ශ‍්‍රී ලංකා ක‍්‍රිකට් ආයතනය පිළිබඳ වූ විගණකාධිපති වාර්තාවෙහි ක‍්‍රිකට් ඒඞ් අරමුදල ගැන තිබුණු කරුණු අපි පසුගිය සතියේ ලීවෙමු.
එම වාර්තාව ශ‍්‍රී ලංකා ක‍්‍රිකට් ආයතනයෙහි සිදුවූ ගනුදෙනු කිහිපයක් ගැන කරුණු වාර්තා කර තිබුණි. කෝප් කමිටුව පසුගිය කාලයේදී ප‍්‍රසිද්ධියේ ශ‍්‍රී ලංකා ක‍්‍රිකට් ආයතනයෙන් ප‍්‍රශ්න කළේ එම විගණකාධිපති වාර්තාව ඇසුරෙනි. එම වාර්තාවේ ඇති කරුණු අතර ක‍්‍රිකට් විශ්වවිද්‍යාලයක් ගැනත් සඳහන් විය.


විශේෂ වාර්තා


ක‍්‍රිකට් විශ්වවිද්‍යාලයේ කතාව විශේෂ එකක් ලෙස සලකන්නට හේතුව සාමාන්‍යයෙන් අප මෙවැනි ව්‍යාපෘති ගැන ලියද්දී කතාකරන මාතෘකාවලට වඩා මඳක් වෙනස් එකකි. අප දැවැන්ත ව්‍යාපෘති ගැන ලියන්නේ ඒ ව්‍යාපෘතිය වසර ගණනාවක් තිස්සේ ඇදී ගොස්, එය අවසන් වුණාට පසුව ඒ වෙනුවෙන් කරන්නට සිදුවූ වියදම් ගැන නැවත හැරී බැලීමක් හැටියටය. කොටින්ම කීවොත් ඒ ගැන හූල්ලමින් ඒවා ගැන කතාකිරීමකි.


පාඩු ලබන ව්‍යාපෘති ආරම්භයට පෙර නවත්වන්නට හැකියාව නොතිබුණේ එක් ප‍්‍රධාන හේතුවක් නිසාය. ඒ විනිවිදභාවයක් නොතිබීමයි. රාජපක්ෂ ආණ්ඩුව කාලයේදී සිදුවූ කිසිදු ව්‍යාපෘතියකට අදාල කරුණු ඒ ව්‍යාපෘතිය පටන්ගත් අදියරේ සිට නිරීක්ෂණයට ලක්වුණේ නැත. විගණකාධිපති දෙපාර්තමේන්තුව, කෝප් කමිටුව ආදි ආයතනවලට ඒ ව්‍යාපෘතිවල ආරම්භක මොහොතේදීම ඒ ගැන සොයා කරුණු හෙළි කිරීමට අවස්ථාව ලැබුණේ නැත. කෝප් කමිටුවේ ඉදිරිපෙළ සිටියේත් ආණ්ඩු පක්ෂයේ දේශපාලනඥයෝය.
එහෙත් 2015න් පසුව තත්වය වෙනස් විය. කෝප් කමිටුව විපක්ෂයේ දේශපාලන නායකයන්ට පැවරුණි. එම කමිටුවලින් ඉතා ධනාත්මක ලෙස ආණ්ඩුවේ ආයතන ප‍්‍රශ්න කළේය. විගණකාධිපති දෙපාර්තමේන්තුව සිය වාර්තා නිදහසේ සකස් කළේය. පසුගිය කාලය පුරාවට විගණකාධිපති දෙපාර්තමේන්තුව වාර්ෂික විගණන වාර්තා, ආයතනවල ක‍්‍රියාකාරීත්වය මනින විගණන වාර්තා සහ විශේෂ විගණන වාර්තා සිය වෙබ් අඩවියෙන් ප‍්‍රසිද්ධ කර තිබුණි. වෙබ් අඩවියෙන් වාර්තා ප‍්‍රසිද්ධ කිරීමෙන්ම විනිවිදභාවය තහවුරු විය.


එම වාර්තා ප‍්‍රවර්ග අතරින් විශේෂ විගණන වාර්තා යන ප‍්‍රවර්ගය සුවිශේෂ එකකි. සාමාන්‍ය වාර්ෂික විගණන වාර්තාවලින් එහාට ගොස් විශේෂ විගණන වාර්තා සිදුකරයි. වාර්ෂික වාර්තාවකින් ආයතනයේ ගිණුම්, සේවක සංඛ්‍යාව, කාර්යසාධනය ආදි මූලික කරුණු ගැන කෙටියෙන් සොයාබලයි. යම්කිසි විශේෂ ව්‍යාපෘතියක්, යම් විශේෂ චෝදනාවක්, ආයතනයක් ආදිය ගැන විශේෂ විගණන වාර්තාවකින් විමර්ශනය කරයි. විගණකාධිපති දෙපාර්තමේන්තු වෙබ් අඩවියෙහි එවැනි වාර්තා 47ක් ඇත. ඒ සියල්ලම 2015න් පසුව කළ ඒවාය. විශේෂ වාර්තා ඉදිරිපත් කිරීමට විගණකාධිපති දෙපාර්තමේන්තුවට ඊට පෙර සිටම හැකියාවක් තිබුණත්, අවස්ථාව තිබුණේ නැත.


මෙතරම් විශේෂ විගණන වාර්තා ගැන කතාකරන්නේ ඇයිදැයි කෙනෙකු විමසිය හැකිය. එවැනි වාර්තාවලින් ලංකාවේ විනිවිදභාවය තීව‍්‍ර විය.
මුල්ම විශේෂ වාර්තා දෙක වුණේ මහබැංකු බැඳුම්කර ගනුදෙනු පිළිබඳවත්, ගල්අඟුරු ගනුදෙනුව පිළිබඳවත් නිකුත් කළ වාර්තා දෙකය. ඒ ක්ෂේත‍්‍ර දෙකේම ලංකාවේ දැවැන්ත සංවාදයක් ඇති කරන්නට පදනම වුණේ එම වාර්තා දෙකය.


සහල් ආනයනය, ඞී.ඒ. රාජපක්ෂ කෞතුකාගාරය, උමා ඔය, ශ‍්‍රී ලංකන් ගුවන් සමාගම, නෙළුම් කුලූන ආදි විවිධාකාර මාතෘකා ගැන විශේෂ විගණන වාර්තා නිකුත් කළේය. ඒ මාතෘකා ගැන ලංකාවේ තියුණු සංවාද ඇති කරන්නට එම වාර්තා හේතුවිය. විශේෂ විගණන වාර්තා නිකුත් කළේ කෝප් කමිටුවේ නියෝග මතය.


යහපාලන සංකල්පයේ මූලිකම තේමාවක් වන්නේ විනිවිදභාවයයි. යහපාලනය වෙනුවෙන් හඬනැඟූ ලංකාවේ පුරවැසියන් 2015දී දිනාගත්තේ ඒ විනිවිදභාවයයි. ආණ්ඩුව පවා පරීක්ෂා කිරීමේ හැකියාවක් ආණ්ඩුවේ ආයතන තුළින්ම ලබාගන්නට අපට හැකිවිය. එක් දෙයක් පැහැදිලිය. විගණකාධිපති දෙපාර්තමේන්තු වාර්තා ප‍්‍රසිද්ධ කිරීම, විශේෂ විගණන විමර්ශන සිදුකිරීම ආදි යහපත් කටයුතු සියල්ල එකම එක නියෝගයකින් නැවත හැරවීමේ හැකියාව ඇත.


එහෙත් අප කතාකරන්නට බලාපොරොත්තු වන ක‍්‍රිකට් විශ්වවිද්‍යාල ව්‍යාපෘතියේ අඩුපාඩු ගැන එම ව්‍යාපෘතියේ ඉදිකිරීම් පටන්ගන්නටත් පෙර කතාකරන්නට අවස්ථාව ලැබී ඇත. ඒ ගැන 2019 වර්ෂය දක්වාම උණු උණුවෙන් කරුණු ඉදිරිපත් කර ඇත. ඒවා ප‍්‍රශ්න කරන්නටත් කෝප් කමිටුවට අවස්ථාව ලැබුණි. මේ ව්‍යාපෘතියෙන් දැනට සිදුව ඇති මූල්‍යමය පාඩුව ලෙස පෙනී යන්නේ තේරුමක් නැති ඉඩමක් මිලදී ගැනීම වෙනුවෙන් විහාරයක මහානායක හිමිනමකට පි¥ රුපියල් මිලියන 25ක් පමණි. ලංකාවේ ආයතන ලබන පාඩුවලට සාපේක්ෂව මිලියන 25 පුංචිය.


එහෙත් මෙම ව්‍යාපෘතියේ කටයුතු සිදුවෙමින් තිබුණු අපිළිවෙළ, විනිවිදභාවයෙන් තොර සහ නීතියට පරිබාහිර ස්වභාවය සැලකිල්ලට ගනිද්දී ඉදිරියේදී කෝටි ගණනක පාඩුවක් ගැන හූල්ලන්නට සිදුවන ව්‍යාපෘතියක් වීමේ අවදානමක් පෙනෙන්නට ඇත.


අරමුණ


ක‍්‍රිකට් විශ්වවිද්‍යාලයක් පිළිබඳ අරමුණ ඕනෑ කෙනෙකුට තේරුම් ගත හැකිය. එවැන්නක් ඇගයීමටත් ලක් කළ හැකිය. අනෙක් අතට ක‍්‍රීඩා විශ්වවිද්‍යාලයට කොළඹින් පිට තැනක් තෝරාගැනීමත් යහපත්ය. ඉතා හොඳ පරිසරයක දියුණු නවාතැන් සහිතව විශ්වවිද්‍යාලයක් බිහිකරගත හැකිය. ලංකාවේ ක‍්‍රීඩකයන් බොහෝ දෙනෙකුට උසස් අධ්‍යාපනික පසුබිමක් නැතිවීම ක‍්‍රීඩාවටත්, ක‍්‍රීඩකයන්ගේ පෞරුෂයටත් බලපා ඇති අන්දම අපි දුටුවෙමු.


අනෙක් අතට මෙම ව්‍යාපෘතිය යෝජනා කර තිබුණේ ලෝකයේම දියුණුම ක‍්‍රිකට් උසස් අධ්‍යාපන ආයතනයක් බිහිකිරීමේ අරමුණ ඇති බව පෙන්වමිනි. ඒ අනුව ලෝකයේ විවිධ රටවලින් ක‍්‍රීඩකයන් ගෙන්වාගැනීමටත් අදහස් කර තිබුණි. සංකල්පයක් ලෙස එවැනි ආයතනයක් බිහිවුණා නම් ලංකාවේ ක‍්‍රිකට්වලට එය මහඟු ජයග‍්‍රහණයක් වෙන්නට ඉඩ තිබුණි.


ක‍්‍රිකට් ක‍්‍රීඩකයන්ට පමණක් නොව ක‍්‍රීඩාවේ තාක්ෂණික, පරිපාලන, ජනමාධ්‍ය, අලෙවිකරණ, ජාත්‍යන්තර ඉසව් සංවිධානය, ක‍්‍රීඩාංගණ ඉදිකිරීම හා නඩත්තු කිරීම, පර්යේෂණ හා සංවර්ධනය ආදි ක්ෂේත‍්‍ර ගණනාවකට අදාල පාඨමාලා හඳුන්වාදීමට බලාපොරොත්තු වී තිබේ. පේරාදෙණිය විශ්වවිද්‍යාලය, විශ්වවිද්‍යාල ප‍්‍රතිපාදන කොමිෂන් සභාව හා ජාත්‍යන්තර විශ්වවිද්‍යාල සමඟ අනුබද්ධිතව කටයුතු කිරීමට අදහස් කර ඇත. එහෙත් ඒ කිසිවකට ප‍්‍රමාණවත් සැලසුම් තිබී නැත.


ස්ථානය


කොළඹින් පිට ක‍්‍රිකට් විශ්වවිද්‍යාලයක් අරඹන්නට නම් සුදුසු තැන් දෙකක් සිහියට නගාගත හැකිය. එකක් දඹුල්ල ක‍්‍රීඩාංගණය පවතින දඹුල්ල ප‍්‍රදේශයයි. අනෙක පල්ලෙකැලේ ක‍්‍රීඩාංගණය පවතින පල්ලෙකැලේ ප‍්‍රදේශයයි. එම ජාත්‍යන්තර ක‍්‍රීඩාංගණ දෙකට සමගාමීව, ඒ ආශ‍්‍රිතව විශ්වවිද්‍යාල බිහිකරන්නට හැකියාව තිබුණි. ඕනෑ නම් සූරියවැව ජාත්‍යන්තර ක‍්‍රීඩාංගණය ආශ‍්‍රිතව එවැන්නක් බිහිකිරීමේ හැකියාවත් ඇති බව ඇත්තය. විගණකාධිපති වාර්තාවෙන් සූරියවැව ගැනත් නිර්දේශ කර ඇත. එහෙත් ප‍්‍රදේශයේ දේශගුණයත්, දුෂ්කර බවත්, සූරියවැව ක‍්‍රීඩාංගණයට දැන් අත්ව තිබෙන තත්වයත් නිසා එය අසීරුය. කෙසේවෙතත් තර්කය පැහැදිලිය. ජාතික සහ ජාත්‍යන්තර ක‍්‍රිකට් ක‍්‍රීඩකයන් පුහුණු කිරීම කිරීම සඳහා උසස් තාක්ෂණ පුහුණු මධ්‍යස්ථානයක් ලෙස ක‍්‍රිකට් විශ්වවිද්‍යාලයක් පිහිටුවන්නේ නම්, එයට දැනටමත් සුදුසු ඉඩකඩ ඇත. විගණකාධිපති දෙපාර්තමේන්තුව පෙන්වන්නේ එම ස්ථාන මෙම ව්‍යාපෘතියට තෝරා නොගත්තේ මන්දැයි පැහැදිලි කරන ප‍්‍රමාණවත් අධ්‍යයන වාර්තාවක් නොමැති බවයි.


පන්සල් ඉඩම


එහෙත් ශ‍්‍රී ලංකා ක‍්‍රිකට් ආයතනයට ඒ වෙනුවෙන් අලූත් ඉඩමක් ඕනෑ වී තිබුණි. තෝරාගෙන තිබුණේ විහාරයක් සතු ඉඩමය. ඉඩම මිලදී ගන්නට අනුමැතිය ලැබුණත් ව්‍යාපෘතිය ගැන ප‍්‍රමාණවත් තරමේ විධායක කමිටු තීන්දුවක් ගෙන තිබුණේද නැත.


තෝරාගෙන තිබුණු ඉඩම මහනුවර මහනුවර ගංගාරාම රජ මහා විහාරයට අයත් එකකි. එය මහනුවර නගර සීමාව තුළ සියඹලාගස්තැන්න ප‍්‍රදේශයේ වලකුඹුරවත්ත නම් ඉඩමය. අක්කර1ක් සහ පර්චස් 20.2ක විශාලත්වයෙන් යුතු විය. ඒ ඉඩම ලබාගැනීම සඳහා මල්වතු පාර්ශ්වයේ මහා නායක හිමියන්ට 2016 සැප්තැම්බර් 6 වැනිදා ලිපියක් යවා තිබුණි. එයට ප‍්‍රතිචාර ලෙස ඉඩම ලබාදීම වෙනුවෙන් විහාරය පැත්තෙන් එකඟතාවත් පළකර ලිපියක් ලබාදී ඇත. ඒ 2016 සැප්තැම්බර් 19 වැනිදාය.


වෙනම කමිටුවක්


ශ‍්‍රී ලංකා ක‍්‍රිකට් ආයතනයේ ව්‍යවස්ථාවට අනුව ක‍්‍රිකට්වලට අදාල යටිතල පහසුකම් සංවර්ධන ව්‍යාපෘති කළ යුත්තේ ක‍්‍රිකට් ආයතනයේ ජාතික සංවර්ධන කමිටුවය. ව්‍යාපෘතිවල වගකීම පවරාගත යුත්තේ එම කමිටුවයි. ව්‍යාපෘති ගැන වගකිව යුත්තේ ඔවුන්ය. එහෙත් ඒ කමිටුව වෙනුවට ක‍්‍රිකට් විශ්වවිද්‍යාලය වෙනුවෙන් ජාතික ව්‍යාපෘති කමිටුව නමින් අලූත් කමිටුවක් පිහිටුවා තිබුණි. ඒ නීතියට පිටින් ගොස්ය. ඉන්පසුව ව්‍යාපෘතියේ කටයුතු කර තිබුණේ එම කමිටුවේ ලේකම් ලෙස කටයුතු කළ එක් පුද්ගලයෙකි. කිසිදු විනිවිදභාවයක් නැතිව, නීත්‍යනුකූල අනුමැතිය ලබා නොගෙන ඔහු තනිව වැඩකටයුතු කරගෙන ගොස් ඇත. ඉඩම පවරාගැනීම පිළිබඳ කටයුතු කර ඇත්තේද එසේය.


පෞද්ගලික සමාගම


තෝරාගත් ඉඩමේ කටයුතු කිරීම සඳහා ලෑන්ඞ් මැනේජ්මන්ට් ඩිවලොප්මන්ට් ප‍්‍රයිවෙට් ලිමිටඞ් නම් ක‍්‍රිකට් ආයතනයට පිටින් ඇති බාහිර ආයතනය හිතුමතයට මිනින්දෝරුවෙකු තෝරගෙන තිබුණි. මේ ආයතනය තෝරාගෙන තිබුණේ 2016 ජුල 1 වැනිදා හදිසි විධායක කමිටු රැුස්වීමකදීය. මධ්‍යම පළාතේ සහ ඌව පළාතේ දැනට පවතින සහ අලූතින් ඉදිකරන ක‍්‍රිකට් සම්බන්ධ ඉදිකිරීම් ව්‍යාපෘති කළමනාකරණ සහ උපදේශනය සඳහා එම ආයතනය පත් කළ යුතු බව එහිදී තිරණය කර ඇත. එම තීරණය 2016 අගෝස්තු මාසයේ ලිපියක් මගින් දැනුම් දී තිබේ. එම කරුණද සිහිතබාගත යුතුය.
නිශ්චිතව මෙම ව්‍යාපෘතිය ගැන එම ආයතනයට 2017 දෙසැම්බර් 29වන දින ලිපියකින් දැනුම්දී ඇත්තේ අප කලින් කී ලේකම්වරයාය.


මල්වතු විහාරයෙන් ලබාගත් ඉඩමෙහි භුක්තිය පිළිබඳ ගැටලූ මතුවී තිබුණේ ඔය අතරය. මල්වතු පාර්ශ්වයේ ගංගාරාම රජමහා විහාරයට අයත් ඒ ඉඩම භුක්ති විඳින පිරිස් සිට ඇත. ඉඩමේ භුක්තිය නිරවුල් එකක් නොවීය. ඉඩමේ පදිංචිකරුවෙකු පැමිණ තමාට ඉවත් වන්නට මුදල් දෙන ලෙස කියා ඇත. ඔහු වෙනුවෙන් රුපියල් ලක්ෂ 5ක් ගෙවා තිබුණි. ඉන් පසුවත් ඉඩමේ භුක්තිය නිරවුල් වී නැත.


මුදල් දීම


ඉඩම ලබා ගැනීම වෙනුවෙන් මල්වතු පාර්ශ්වයේ ක‍්‍රියාත්මක වන ව්‍යාපෘතීන් සඳහා රුපියල් 25,000,000ක් ද ගංගාරාම රජමහා විහාරය වෙත රුපියල් 25,000,000ක්ද ලෙස එකතුව රුපියල් 50,000,000ක් ලබාදීමට තීරණය කර තිබුණි. එහෙත් ඉඩම ලබා දීම වෙනුවෙන් ස්තුති කිරීම සඳහා මහ නායක ස්වාමීන් වහන්සේ අමතන ලද ශ‍්‍රී ලංකා ක‍්‍රිකට් සභාපතිගේ 2017 අපේ‍්‍රල් 19 දිනැති ලිපියෙන් මල්වතු පාර්ශ්වය මගින් දියත් කරනු ලබන සංවර්ධන ව්‍යාපෘතියක් වෙනුවෙන් දුන් රුපියල් 25,000,000ක ආධාර අරමුදල පිළිබඳව පමණක් සඳහන්ව ඇත. ඉඩම ගත්තේ ගංගාරාම විහාරයෙනි. එහෙත් මුදල් දී ඇත්තේ වෙනත් පාර්ශ්වයකටය. අනෙක මේ කියන ව්‍යාපෘති මොනවාද කියා තහවුරු කරගෙන තිබුණේත් නැත. එම මුදල් වියදම් කළේ කුමකටද ආදි කරුණු කිසිවක් තහවුරු කරගෙන නැත. ආයතනයක් වෙනුවට මල්වතු පාර්ශ්වයේ මහානායක හිමියන්ගේ නමට මුදල් ගෙවා තිබුණි. මල්වතු මහා විහාරයේ ඉදිවෙමින් පැවති රැුස්වීම් ශාලා ගොඩනැගිල්ල ඉදිකිරීමේ කටයුතු සඳහා මෙම මුදල උපයෝගී කරගත් බව මල්වතු පාර්ශ්වයේ මහා නායක හිමියන් විසින් ප‍්‍රකාශ කර ඇත. එහෙත් ඒ ප‍්‍රකාශය හැරුණාම එය සැබෑවක්දැයි තහවුරු කරගැනීමට සාක්ෂ්‍ය නොවීය. විගණකාධිපති දෙපාර්තමේන්තුව පවසන්නේ එලෙස බාහිර පාර්ශ්වයන්ට සොයාබැලීමකින් තොරව මුදල් දීම ගැටලූවක් බවය.


