අනිවාර්ය නිවාඩු යවා සිටින පොලිස්පති පුජිත් ජයසුන්දරගේ සේවා කාලය මාර්තු 15 වැනිදා අවසන් වීමට නියමිත අතර එදිනට පසු නව පොලිස්පතිවරයෙකු පත් කිරීමේ හැකියාව තිබේ.

ආණ්ඩුක‍්‍රම ව්‍යවස්ථා සභාවේ අනුමැතිය සහිතව ජනාධිපතිවරයාට නව පොලිස්පතිවරයෙකු පත්කළ හැකිය.

මේ වනවිට වැඩබලන පොලිස්පතිවරයා ලෙස කටයුතු කරන සී.ඞී. වික‍්‍රමරත්න මහතාට වඩා ජ්‍යෙෂ්ඨත්වයෙන් ඉදිරියෙන් සිටින්නේ ජ්‍යෙෂ්ඨ නියෝජ්‍ය පොලිස්පති ජගත් අබේසිරිගුණවර්ධන මහතාය.

ජ්‍යෙෂ්ඨ නියෝජ්‍ය පොලිස්පති ජගත් අබේසිරිගුණවර්ධන මහතා 2021 ජුනි 17 වැනිදා විශ‍්‍රාම ගැනීමට නියමිත අතර වැඩබලන පොලිස්පති සී.ඞී. වික‍්‍රමරත්න 2023 මාර්තු 23 වැනිදා විශ‍්‍රාම ගැනීමට නියමිතය.

2019 අපේ‍්‍රල් 29 වන දින හිටපු ජනාධිපති මෛත‍්‍රීපාල සිරිසේන පොලිස්පති පූජිත් ජයසුන්දර මහතා අනිවාර්ය නිවාඩු යැවීය.