ඇමති රංගේ හෙළි කළ දුරකථන ඇමතුම්

වාරිමර්ග හා ජල සම්පත් කළමනාකරණ රාජ්‍ය අමාත්‍ය පාලිත රංගේ බණ්ඩාරට මහින්ද රාජපක්ෂ නීති විරෝධී අගමැතිවරයාගේ නීති විරෝධී කැබිනට් මණ්ඩලය සමග එක්වන ලෙස ආරාධනා කරමින් දුරකථන ඇමතුම් ලබා දී තිබුණි. එම දුරකථන ඇමතුම් අතරින් කිහිපයක් පටිගත කොට, එම ඇමතුම් මාධ්‍ය සාකච්ඡුාවක් පවත්වා ඉදිරිපත් කිරීමට රාජ්‍ය අමාත්‍ය පාලිත රංගේ බණ්ඩාර මාධ්‍ය හරහා ප‍්‍රසිද්ධ කොට තිබුණි. ප‍්‍රසිද්ධ කළ ඇමතුම් අතර ඇති කටහඬවල් සහ දුරකථන අංක අනුව පාර්ලිමේන්තු මන්ත‍්‍රී එස්.බී. දිසානායක, එස්.බී. දිසානායක මන්ත‍්‍රීවරයාගේ සම්බන්ධීකරණ ලේකම්වරයෙකු ලෙස කියාගත් නලීන් නමැත්තෙක්, හිරාන් නම් සම්බන්ධීකරණ ලේකම්වරයෙක්, යෝෂිත රාජපක්ෂගේ දිනක්ෂ නමැති සම්බන්ධීකරණ ලේකම්වරයෙක් විසින් ඇමතුම් ලබා දී ඇතැයි පාලිත රංගේ බණ්ඩාර මහතා පවසයි. එම ඇමතුම් අදාළ පුද්ගලයන් විසින්ම ලබාදුන් ඒවාදැයි විමසා බැලිය යුත්තේ විධිමත් පරීක්ෂණයකින් පසුවය. කෙසේ වෙතත් මේ වෙද්දී දුරකථන ඇමතුමක කොටසක් පදනම් කරගනිමින් ජනාධිපතිවරයා ඝාතනය කිරීමේ කුමන්ත‍්‍රණයක් ඇති බව මාධ්‍ය වාර්තා කර ඇත. අනෙක් අතට පාර්ලිමේන්තුවේ බලය තහවුරු කරගැනීම වෙනුවෙන් අල්ලස් ලබාදෙන බවට ජනාධිපති මෛත‍්‍රීපාල සිරිසේන සහ මහින්ද රාජපක්ෂ වෙත බරපතළ චෝදනා එල්ලවෙයි. එවැනි පසුබිමක පාලිත රංගේ බණ්ඩාර අමාත්‍යවරයා ප‍්‍රසිද්ධ කළ දුරකථන ඇමතුම්වලදී සාකච්ඡුා කළ කරුණු මෙහි පළ කරන්නෙමු. තද අකුරෙන් සඳහන් වෙන්නේ ඇමතිවරයාට දුරකථන ඇමතුම් ලබාදුන්. පුද්ගලයන්ගේ ප‍්‍රකාශයන්ය. හිරාන්, නලින්, ඉනන්ද, දිනුක්ෂ, මාලක යන නම්වලින් දැක්වෙන්නේ රංගේ බංඩාර අමාත්‍යවරයාට දුරකථන ඇමතුම් ලබාදුන් සම්බන්ධීකරණ ලේකම්වරුන්ය.

රංගෙද…

2018 . 11. 01
එස්. බී . දිසානායක

හෙලෝ රංගෙද? රංගෙ කොහෙද ඉන්නෙ? එන්නෙ නැද්ද?
නැහැ. මම ඊයෙ එච්.ඊ. (එච්.ඊ. යන කෙටි යෙදුමෙන් හඳුන්වන්නේ හිස් එක්සලන්සි හෙවත් ජනාධිපතිවරයාය) එක්ක කතාකරගත්තා ඇමතිතුමා.
එච්.ඊ. මට කතාකළා.
නැහැ. ඔයාලාට තිබ්බ බය අපෙන් යූඇන්පී යයි කියලානේ. දැන් එකෙක්වත් යන්නෙ නැහැ. අද ඒ ටික සේරම දිවුරනවා. ඒ ටික දිවුරනවා. තව අර අපි හදාගෙන හිටිය පස් හය දෙනා. උනුත් දිවුරනවා හෙට. වෙලා තියෙන්නේ රංගේ ඔයා දැන් ආවොත් අපට ඔයාට කැබිනට් පොසිෂන් එකක් දෙන්න පුළුවන් වෙයි. එහෙම නැතිවුණොත් නැති වෙයි.
ඔයාලාගේ තව තුන්දෙනෙක් ඉන්නවා. ඒ අය කැබිනට් අය. ඔයා ඉක්මන් වුණොත් හොඳයි රංගේ. ඔයා ජනාධිපතිතුමාට කියලා තියෙනවා අද එනවා කියලා.
නැහැ නැහැ. මම ජනාධිපතිතුමාට කිව්වේ අද කෝල් එකක් දෙන්නම් කියලා. මට කිව්වා මම කොලම්බු ඉන්නවානම් ඒ වෙලාවට එන්නම් කියලා. නැත්නම් කලින් කියන්නම් කියලා.
මට කිව්වා ඔය එනවා කිව්වා කියලා.
නැහැ නැහැ. මම කිව්වා. එතුමා ඊයේ මට කතාකළා.
මමයි කිව්වේ ඔයාට කතා කරන්න කියලා. මට ඔයාට කතාකරන්න කියලා තව කවුරුහරි කිව්වා. ජනාධිපතිතුමා ලව්වා රංගෙට කතාකරන්න. ජනාධිපති කතා කළොත් රංගේ එයි කියලා. රංගේ මේ වගේ වෙලාවක තමයි ඔයාලා අඩිය ඉස්සරහට තියන්න ඕන. අඩිය පස්සට ගන්න ගන්න පාඩුව ඔයාටම තමයි. අපේ 113 පිළිබඳව අපිට ගැටලූ‍වක් නැහැ. රංගේ මම ඔයාව රවටන්න බොරු කියනවා නෙවෙයි. ගිය සැරෙත් අපට වුණ දේ තමයි අපි 117ක් හදාගෙන හිටියා. අපට වෙච්ච ප‍්‍රශ්නය තමයි අපේ ටීම් එකක් යන්න ගියානේ. මේ සැරෙත් ඒ විදියටම වෙන්න ගියා. ඒත් දැන් ඒ ප‍්‍රශ්නය ඉවරයි. අද බලන්න.
එහෙමද? ඒ ඔක්කොම සෙටල්ද?
ඔව්. සෙටල්. අද දිවුරනවා. ඒ සියලූ‍ දෙනා. පහුගිය ජාතික රජය වගේ හතළිස් ගණන්වලට යන්න බැහැනේ රංගේ. යන්න පුලූ‍වන් 30ට. ඒවා හිතන්න බලලා මට කතාකරන්න ඔයා ඩිසිෂන් එකක් අරන් මට කතාකරන්න.

හිරාන්
2018.11.02

ඇමතිතුමා දැන් නම් අපි ලාස්ට් මූමන්ට් එකේ ඉන්නෙ. දැන් දුමින්දත් හරි. ඔක්කෝම ටික අද දිවුරුම් දෙනවා.
කවුද හරි?
දුමින්ද හරි.
සෙට්ල්ද ඔක්කොම.
බැසිල් ඇමතිතුමා එක්ක පැය දෙකහමාරක් කතාකරලා ඒ දෙන්නා ඩිසිෂන් එක ගත්තා. ඊයේ 12.30ට ඩිසිෂන් එක අරගෙන. ඒ වෙලාවෙම ජනාධිපතිතුමා හම්බවුණා. අද දිවුරුම් දුන්නා. වැඬේ ඉවරයි. තව අපි ? ආර්.බී. හම්බවුණා. එයත් කිව්වා ඕකේ කියලා.
ආර්.බී. කිව්වේ.
රිෂාද් බදියුදීන්. අද හම්බවෙලා ඔයාගේ ටික කතා වෙලා තියෙන්නේ. ඇත්තටම මම මුලින්ම ඔයාගේ ටික කතාකළා. අද හම්බවෙලා වැඬේ ඉවරකරගමුකෝ. ඔයා කොහෙද ඉන්නේ අද?
මම මේ ගෙදර යන ගමන් ඉන්නේ. පුත්තලම.
ඉතිං එන්නකෝ කොළඹ එන්නකෝ. එහෙනම් වෙලාව කියන්නකෝ දෙකට පුළු‍වන්ද.
අපි බලමු. දුමින්දලාගේ මේකත් අද අපිට බලන්න පුළුවන්නේ.
දැන් මෙහෙමයි. එතකොට ටූ ලේට් ඇමතිතුමා.
එහෙමද?
මම මේ ඔයාට පැහැදිලිවම කියන්නේ. එහෙම වුණොත් ටූ ලේට් කියලා. මම මේ ඔයාට කියන්නේ. තව ඉන්නවා ගොඩක් අය. ඒ ඔක්කෝම ලිස්ට් එකේ තියාගෙන. ඔයා ජීවිතේට හිතන්නේම නැති කෙනෙකුත් ඉන්නවා. ප‍්‍රබලම කෙනෙක්. ඒ ගැන මට කියන්න බැහැ. ඔයාට ඊට පස්සේ ඕනෑනම් කියන්නම්. කවුරුවත් හිතුවේ නැහැනේ වසන්තට ඇවිත් කැබිනට් එක දෙනකම්. ගෙදර ඇඳුමෙන් නේ මම උස්සන් ගියේ.‍x

