මෙම කාලයන් තුළ එම ප‍්‍රදේශ ආශ‍්‍රිතවම ක‍්‍රියාත්මක වී ඇත.  තවද මෙම ඝාතන කණ්ඩායම එකම වර්ණයේ ඇඳුම්, ජැකට්, හෙල්මට් සහ ආයුධ මෙම ඝාතනය සහ ප‍්‍රහාර සඳහා යන අවස්ථාවලදී භාවිත කර ඇති බවද අනාවරණය කරගෙන ඇත.x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි