ශ‍්‍රී ලංකා නිදහස් පක්ෂය හා ශ‍්‍රී ලංකා පොදුජන පෙරමුණ එක්ව බිහි කරගැනීමට බලාපොරොත්තුවන නව සන්ධානයෙහි නායකත්වය මහින්ද රාජපක්ෂ මහතාට හා සභාපතිධූරය නිමල් සිරිපාල ද සිල්වා මහතාට ලබාදීමට දෙපාර්ශ්වය එකඟ වී ඇතැයි වාර්තා වෙයි.


ඔක්තෝබර් 31 වැනිදා නව සන්ධානය සඳහා ගිවිසුම් අත්සන් කිරීමට නියමිතය. එම ගිවිසුම අනුව නව සන්ධානයේ නායකයා ලෙස එම ගිවිසුමෙහි සඳහන් කිරීමට සූදානම්ව ඇත්තේ මහින්ද රාජපක්ෂ මහතගේ නම බව පොදුජන පෙරමුණේ ප‍්‍රකාශකයෙකු අනිද්දාට කීය. නිමල් සිරිපාල ද සිල්වා මහතාව සභාපතිධූරයට යෝජනා වී ඇත්තේ ශ‍්‍රීලනිප සභාපතිවරයාව සිටි මෛත‍්‍රීපාල සිරිසේන මහතා එම තනතුරින් ඉවත්වූ නිසාය.


සන්ධානයේ ලේකම්ධූරය පොදුජන පෙරමුණේ සාමාජිකයෙකුට ලබාදීමට එකඟ වී ඇත. ඊට අමතරව උපසභාපති හා උපලේකම් ඇතුළු තනතුරු කිහිපයක් මෙම සන්ධානයේ සෙසු පක්ෂවලට ලබාදීමට බලාපොරොත්තු වෙයි. එම සන්ධානයේ විධායක සභාවට පුද්ගලයන් 30 දෙනෙකු පත්කිරීමට නියමිතය. එම සන්ධානයේ ලකුණ ලෙස පුටුව ලකුණ යෝජනා කර ඇත.