පසුගිය 19වෙනිදා රක්ෂිත බන්ධනාගාර ගතකළ හිටපු අමාත්‍ය පාඨලී චම්පික රණවක අධිකරණ සංකීර්ණයෙන් එළියට පැමිණ බන්ධනාගාර බස් රථයට නගින අතරතුර ඇතිවූ නොසන්සුන්කාරී අවස්ථාවේදී පොලිස් නිලධාරියෙකු පාඨලි චම්පික රණවක මහතාටද තවත් පුද්ගලයෙකු එම ස්ථානයේ රැුඳීසිටි මාධ්‍යවේදියෙකුටද පහරදී ඇති බව චෝදනා එල්ලවෙයි.

ජාතික හෙළ උරුමයේ ප‍්‍රබලයෙකු ප‍්‍රකාශ කළේ හිටපු අමාත්‍යවරයාගේ කොන්ද ප‍්‍රදේශයට පොලිස් නිලධාරියෙකු පහරදෙන අයුරු තම පක්ෂයේ සාමාජිකාවක දැක ඇති බවයි. එහිදී හිටපු අමාත්‍යවරයා කවුද මට ගහන්නේ යැයි විමසූ බවද දැනගන්නට ලැබේ.

එම නොසන්සුන්කාරී අවස්ථාවේදී ලේක්හවුස් ආයතනයේ ඡුායාරූප මාධ්‍යවේදියෙකුට පහරදීමක් සිදුකළේයැයි කියමින් මංජුල පෙරේරා නැමති පුද්ගලයෙකු පොලිසිය අත්අඩංගුවට ගෙන ඇතැයිද වාර්තා වේ.