No menu items!
19.9 C
Sri Lanka
29 March,2024

නීතිපති දෙපාර්තමේන්තුවේ අවදානම අවසන්දැයි බුද්ධි සේවයෙන් විමසයි

Must read

කොවිඞ්-19 ආසාදිතයෙකු සමඟ ගනුදෙනු කර ඇතැයි හෙළිවූ නීතිපති දෙපාර්තමේන්තුවේ ආරක්ෂක නිලධාරීන්ට වෛරසය ආසාදිත වී නැතැයි පීසීආර් පරීක්ෂණවලින් තහවුරු වූ බවත්, නීතිපති දෙපාර්තමේන්තුවට නැවත රාජකාරී ආරම්භ කළ හැකිද යන්න ඉක්මනින් දැනුම් දෙන ලෙසත් සඳහන් කරමින් නීතිපති දෙපාර්තමේන්තුව රාජ්‍ය බුද්ධි සේවයට ලිපියක් යොමුකර ඇත.

අතිරේක සොලිසිටර් ජෙනරාල් ජනාධිපති නීතිඥ සුමති ධර්මවර්ධනගේ අත්සනින් යුතුව අපේ‍්‍රල් 24 වැනිදා එම ලිපිය යොමුකර ඇත.

නීතිපති දෙපාර්තමේන්තුවේ ආරක්ෂක නිලධාරිනියකට කොවිඞ්-19 ඇතැයි මීට පෙර තහවුරු වූ බවත්, ඇය සමග ගනුදෙනු කර ඇතැයි සැක කළ නීතිපති දෙපාර්තමේන්තුවේ ආරක්ෂක නිලධාරීන් 6 දෙනෙකුට රෝගය නොමැති බව තහවුරු වූ බවත් එම ලිපියෙන් පෙන්වාදී ඇත.

ඊට අමතරව 19 වැනිදා නීතිපති දෙපාර්තමේන්තුවට පැමිණි සියලූ පුද්ගලයන්ගේ තොරතුරු රාජ්‍ය බුද්ධි සේවය නීතිපති දෙපාර්තමේන්තුවෙන් ඉල්ලූ බවත්, එම තොරතුරු සැපයූ බවත් එදින පැමිණ ඇත්තේ නිලධාරීන් දෙදෙනෙකු පමණක් බව එයින් තහවුරු වූ බවත් එමගින් පෙන්වාදී ඇත.

ආසාදිතයන් පිළිබඳ තොරතුරු ලැබුණු විගස කොළඹ මහනගර සභාව ක‍්‍රියාත්මක වී අවශ්‍ය පියවර ගත් බවද එම ලිපියෙන් පෙන්වාදී තිබේ.

ඉහත කී ආරක්ෂක නිලධාරිනිය නීතිපති දෙපාර්තමේන්තුවේ අනෙකුත් නිලධාරීන් සමඟ සම්බන්ධතා පවත්වා නැති බවද එහි පෙන්වාදී තිබේ. එම තත්වය යටතේ නැවත නීතිපති දෙපාර්තමේන්තුවේ එදිනෙදා රාජකාරී සිදුකිරීමට ආරක්ෂාව ප‍්‍රමාණවත්ද යන්න දැනුම් දෙන ලෙස එම ලිපියෙන් ඉල්ලා ඇති අතර හැකි ඉක්මනින් එම තොරතුරු ලබාදෙන ලෙසද ඉල්ලා ඇත.

අනුරංග ජයසිංහ

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි