රජික කොඩිතුවක්කු – ශ‍්‍රී ලංකා නිදහස් ප‍්‍රජාතන්ත‍්‍රවාදී පෙරමුණ



ඔබ ඇතුළු පිරිසක් පිහිටුවාගත්ත ශ‍්‍රී ලංකා නිදහස් පොදුජන පෙරමුණ කියන පක්ෂයේ අරමුණ මොකක්ද?
ශ‍්‍රී ලංකා නිදහස් පාක්ෂිකයෝ විදියට මේ වෙලාවේ අතරමං වෙලා ඉන්න රටපුරා අපේක්ෂකයන්, ආසන සංවිධායකවරුන්, නාගරික මන්ත‍්‍රීවරුන් ගොනුවෙන ස්ථානයක් විදියටයි අපි මේක නිර්මාණය කළේ. මීට අවුරුදු එකහමාරකට ඉස්සෙල්ලා එදා කොළඹ මහජන පුස්තකාලයේදී මමත්, කඩුවෙල සංවිධායක බුද්ධදාස මහතාත් ඇතුළු පිරිසක් එකතුවෙලා ශ‍්‍රීලනිපය සුරැුකීමේ ජාතික සංවිධානය බිහිකළා. ජනාධිපතිවරයාගේ ළඟින් ඉල්ලා අස්වෙලා අපි ඒක බිහිකරන්නට හේතුවක් තිබුණා. ජනාධිපති මෛත‍්‍රීපාල සිරිසේන මහතා රාජපක්ෂ විරෝධය රටේ වර්ධනය කරන්නට මැදිහත් වූ කෙනෙක්. ඉන්පසුව රාජපක්ෂ විරෝධය මත ඔහුට ජනවරමක් ලැබුණා.

එහෙත් ඔහු මහින්ද රාජපක්ෂ මහතාට අගමැතිධූරය ලබාදීමෙන් ජනවරම පාවාදුන් බව අපි විශ්වාස කළා. ඒ නිසයි අපි ශ‍්‍රී ලංකා නිදහස් පක්ෂය සුරැුකීමේ සංවිධානය බිහිකළේ. අවුරුදු එකහමාරක් තිස්සේ අපි ශ‍්‍රීලනිපය සුරැුකීමේ ජාතික සංවිධානය විදියට ආවා. දැන් අපි ශ‍්‍රීලනිපයේ කොටසක් රාජපක්ෂවරුන්ට එරෙහිව පෙළගස්වමින් මේ ජනාධිපතිවරණයේදී තීරණාත්මක සාධකයක් බවට පත්වෙලා ඉන්නවා.

මේ වෙද්දී ශ‍්‍රීලනිපයේ ඉදිරිපෙළ නායකයන් පවා අපේ සංවිධානයට අභූත චෝදනා නගන්නට පටන් අරගෙන. ඒකෙන් පේන්නේ ශ‍්‍රීලනිපය සුරැුකීමේ සංවිධානය කෙතරම් බලවත් සංවිධානයක්ද කියන කාරණය. අපි දේශපාලනිකව අපේ ආසන සංවිධායකවරුන්ට, අපේ මන්ත‍්‍රීවරුන්ට අපේ කලාප නායකයන්ගේ අනාගත දේශපාලනයට යන්න පුළුවන් සීමාව අපි හඳුනාගත්තා. අපි තීන්දු කළා නැවත ශ‍්‍රීලනිපයේ නායකත්වය හරි මඟකට එනතුරු අපට යා හැකි උපරිම සීමාව ඇතුළේ කටයුතු කරන්න. නැවත ඕනෑම අවස්ථාවක ශ‍්‍රීලනිප ප‍්‍රධාන ප‍්‍රවාහයට යළි එක්වීමට ඉඩ ප‍්‍රස්තාව තියාගෙන ශ‍්‍රීලනිප පාක්ෂිකයන්ව වෙනත් තැනකට යන්නට නොදී ගොනු කරගැනීමට තැනක් හදාගන්න ඕනෑ. ඒකේ ප‍්‍රතිඵලයක් විදියට අපි කිහිපදෙනෙක් සැලසුම් කරලා ශ‍්‍රී ලංකා නිදහස් ප‍්‍රජාතන්ත‍්‍රවාදී පෙරමුණ බිහිකළේ. එය ලියාපදිංචි නොවන පක්ෂයක් විදියට ආරම්භ කළේ ශ‍්‍රීලනිපය සමඟ තිබෙන සම්බන්ධය නිසායි.


