පෞද්ගලික මාධ්‍ය ආයතන මැතිවරණ කොමිෂන් සභාවේ උපමාන පිළිනොපැදීම පිළිබඳව ගත හැකි පියවර මොනවාදැයි සොයාබැලීම සඳහා ඔක්තෝබර් 31 වැනිදා මැතිවරණ කොමිෂන් සභාවේදී සාකච්ඡුාවක් පවත්වා ඇතැයි වාර්තා වෙයි.

මැතිවරණ කොමිෂන් සභාව නියෝජනය කරමින් එහි සභාපති මහින්ද දේශප‍්‍රිය, සාමාජික නලින් කාරියවසම් සහ මැතිවරණ කොමිෂන් සභාවේ අධ්‍යක්ෂ ජෙනරාල් සමන් රත්නායක එම සාකච්ඡුාවට සහභාගි වී තිබේ. ඊට අමතරව ජනමාධ්‍ය අමාත්‍යාංශ ලේකම් සුනිල් සමරවීර, ආරක්ෂක අමාත්‍යාංශයේ අතිරේක ලේකම් අනුරාධ විජේකෝන්, විදුලි සංදේශ නියාමන කොමිෂන් සභාවේ අධ්‍යක්ෂ ජෙනරාල් පී.ආර්.එස්.පී. ජයතිලකද එයට එක්වී ඇත.

මැතිවරණ කොමිෂන් සභාවට පෞද්ගලික මාධ්‍ය ආයතන මාධ්‍ය උපමාන කැඞීම සම්බන්ධයෙන් ඍජු පියවරක් ගත නොහැකි නමුත්, ජනමාධ්‍ය අමාත්‍යාංශයට හෝ විදුලි සංදේශ නියාමන කොමිෂන් සභාවට පියවරක් ගත හැකිදැයි එහිදී සාකච්ඡුා කර තිබේ. ඊට අමතරව යම්කිසි පාර්ශ්වයක් ශ්‍රේෂ්ඨාධිකරණයේ මූලික අයිතිවාසිකම් පෙත්සමක් ගොනු කළහොත් පියවරක් ගත හැකි බව එම සාකච්ඡුාවට සහභාගි වූ පිරිස එකඟ වී තිබේ.

.