ඇණහිටලා


විශ්වවිද්‍යාලයක් පිහිටුවීම වැනි බරපතළ ක‍්‍රියාමාර්ගයකදී ගතයුතු කිසිදු වැදගත් පියවරක් ගෙන තිබුණේ නැත. හදිසියට ඉඩම පවරාගෙන තිබුණා පමණි. ව්‍යාපෘතිය ගැන ශක්‍යතා අධ්‍යන වාර්තාවක් තිබී නැත. මෙම විශ්වවිද්‍යාලය පිහිටුවන්නේ ඇයි, එය අදාළ ප‍්‍රදේශයේම පිහිටුවන්නට හේතුව කුමක්ද, අදාළ ප‍්‍රදේශය එම ව්‍යාපෘතියට සුදුසුද යනාදි කාරණා ගණනාවක් ගැන විද්‍යාත්මක පැහැදිලි කිරීමක් සඳහා ශක්‍යතා අධ්‍යන වාර්තාවක් අත්‍යවශ්‍ය වෙයි. ව්‍යාපෘතියක් පටන්ගන්නට ඕනෑ ඒ අනුවය. අනෙක් අතට උපාධි ලබාදෙන විශ්වවිද්‍යාලයක් බිහිකිරීම සඳහා විශ්වවිද්‍යාල ප‍්‍රතිපාදන කොමිසමෙන්ද අනුමැතිය ලබාගත යුතුය. ඊට අමතරව විෂයන් ගැන දළ වශයෙන් කතාකිරීමට එහා ගොස් විෂය නිර්දේශයන් ගැනද කටයුතු කළ යුතුව තිබුණි. විශ්වවිද්‍යාලයක් යනු ගොඩනැගිලි එකතුවක් නොවේ.


2019 සැප්තැම්බර් මාසයේදී විගණකාධිපති දෙපාර්තමේන්තුවෙන් එම ඉඩමේ ස්ථානීය පරීක්ෂාවක් කර තිබුණි. ඉඩමේ බිම් සැකසුමක්වත් මෙතෙක් සිදුකර නැත. ඒ අනුව අදටත් ක‍්‍රිකට් විශ්වවිද්‍යාලයේ ව්‍යාපෘතිය ඉදිරියට ගමන් කර නැත. ඇත්තටම ඒ තීන්දු ගත් විධායක සභා නිලධාරීන් දැන් ඒ තනතුරුවල නැත. තිලංග සුමතිපාලලා ශ‍්‍රී ලංකා ක‍්‍රිකට්වලින් ඉවත් වූහ. ව්‍යාපෘතියේ අසාර්ථකභාවය පිළිබඳ නිදහසට කරුණු රැුසක් ක‍්‍රිකට් ආයතනයට දැන් තිබෙනවා විය හැකිය. එහෙත් මේ සිදුවෙමින් පැවතුණේ කුමක්දැයි අප අවබෝධ කරගත යුතුය.


මිලියන ගණන් මුදල් වෙන්කොට සිදුකරන ලංකාවේ මහා පරිමාණ ව්‍යාපෘති පසුපස ඇති කතාව මේ ව්‍යාපෘතියටත් පොදු බව පෙනේ. වෙනසකට ඇත්තේ බොහෝ ව්‍යාපෘති අවසන් කළාට පසුව මෙවැනි වාර්තාවලට හසුවීමත්, මේ ව්‍යාපෘතිය ආරම්භයේදීම හසුවීමත්ය.