නලින්

සර් කොහේද?
දැන් නම් මම කොළඹ ආවා.
සර් අපට පැය භාගෙකට හම්බවෙන්න බැරිද?
අදද?
ඔව්.
මම බලන්නම්. මොකද ආණමඩුවෙත් පොඩි ප‍්‍රශ්නයක් තියෙනවා. ආණමඩුවේ යන්න වෙනවා මෙතන රැුස්වීම ඉවරවෙලා.
සර් දැන් ප‍්‍රශ්නේ ඉවරයිනේ සර්. මම දැන් කිව්වේ ඊයේ.
දැන් මොකක්ද ඒගොල්ලෝ කියන්නේ කියන්නකෝ.
දැන් මෙහෙමයි. දැනට ඇත්තටම මෙහෙමයි. මට නම්වලින් කියන්න බැහැ හරිද? නම්වලින් කියන්න බැහැ. හරිද? මම ඇමතිතුමා එක්ක කතා කරගෙන හිටියා. ඒ වෙලාවේ වෙන සෙට් එකක් ආවා. සර් මෙහෙමයි. සර් එන්නකෝ.
මට විනාඩියයි තියෙන්නේ. මම බහින තැන ළං වේගෙන එන්නේ. ඉක්මනට කියන්න නලින්.
සර් එන්නකෝ. පැය භාගයක් අපිට දෙන්න කතා කරන්න.
කොහේද?
සර්ලාගේ ගෙදරට. මම වාහනෙන් ගන්නම්. වෙන වාහනේක ඇවිල්ලා.
නැහැ. මගේ වාහනේ තියෙනවා.
පොඞ්ඩක් එන්න සර්.
නැහැ. දැන් මෙහෙමයි. මම වෙන වාහනේක ආවත් මගේ මයිල් ගහක් දැක්කත් මුං ඔක්කෝම අඳුනනවානේ.
නැහැ නැහැ. ඇතුළට යන්න සර්. කිසිකෙනෙකුට පෙන්නේ නැහැ. ඒකට වෙනම සීක‍්‍රට් පාරක් තියෙනවා. ඇතුළට යන කවුරුත් දන්නේ නැහැ.
දැන් ඒගොල්ලෝ නලින් මට දෙන ඔෆර් එක කියන්නකෝ.
මෙහෙමයි. සර් ඇවිල්ලා ඔන් ද ටෙබල් සියලූම දේ දාන්නකෝ. මං…
නෝ නෝ. ඔයා අහන්න.
නැහැ නැහැ. ඊයේ මෙහෙමයි සර්. සර් ඇවිල්ලා පැය භාගයක් කතා කරලා යන්නකෝ. වැඬේ ඉවරයිනේ.
හරි හරි. මම එන්න ඉස්සෙල්ලා ඔයා මට කතා කරලා. මං මෙතන වැඩකට බහිනවා. පැයක් විතර මං එතන හිර වෙනවා. පැයකින් පස්සේ මට කතාකරලා කියන්න.
සර් මේ. ස්ටේට් මිනිස්ටර් හොඳ එකක් දෙන්නම් සර්. ගැසට් කරලාම.
මං ස්ටේට් මිනිස්ටර් ගන්නේ මොන කෙහෙල්මලකටද?
දැන් ඉතින් ඒක තමයි. මම කිව්වේ සර්.
නැහැ නැහැ. ස්ටේට් මිනිස්ටර් පැත්තට යනවා නම් අපට මොනිටරින් පැත්ත හිතන්න වෙනවානේ නේද.
නැහැ. අර ටික හරි සර්. සී.සී. එකයි ඔක්කොම කතන්දර.
මොකක්ද හරි කියන්නේ.
සී.සී. එකයි ආනමඩුවයි. ඒ ඔක්කෝම හරි. ඒ කතන්දර හරි. දැන් ඒකයි මම කිව්වේ. රයිට්. වාඩිවුණා. පැය භාගෙන් කතා කළා. ගියා. ඉවරනේ සර්.
වැඬේ තියෙන්නේ මට කැබිනට් නම් හරි. කැබිනට්.
ඉන්න. දැන් සර් මට මෙහෙම කියන්නකෝ. මට කියනවා සර් හරි සර් හරි කියලා. මට දැන් කියන්නකෝ සර් එනවාද කියලා. මම දැන් කතා කරන්නම්. හරි. කැබිනට් එකක් කතා කරන්නම්.
හරියටම කැබිනට් එකයි අනෙක් මොනවාද.
අනෙක් ඒවා හරි.
දැන් මට අපේ වසන්තලා එහෙම කිව්වා ඒගොල්ලන්ට කෑෂ් වලිනුත් උදව්වක් කළා කියලා.
නැහැ නැහැ. ඒක නම් බොරුවක්.
වසන්ත ඉතින් මගේ අතිජාත මිත‍්‍රයානේ. මට බොරු කියන්නේ නැහැ.
ඒක නම් බොරු. කිසිම හේතුවක් නැහැ.

නලින්

හෙලෝ අරක හරි ඈ.
අරක කිව්වේ..
ඔයා කිව්වේ
කොයි එකද?
කැබිනට්
කොච්චරක්ද කිව්වේ?
කැබිනට් ඕකේ. එක්කං එන්න කිව්වා. දැන් කතා කරලා.
කැබිනට් එක මොකක්ද කියලා කියන්නේ නැද්ද?
නැහැ. ඒක තමයි. ඔයා… දැන් මෙහෙමනේ. දැන් මේක. දැන් අපිට කැබිනට් තියෙනවා කියනවානේ. ඔයා එන්නකෝ කියන්න. ඔයා එන්න. නැතුව මට මේක හැමතිස්සේම කියනවානේ දැන් එනවා දැන් එනවා කියනවා විතරනේ.
ඉන්නකෝ මං සාකච්ඡුාවක ඉන්නේ.

