හිටපු අමාත්‍ය පාඨලී චම්පික රණවකගේ තවත් රියදුරෙකු වශයෙන් කටයුතු කළ ප‍්‍රදීප් අල්විස්ගේ නිවසට ගොස් කොළඹ අපරාධ කොට්ඨාසශයේ නිළධාරීන් අසභ්‍ය වචනයෙන් බැණ වැදුණු බවට එම පවුලේ සාමාජිකයන් ඇතැයි පොලිස් මූලස්ථානයට පැමිණිල්ලක් කර තිබේ.


දැනට රිමාන්ඞ් භාරයට පත්කර තිබෙන චම්පික රණවක මහතාගේ රියදුරු තුසිත කුමාර මහතා අධිකරණයට ඉදිරිපත් කෙරුණු දෙසැම්බර් 24 වැනිදා රියදුරු ප‍්‍රදීප් අල්විස්ද අධිකරණයට ඉදිරිපත් කර තිබුණි. ඔහු රිමාන්ඞ් භාරයට පත්කළේ නැත.


මේ සම්බන්ධයෙන් කළ විමසීමකදී නීතිඥ ශිරාල් ලක්තිලක ප‍්‍රකාශ කළේ එම රියදුරුගේ පවුලේ සාමාජිකයන්ට කොළඹ අපරාධ කොට්ඨාසයේ නිලධාරීන් අසභ්‍ය වචනයෙන් බැණවැදීම ගැන මූලික අයිතිවාසිකම් පෙත්සමක් ඉදිරිපත් කිරීමට බලාපොරොත්තු වන බවයි.