පාර්ලිමේන්තු මහ මැතිවරණය සඳහා නාමයෝජනා බාරගැනීම තවත් දිනකින් ආරම්භ වී එතැන් සිට සතියක කාලයකින් අවසන් වීමට නියමිතය. ඒ අතරතුර කාලයේදී රටේ ප‍්‍රධාන ප‍්‍රවාහයේ දේශපාලන පිටිය තුළ ඇතිවිය හැක්කේ වෙනස්කම් දෙකක් පමණය. එකක් ශ‍්‍රී ලංකා නිදහස් පොදුජන සන්ධානය (පොහොට්ටු සන්ධානය* සමඟ එක්ව තරගකරනවා යැයි කියන ශ‍්‍රී ලංකා නිදහස් පක්ෂය වෙන්ව තරග කිරීමය.

භූමිය තුළ ඊට වුවමනා කරුණු කාරණා රැුසක් දැනටමත් මතුවී ඇත. පොහොට්ටු සන්ධානයෙන් එක්ව තරග කරන ශ‍්‍රීලනිප අපේක්ෂකයන් සංවිධානාත්මකව පරාජය කිරීමේ වැඩපිළිවෙළක් රහසිගතව නොව එළිපිටම පොහොට්ටුවේ ප‍්‍රබලයන් දැනටමත් ආරම්භ කර තිබේ. (එය සිදුවිය හැකි බව මීට පෙර මෙම තීරුවේ අනතුරු හඟවා තිබුණි.* එසේම පොහොට්ටු සන්ධානය තුළ ශ‍්‍රීලනිපයට ලබාදෙන අපේක්ෂක කෝටාවේ ප‍්‍රමාණය ගැනද දැනට ප‍්‍රශ්න මතුවී තිබේ. පොහොට්ටු නායකත්වය ශ‍්‍රීලනිපයට කරන එම එළිපිට පහරදීම් පවා නැවැත්වීමට උත්සාහ නොකිරීමෙන් පෙනෙන්නේ ඒ සඳහා ඔවුන්ගේ ආශීර්වාදය ඇති බවයි. මේ හැසිරීම පෙන්නුම් කරන්නේ පොහොට්ටු නායකත්වය වාරය එන තුරු බලා සිට ඉතාම සැලසුම් සහගතව ශ‍්‍රීලනිපයට කරන ප‍්‍රහාරයක් ලෙසයි. එම ප‍්‍රහාරයෙන් මිය නොගොස් ගැලවීම සඳහා ශ‍්‍රීලනිපයට ඇත්තේ එක් තෝරා ගැනීමක් පමණය. ඒ ඉදිරි මහමැතිවරණයට තනිව තරග කිරීමය

.

ශ‍්‍රීලනිපය එසේ වෙනම තරග කළත් බොහෝ විට විය හැක්කේ පොහොට්ටු පක්ෂයත් සමඟ ආණ්ඩු පිහිටුවීමට එක්වීමය. එම තත්වය දැන් ශ‍්‍රීලනිපයට අත්වන්නට නියමිත ඉරණම සමග ගත් කල රටට හොඳය. ඒ ශ‍්‍රීලනිප මිය නොයා ජීවත්වීම නිසා පමණක් නොව වෙනම තරඟකර යම් බලයක් සහිතව පොහොට්ටු ආණ්ඩුවකට ඔවුන්ට එකතුවීමට ලැබෙන නිසාය. එහිදී නුවුවමනා ‘චණ්ඩි පාට්’ දමමින් ශ‍්‍රීලනිපයට සලකන්නට පොහොට්ටුවට බැරි වේ. පාර්ලිමේන්තුව තුළ බලය තහවුරු කරගැනීමටත්, බලය පවත්වාගෙන යෑමටත් ශ‍්‍රීලනිපය සාධකයක් වන නිසාය. සමහරවිට එමගින් පොහොට්ටු පක්ෂ නායකයන්, විශේෂයෙන් ජනාධිපති ගෝඨාභය රාජපක්ෂ බලාපොරොත්තු වන 19 වැනි සශෝධනය ආපසු හරවා ජනාධිපතිවරයෙකුට අසීමිත බලය ලැබෙන ව්‍යවස්ථා ප‍්‍රතිසංස්කරණවලට පවා බාධාවක් විය හැකිය.

ඒ නිසා මේ අවස්ථාවේ ශ‍්‍රීලනිපය පොහොට්ටුවෙන් වෙන්ව වෙනම තරග කිරීම රටක් වශයෙන් ගත් කල යහපත්ය.

දෙවන වෙනස්කම වන්නේ දැනට බෙදී වෙන්වී ඉදිරි මහා මැතිවරණයට තරග කිරීමට සූදානම් එක්සත් ජාතික පක්ෂයේ සජිත් පිල හා රනිල් පිල එක්ව තරග කිරීමය. මේ දෙපාර්ශ්වය එක්ව තරග කළහොත් ඉදිරි මැතිවරණයේදී ලබාගත හැකි වාසි දෙකක් තිබේ. එකක් දැනට ගෝඨාභය රාජපක්ෂගේ දින සියයේ පාලන කාලයේ බලාපොරොත්තු බිඳවැටී අමිහිරි අත්දැකීම් ලබමින් සිටින කලකිරුණු ජනයාගේ කැමැත්ත දිනා ගැනීමට හැකි වීමයි. බෙදී වෙන්වී මේ ආකාරයට එකිනෙකාට ඇඟිල්ල දිගු කරගනිමින් රටේ පොදු මහජන ප‍්‍රශ්න අමතක කර කුළල් කාගන්නා පාර්ශ්වයක් වෙත මහජනයාගේ කැමැත්ත දිගු වන්නේ නැත. එය තේරුම් ගැනීමට සජිත්, රනිල් යන නායකයන් දෙදෙනාට මෙන්ම ඔවුන්ගේ කසකාරයන්ටත් වටිනේය. එජාපය බෙදී වෙන්ව නම් තරග කරන්නේ එම කළකිරුණු ඡුන්ද මේ දෙපාර්ශ්වයට දිනා ගැනීම උගහටය.

රාජපක්ෂ කඳවුරෙන්, විශේෂයෙන් ගෝඨාභය රාජපක්ෂ මහතාගේ මුවින් කියවෙන අසීමිත බලතල සහිත රට ආපසු හරවන වෙනස්කම් කළ නොහැකි වන්නේ පළමුව තුනෙන් දෙකක අතිවිශිෂ්ට ජයග‍්‍රහණයක් එම සන්ධානයට මෙන්ම එම සන්ධානය සමග පසුව එකතු වීමට සිටින එම කඳවුරේම අනෙකුත් අයටත් පොදුවේ මෙන්ම වෙන් වෙන්ම ලබා නොදීම මගින්ය. දෙවනුව හැකි නම් එම කඳවුරට 113ක බහුතර බලය ලබා නොදීම මගින්ය. එය අපි ආණ්ඩුවක් පිහිටුවනවා, ගෝඨාභය රාජපක්ෂ ජනාධිපති සමග එකට ආණ්ඩු කරනවා යන යථාර්ථවාදී නොවන ජනතා ආමන්ත‍්‍රණවලින් කළ හැක්කක් නොවේ.

ජනතාවට ආමන්ත‍්‍රණය කළ යුත්තේ යහපත් ප‍්‍රජාතන්ත‍්‍රවාදී ප‍්‍රතිසංස්කරණ රැක ගැනීම සඳහා බලය ලබා දෙන ලෙස ඉල්ලමිනි. ජනාධිපතිවරයාගේ ඒකාධිපති වියරු සිහිනය පරාද කිරීමට සම්මාදම් වන්නේයැයි කියමිනි.

එජාපයේ මේ පාර්ශ්ව දෙක එක්ව තරග කිරීමේ දෙවන වාසිය ඇත්තේ පරිපාලන දිස්ත‍්‍රික්ක එකක් හෝ කිහිපයක් එක් මැතිවරණ කොට්ඨාසයක් වශයෙන් මෙම මැතිවරණ ක‍්‍රමයේදී සරල ලෙස මැතිවරණ කොට්ඨාස ජයග‍්‍රාහකයන්ට ලැබෙන බෝනස් ආසනය ලබාගැනීම තුළය. උතුරු පළාතේ ඇති මැතිවරණ කොට්ඨාස දෙකේදී බොහෝ විට දෙමළ ජාතික සන්ධානය එම බෝනස් මන්ත‍්‍රී ආසන ජයග‍්‍රහණය කරනු ඇති අතර නැගෙනහිරදී අවශ්‍ය නම් දැනටමත් එජාප පෙරමුණ පෙරමුණ සමඟ සිටින ශ‍්‍රී ලංකා මුස්ලිම් කොංග‍්‍රසය සමග එක්ව බෝනස් ආසන දිනාගැනීම දක්වා දිස්ත‍්‍රික් ජයග‍්‍රහණ අත්හදා බැලිය හැකිය. රටේ එජාපයට යම් වාසියක් අත් කරගත හැකි අනෙක් දිස්ත‍්‍රික්කවලදීත් බෝනස් මන්ත‍්‍රීධුරය ලබාගැනීමට හැකිවන්නේ එක්සත්ව කටයුතු කිරීමේ තත්වයක් තුළ පමණය. එවැනි දැක්මක් එජාපයේ මේ දෙපාර්ශ්වය ලබාගතහොත් යහපත්ය. එසේ නොවුණහොත් ඒකාධිපති සිහින පැරදවීම දවල් දුටු සිහිනයක් පමණක් වනු ඇත.

  • x පුරවැසියා