නලින්

ඔව්. සර්. අපට කීයටද හම්බවෙන්න පුළු‍වන්.
අනේ මන්දා බං.
මෙහෙමයි සර් මේ වැඬේ ඉවරයිනේ.
ඉවර නැහැ බං. ආණ්ඩුවට තියෙනවානේ. 118 ඇවිල්ලා හිටියානේ අද.
ඒ ඇවිල්ලා හිටියේ පක්ෂ රැුස්වීමටනේ. ඒ ඇවිල්ලා ඕක අරගෙන ටී.එන්.ඒ. එක යූඇන්පී එකට අරගෙන යන්න පුළු‍වන්ද ඉස්සරහා ඡුන්දෙකට. ඒක වෙන්නේ නැහැනේ සර්.
වැඬේ වෙන්නේ නලින්. එවැනි බහුතරයක් තියෙද්දී නලින් ඔයා හිතනවාට වඩා වෙන ප‍්‍රශ්නයක්නේ ඇතිවෙන්නේ නලින්. කෙළින්ම බජට්..
නැහැ සර්. බහුතරයක් අපට පෙන්වන්න ඕන නැහැනේ සර්. ඉම්පීච්මන්ට් එකේදී බහුතරයක් පෙන්වන්න තියෙන්නේ. සර්ලා ඔය පැත්තේ ඔහොම ඉන්නකොට ඉවර වෙන්නේ නැහැනේ සර්.
ඔව්. ඉම්පීච්මන්ට් එකක් ගෙනාවොත් ඉවරනේ.
මෙහෙමනේ. ඉස්සරහට සර්වත් හැම දේකින්ම ආරක්ෂා වෙලා සර්ගේ කැරියර් එකත් හැදිලා. හරියන්නනේ මේ වැඬේ කරන්නේ. අපි පැය භාගෙකට හම්බවෙමුකෝ සර්. හම්බවුණායි කියලා ඕක මේ කවුරුවත් දැනගන්නේ නැහැනේ. අපි කී දෙනෙක් හම්බවෙලා තියෙනවාද මේ වෙනකම්. මම කියලා නැහැනේ අනෙක් අය හම්බවෙන එක.
මම මේ ආනමඩුවේ යනවා. එහෙම වුණොත් ආමඩුවෙ එන්නකෝ. ගෙදර එන්න. මම හැන්දෑවේ ඉන්නම්.
නැහැ සර් කොළඹදී හම්බවෙමුකෝ.
නැහැ. මම මේ යනවා කටුනායක හයිවේ එකේ.
සර් එහෙනම් අපි කීයටද එන්න ඕන.
ආනමඩුවේ. තව පැය දෙකකින් පස්සේ ආනමඩුවේ.
හරි. වැඬේ ඉවර කරමුද සර් එහෙනම් අපි එක්ක.
ඉවර කරමු කිව්වේ. ඉවර කරන්න නෙවෙයි මම කියන්නේ.
නැහැ. කතා කරලා වැඬේ ඉවර කරගමුද? අපි එන්නම් ගෙදරට.

