යම් කාරණාවක් ගැන සැකයක් ඇතිවූ විට දැන් අපගේ සිත්වලට මුලින්ම නැගෙන අදහස වන්නේ ගූගල් කර බැලිය යුතු බව. අපට යම් කාරණාවක් ගැන සොයන්නට ඇති එකම තැන ගූගල් පමණද.


ලොව වැඩිම පිරිසක් යන එන වෙබ් අඩවිය වන්නේ ගූගල් සෙවුම් යන්ත‍්‍රය. සෙවුම් යන්ත‍්‍රයේ සාර්ථකත්වය නිසාම ලොව අංක එකේ අන්තර්ජාල ව්‍යාපාරය බවටත් ගූගල් සමාගම පත්ව තිබෙනවා. මේ වෙද්දී ජී මේල්, යූ ටියුබ්, ගූගල් සිතියම්, බ්ලොගර් ආදි වෙබ් අඩවි රැුසක් ගූගල් සතුයි. ඇන්ඩ්‍රොයිඞ් මෙහෙයුම් පද්ධතියත් අයිති ඔවුන්ට. ගූගල් සෙවුම් යන්ත‍්‍රය ඔවුන් ලබාදෙන සේවාවන් අතරින් එකක් පමණයි.


මේ කෙටි සටහනේදී ගූගල් සෙවුම් යන්ත‍්‍රයට තිබෙන විකල්ප අතරින් ඉදිරිපෙළ විකල්පයක් වන ඩක් ඩක් ගෝ (ාමජනාමජනටදගජදප* ගැන අපි කතාකරනවා. මෙතරම් හොඳින් ක‍්‍රියාත්මක වන ගූගල් සෙවුම් යන්ත‍්‍රයට විකල්ප ඇයිදැයි මුලින් අප අවබෝධ කරගත යුතුයි.
දැනට පවතින අංක එකේ සෙවුම් යන්ත‍්‍රය ගූගල්. වේගවත් හා හොඳ සේවාවක් සපයන සෙවුම් යන්ත‍්‍රයත් එක. ගූගල් සෙවුම් යන්ත‍්‍රයේ මුල් පිටුවෙහි වෙළඳ දැන්වීම් නැති නිසාම එයට ක්ෂණිකව ආකර්ෂණය වෙනවා. ඔවුන්ට අතිදැවැන්ත බලයක් තිබෙන්නේ සේවාවන් රැුසක් ඔවුන් සපයන නිසායි. එම සෙවුම් යන්ත‍්‍රය උපරිම කාර්යක්ෂම කිරීම සඳහා ලොව බුද්ධිමත්ම විද්‍යාඥයන් උපරිම වෙහෙස වෙනවා. ගූගල් හසුරුවන්නට ලොව දියුණුම කෘත‍්‍රිම බුද්ධියක් තිබෙනවා. එය එක්ක හැරෙන්නවත් අන් කිසිවෙකුට බැහැ.


කෙසේ වෙතත් එවැනි දැවැන්ත අන්තර්ජාල සමාගම්වල කඩාවැටීම සිතනවාට වඩා වේගයෙන් සිදුවෙනවා. දශක දෙකකට පමණ පෙර ලොව අංක එකේ වෙබ් අඩවිය ඒ. ඕ.එල්. බව දන්නේ අන්තර්ජාලය මුල්ම යුගයේ පාවිච්චි කළ උදවිය පමණයි. දැන් ඒ. ඕ.එල්. සොයන්නටවත් නෑ. ඉන්පසුව පැවති අංක එකේ සමාගම යාහූ වෙබ් අඩවිය. එයද මේ වෙද්දී කඩාවැටී හමාරයි. ඒ නිසා ගූගල් සැමදා අංක එකේ සිටිනු ඇතැයි අනුමාන කළ නොහැකියි. ඇතැම්විට ඉදිරියේදී ගූගල් සමාගමට ඇති තැන වෙනත් සමාගමකින් අල්ලාගනීවි.


ගූගල් ඉතා පහසුවෙන්, පාරිභෝගිකයාට බැලූ බැල්මට හානියක් නොකර අංක එකේ පවතින්නේ ඔවුන්ගේ වෙළඳ දැන්වීම් වේදිකාව නිසායි. ගූගල්, යූටියුබ් ආදි සියල්ල පවතින්නේ ඇඞ්සෙන්ස් නිසා. ගූගල්හි දැන්වීම් පළකරන්නන් විකල්පයක් වෙත ගියහොත් ගූගල් සමාගමේ පැවැත්ම බිඳවැටේවි. අනෙක් අතට ගූගල් සමාගම දැන්වීම් ප‍්‍රචාරණය වෙනුවෙන් පාරිභෝගිකයන්ගේ රහසිගතම ආශාවන් ගැන පවා පෞද්ගලික තොරතුරු එකතු කරනවා. මෙයට ඇමෙරිකානු රජය වැනි බලවත් රජයන් මැදිහත් වුවහොත් ගූගල් කඩාවැටේවි. දැනටමත් ෆේස්බුක් සමාගම පාරිභෝගිකයන්ගේ පෞද්ගලිකත්වයට රිංගීම නිසා ඇමෙරිකානු සමාජයේ කළු ලැයිස්තුවට එකතු වී ඉන්නවා. ගූගල් සමාගම ගැනත් ඇමෙරිකානු සමාජයෙහි අකැමැත්තක් තිබෙනවා.
ගූගල් සමාගමේ දුර්වලතාවය වන්නේ පෞද්ගලිකත්වය. අප කලින් කී ‘ඩක් ඩක් ගෝ‘ සෙවුම් යන්ත‍්‍රය ඉලක්ක කරන්නේ ඒ දුර්වලතාව. ඩක් ඩක් ගෝ සිය වෙළඳ ප‍්‍රචාරක කටයුතුවලදී සම්පූර්ණයෙන්ම අවධානය යොමු කරන්නේ පේ‍්‍රක්ෂකයන්ගේ පෞද්ගලිකත්වය ආරක්ෂා කිරීමේ අදහස වෙතටයි. ගූගල් සමාගම අන්තර්ජාල වෙළඳ දැන්වීම් සමාගමක් ලෙසත්, ඩක් ඩක් ගෝ අන්තර්ජාල පෞද්ගලිකත්ව සමාගමක් ලෙසටත් අර්ථකථනය කළ හැකියි.


ඩක් ඩක් ගෝ සමාගම කෙළින්ම ගූගල්හි පෞද්ගලිකත්ව ප‍්‍රතිපත්තියට අභියෝග කරනවා. ඔවුන්ගේ බ්ලොග් අඩවි ආදියෙහි නිතරම ගූගල් සමාගමේ විවිධාකාර නිෂ්පාදන වෙනුවට පාවිච්චි කළ හැකි විකල්ප නිෂ්පාදන ගැන තොරතුරු සපයනවා.


බැලූ බැල්මට ගූගල් සේවාවන් අපි පාවිච්චි කරන්නේ නොමිලයේයි. සෙවුමකට මුදල් අය කරන්නේ නැහැ. යූටියුබ් වෙබ් අඩවිය පවා මෙතරම් වීඩියෝ සපයන්නේ නොමිලයේ. එහෙත් සමාගම වසරකට ඩොලර් බිලියන 100කට වඩා උපයනවා. ඒ පරිශීලිකයන්ගේ තොරතුරු හැකි තරම් එකතු කරගනිමින්, ඔවුන්ගේ ආශාවන් නිවැරදිවම තේරුම් ගෙන ඒ ආශාවන්ට ගැළපෙන අන්දමේ වෙළඳ දැන්වීම් ප‍්‍රචාරය කිරීමෙනුයි. ඒ අනුව අන්තර්ජාලයේ සිටින කෙනෙකු ගැන වැඩිපුරම තොරතුරු තිබෙන්නේ ගූගල් වැනි සමාගම් අතේ.


මොහොතකට කල්පනා කරන්න, ගූගල් සෙවුමකින් යම්කිසි වාහන වර්ගයක් ගැන සෙවුවහොත් යූටියුබ් වෙබ් අඩවියේ වීඩියෝවක් බලන අතරේ වරින් වර මෝටර් රථ පිළිබඳ දැන්වීම් දකින්න ලැබෙනවා. ගූගල් දැන්වීම් තිබෙන්නේ යූටියුබ් අඩවියේ පමණක් නොවෙයි. ඔබ ලංකාවේ ප‍්‍රවෘත්ති වෙබ් අඩවියකට ගියත්, වෙනයම් වෙබ් අඩවියකට ගියත් ඔවුන් ගූගල් ඇඞ්සෙන්ස් වේදිකාව පාවිච්චි කරනවා. අතිබහුතරයක් වෙබ් අඩවි දැන්වීම් සඳහා ගූගල් ඇඞ්සෙන්ස් පාවිච්චි කරනවා. ඒ යන හැම තැනකදීම ඔබ කළ සෙවුමට අදාල ප‍්‍රතිඵල දකින්න ලැබෙනවා.


ඔබ මුහුණ සුදු කරගන්නා ආකාරය ගැන සෙවුමක් කළහොත් ඉන්පසුව එයට අදාල විවිධාකාර නිෂ්පාදනවල දැන්වීම් අන්තර්ජාලයේ ඔබ යන යන තැන දකින්න ලැබෙනවා. ලිංගාශ‍්‍රිත රෝගයක් ගැන සෙවීමක් කළොත් එයින් පසු එවැනි රෝගවලට ඖෂධ රැුගත් දැන්වීම් දකින්න ලැබෙනවා. ඇතැම්විට අතිශය පෞද්ගලික කාරණාවක් ගූගල් වෙබ් සෙවුම් යන්ත‍්‍රයෙන් සොයා බැලූ පසු ඔබ යන යන වෙබ් අඩවියෙහි එයට අදාල දැන්වීම් දකින්නට පුළුවන්.


ගූගල් සමාගම සතුව ඇත්තේ එක සෙවුම් යන්ත‍්‍රයක් පමණක් නොවෙයි. යූටියුබ් වෙබ් අඩවියේ සෙවුම් යන්ත‍්‍රයත් ගූගල් සතුයි. එයත් ලොව විශාලම සෙවුම් යන්ත‍්‍රයක්. ගූගල් ක්‍රෝම් මෘදුකාංගය පාවිච්චි කරනවා නම්, ඇන්ඩ්‍රොයිඞ් පද්ධතියක් සහිත ¥රකථනයක් පාවිච්චි කරනවා නම්, ගූගල් සිතියම්වලින් මගතොට සොයනවා නම් ඔබ සම්පූර්ණයෙන්ම ගූගල්හි තොරතුරු දැලෙන් වටවී සිටින බව කිවයුතුයි. ඔබ යන එන තැන්වල සිට සියලූ දේ ගූගල් දන්නවා. ඒ තොරතුරු හැකි උපරිම ලාභයට අලෙවි කළ හැකි බව ඔවුන් දන්නවා. නූතන ලෝකයේ වටිනාම වස්තු ප‍්‍රභේදය වන්නේ රත්තරන් නොවෙයි, අවිආයුධ නොවෙයි, දේශපාලන බලය නොවෙයි, මුදල් නොවෙයි. වටිනාම වස්තු ප‍්‍රභේදය වන්නේ තොරතුරුයි.


ඒ කාරණාව තේරුම් ගන්නට ගූගල් සමාගම මට්ටමෙන් කල්පනා කළ යුතු නැහැ. දහසකගේ ¥රකථන අංක සහ නම් ඔබ සතුව තිබෙනවා නම් ඒ තොරතුරු පාවිච්චි කරමින් ඔබට විවිධාකාර බඩු භාණ්ඩ අලෙවි කරන සමාගම්වලින් ලාභ ඉපැයිය හැකියි. ඔබේ ජංගම ¥රකථනය දැන් අතට ගතහොත් දැන්වීම් රැුගත් කෙටි පණිවිඩ කීයක් ඔබේ ¥රකථනයට පැමිණ තිබේදැයි අවබෝධ කරගත හැකියි.


ඒ ජංගම ¥රකථන අංකය පමණක් තිබේ නම් කළ හැකි දේ පමණයි. බිලියන ගණනක් ජනතාවගේ රහසිගත තොරතුරු පවා එක් සමාගමක් සතුව තිබේ නම් කුමක් සිදුවනු ඇතිද.
ඩක් ඩක් ගෝ සමාගම පරිශීලකයාගේ තොරතුරු එකතු කරන්නේ නැහැ. ඔවුන් සෙව්වේ මොනවාදැයි මතක තබාගන්නේ නැහැ. ඒ නිසාම ඔබ ඉලක්ක කළ දැන්වීම් එන්නේත් නැහැ. ඩක් ඩක් ගෝ සමාගම එහෙත් ලාභ උපයනවා. ඔබ මෝටර් රථයක් ගැන සෙවුමක් කළහොත්, ඒ සෙවුම සමග මෝටර් රථ පිළිබඳ දැන්වීම් එනවා. ඒ සෙවුම අවසන් කළ පසුව, ඔබ මෝටර් රථවලට කැමති බව ඩක් ඩක් ගෝ මතක තබාගන්නේ නැහැ. ඊළඟට ඔබ කරන සෙවීම අනුව එයට අදාල දැන්වීමක් දකින්න ලැබේවි.


පෞද්ගලිකත්වය, ප‍්‍රජාතන්ත‍්‍රවාදය මිරිකා හැකි හැම සතයක්ම උපයන්නට උත්සාහ කරන සමාගම් ලෙස ඩක් ඩක් ගෝ සමාගම ඍජුවම ගූගල් හා ෆෙස්බුක් වෙත චෝදනා කරනවා.
ඩක් ඩක් ගෝ සමාගමේ සෙවුම් ප‍්‍රමිතිය ගැන බිය වෙන්නට දෙයක් නැහැ. ගූගල් සමාගම ඉහළම ප‍්‍රමිතියේ ප‍්‍රතිඵල සපයන්නට උත්සාහ කරන බව ඇත්ත. ගූගල් සෙවුමකදී හැකි තරම් ප‍්‍රතිඵල ලැබේවි. එහෙත් විටෙක, ප‍්‍රමාණයෙන් අඩු වුණත් ප‍්‍රමිතිය තිබේ නම් ඒ ඇති. ඩක් ඩක් ගෝ ඒ ප‍්‍රමිතිය සපයනවා. ඔවුන්ට ප‍්‍රමිතිය අතින් ගූගල්ට තරගයක් දිය හැකියි.


ගූගල් සෙවුමකදී ඔබ කුමන්ත‍්‍රණ න්‍යායන් රැුගත් වෙබ් අඩවියකට හෝ ගොසිප් පමණක් තිබෙන ප‍්‍රමිතියෙන් තොර ප‍්‍රවෘත්ති සපයන වෙබ් අඩවියකට රැුගෙන යා හැකියි. සෞඛ්‍යය ගැන පවා විද්වත් මත මෙන් වැරදි මත සපයන වෙබ් අඩවියකට ගූගල් සෙවුමකදී ඔබ යා හැකියි. අන්තර්ජාලයේ එවැනි වෙබ් අඩවි ඕනෑ තරම්. යම් මාතෘකාවක් ගැන ඔබ සෙවීමක් කළොත් ඒ මාතෘකාව ගැන ප‍්‍රමිතියෙන් යුතුව වෘත්තීයමය තොරතුරු සපයන වෙබ් අඩවියක් ප‍්‍රතිඵලවල අග කොටසක තිබිය හැකියි. ව්‍යාජ තොරතුරු සපයන වෙබ් අඩවියක් ඉහළින් දකින්නට ලැබීමේ ඉඩක් තිබෙනවා. ගූගල් සමාගමට ඕනෑ වන්නේ වැඩි පිරිසක් බලන, වැඩි පිරිසක් යන එන වෙබ් අඩවි පෙන්වන්නයි. වැඩි පිරිසක් කැමති ප‍්‍රතිඵල සපයන්නයි. තොරතුරුවල ප‍්‍රමිතිය ඔවුනට අදාල නැහැ.


ඇතැම් විට ගූගල් සෙවුමක ප‍්‍රතිඵල එක්කෝ ආර්ථිකමය හෝ දේශපාලන හේතු මත වෙනස් විය හැකියි. එසේත් නැතිනම් විනෝදය සැපයීමේ අරමුණත් එවැනි ප‍්‍රතිඵලවල තිබිය හැකියි.
ගූගල් සෙවුම් යන්ත‍්‍රයේදී අප පාවිච්චි කරන ඇතැම් පහසුකම් ඩක් ඩක් ගෝ සෙවුමකින් ලබාගත නොහැකියි. එහි අප කැමති කාලසීමාවකට අදාලව සෙවුමක් කළ නොහැකියි. ඡුායාරූපයක් යොදා එයට සමාන ඡුායාරූප සෙවිය නොහැකියි. එවැනි පහසුකමක් දෙකක් අඩුයි. එහෙත් ටික කාලයක් ඇතුළත ඩක් ඩක් ගෝ වෙත හුරුවීමේ හැකියාව පෞද්ගලිකත්වය ගැන සිතන කෙනෙකුට තිබෙනවා. ඩක් ඩක් ගෝ වැනි සෙවුම් යන්ත‍්‍රයක් පාවිච්චි කිරීමෙන්ම එහි ගුණ අගුණ ගැන අවබෝධ කරගත හැකියි. එයින් පසුව තීන්දුවක් ගත හැකියි. ඩක් ඩක් ගෝ මගින් ආරක්ෂාව ගැන සපයන තොරතුරු ඉදිරියේදී අන්තර්ජාලයේ ආරක්ෂාකාරීව සිටීමට උපකාරී විය හැකියි.

අමිල රත්නායක