වෛද්‍ය සාෆි සියාබ්දීන්ට එරෙහිව කුරුණෑගල මහේස්ත‍්‍රාත් අධිකරණය ඉදිරියේ ගොනුකර ඇති නඩුවේ සාක්ෂි නැවත සටහන් කරගෙන, ඒ සම්බන්ධයෙන් ජනවාරි 16 වැනිදා අධිකරණයට වාර්තා කරන ලෙස කුරුණෑගල මහේස්ත‍්‍රාත්වරයා අපරාධ පරීක්ෂණ දෙපාර්තමේන්තුවට දැනුම් දී ඇත.


එම දැනුම්දීම සිදුකර ඇත්තේ එම නඩුව දෙසැම්බර් 12 වැනිදා විභාගයට ගත් අවස්ථාවේදීය. එහිදී අපරාධ පරීක්ෂණ දෙපාර්තමේන්තුව අධිකරණයට දැනුම් දී ඇත්තේ එම දෙපාර්තමේන්තුවේ සහකාර පොලිස් අධිකාරිවරයෙකුගේ ප‍්‍රධානත්වයෙන් නඩුවට අදාල සාක්ෂි විමර්ශන නැවත සිදුකිරීමට අවසර දෙන්නැයි කළ ඉල්ලීමක් සලකා බලමින්ය.


වෛද්‍ය සාෆි සියාබ්දීන් මහතාගෙන් සිසේරියන් සැත්කම්වලට ලක්වූ කාන්තාවන්ගේ සාක්ෂි සටහන් කර ගැනීමේදි අපරාධ පරීක්ෂණ දෙපාර්තමේන්තුවේ නිලධාරීන් තමන් පැවසු දේවල් අතරින් තෝරා ගත් කොටස් පමණක් සාක්ෂි වශයෙන් සටහන් කරගෙන ඇති බවත් අපරාධ පරික්ෂණ දෙපාර්තුමේන්තුව සිදු කළ විමර්ශනය ගැන සැහීමකට පත් විය නොහැකි බවත් අගතියට පත් පාර්ශ්වයේ නීතිඥයින් අධිකරණයට දැනුුම් දී ඇත.


වෛද්‍ය සාෆි සියාබ්දීන්ට සෑම සතියකම අපරාධ පරික්ෂණ දෙපාර්තුමේන්තුවට ගොස් වාර්තා කරන ලෙස අධිකරණය නියෝග කර ඇතත් නොවැම්බර් මාසයේ සති දෙකක් වෛද්‍ය සාෆි සියාබ්දීන් අපරාධ පරික්ෂණ දෙපාර්තුමේන්තුවට පැමිණ නැති බැවින් වෛද්‍ය සාෆි සියාබ්දීන් ඇප කොන්දේසි කඩ කර ඇති බැවින් ඔහුගේ ඇප අවලංගු කර අත්අඩංගුවට ගන්නා ලෙස කාන්තාවන් වෙනුවෙන් පෙනි සිටි නීතිඥවරුන් අධිකරණයෙන් ඉල්ලා ඇත.


වෛද්‍ය සාෆි වෙනුවෙන් පෙනි සිටි නීතීඥවරුන් අධිකරණය කරුනු ඉදිරිපත් කරමින් පවසා ඇත්තේ අපරාධ පරික්ෂණ දෙපාර්තුමේන්තුවට වෛද්‍ය සාෆි සියාබ්දීන් පෙනි නොසිටියේ ඔහු අසනීප වු නිසා බවත් එය සනාථ කිරිමට ඔහුගේ සෞඛ්‍ය තත්වය පිළිබඳව වෛද්‍ය වාර්තාවක් මඩකලපුව පොලීසියට ඉදිරිපත් කළ බවත්ය.


වෛද්‍ය සාෆි වෙනුවෙන් ඉදිරිපත් වු නීතිඥවරයා අධිකරණයෙන් ඉල්ලා ඇත්තේ අදාල කාන්තාවන් වඳ භාවයට පත් වී ඇති දැයි වෛද්‍ය විද්‍යාත්මකව සොයා බැලීම සඳහා වන කාන්තාවන් එච්.එස්.ජී පරික්ෂනය සදහා යොමු කිරීමට අධිකරණ නියෝගයක් ලබා දෙන ලෙසට ඉල්ලා ඇතත් අධිකරණය ඊට අවසරය ලබාදී නැත.

සබැඳි පුවත් : https://www.anidda.lk/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/

https://www.anidda.lk/%e0%b7%83%e0%b7%8f%e0%b7%86%e0%b7%92-%e0%b6%85%e0%b6%ad%e0%b7%8a%e0%b6%85%e0%b6%a9%e0%b6%82%e0%b6%9c%e0%b7%94%e0%b7%80%e0%b6%a7-%e0%b6%9c%e0%b6%ad%e0%b7%8a%e0%b6%ad%e0%b7%9a-%e0%b6%b8%e0%b7%99/ https://www.anidda.lk/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92%e0%b6%9c%e0%b7%9a-%e0%b6%af%e0%b7%9a%e0%b6%b4%e0%b7%85/ https://www.anidda.lk/%e0%b6%85%e0%b6%b0%e0%b7%92%e0%b6%9a%e0%b6%bb%e0%b6%ab-%e0%b6%9a%e0%b7%9c%e0%b6%b8%e0%b7%92%e0%b7%83%e0%b6%b8%e0%b7%99%e0%b6%b1%e0%b7%8a-%e0%b6%b8%e0%b7%84%e0%b7%9a%e0%b7%83%e0%b7%8a%e0%b6%ad%e2%80%8d/ https://www.anidda.lk/%e0%b6%b4%e0%b6%bb%e0%b7%93%e0%b6%9a%e0%b7%8a%e0%b7%82%e0%b6%ab-%e0%b6%b1%e0%b7%80%e0%b6%ad%e0%b7%8a%e0%b7%80%e0%b6%b1%e0%b7%8a%e0%b6%b1-%e0%b6%85%e0%b6%b8%e0%b7%8a%e0%b6%b8%e0%b6%bd%e0%b7%8f/ https://www.anidda.lk/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/ https://www.anidda.lk/tag/%E0%B7%80%E0%B7%9B%E0%B6%AF%E0%B7%8A%E2%80%8D%E0%B6%BA-%E0%B7%83%E0%B7%8F%E0%B7%86%E0%B7%92/