මාලක

ඌ දැන් කියනවා ලෝ ඇන්ඞ් ඕඩර් දෙන්න බැහැලූ‍. දුමින්ද දිවුරුම් දෙන්නේ නැහැලූ‍. ඉතිං ඒක ගමුද කියලා. මම කිව්වා. අරෙහෙට මෙහෙට මාරු වෙන නිසා උඹලා කියන එක මට විශ්වාස නැහැ. මට මට ඇමතිතුමාට කියන්නත් බැහැ. ඊට පස්සේ බනිනවා. හරි වචනයක් දීලා ඉවරවෙලා ආණමඩුවට සල්ලි ගේන්න ඕනෙ. කෙරෙනවා නම්. නැත්නම් බැහැ කියලා කෙළින්ම කිව්වා.
එතකොට මොකද කියන්නේ.
ටික වෙලාවක් දෙන්න. ආණමඩුවට නෙවෙයි, කොළඹ පන්සලකට කරමු කියලා.මම කිව්වා බැහැ. ඒ පන්සන්වලට මීඩියා දානවා. අපි සේප්පුත් ඕකේ කරලා තියෙන්නෙ. වැඬේට ඕකේ කියලා.
උඹ කෙටියෙන් මල්ලි දැන් කතාකරලා වාරිමාර්ග ඇමති වුණාට කමක් නැහැ. වැඩ කරතැහැකිනේ. වාරිමාර්ග ඇමතිකමට දුමින්ද එන්නේ නැත්නම් මම ඒක කරන්නම්. ඒක අවුලක් නැහැ කියලා. උඹ මෙහෙම කියපන්. මාත් එක්ක කතාකළා කියලා. කෝටි 50ක් දෙන්න. යූ.එස්. ඩොලර්වලින් ඕකේ.
යූ.එස්. ඩොලර් ඕකේ කිව්වා.
හරි යූ.එස්. ඩොලර් ඕකේ නම් ඒක ආනමඩුවට ගෙනැල්ලා දෙන්න ඕනේ.
ඔව්. ඒක තමයි මම කිව්වේ ආණමඩුවට ගේන්න. ඊට පස්සෙ දිවුරුම් දෙන්න එනවා කියලා.
කෙළින්ම ඔයයි මායි මගේ කොල්ලෝ සෙට් එකකුයි අපේ නෝනයි අපි කට්ටිය කෙළින්ම ලෑස්තිවෙලා එනවා දිවුරුම් දෙන්න යන්න. යූ.එස්. ඩොලර්ස් ටික අපේ නෝනා ගණං කරලා සේප්පුවට දාලා දැම්මා. එහෙමම යතුර ගත්තා. ඔයා යන්න.
ආං හරි. එහෙමනම් මම කියලා තියෙන්නේ අපි එනවාමයි කියලා. කතන්දර දෙකක් නැහැ කියලා.

දිනුක්ෂ

මම කතාකළා වැඬේ හරි. මහාචාර්ය රංජිත් බණ්ඩාර කියලා එකෙක් අතේ සල්ලි ටික එවනවා කිව්වා. වැඩි කට්ටිය එපා කිව්වා. ඊළඟට මහාචාර්ය රංජිත් බණ්ඩාරට මගේ නම්බර් දීලා ඒ යකා මට කතාකළා. කතාකරලා මේක කොහොමද වෙන්නෙ කියලා ඇහුවා. මම කිව්වා ඔයා කොළඹට එන්න. එයාව වටකරගෙන ඉන්නේ අගමැතිතුමායි ඔක්කොම ටික. කොළඹ ප‍්‍රශ්න වෙනවා. එයාව ගන්න හම්බවෙන්නේ නැහැ. සේෆ්ම තැනනේ ආනමඩුවේ කාර්යාලය තියෙන්නේ. රංජිත් දැන් මගෙත් එක්ක කතාකළා. ඊට පස්සේ මගෙන් ඔයාගේ නොම්බරේ ඉල්ලූ‍වා. මම ඔයාගේ ප‍්‍රයිවට් නම්බර් එක දුන්නේ නැහැ. මම කිව්වා එයා කැමති නැහැ එක එකා එක්ක ඞීල් දාන්න. මම ඒකත් කිව්වා.
යෝෂිත ඇමතිතුමාගෙයි අපේ හාමුදුරුවන්ගෙයි ඉල්ලීමට තමයි මම මේක කළේ. ඔයා වෙන විදිය ගැන මට කියන්න. සල්ලි ටික අරන් එන විදිය ගැන මම ලෑස්ති කරන්නම්. මට අරයා කිව්වා මිස්ටර් රංජිත් බණ්ඩාර කියන කෙනාගේ අතේ සල්ලි එවනවා කියලා. දැන් ඔයාට රංජිත් බණ්ඩාර කතා කරාවි. ඔයා කියන්න ආනමඩුවට එන්න කියලා. කොළඹට ගෙන්නගන්න යන්නේ ඔයාව. ඔයා කොළඹට එන්න බැහැ කියන්න. මගේ අතේ සල්ලි එවන්න බැරි නිසා කවුරුහරි සොක්කෙක් අතේ සල්ලි එවයි මුං. ඔයා කියන්න මට ආනමඩුවෙන් පිට එන්න බැහැ කියලා. මුං ඔහේ එන්න බය නිසා කවුරුහරි අතේ සල්ලි එවයි.
කීයක්ද?
කෝටි 50යි. හදලා එවනවා කිව්වා රංජිත් බණ්ඩාර. එයා මට කිව්වා ඔයාට කෝල් එකක් ගන්නවා කියලා. දැන් කතා කරන්න කිව්වා කියලා. මම කිව්වා හා කියලා.

