ශ‍්‍රී ලංකා පොදුජන පෙරමුණේ මැතිවරණ රැුස්වීම්වලදී ශ‍්‍රීලනිප මන්ත‍්‍රීවරුන්ට විරෝධය පාමින් හූ හඬ නැඟීම නතර කොට, ඒ සම්බන්ධයෙන් සෑහීමට පත්විය හැකි ක‍්‍රියාමාර්ගයක් ගන්නාතුරු පොදුජන පෙරමුණේ රැුස්වීම්වලට නොගොස් ඒවා වර්ජනය කිරීමට තීරණය කර ඇතැයි අනිද්දා වෙත අදහස් දැක්වූ ශ‍්‍රීලනිප මන්ත‍්‍රීවරුන් කිහිපදෙනෙකු පැවසූහ.


පසුගිය කාලය තුළදී ශ‍්‍රීලනිප මන්ත‍්‍රීවරුන් වන දුමින්ද දිසානායක, මහින්ද සමරසිංහ වැනි කණ්ඩායම්වලට හූ හඬට මුහුණදීමට සිදුවී තිබුණි. ඊට අමතරව මීට පෙර පොදුජන පෙරමුණ සමඟ එක්ව එම පක්ෂයේ සාමාජිකයන් ලෙස කටයුතු කරන ජෝන් සෙනෙවිරත්න, ටී.බී. ඒකනායක, තාරානාත් බස්නායක, චන්දිම වීරක්කොඩි ඇතුළු මන්ත‍්‍රීවරුන් පිරිසකටද හූ හඬ එල්ලවී තිබුණි. ඒ අනුව ශ‍්‍රීලනිප ප‍්‍රබලයන් පොදුජන පෙරමුණේ රැුස්වීම්වලට සහභාගී වීම නවත්වා ඇත.


මේ අතර රැුස්වීම්වලදී හූ හඬ නඟන පාක්ෂිකයන්ව පාලනය කිරීම සඳහා පොදුජන පෙරමුණේ සිටින ප‍්‍රාදේශීය මට්ටමේ මන්ත‍්‍රීවරුන් හා ඔවුන් සමඟ සිටින සහචර කණ්ඩායම් රැුස්වීම්වල පේ‍්‍රක්ෂක පිරිස අතරට යෙදීමේ ක‍්‍රියාවලියක් පටන්ගෙන ඇතැයි අනිද්දා සමඟ අදහස් දැක්වූ ඒකාබද්ධ විපක්ෂයේ පක්ෂ නායකයෙකු කීය. ඒ අනුව පොදුජන පෙරමුණේ සෑම රැුස්වීමක්ම පටන්ගැනීමට පෙර එම රැුස්වීමේ සංවිධායකයෙකු හූ හඬ නැඟීමේ ප‍්‍රශ්නය ගැන විශේෂ ප‍්‍රකාශයක් සිදුකරන බවද එම පක්ෂ නායකයා කීය. එම ප‍්‍රකාශයේදී ජනතා විමුක්ති පෙරමුණේ හා එක්සත් ජාතික පෙරමුණේ පිරිස් තම කණ්ඩායමේ රැුස්වීම්වලට පැමිණ හූ කීමේ ව්‍යාපාරයක් පටන්ගෙන ඇති බවත්, යම් කෙනෙකු හූ හඬ නඟනු දුටුවහොත් ළඟම සිටින මන්ත‍්‍රීවරයෙකුට හෝ සහචරයෙකුට දන්වන්නැයි පවසන බවත් එම පක්ෂ නායකයා කීය.


එලෙස යොදවා සිටි සහචරයන් හූ හඬ නඟන පාක්ෂිකයන්ට පහරදෙන අන්දමද ඇතැම් වීඩියෝපටවල සටහන් වී තිබුණි.


අනිද්දා කළ විමසීමකදී ශ‍්‍රීලනිප මහලේකම් දයාසිරි ජයසේකර මහතා ප‍්‍රකාශ කළේ දැනට තම කණ්ඩායම පොදුජන පෙරමුණේ රැුස්වීම්වලට සහභාගී නොවන බවයි. කෙසේ වෙතත් ශ‍්‍රීලනිපය වෙනම රැුස්වීම් ග‍්‍රාමීය මට්ටමෙන් පවත්වන බවත්, දිවයින පුරා රැුස්ළුීම් 15,000ක් පැවැත්වීමට බලාපොරොත්තු වන බවත් ඔහු කීය.