ක‍්‍රිකට් විශ්වවිද්‍යාලය ගැන සංකල්පය ඉදිරියට දමාගෙන කරන්නට සිටි බොහෝ දේවල් කරන්නට නොහැකි වී තිබෙන බව පැහැදිලි කාරණයකි. එසේ නැතිනම්, විධායක කමිටුවට පිටින් විනිවිදභාවයක් නැතිව මෙම ව්‍යාපෘතිය ඉදිරියට යන්නට ඉඩ තිබුණි. විශාල මුදලක් ඒ වෙනුවෙන් වියදම් කරන්නට ඉඩ තිබුණි. ඉන්පසුව හිස් ඉදිකිරීම් ගොන්නක් ගැන හූල්ලන්නට සිදුවීමේ අවදානමක් තිබුණි. මෙම ව්‍යාපෘතිය මෙතැනින් ඉදිරියට යනවා නම් නීතිරීතිවලට අනුකූලව, ශක්‍යතා අධ්‍යයනයක් සිදුකොට, ඵලදායී ලෙස සිදුකළ යුතු බව විගණකාධිපති දෙපාර්තමේන්තුව නිර්දේශ කර නැත.

ප‍්‍රජාතන්ත‍්‍රවාදයේ ඉදිරි ගමනට ලබන සතියේ මාර්ග බාධකයක් නොවැටුණොත් මේ ව්‍යාපෘතිය ගැන ඉදිරියේදී කෝප් කමිටුවත් ප‍්‍රශ්න කරනු ඇත.


