පාර්ලිමේන්තු මන්ත‍්‍රී චන්දිම වීරක්කොඩි



මුලින්ම කියන්න, ඔබ දැන් ශ‍්‍රීලනිපයේද නැත්තං පොදුජන පෙරමුණේ ද?


මම පොදුජන පෙරමුණේ ආරම්භක සාමාජිකයන් අතරින් 50වැනියා. මම දැන් පූර්ණ වශයෙන්ම පොදුජන පෙරමුණේ සාමාජිකයෙක්.


ශ‍්‍රීලනිපය සහ ඔබගේ පක්ෂය එකතුවෙලා ගොඩනඟපු ශ‍්‍රී ලංකා නිදහස් පොදුජන සන්ධානයේ සභාපති විදිහට හිටපු ජනාධිපති මෛත‍්‍රීපාල සිරිසේන නම් කිරීමත් සමග පොදුජන පෙරමුණේ ප‍්‍රබලයන් වගේම පහළ මට්ටමේ සාමාජිකයනුත් එය විවේචනය කරන්න පටන් අරං තිබෙනවා.

අපි දේශපාලකයෝ විදිහට මෙන්න මේ දේ තේරුම් ගන්න ඕනෑ. දැන් ජනතාව බලන්නේ අපි එක එක්කෙනාගේ බුද්ධි මට්ටම හෝ අපිට දිනුවාට පස්සේ ලැබෙන තනතුරු තානාන්තර ගැන හෝ අපිට ගන්න පුළුවන් මනාප ප‍්‍රමාණය හෝ නෙවෙයි. ඒවා මිනිස්සුන්ට දැන් වැඩක් නෑ. ඒ නිසා එක එක පුද්ගලයෝ අරගෙන ඔවුන් විවේචනය කරලා හෝ ඔවුන්ගේ අතීත ක‍්‍රියාකාරකම් කියවලා හෝ තේරුමක් නෑ. මේ මොහොතේ රටට ජනතාවට වැදගත් වෙන්නේ ගෝඨාභය රාජපක්ෂ ජනාධිපතිවරයාට කිසිදු අවහිරයකින් තොරව රට දියුණුවට ගෙනියන්න, මහින්ද රාජපක්ෂගේ අගමැතිත්වයෙන් ගොඩනැෙඟන ශක්තිමත් ආණ්ඩුවක්. එනිසා ශක්තිමත් රජයක් පිහිටුවාගැනීම තමයි අපි හැමෝගෙම මේ වෙලාවේ වැඬේ වෙන්න ඕනෑ. ඒ සඳහා අපි සියලූ ප‍්‍රගතිශීලි බලවේග එකට එකතුකරගෙන තමයි මේ ගමන යන්න ඕනෑ.

මේ පක්ෂ දෙකම ගන්න, මේ පක්ෂ දෙකේම ජන පදනම එකයි. ශ‍්‍රීලනිපයේ ජන පදනම දෙකඩ වෙලා තමයි පොදුජන පෙරමුණ බිහිවුණේ. දැන් මේ දෙපාර්ශ්වයම එකට එකතුවෙලා තියෙනවා. 2015 දෙකට බෙදිලා අපි පැරදුණා. 2019 ආයි එකතුවෙලා දිනුවා. අපි මේ යථාර්ථය තේරුම් ගන්න ඕනෑ. නායක මට්ටමින් විවිධ පුද්ගලයන්ට විවිධ අදහස් තියෙන්න පුළුවන්. බලන්න 2015 දී අපි මහින්ද රාජපක්ෂ දිනවන්න කටයුතු කළා. ඒ කාලේ මහින්ද රාජපක්ෂ මහත්තයාව විවේචනය කරපු අය අද ඔහුව අගයනවා. 2015 මෛත‍්‍රීපාල මහත්තයාව විවේචනය කරපු අය, ඔහු ජනාධිපති වුණාම ළඟට ගිහිං ඔහුව අගය කළා. එහෙම තමයි දේශපාලනය. අපි ඒක තේරුම් අරං වැඩ කරන්න ඕනෑ. අනෙක් පැත්තෙන් 2015 දී අපෙන් අයින්වෙලා ගිහින් මෛත‍්‍රීපාල සිරිසේන මහත්තයා ඇතුළු කණ්ඩායම එජාපයට උදව් කරලා ශ‍්‍රීලනිපයට විශාල හානියක් කළා කියලා අවංකව කල්පනා කරන පිරිසකුත් අපි අතර ඉන්නවා. අපි ඒ අයත් අමතක කරන්න හොඳ නෑ. කොහොම වුණත් මේ සියල්ලෝම එකතු කරගත්ත ගමනක් තමයි අපිට යන්න තියෙන්නේ. ශ‍්‍රීලනිපය හෝ පොදුවේ අපේ පාර්ශ්වය 1956 ඉඳලා සන්ධානගත නොවී කවදාවත් තනියෙන් ආණ්ඩු හදලා නෑ. 1994 පොදු පෙරමුණ, ඊළඟට එක්සත් ජනතා නිදහස් සන්ධානය. මේක තමයි භූමියේ ඇත්ත දේශපාලන තත්ත්වය.