කුමාර වෙල්ගම මැතිතුමාට ඇප බැඳීම කළේ මම. එහිදීත් මම ශ‍්‍රී ලංකා නිදහස් ප‍්‍රජාතන්ත‍්‍රවාදී පෙරමුණ විදියටයි එය කළේ. අපි එදා ජනාධිපති මෛත‍්‍රීපාල සිරිසේන මහතා වෙනුවෙන් 2015 දී පෙනී සිටීමට ගත් තීන්දුව වගේම එතුමාගෙන් ඉවත් වෙන්නත් හේතු තිබුණා. එතුමාගේ නව දර්ශනයෙන් ශ‍්‍රීලනිපයත් ඒ දැක්ම නිසාම රටත් අගාධයට යනු ඇතැයි අපට හැඟු‍ණා. ඒ වගේම මේ අවස්ථාවේත් අපේ සංවිධායකවරුන්ව ශක්තිමත් කළ යුතු බව අපි තේරුම් ගත්තා. ඒ නිසා ශ‍්‍රී ලංකා නිදහස් ප‍්‍රජාතන්ත‍්‍රවාදී පෙරමුණ කියලා කියන්නේ ශ‍්‍රී ලංකා නිදහස් පක්ෂය සුරැුකීමේ ජාතික සංවිධානය යටතේ ක‍්‍රියාත්මක වන ඒ ජාතික සංවිධානයට සම්බන්ධව ක‍්‍රියාත්මක වන කොටසක් පමණයි.


ශ‍්‍රීලනිපයේ ආසන සංවිධායකවරුන් විශාල පිරිසක් ඔබේ කණ්ඩායම හා එක්වීමට සූදානම් බව පසුගිය සතියේ වාර්තා වුණා. ඒක සිද්ධවෙන්නේ නැද්ද?
විශාල පිරිසක් දැනට සාකච්ඡුා කරමින් ඉන්නවා. දැනට ආසන සංවිධායකවරුන් අසූපහකට වැඩි පිරිසක් අපිත් එක්ක සාකච්ඡුා කරලා තියෙනවා. ඒත් ඔවුන් බලාපොරොත්තු වෙන්නේ තමන්ට ජාතික මට්ටමේ නායකත්වයක් ලැබේවි කියලයි. ඔවුන් ගම් මට්ටමෙන් එළියට ඇවිත් ජාතික තලයේ දේශපාලන කටයුතුවලට එකතු වෙන්න බලාපොරොත්තු වෙන්නේ ඒ නායකත්වය ලැබුණාට පස්සේයි. දැනට ඔවුන් බිම් මට්ටමෙන් කටයුතු කරමින් ඉන්නවා. තමන්ගේ හිතවත් ශ‍්‍රීලනිප පාක්ෂිකයන්ව ඔවුන් සංවිධානය කරමින් ඉන්නවා. ගෝඨාභය රාජපක්ෂට ඡුන්දය දීමෙන් වැළකී ඉන්න කියලා උපදෙස් ගමේ පාක්ෂිකයන්ට දෙනවා.


ඔබට ජාතික මට්ටමෙන් හඳුනාගත් නායකයන් නැද්ද?
අපි මේ වෙලාවේ බලාපොරොත්තු තබාගෙන ඉන්නේ කුමාර වෙල්ගම හා චන්ද්‍රිකා බණ්ඩාරණායක කුමාරතුංග මැතිණිය ගැන. චන්ද්‍රිකා මැතිණිය තමයි අපට විශ්වාස කළ හැකි දැවැන්තම ජාතික නායිකාව. ඇය පමණයි මේ අවස්ථාවේ අපේ මතවාදයේ ඉන්න බව පේන්නේ. ඔවුන් යම් සාධනීය ක‍්‍රියාමාර්ගයක් ගත්තොත් අපි එතැනට එකතුවෙනවා. ඒත් ඔවුන් ක‍්‍රියාමාර්ගයක් ගන්නාතුරු අපට නිකන් ඉන්න බැහැ. අපට වගකීමක් තියෙනවා සමාජය දැනුවත් කරන්නට සහ ශ‍්‍රී ලංකා නිදහස් පාක්ෂිකයන්ව පෙළගස්වන්නට. මොකක්ද මේ පක්ෂයට වෙන විනාශය, එයින් පසුව රටට විය හැකි හානිය මොකක්ද කියන එක අප පැහැදිළි කළ යුතුයි.

ඒ ගැන මතවාදීමය වශයෙන් ජනතාව පෙළගැස්විය යුතුයි. ඒ නිසා තමයි අපි ඒ ජාතික නායකයන් ක‍්‍රියාකාරී වනතුරු නොසිට අපි එකතුවෙලා දැන් කටයුතු කරමින් ඉන්නේ. අපි කලින් කී සංවිධායකවරුන්ගේ දේශපාලනය ආරක්ෂා කිරීමටම තමයි අපි ශ‍්‍රී ලංකා නිදහස් ප‍්‍රජාතන්ත‍්‍රවාදී පෙරමුණ හැදුවේ. ඒ අනුව අප හා එක්වන අයට ආසන සංවිධායක පත්වීම් ආදිය ලබාදීමට අපි කටයුතු කරනවා. ඒ සංවිධායකවරුන්ට යම් ප‍්‍රජාතන්ත‍්‍රවාදී දේශපාලන බලවේගයක කොටසක් ලෙස ඉදිරියේ කටයුතු කිරිමට අවස්ථාව ලබාදීමට අපි උත්සාහ කරනවා.


පෙනෙන විදියට කුමාර වෙල්ගම වැනි නායකයන් ඔබේ කණ්ඩායමෙන් ඈත්වෙලාද?
ඔවුන්ගේ අඩුව අපේ පාක්ෂිකයන්ට විශාල විදියට දැනෙනවා. ඒත් ඔවුන් නැති බව කියමින් අපට බලාගෙන ඉන්න බැහැ. අපේ නායකයන් ඇතුළු හැමෝම ජීවිතයට ආදරය කරනවා. විරුද්ධ අදහස් මර්ධනය කරන පිරිසක් තමයි පොදුජන පෙරමුණේ ඉන්නේ. ඒ නිසා ඕනෑම කෙනෙක් ක‍්‍රියාකාරීත්වයට එන්න කලින් නැවත කල්පනා කරනවා. ඒත් අපි ඒවාට ඉඩ දෙන්නෑ. මේවා ගැන අපි මිනිස්සුන්ට කියාදෙන්න ඕනෑ. ගෙÛන් පීනාගෙන ඇවිත් කුමාර වෙල්ගම මහතාගේ නිවෙසේ කාමරයට පැනපු කෙනෙක් කාමරය අවුල් කරලා ගිහින්. කිසිවක් හොරාගෙන නැහැ. ඒ කරන්නේ වක‍්‍ර තර්ජන.

තරුණ පරම්පරාවට හා බුද්ධිමත් මිනිස්සුන්ට අපි ඒක කියන්න ඕනෑ. අවුරුදු දහයක් තිස්සේ ගෝඨාභය රාජපක්ෂ මහතා ඔප්පු කරපු දේවල් නැවතත් තීව‍්‍ර වෙලා ඊළඟ කාර්තුවේ ලබන්නට ඕනෑනම් අපට ශ‍්‍රීලනිපය එක්ක ගිහින් ගෝඨාභය රාජපක්ෂ මහතාට සහාය දෙන්න පුළුවන්. එහෙත් අපි ඔහුව විශ්වාස කරන්නේ නැහැ. මට ඔබවත්, ඔබට මාවත් විවේචනය කරන්න අයිතිය තියෙන්න ඕනෑ. ඒ අයිතිය රැුකගන්නට අප කටයුතු කරන්න ඕනෑ. ලංකාවේ හමුදා රාජ්‍යයක් ඇති කරන්න අපි කැමති නැහැ. හිට්ලර් හා මුසලෝනී බලයට ආවේත් ඡුන්දය ඉල්ලලායි. ඒත් ඔවුන්ව යවන්න වුණේ මිලියන ගණනක් මිනිසුන්ගේ ජීවිත නැති කරගෙනයි. ඒ තත්වය ලංකාවේ ඇති කරන්න අපි කැමති නැහැ. ඒකට විරුද්ධවයි අපි කටයුතු කරන්නේ.


චන්ද්‍රිකා කුමාරතුංග මහත්මිය සමඟ කතාබහ කළාද?
අපට පණිවුඩ ලැබිලා තියෙනවා එතුමිය නොවරදවාම ලංකාවට පැමිණෙන බව කියලා. ඒ වගේම එතුමිය තමන්ගේ මතවාදය ගැන යම් ඉඟි අපේ පාක්ෂිකයන්ට පළකරලා තියෙනවා. පොදු මිනිසා ජයග‍්‍රහණය කරන්නට කැපවෙමු කියන තැන ඉඳන් අපි කටයුතු කරනවා. මම විශ්වාස කරනවා එතුමියටත්, වෙල්ගම මහතාටත් විශාල කාර්යභාරයක් තියෙන බව. මේක ඓතිහාසික මොහොතක්. මේ කඩයිම නැවත එන්නේ නැහැ. ලංකාව දෙනෙක් එකක් තෝරාගන්න මොහොත මේක.


නැවත ශ‍්‍රීලනිපය හා එක්වෙන්න බලාපොරොත්තුවක් නැද්ද?
ශ‍්‍රී ලංකා නිදහස් පක්ෂය පොදුජන පෙරමුණ සමඟ අත්සන් කළ ගිවිසුම් අහෝසි කරලා, ස්වාධීනව කටයුතු කරන්න පටන්ගන්නා තුරු අපි බලාසිටිනවා. අපට එකඟ විය හැකි සැබෑ ශ‍්‍රීලනිප මතවාද ඇතුලේ කටයුතු කරන්න පටන්ගත්තොත් අපි එතැනට යනවා. ඒත් අපට එහෙම තත්වයක් ඇතිවෙන බවක් පෙනෙන්නේ නැහැ. උදාහරණයක් හැටියට ශ‍්‍රීලනිපය හා පොදුජන පෙරමුණ ඇති කරගත් එකඟතා අනුව අපේ පක්ෂයට සීයට 31ක නියෝජනයක් පමණයි තියෙන්නේ. එයින් ශ‍්‍රීලනිපය පිළිගන්නවා ඉදිරි හැම මැතිවරණයකදීම ශ‍්‍රීලනිපයට සීයට 31ක කෝටා එකක් ලැබෙන බව. ඒ සීයට 31ක සීමාව සඳහා පදනම වන්නේ මීට කලින් මැතිවරණයේදී ලබාගත් ලක්ෂ 15ක ඡුන්ද ප‍්‍රමාණය. එහෙත් ඒ ලක්ෂ 15 මත ලැබෙන කෝටාව පිළිගනිමින් ගිවිසුම්ගත වීම තුළින්ම ශ‍්‍රීලනිපය පිළිගන්නවා තම පක්ෂයට ලක්ෂ 15කට එහා යන්න බැරි බව. ඒ අනුව අපට ඉදිරියේදී නාමයෝජනා බාරදෙනකොට අවස්ථාව ලැබෙන්නේත් දැනට මන්ත‍්‍රීධූර ආදිය හිමි කිහිපදෙනාට විතරයි. ඒ අයවත් පරාජය කිරීමේ අවදානමක් තියෙනවා. ඒ අනුව ශ‍්‍රීලනිපය නැවත ප‍්‍රධාන පක්ෂය ලෙස වර්ධනය නොවන බව ප‍්‍රසිද්ධියේ ශ‍්‍රීලනිපය පිළිගන්නවා.


එය දැන් තමන්ට තිබෙන ශක්තිය නිහතමානීව පිළිගැනීමක් නොවෙයිද?
එක් කලෙක ආසන අටකට කඩාවැටුණු ශ‍්‍රීලනිපය නැවත මහා වෘක්ෂයක් සේ නැගිට්ටවන්නට සිරිමාවෝ මැතිණියට ධෛර්යයක් තිබුණා. ඒත් ලක්ෂ 15ක් තිබියදීත් වත්මන් ශ‍්‍රීලනිප නායකයන්ට නැගී සිටින්නට ධෛර්යක් නැද්ද. එහෙම දැක්මක් මේ නායකයන්ට නැද්ද. පරාජය භාර අරගෙන හමාරද. අපට පෙනෙන්නේ නැහැ ශ‍්‍රීලනිපය වෙනුවෙන් මේ නායකයන් පෙනී සිටින බවක්. ඔවුන් පෙනී ඉන්නේ තමන්ගේ තනතුරු හා වරප‍්‍රසාද වෙනුවෙන්. ඒත් අපේ ගමේ වැඩකරපු, මහන්සි වුණ මිනිස්සුන්ට තැනක් නැතිවෙනවා. ඒ අය ගැන කවුරුවත් කතාකරන්නේ නැහැ. අපි විශ්වාස කරනවා ශ‍්‍රීලනිපය කවදාවත් මරන්න බැරි බව. ශ‍්‍රීලනිපයට නැවත නැගිටින්න පුළුවන්. ඒත් පොදුජන පෙරමුණ සමඟ ඇති කරගත් ගිවිසුම්වල නැවත නැගී සිටීමට ඉඩකඩ තියාගත්තේ නැහැ.


දැන් පොදුජන පෙරමුණ සමඟ ඉන්න ශ‍්‍රීලනිපයේ ජාතික මට්ටමේ වෙනත් මන්ත‍්‍රීවරු ඔබේ කණ්ඩායමත් එක්ක එක්වීමේ ඉඩක් තියෙනවාද?
පොදුජන පෙරමුණ එක්ක ගිය සියළුම මන්ත‍්‍රීවරුන්ට අන්තිමේදී අහන්න වුණේ හූ හඬ. ඒ නිසයි වෙනම වේදිකාවල කැම්පේන් කරන්න ඔවුන්ට සිද්ධවෙලා තියෙන්නේ. අපට අඩුකුළේ සැලකීම් ලබන්න ඕනෑ නැහැනේ. දැන් අපේ පක්ෂයට විඳින්න සිද්ධවෙලා තියෙන නිග‍්‍රහයන්ගේ හැටියට ඡුන්දයෙන් පස්සේ අපට සොරි ඩොට් කොම් තමයි. මම විශ්වාස කරන එක තමයි මේ වෙලාවේ ළඟ ළඟ තරගයේදී අපේ රටේ ප‍්‍රජාතන්ත‍්‍රවාදී ව්‍යුහය හා ඒ සඳහා වූ පක්ෂ ක‍්‍රමය ආරක්ෂා කරන්න ඕනෑ. විශේෂයෙන්ම ශ‍්‍රීලනිපය ආරක්ෂා කරන්න ඕනෑ. මේ වෙලාවේ ප‍්‍රධාන පක්ෂ දෙකම සීයට 50 ආසන්නයේ ඉන්නවා. වැඩිපුර වැටෙන එක ඡුන්දය තමයි ඔබේත් මගේත් ඡුන්දය. ඒ තනි ඡුන්දයෙන්, දෙකෙන් තමයි ජයග‍්‍රහණය තීන්දු වෙන්නේ.

අනෙක මේ මොහොතේ ගෝඨාභයගේ ඒකාධිපතිවාදයට මම කැමති නැහැ, එහෙත් සජිත්ටත් කැමති නැහැ කියලා වෙන විකල්ප කෙනෙකුට ඡුන්දය දෙනවානම් සිද්ධවෙන්නේ ඍජුවම සජිත් පේ‍්‍රමදාස මහතාව පරාජය කිරීම සඳහා ගෝඨාභයට ඡුන්දය දීමයි. ඒකාධිපතිත්වය පරාජය කරන්නටත්, ශ‍්‍රීලනිපය බේරාගන්නටත් ඔබේ එක ඡුන්දය සජිත් පේ‍්‍රමදාසට දෙන්න ඕනෑ. රටේ මිනිස්සුන්ට වගකීමක් තියෙනවා සලාක ක‍්‍රමයට හැම තැනටම මනාප දීලා වක‍්‍රව ගෝඨාභය රාජපක්ෂව නැවත විධායක පුටුවේ ඉන්දවනවා වෙනුවට නිවැරදිව ඡුන්දය පාවිච්චි කරන්න. මේ ඡුන්දය ඔබේ දරුවාගේ අනාගතය තීන්දු කරන ඡන්දය.


ඉදිරියේදී එක්සත් ජාතික පක්ෂය සමඟ එක්වීමේ ඉඩක් තියෙනවාද?
අපි කිසිම විදියකට එජාපය එක්ක එකතුවෙන්නේ නැහැ. එජාපයේ සාමාජිකත්වය ගන්නවත් අපට ඕනෑ නැහැ. එහෙත් අපට සජිත් පේ‍්‍රමදාස මහතා සමඟ අවබෝධයක් තියෙනවා. ඒක නොවැම්බර් 17 දක්වා බලපැවැත්වෙන සමාජ ගිවිසුමක්. ඔහුගේ ජයග‍්‍රහණය ස්ථීර කිරීමෙන් අප බලාපොරොත්තු වෙන්නේ පොදුජන පෙරමුණේ පවුල්වාදය විනාශ කිරීමටයි. ඉන්පස්සේ අපට ශ‍්‍රීලනිපය යළි නැගිට්ටවන්න පුළුවන්. ගෝඨාභය පරදවන්නට ඉන්න එකම විකල්පය සජිත් පේ‍්‍රමදාස මහතා. ඒ නිසා කැමැත්තෙන් හෝ අකැමැත්තෙන් සජිත් පේ‍්‍රමදාස මහතාව දිනවන්න සිද්ධවෙනවා. සතුරාගේ සතුරා මිතුරා බවට පත්වීමක් පමණයි සිද්ධවෙන්නේ. එහෙත් සමස්ථයක් විදියට අපි ශ‍්‍රීලනිපය අත්හරින්නේ නැහැ.