මෙම දුරකථන සංවාදයෙන් පසුව අමාත්‍ය රංගේ බණ්ඩාර පාරලිමේන්තුවට ගොස් කතා නායකවරයාට හා එ.ජාපයේ සමාජිකයන්ට මේ පිළිබඳව දැනුම් දී තිබුණි.

ඉනන්ද
මොකද වුණේ. අරක එළිකරලා කියලා උන් දන්නවා.
ඉතිං.
දන්නේ නැහැ. මට ඊට පස්සේ කෝල් නැහැ. එතැනින් ඉවරයි. මාත් ආයේ කෝල් ගන්න ගියේ නැහැ.
මොකද උන් කියන්නේ
මම දන්නේ නැහැ. කෝටි 50 මඟට අරන් ඇවිත්. ආපහු ගියා ඔයා පාර්ලිමේන්තුවේ කියලා පස්සේ දැනගත්තා.
ඒක ඉතිං අවුලක් නැහැ. අපට 100 ෂුවර් නේද. කෝටි 50 අරන් ඇවිල්ලද දැන්.
මම දන්නේ නැහැ සර්. මම ඊට පස්සේ කතාකරන්න ගියේ නැහැ. වැඩක් නැහැනේ. උන් දැනගත්තා මට මැසේජ් එකක් දැම්මා ඔයා පාර්ලිමේන්තුවේනේ කියලා. ඔයා කිව්වානේ ආනමඩුවේ කියලා.
හරි.
එතකොට සර් සර්ට කැබිනට් එකක් දෙනවා කියලා කිව්වාද.
කාටද.
ඔයාට කැබිනට් එකක් දෙයිනේ.
දන්නේ නැහැ මම නම්.
දෙයි දෙයි අනිවාර්යයෙන් දෙයි.
බලමු.
මාර දිවිල්ලක්නේ මුං දුවන්නේ. දැන් නම් මම හිතන්නේ අතහැරලා.
ඇයි ඒ. මාව අතහැරලා නැතිව ඇති.
මං හිතන්නේ නැහැ. ඒගොල්ලෝ දැන් තීරණයකට ආවාලූ‍. එක්කෝ අර මුස්ලිම් දෙගොල්ලක් ඉන්නවානේ 13ක්. එක්කාසු වෙන්න.
එහෙම නෙවෙයි. මම කතා කරන්නම්. මගේ යාළුවානේ ආරක්ෂක ලේකම්. එතකොට දැන් මුස්ලිම් කට්ටිය ආවේ නැත්නම් වැඬේ ෆේල් වෙනවානේ.
ඔව් ඉතිං. ගේම් එක අතහැරලා තියෙන්නේ.
එතකොට මේ දුන්න සල්ලි දැන්. අනෙක් අයට දුන්න සල්ලි. කට්ටියට දුන්නාලූ‍ නේ.
ඔව් ඉතිං. දියුණුවක් නැහැ. මුකුත් නැහැ. දැන් වසන්ත කියනවාලූ‍නේ සල්ලි ගත්තාට ඇමතිකම් ගත්තාට යූ.ඇන්.පී. එකට වෝට් කරනවා කියලා.
ආ. කියලා තියෙනවාද.
ඔව්.
කවදාද?
අද කියලා තියෙනවා.
මොකේද?
සී.නිව්ස්වල ඔක්කෝම තියෙනවා. වසන්ත කියලා තියෙනවා කියලා මම තාම යූඇන්පී. විජේදාස රාජපක්ෂ කියලා තියෙනවා වෝට් කරන්නෙ නැහැ කියලා. වසන්ත කියලා තියෙනවා වෝට් කරනවා කියලා. විජේදාස රාජපක්ෂත් කියලා තියෙනවා මම තවම එජාපයේ සාමාජිකයෙක් කියලා.