ඔබ හදපු මේ නව දේශපාලන සන්ධානය තුළ ගෝඨාභය රාජපක්ෂ වර්තමාන ජනාධිපතිවරයාට තනතුරක් නැහැ. ඊළඟට මේ සන්ධානයේ ලකුණ පිළිබඳව තවමත් තිබෙන්නේ ගැටලූකාරී තත්ත්වයක්.

ලකුණ ගැන කතාවක් නැහැ. ලකුණ පොහොට්ටුව කියලා දැන් තීරණය කරලා ඉවරයි. ගෝඨාභය රාජපක්ෂ මහත්තයාට මේ හැදෙන සන්ධානයේ තනතුරක් නැහැ කියන එක ගැන කතා කළොත්, එතුමා මේ තනතුරු තානාන්තර පස්සේ යන කෙනෙක් නෙවෙයි. ජනතාවත් ඒක දන්නවා. ඒ නිසා ඒ ගැන කලබල වෙන්න එපා. එතුමාට දැන් ඕනෑ, පසුගිය ඡුන්දයෙන් ජනතාව අනුමත කරපු වැඩපිළිවෙළ සාර්ථක කරගන්න පුළුවන් පාර්ලිමේන්තු බලයක්. මනාපය මුල් කරගත්ත ඡුන්ද පොරයක් තවත් ජනතා අපේක්ෂාව නෙවෙයි. එනිසා මට විශ්වාසයි සන්ධානයේ පත්වෙලා ඉන්න මේ නායකයෝ අනික් ප‍්‍රබලයොත් සියල්ල එකතුකරගෙන එතුමාට අවශ්‍ය පාර්ලිමේන්තුව හදලා දෙයි කියලා.

ඔබ මනාප පොරය ඕනෑ නෑ කියලා කිව්වාට, දැනටමත් නළු නිළි කණ්ඩායම්, වියත්මග වැනි කණ්ඩායම් ඡුන්ද සටනට බැහැලා ඉවරයි. දැන් සන්ධානයට තියෙන ලොකුම ගැටලූව නාමයෝජනා දෙන්නේ කාටද කියන තීරණය ගැනීම කියලා තමයි ආරංචි..