ඉඩම ලබා ගැනීම වෙනුවෙන් මල්වතු පාර්ශ්වයේ ක‍්‍රියාත්මක වන ව්‍යාපෘතීන් සඳහා රුපියල් 25,000,000ක් ද ගංගාරාම රජමහා විහාරය වෙත රුපියල් 25,000,000ක්ද ලෙස එකතුව රුපියල් 50,000,000ක් ලබාදීමට තීරණය කර තිබුණි. එහෙත් ඉඩම ලබා දීම වෙනුවෙන් ස්තුති කිරීම සඳහා මහ නායක ස්වාමීන් වහන්සේ අමතන ලද ශ‍්‍රී ලංකා ක‍්‍රිකට් සභාපතිගේ 2017 අපේ‍්‍රල් 19 දිනැති ලිපියෙන් මල්වතු පාර්ශ්වය මගින් දියත් කරනු ලබන සංවර්ධන ව්‍යාපෘතියක් වෙනුවෙන් දුන් රුපියල් 25,000,000ක ආධාර අරමුදල පිළිබඳව පමණක් සඳහන්ව ඇත. ඉඩම ගත්තේ ගංගාරාම විහාරයෙනි. එහෙත් මුදල් දී ඇත්තේ වෙනත් පාර්ශ්වයකටය. අනෙක මේ කියන ව්‍යාපෘති මොනවාද කියා තහවුරු කරගෙන තිබුණේත් නැත. එම මුදල් වියදම් කළේ කුමකටද ආදි කරුණු කිසිවක් තහවුරු කරගෙන නැත. ආයතනයක් වෙනුවට මල්වතු පාර්ශ්වයේ මහානායක හිමියන්ගේ නමට මුදල් ගෙවා තිබුණි. මල්වතු මහා විහාරයේ ඉදිවෙමින් පැවති රැුස්වීම් ශාලා ගොඩනැගිල්ල ඉදිකිරීමේ කටයුතු සඳහා මෙම මුදල උපයෝගී කරගත් බව මල්වතු පාර්ශ්වයේ මහා නායක හිමියන් විසින් ප‍්‍රකාශ කර ඇත. එහෙත් ඒ ප‍්‍රකාශය හැරුණාම එය සැබෑවක්දැයි තහවුරු කරගැනීමට සාක්ෂ්‍ය නොවීය. විගණකාධිපති දෙපාර්තමේන්තුව පවසන්නේ එලෙස බාහිර පාර්ශ්වයන්ට සොයාබැලීමකින් තොරව මුදල් දීම ගැටලූවක් බවය.
ඇණහිටලා
විශ්වවිද්‍යාලයක් පිහිටුවීම වැනි බරපතළ ක‍්‍රියාමාර්ගයකදී ගතයුතු කිසිදු වැදගත් පියවරක් ගෙන තිබුණේ නැත. හදිසියට ඉඩම පවරාගෙන තිබුණා පමණි. ව්‍යාපෘතිය ගැන ශක්‍යතා අධ්‍යන වාර්තාවක් තිබී නැත. මෙම විශ්වවිද්‍යාලය පිහිටුවන්නේ ඇයි, එය අදාළ ප‍්‍රදේශයේම පිහිටුවන්නට හේතුව කුමක්ද, අදාළ ප‍්‍රදේශය එම ව්‍යාපෘතියට සුදුසුද යනාදි කාරණා ගණනාවක් ගැන විද්‍යාත්මක පැහැදිලි කිරීමක් සඳහා ශක්‍යතා අධ්‍යන වාර්තාවක් අත්‍යවශ්‍ය වෙයි. ව්‍යාපෘතියක් පටන්ගන්නට ඕනෑ ඒ අනුවය. අනෙක් අතට උපාධි ලබාදෙන විශ්වවිද්‍යාලයක් බිහිකිරීම සඳහා විශ්වවිද්‍යාල ප‍්‍රතිපාදන කොමිසමෙන්ද අනුමැතිය ලබාගත යුතුය. ඊට අමතරව විෂයන් ගැන දළ වශයෙන් කතාකිරීමට එහා ගොස් විෂය නිර්දේශයන් ගැනද කටයුතු කළ යුතුව තිබුණි. විශ්වවිද්‍යාලයක් යනු ගොඩනැගිලි එකතුවක් නොවේ.
2019 සැප්තැම්බර් මාසයේදී විගණකාධිපති දෙපාර්තමේන්තුවෙන් එම ඉඩමේ ස්ථානීය පරීක්ෂාවක් කර තිබුණි. ඉඩමේ බිම් සැකසුමක්වත් මෙතෙක් සිදුකර නැත. ඒ අනුව අදටත් ක‍්‍රිකට් විශ්වවිද්‍යාලයේ ව්‍යාපෘතිය ඉදිරියට ගමන් කර නැත. ඇත්තටම ඒ තීන්දු ගත් විධායක සභා නිලධාරීන් දැන් ඒ තනතුරුවල නැත. තිලංග සුමතිපාලලා ශ‍්‍රී ලංකා ක‍්‍රිකට්වලින් ඉවත් වූහ. ව්‍යාපෘතියේ අසාර්ථකභාවය පිළිබඳ නිදහසට කරුණු රැුසක් ක‍්‍රිකට් ආයතනයට දැන් තිබෙනවා විය හැකිය. එහෙත් මේ සිදුවෙමින් පැවතුණේ කුමක්දැයි අප අවබෝධ කරගත යුතුය.
මිලියන ගණන් මුදල් වෙන්කොට සිදුකරන ලංකාවේ මහා පරිමාණ ව්‍යාපෘති පසුපස ඇති කතාව මේ ව්‍යාපෘතියටත් පොදු බව පෙනේ. වෙනසකට ඇත්තේ බොහෝ ව්‍යාපෘති අවසන් කළාට පසුව මෙවැනි වාර්තාවලට හසුවීමත්, මේ ව්‍යාපෘතිය ආරම්භයේදීම හසුවීමත්ය.
ක‍්‍රිකට් විශ්වවිද්‍යාලය ගැන සංකල්පය ඉදිරියට දමාගෙන කරන්නට සිටි බොහෝ දේවල් කරන්නට නොහැකි වී තිබෙන බව පැහැදිලි කාරණයකි. එසේ නැතිනම්, විධායක කමිටුවට පිටින් විනිවිදභාවයක් නැතිව මෙම ව්‍යාපෘතිය ඉදිරියට යන්නට ඉඩ තිබුණි. විශාල මුදලක් ඒ වෙනුවෙන් වියදම් කරන්නට ඉඩ තිබුණි. ඉන්පසුව හිස් ඉදිකිරීම් ගොන්නක් ගැන හූල්ලන්නට සිදුවීමේ අවදානමක් තිබුණි. මෙම ව්‍යාපෘතිය මෙතැනින් ඉදිරියට යනවා නම් නීතිරීතිවලට අනුකූලව, ශක්‍යතා අධ්‍යයනයක් සිදුකොට, ඵලදායී ලෙස සිදුකළ යුතු බව විගණකාධිපති දෙපාර්තමේන්තුව නිර්දේශ කර නැත. ප‍්‍රජාතන්ත‍්‍රවාදයේ ඉදිරි ගමනට ලබන සතියේ මාර්ග බාධකයක් නොවැටුණොත් මේ ව්‍යාපෘතිය ගැන ඉදිරියේදී කෝප් කමිටුවත් ප‍්‍රශ්න කරනු ඇත.