මහාචාර්ය චරිත හේරත්

ඔබ කුරුණෑගලින් මෙවර මැතිවරණයට ඉදිරිපත් වෙනවා. අපි පහුගිය දා දැක්කා ඔබගේ ආධාරකරුවෙකුට ප‍්‍රහාරයක් එල්ලවුණ ප‍්‍රවෘත්තියක්. මේ දලූලා වැඩෙන්නේ සාම්ප‍්‍රදායික පොහොට්ටු පාක්ෂිකයන්ගේ සහ වියත් මග අතර තිබෙන විරසකය නේද?..

එහෙම දෙයක් මෙතන නැහැ කියලා තමයි මම හිතන්නේ. සමහර කණ්ඩායම් ප‍්‍රජාතන්ත‍්‍රවාදය ඇතුළේ වැඩකරන විඳිහ දන්නේ නෑ. ප‍්‍රජාතන්ත‍්‍රවාදයේ මූලික ස්වරූපයක් තමයි අනෙකාගේ අදහස් පිළිගැනීම, ගෞරව කිරීම, ඒවා සංවාදයට ගැනීම, එම සංවාදය තුළ තමන්ට කැමති නැති දෙයක් තිබෙනවා නම් ඉවසීම. නමුත් අපේ කණ්ඩායම තුළත් එහෙම ප‍්‍රජාතන්ත‍්‍රවාදය අභ්‍යාස කරන්න සූදානම් නැති, ඒක තේරෙන්නේ නැති පිරිස් සිටින බව තමයි මෙවැනි දේවල්වලින් පැහැදිලි වෙන්නේ.

සාම්ප‍්‍රදායික පොහොට්ටුවාදීන් සහ ශ‍්‍රීලනිප පාක්ෂිකයින් අතර විශාල මතගැටුමක් බල අරගලයක් තිබෙන බව පෙනෙනවා. වර්තමාන ආණ්ඩුවේ ඉහළින්ම සිටින බොහෝ දෙනෙක් කෙළින්ම කියමින් ඉන්නවා ශ‍්‍රීලනීපයේ අපේක්ෂයන් දිනවන්න එපා කියලා. මොකද්ද මේ වෙන්නේ?

මෙහෙමයි ශ‍්‍රීලනිපයෙන් විශාල පිරිසක් ඉල්ලන්නේ නෑ.  ඕනෑ නම් 15ක් ඉල්ලයි. පොහොට්ටුව නියෝජනය කරන අය, ඒකාබද්ධ විපක්ෂය නියෝජනය කරන අය, වියත් මග සංවිධානයට සම්බන්ධ අය, ඡුන්දය ඉල්ලනවා. ඉතිං මේ කණ්ඩායම් සහ ශ‍්‍රීලනිපය එකට වැඩ කරනකොට යම් යම් ගැටලූ එන්න පුළුවන්. ඒක සාධාරණ තත්ත්වයක්. මේ තත්ත්වය අස්සෙ තෝරාගැනීම් විවිධයි. ඒ නිසා මම හිතන්නේ නෑ මනාප සටන ඇතුළේ කවුරුහරි පරාජය කරන්න, කවුරුහරි උනන්දු වෙයි කියලා.

ඔබ හිතන විඳිහට මෙවර මැතිවරණයේදී අපේක්ෂකයෙකුට තම මනාපය භාවිතා කරන්න කලින් ඡුන්දදායකයින් මොනවද හිතන්න  ඕනෑ?

ප‍්‍රතිපත්ති හදන්නේ නීති සම්පාදනය කරන්නේ පාර්ලිමේන්තුව කියන ආයතනය. නමුත් පාර්ලිමේන්තුව කියන ආයතනය අපේ මිනිස්සු දැන් නොසලකා කටයුතු කරන බවක් පේනවා. පාර්ලිමේන්තුව තවදුරටත් අවශ්‍ය නෑ කියන වගේ මතයක තමයි ඔවුන් ඉන්නේ. ඒක එහෙම වෙලා තියෙන්නේ පාර්ලිමේන්තුවේ නූතන භාවිතාව නිසා. ඒ නිසා මේ භාවිතාව වෙනස් කරලා පාර්ලිමේන්තුව කියන ආයතනය පලදායි තැනක් කරන්න, ඒ සඳහා අපිට තවදුරටත් මේ ආයතනය අවශ්‍යයි කියලා අපි හිතන්න  ඕනෑ. එහෙම හිතලා, මේ පාර්ලිමේන්තුව පලදායි තැනක් කරයි කියන පිරිසක් මෙතනට පත්කරලා යවන්න අපි කටයුතු කළ යුතුයි. දෙවෙනි කාරණය තමයි අපි දැන් පාර්ලිමේන්තු දේශපාලනය කියලා කියන්නේ බොහෝම සරල කරුණු ටිකකට. තමන්ගේ ශාඛා සමිතියට පුටු ටිකක් දීම, ටකරං කොළ ටිකක් දීම වගේ තැනකට මේ වර්තමාන දේශපාලකයින් පාර්ලිමේන්තු දේශපාලනය ලඝු කරලා ඉවරයි. මේ තත්ත්වය ඇතුළේ විමධ්‍යගත අයවැයෙන්  තමන්ට ලැබෙන සල්ලිවලින් බිරිඳගේ උපන්දිනයට බුෆේ සෙට්ස් අරං දීපු පාර්ලිමේන්තු මන්ත‍්‍රීවරුන් මේ දෙපැත්තෙම ඉන්නවා. ඉතිං මේ තත්ත්වය වෙනස් කරලා පාර්ලිමේන්තුව ප‍්‍රතිපත්ති සම්පාදනය කරන තැන බවට පත්කරගන්න නම් ඊට ගැළපෙන පිරිසක් ජනතාව විසින් පත්කළ යුතුයි.

ගෝඨාභය රාජපක්ෂ ජනාධිපතිවරයාගේ දින 100 අසාර්ථකයි. මේ තත්ත්වය තුළ දීර්ඝ කාලයකට ඔබතුමාගේ පාර්ශ්වයට රට භාර දෙන්න පුළුවන්ද කියන ප‍්‍රශ්නය නැගනවා මේ වෙලාවේ.

පළමු දින සීය අසාර්ථකයි කියලා මම හිතන්නේ නෑ. අපිට ජනාධිපති බලතල විතරයි තිබුණේ. ශක්තිමත් පාර්ලිමේන්තුවක් අපිට තිබුණේ නෑ. අපි මේ ආණ්ඩුව බාර ගත්තේ එවක රට තුළ තිබුණ දේශපාලන වාතාවරණය තුළ. රටේ ජනමතය ඒ වෙලාවේ අපි සමග හිටියේ. එතකොට එජාපයට රට පාලනය කරගෙන යන්න බැරි තත්ත්වයක් උදාවුණා. අපි එදා මේ ආණ්ඩුව බාර ගත්තට අපි දැනගෙන හිටියා යූඑන්පී බහුතර බලය නිසා පාර්ලිමේන්තුව තුළ කිසි දෙයක් කරන්න බැහැ කියලා. ඒ නිසා අපි ඔබලා ඇතුළු විවේචකයන්ට කියන්නේ, අපි ගැන විනිශ්චයකට එන එක මඳක් කල් දාන්න කියලා. මේ එලඹෙන පාර්ලිමේන්තු මැතිවරණයෙන් පස්සේ, අපිට බහුතර පාර්ලිමේන්තු බලයක් ලැබුණාට පස්සේ, බලන්න අපි කොහොමද වැඩ කරන්නේ කියලා. එතකන් ටිකක් ඉවසන්න. අනික් පැත්තෙන් මෙහෙම දේකුත් මෙතන තිබුණා, පහුගිය ආණ්ඩුව රාජ්‍ය සේවකයින් සෑහෙන්න බය කරලා තිබුණේ. එෆ්සීඅයිඞී වගේ තැන්වලට අරගෙන ගිහිං. ඒ නිසා මේ අලූත් තත්ත්වය යටතේ වුණත් ඔවුන් විශාල උද්යෝගයකින් වේගවත්ව වැඩ කළේ නෑ. ඒ නිසා අපේ‍්‍රල් 25 ඡුන්දයෙන් පස්සෙ අපි බලමු වැඩ කරන්නේ කොහොමද කියලා.

පාර්ලිමේන්තු බලය නෑ එජාපය සහාය දෙන්නේ නෑ කියලා කිව්වාට, පසුගිය දින 100 ඇතුළේ ජනතාවට වැදගත් කිසිදු පනතක් පාර්ලිමේන්තුවට ගෙනාවේ

නෑ නේද?

ගෙනාවේ නෑ නෙවෙයි, පසුගිය දින 100 ඇතුළේ අපිට එහෙම උවමනාවක් තිබුණෙත් නෑ. මොකද මේක භාරකාර අන්තර්කාලීන ආණ්ඩු තත්ත්වයක් තිබුණේ. මේ කාලය ඇතුළේ වැදගත් ව්‍යවස්ථා සංශෝධන හෝ පාර්ලිමේන්තු අණපනත්වලට යන්න බැරි බව අපි දැනගෙන හිටියා. අනික අපි දැනගෙන හිටියා එජාපය අපිට ආණ්ඩුව බාර දුන්නත් අපිට ආණ්ඩුව කරගෙන යන්න අවශ්‍ය ඒ සහාය දෙන්නේ නෑ කියලා. ගම්පෙරළිය, එන්ටප‍්‍රයිස් ශ‍්‍රී ලංකා වගේ වැඩවල බිල් එක ගෙවන්නවත් එජාපය පාර්ලිමේන්තුව තුළ ඒ සහාය දුන්නේ නෑ. ඒ ඇස්තමේන්තුවට හෝ අනුමැතිය දුන්නේ නෑ. ඉතිං අත්‍යවශ්‍ය අණපනත් ගේන්නේ කොහොමද?

නමුත් අපි රටට අත්‍යවශ්‍ය අණපනත් මොනවාද කියලා මේ වෙනකොට තීරණය කරලා තිබෙනවා. 19 වැනි සංශෝධනය ගන්න, ඒක ගෙනාපු හිටපු ජනාධිපතිවරයාම කියනවා ඒක විශාල අවුලක් කියලා. ඉතිං මේක වෙනස් කිරීම වගේ දේවල් වුණත් අපිට කරන්න වෙනවා. ඒ සඳහා අවශ්‍ය කතිකාව යාන්ත‍්‍රණය අපිට මේ පාර්ලිමේන්තුව තුළ ගෙනියන්න බෑ. ඒකට අපි බලයක් සහිත නව පාර්ලිමේන්තුවක් හදාගන්න  ඕනෑ.

ගෝඨාභය රාජපක්ෂ ජනාධිපතිවරයා කියනවා රටට අවශ්‍ය ප‍්‍රතිසංස්කරණ කරන්න තමන්ට තුනෙන් දෙකක පාර්ලිමේන්තු බලයක්  ඕනෑ කියලා. 19වැනි සංශෝධනය ගෙනාවේ සුළුතර ආණ්ඩුවක්. විපක්ෂය ඒ වෙලාවේ මේ සංශෝධනයට සහාය දුන්නා. එවැනි තත්ත්වයක් තුළ රටට වැඩක් කරන්න තුනෙන් දෙකක්  ඕනෑම නැහැ නේද?

ඒක හොඳ ප‍්‍රශ්නයක්. අපි ඉන්නකොට විපක්ෂයේ, අපි එහෙම සහාය දෙනවා. නමුත් එජාපය එහෙම රටට හිතකර යෝජනාවලට සහාය දෙයි කියලා හිතන්න අමාරුයි. ඒ මොකද ඔවුන් මෙහෙයවන්නේ කොළඹ කේන්ද්‍රීය ඊනියා සිවිල් සමාජ ක‍්‍රියාකාරිකයින්. ඔවුන්ට කිසිදු සමාජ පදනමක් නෑ. ඒ නිසා රටට ජනතාවට හිතකර කිසිදු ප‍්‍රතිසංස්කරණයකට ඔවුන් සහාය දෙයි කියලා හිතන්න අමාරුයි. ඒ නිසා තමයි අපි ජනතාවගෙන් තුනෙන් දෙකක බලයක් ඉල්ලන්නේ. ඒක ජනතාව දෙයිද නැද්ද කියලා කියන්න අපි දන්නේ නෑ. ඒක ජනතා මතය. දුන්නොත් අපි ඒක සතුටින් භාරගන්නවා. තුනෙන් දෙකක වරමක් අපිට නොලැබුණත් අපි ඉදිරි පාර්ලිමේන්තුවට ඒ අවශ්‍ය සංශෝධනය ඉදිරිපත් කරනවා. එතකොට බලමු එජාපයේ හැසිරීම.

ගෝඨාභය රාජපක්ෂ ජනාධිපතිවරයාගේ සමහර ක‍්‍රියාකාරකම් නිසා මේ වෙනකොට අධිකරණය සහ විධායකය අතර යම් බල ගැටුමක් නිර්මාණය වී ඇති බවක් පේනවා. මේ තත්ත්වය ඡුන්දයෙන් පස්සේ වඩාත් නරක තැනකට යන්න පුළුවන් නේද?

නැහැ. මම හිතන්නේ නෑ, දැනටත් එහෙම විධායකය සහ අධිකරණය අතර ගැටුමක් තිබෙනවා කියලා. ඒ නිසා ඉදිරියටත් එහෙම වෙන එකක් නෑ. නමුත් මේ දේ කියන්න  ඕනෑ. පහුගිය කාලේ තිබුණේ දඬුවම් ආණ්ඩුවක්. ඔවුන් පහුගිය කාලය පුරාම උත්සාහ කළේ විරුද්ධවාදීන්ට දඬුවම් කිරීමට. මේ දේශපාලනය එක්ක අපිට ඉස්සරහට යන්න බැහැ. අපි මේක පරාජය කරන්න  ඕනෑ. පහුගිය ආණ්ඩුවට කූඩු ආණ්ඩුව කිව්වත් කමක් නෑ. ඔවුන් කළේ විරුද්ධවාදීන් කූඩු කරන එක විතරයි. අන්තිමට ඒ  ආණ්ඩුව අවසන් වුණේ තමන්ගේම ආරක්ෂක ලේකම් සහ පොලිස්පති කූඩුවට දාලා.

ඔබ මේ නොකියා කියන්නේ එක්නැළිගොඩ අතුරුදන් කිරීම, පුද්ගලයින් 11 දෙනෙක් පැහැරගෙන ගොස් ඝාතනය කිරීම වගේ දේවල් ආශ‍්‍රිත පරීක්ෂණ සහ නඩු කටයුතුත් දේශපාලන පළිගැනීම් කියලද?

නැහැ, මම එවැනි දේවල් ගැන නෙවෙයි මේ කතා කරන්නේ. මම කතාකරන්නේ කිසිදු සාක්ෂියක් නැතුව අහිංසකයින් දඩයම් කිරීම ගැන. ඔබට අවශ්‍ය නම් මට එවැනි අසාධාරණයට ලක්වූවන්ගේ ලැයිස්තුවක් දෙන්න පුළුවන්. අපේ පසුගිය රජයේ හිටපු සමහර ඇමතිවරුන් කූඩුවට දැම්මා තවමත් ඔවුන්ට විරුද්ධව නිවැරදිව චෝදනාවක් එල්ලකරගන්න බෑ. විමල් වීරවංශ ඇමතිතුමා මාස ගානක් හිරේ දැම්මා. දැන් කියනවා සාක්ෂි නැහැ කියලා. ප‍්‍රජාතන්ත‍්‍රවාදයට අපි විරුද්ධ වුණත් වැරදියි. යූඑන්පීය විරුද්ධ වුණත් වැරදියි. නමුත් කොළඹ සිවිල් සමාජය හිතන්නේ යූඑන්පී එක වැරදි කළොත් ඒවා වැරදි නෙවෙයි කියලා. අපි වැරදි කළොත්, ඒවා තමයි වැරදි. එනිසා මේ දේශපාලන සංස්කෘතිය අපි පිටුදකින්න අවශ්‍යයි. පහුගිය කාලයේ මිනිස්සු කූඩු කරන්න වෙනම කොමිටියක් දාගෙන හිටියා. ඒකේ ජනතා විමුක්ති පෙරමුණේ නායකයත් හිටියා. මේවා කවුරු කළත් වැරදියි.

පාස්කු ප‍්‍රහාර වගකිවයුත්තන් වහාම අත්අඩංගුවට ගන්නවා කිව්වා. එහෙම කියපු ආණ්ඩුව දැන් මෙම ප‍්‍රහාරය පිළිබඳ පරීක්ෂණ කරපු සීඅයිඞී නිලධාරීන් මාරුකරලා තියෙනවා. ඒ වගේම බැඳුම්කර වංචාවට සම්බන්ධවූවන් වහාම අත්අඩංගුවට ගන්නවා කිව්වා. නමුත් අද රවී කරුණානායක අත්අඩංගුවට ගන්න නොහැකිවෙලා තිබෙනවා.

අපි එදා එහෙම කිව්වේ නීතියේ ආධිපත්‍යය යටතේ ඒ අවශ්‍ය දේවල් කරනවා කියන එකයි. නීතියට මැදිහත්වෙන්න අපිට බලාපොරොත්තුවක් නෑ. නමුත් ඒ අදාළ අංශ ඒවා පිළිබඳව නිසි ක‍්‍රමවේදයන්ට යටත්ව කටයුතු කළ යුතුයි. අපි දන්නවා රවී කරුණානායකගේ සිද්ධිය. එතකොට ඔහු අත්අඩංගුවට ගැනීම පොලීසියේ වගකීම. ඒක හරියට කෙරෙනවාද නැද්ද කාර්යක්ෂමද වගේ දේවල්  ඕනෑ නම් අපිට බලන්න පුළුවන්. කොහොම වුණත් නීතියේ ආධිපත්‍යයට අත දාන්න බලාපොරොත්තුවක් නෑ, අපේ ආණ්ඩුවට.x