මොන තත්ත්වයක් තිබුණත්, ජනතාවට ඇහුම්කන් දෙන්න පුළුවන්, දේශපාලනයේ හොඳටම කාර්යශූර, ¥ෂණයෙන් තොර අපේක්ෂකයන්ට නාමයෝජනා ලැබෙයි. එනිසා දෙන්න පුළුවන් හොඳම කණ්ඩායමට දෙන්න පුළුවන් වෙයි කියලා හිතනවා. මම පුද්ගලිකව දේශපාලකයෙක්, ඒ වගේම මහජන නියෝජිතයෙක් හැටියට හිතනවා, අපි මේ රට ඊළඟ පාර්ලිමේන්තුවෙන් හදන්න බලාපොරොත්තු වෙනවා නම්, නව ප‍්‍රතිපත්ති මේ රටට හඳුන්වා දෙන්න බලාපොරොත්තු වෙනවා නම්, හොඳ දේශපාලන දැනුමක් තිබෙන කාර්යශූර පිරිසකට නාමයෝජනා ලබාදිය යුතුයි. දැනුම බුද්ධිය තිබුණා කියලා වැඩක් නෑ, ඔහුට ජනතාව අතර ජනප‍්‍රියත්වයක් නැත්තං. මොන තනතුරු බුද්ධි මට්ටම් තිබුණත් ඔහුට ජනතාවගේ ප‍්‍රශ්නවලට ඇහුන්කන් දෙන්න බැරිනම්, ඔහු දේශපාලකයෙක් වෙන්නේ නෑ. එනිසා එවැනි පුද්ගලයන්ට නාමයෝජනා ලබාදීමෙන් කිසි වැඩක් නෑ. අනික කොයිතරම් ප‍්‍රසිද්ධ වුණත් වැඩක් නෑ වංචාවෙන් ¥ෂණයෙන් කප් ගහලා නම් ඉන්නේ. අද මහජනතාව වෙනදාට වඩා දියුණුයි, එනිසා ඊට ගැළපෙන අපේක්ෂකයන් අපි ලිස්ට්වලට ඇතුල් කළ යුතුයි.

ගෝඨාභය රාජපක්ෂ ජනාධිපතිවරයා මැතිවරණයේදී ලබාදුන් ජනතා පොරොන්දු මගහරින බව තමයි විපක්ෂය කියන්නේ. විපක්ෂයේ ප‍්‍රබලයෝ බොහෝ දෙනෙකුගේ මතය තමයි වර්තමාන ජනාධිපතිවරයාට පාලන තන්ත‍්‍රය පිළිබඳව කිසිඳු අවබෝධයක් නැහැ කියන එක.

එක්සත් ජාතික පක්ෂයේ මෝඩ අදහස් තමයි මේවා. ගෝඨාභය රාජපක්ෂ මේ රටේ ජනාධිපතිවරයා වෙන්නේ අවුරුදු 5කට. ඔහු සෞභාග්‍යයේ දැක්ම කියන රට හදන ප‍්‍රතිපත්තිය ඉදිරිපත් කරන්නේ අවුරුදු 5කට. එතකොට තවම මාස 5ක් ගිහිං නෑ. එහෙනම් මේ කතාව අසාධාරණයි නේද? දැන් මැතිවරණය වෙලාවේ විපක්ෂය කිව්වේ ගෝඨාභය දිනුවොත් රට මිලිටරිකරණය වෙයි කියලා. මාධ්‍ය නිදහස නැතිවෙයි කියලා. තනතුරුවලට සුදුසු නැති පුද්ගලයන් පත් කරයි කිව්වා. දැන් ඒ දේවල් වෙලා තියෙයිද? ඒකේ අනික් පැත්ත තමයි දැන් වෙලා තියෙන්නේ.

ඔබ හිතන්නේ දැනට දීලා තියෙන තනතුරුවලට සුදුසුම අය පත් කළා කියලද?

ඔව්. ඒ විතරක් නෙවෙයි අපි දුන්න පොරොන්දුවලට අනුව දැන් රජයේ රැුකියා ලබාදීම ආරම්භ කරලා තිබෙනවා. ඊළඟට අපි මැතිවරණයේදී කිව්වා රටට අහිතකර තීන්දු තීරණ වෙනත් රටවල් සමග ගිවිසුම් ගතවෙමින් අරගෙන තිබෙයි නම්, අපි ඒවා ආපසු හරවන්න කටයුතු කරනවා කියලා. ඒ අනුව දැන් ජිනීවා සම-සභාපතිත්වයට අදාළව එම ගිවිසුමේ වගන්ති දෙකින්, 30/1, 40/1 අපි ඉවත් වෙන්න තීරණය කරලා තිබෙනවා. ඒ අනුව දැන් ඒ ගැන කැබිනට් මණ්ඩලයේ තුළ වගේම පාර්ලිමේන්තුව තුළ සංවාදයක් කරලා අනුමැතිය අරගෙන, එම තීරණය ක‍්‍රියාත්මක කරන්න අදහස් කරනවා. මේ අනුව ඉදිරියේදී සංහිඳියාව රට තුළ ඇති කිරීමේ වැඩපිළිවෙළ, අපේ රටේ අදහස් මත පදනම් වෙලා ඉස්සරහට යනවා ඇති.

ඔබ ජිනීවා යෝජනාවලින් ඉවත්වීම පිළිබඳව මෙහෙම සරලව කතාකළාට, මෙයින් ඉවත්වූ පසු රටට උදාවෙන්න පුළුවන් අයහපත් තත්ත්වයන් ගැන රජයට නිවැරදි තක්සේරුවක් නැහැ නේද?


මේ ඉවත්වීම ආවාට ගියාට කරන දෙයක් නෙවෙයි. මේ පිළිබඳ අපේ ස්ථාවරය නිවැරදිව ජාත්‍යන්තරයට ගෙනයෑම අපේ වගකීමක්. අපි අපේ මේ දේවල් ලෝකයට පැහැදිලි කරන්න ඕනෑ. එවක ජනාධිපතිවරයාට හොරෙන්, කැබිනට් මණ්ඩලයට, පාර්ලිමේන්තුවට හොරෙන් අගමැතිවරයා සහ විදෙස් අමාත්‍යවරයා තමයි රටට අහිතකර මේ ගිවිසුම් ගහලා තිබෙන්නේ. එනිසා අපි මේ ගැන අපේ පැහැදිලි කිරීම එක්සත් ජාතීන්ගේ සංවිධානයට වගේම, අපිත් එක්ක ඉන්න රටවලට ඉදිරිපත් කරන්න ඕනෑ. ස්වෛරීත්වය අගය කරන කිසිම රටකට බැහැ අපේ අදහසට පිටුපාන්න. එම්සීසී ගිවිසුම පිළිබඳව අධ්‍යයනය කරන්න පත් කළ කමිටුව ඔවුන්ගේ නිරීක්ෂණ ජනාධිපතිවරයා වෙත භාරදීලා තිබෙනවා. මට විශ්වාසයි මේ ගිවිසුමෙන් වුණත් රටට හානියක් වෙනවා නම් අපි ඒකට අත්සන් කරන්නේ නැහැ කියලා.

ජනාධිපතිවරයා පසුගියදා ප‍්‍රකාශයක් කරනවා තමන්ට නිදහසේ වැඩ කරගෙන යන්න අධිකරණය වගේ ආයතන ඉඩ දෙන්න ඕනෑ කියලා. මේ ප‍්‍රකාශය බොහෝ දෙනෙක් බාරගත්තේ රට ඒකාධිපතිත්වයකට ගමන් කරාවි කියන සැකය එක්ක.

එහෙම කිසිම ඉඟියක් හෝ සූදානමක් මේ කතාව තුළ නෑ. එතුමා මේ කතාව තුළින් කිසිම ආයතනයකට බලපෑමක් කළේ නෑ. මේ රට දියුණු කරන්න ඕනෑ නම් විධායකය, ව්‍යවස්ථාදායකය, අධිකරණය කියන මේ ආයතන තුනම එකම මතයක ඉන්න ඕනෑ කියන එකයි එතුමා කිව්වේ. මේ ආයතන පුද්ගලිකත්වය මත සලකා තීන්දු ගන්නේ නැතුව රට ගැන හිතලා තීන්දු ගන්න ඕනෑ කියන එකයි එතුමා ප‍්‍රකාශ කළේ. මේ ප‍්‍රකාශය කරලා දවස් කීයද ගියේ උදයංග වීරතුංගගේ සිද්ධියට අදාළව මහේස්ත‍්‍රාත්වරයා පොලිසියට කිව්වේ මොකද්ද? අධිකරණය පොලිසියට කිව්වේ පොලිසියේ මෙම වර්තමාන හැසිරීම ජනතා සැකයට හේතුවෙන්න පුළුවන් කියලා. අධිකරණයට බලපෑම් කරනවා නම් අධිකරණය මෙහෙම පොලිසියට කියයිද?

මේ වෙනකොට විශ‍්‍රාම වැටුප්, රාජ්‍ය සේවක වැටුප්, විදෙස් ණය වාරික ගෙවාගන්න නොහැකිව වර්තමාන රජය අසරණ අඩියක ඉන්නවා කියලා තමයි කරුණු වාර්තා වෙන්නේ. ඔබලා මැතිවරණයට පෙර කතාකළ ආර්ථික සැලසුම් එක්ක මෙහෙම වෙන්න පුළුවන්ද?

පසුගිය රජය රාජ්‍ය ආදායම දෙගුණයක් කළා කිව්වාට ඔවුන් කළේ ජනතාව මත බදු බර පටවන එක. ඔවුන් දෙගුණ කරපු ආදායමක් නෑ. බැංකුවල පොලී අනුපාත වැඩි කළා. ආයෝජන නැවතුණා මේ නිසා. ව්‍යවසායකයන් ව්‍යාපාර අත්හැරියා. සමෘද්ධිලාභීන් වැඩිවුණා. ඒක තමයි වුණ එකම දේ. 7.5%ක් විදිහට තිබුණ ආර්ථික වර්ධන වේගය 3%කට අඩුවුණා පහුගිය රජය යටතේ. මෙම තත්ත්වය අස්සේ මෙහෙම වෙන එක පුදුමයක් නෙවෙයි. රාජ්‍ය ආදායම ගැන කිසිම දෙයක් හිතන්නේ නැතුව රාජ්‍ය සේවක වැටුප් වැඩිකළා. තෙල් මිල අඩුකළා. මේ දේවල් නිසා ආර්ථිකය කඩාගෙන වැටුණා. දැන් රටේ ආර්ථිකය කාබාසිනියා වුණ මට්ටමක තමයි තියෙන්නේ. මේ තත්ත්වයෙන් රට ගොඩගන්න නම් මේ පාර්ලිමේන්තුව වෙනස් වෙලා පූර්ණ බලයක් සහිත ආණ්ඩුවක් ගෝඨාභය රාජපක්ෂ ජනාධිපතිවරයාට හිමිවෙන්න ඕනෑ. එහෙම නැතුව අපිට අපේම වූ ආර්ථික ප‍්‍රතිපත්තියක් ක‍්‍රියාත්මක කරන්න අමාරුයි. මොකද තවම බහුතරය තිබෙන්නේ මේ ආර්ථිකය විනාශ කරපු පාර්ශ්වයට.

ඔබ මෙහෙම එක එක දේවල් පෙන්නලා බලය ඉල්ලූවත්, මේ මාස තුනේ පාලනය නිසා සැලකිය යුතු ඡුන්ද ප‍්‍රමාණයක් දැනටමත් අඩුවෙලා කියලා කිව්වොත්?

මම ඒක පිළිගන්නේ නෑ. දකුණේ ජනතාව දැන් තේරුම් අරං තියෙනවා පාර්ලිමේන්තු බලය දෙපාර්ශ්වයටම දීපු නිසා, එමගින් අස්ථාවර ආණ්ඩු නිර්මාණය වුණ නිසා, මේ රට එන්න එන්නම අගාධයට ගියා කියලා. එනිසා දැන් දකුණ තේරුම් අරං තිබෙනවා ශක්තිමත් ආණ්ඩුවක වැදගත්කම. වැනෙන ආණ්ඩු හදන්න තවදුරටත් දකුණේ ජනතාව සූදානම් නැහැ. එනිසා මට ලොකු විශ්වාසයක් තිබෙනවා දකුණේ ජනතාව අපිට තුනෙන් දෙකක බලයක් දෙයි කියලා. ඉතිරි අවුරුදු 10 තුළ ගෝඨාභය රාජපක්ෂ වර්තමාන ජනාධිපතිවරයාට, ආපස්සට ගිය රට නිවැරදි පීල්ලට අරං, රට නවීන රටක් කරන්න පුළුවන් එහෙම බලයක් දුන්නොත් විතරයි. ඒක දැන් බහුතරයක් මිනිස්සු තේරුම් අරං තිබෙනවා.