මහින්ද රාජපක්ෂ ජනාධිපති තනතුරට පත්වන්නේ සිංහල බෞද්ධ ජාතිකවාදී ව්‍යාපාරය සංවිධානාත්මකව කළ මතවාදී සහ සංකේතාත්මක ගොඩනැංවීම් සහ දේශපාලන මෙහෙයවීම් එක්තැන්වීමේ ප‍්‍රතිඵලයක් ලෙසිනි.
1956 දේශපාලන පෙරැුළියේ සිටම සිංහල බෞද්ධ ජාතිකවාදී සුළු ධනේශ්වර පංති කොටස්වල නියෝජනයක් පාර්ලිමේන්තුව තුළ සහ පසු කාලයේදී පළාත් සභා සහ ප‍්‍රාදේශීය සභා මට්ටමේදීත් -විශේෂයෙන්ම ශ‍්‍රීලනිප ආණ්ඩු බලයට පත් වූ අවස්ථාවන්හිදී- විවිධ මට්ටමින් වර්ධනය වෙමින් පැවැතියේය. නමුදු ඔවුන් පංති ස්ථරයක් වශයෙන් රාජ්‍යයේ අධිපතිභාවය අත්පත් කරගන්නේ මහින්ද රාජපක්ෂ ජනාධිපති වීම යටතේය. මේ අර්ථයෙන් ගත් කල එය, ගුණදාස අමරසේකර ජනප‍්‍රිය කළ පදයක් ණයට ගෙන කියන්නේ නම්, ‘56 දරුවන්’ රාජ්‍ය බලය අත්පත් කරගැනීමකි.
මේ වනවිට ‘56 දරුවෝ -එනම් ‘56 දේශපාලන පෙරළියේ ඵල භුක්ති විඳින පරපුර- මෙන්ම ඉන් පසු පැමිණි ‘77 දරුවන් ද ‘නිදහස් අධ්‍යාපනය’ මගින් නිලධාරී තන්ත‍්‍රය, ශාස්ත‍්‍රාලයීය අධ්‍යාපනය (පිරිවෙන් අධ්‍යාපනය ද ඇතුළුව), නීති පද්ධතිය යනාදි රාජ්‍ය අංශය මූලික කොටගත් සැම වැදගත් සමාජ තලයකම අරක් ගෙන සිටියහ. (’56 දරුවන් අධ්‍යාපනය තුළින් සමාජයේ ඉහළට නැඟ ගැනීමට ගන්නා උත්සාහයේදී ඔවුන් මුහුණ දෙන අකරතැබ්බයන් ගුණදාස අමරසේකරයන්ගේ කෙටි කතාවල අපූරුවට චිත‍්‍රණය කොට තිබේ.)
2005න් උදාවූ රාජපක්ෂ සමය මෙම දෙපරපුර දේශපාලන බලය යොදාගෙන, ස්වාර්ථ සාධනය සඳහා ආර්ථික වත්කම් සහ සමාජ බලය ගොඩනඟා ගැනීමේ උග‍්‍ර අරගලයක යෙදෙනු පෙන්නුම් කළේය. ‘56 පරපුර හා සසඳන කල, සිංහල සුළු ධනේශ්වරයේ ‘77 පරපුර, නිර්බාධී ආර්ථිකයෙන් වර්ධනය කෙරුණු වෙළෙඳපොළ මූලික ආකල්ප තුළ හැදියාව ලද නමුදු, ඔවුන්ගේ කොටසක්ද මතවාදී වශයෙන් සිංහල බෞද්ධ ජාතිකවාදී වූයේ, තම පැවැත්ම සඳහා මූලික වශයෙන්ම තවමත් සිංහල භාෂාව මත සහ රජය සහ දේශීය ප‍්‍රභවයන් මතම පමණක් යැපෙන්නට සිදු වී තිබුණු හෙයිනි.
1956 පටන් විවිධ මට්ටමින් සිංහල සුළු ධනේශ්වරය ලංකාවේ දේශපාලන බලයට ඇතුළුවීම තුළ එම පංති කොටස්වලට තම පැවැත්ම සහ ප‍්‍රාග්  ධන සමුච්ඡුායනය සඳහා මුළුමනින්ම පාහේ රජය මත යැපෙන්නට සිදුව තිබීම ලංකාවේ දේශපාලනයට කළ බලපෑම ඉමහත් ය. 2005දී මහින්ද රාජපක්ෂ ජනාධිපති වීමත් සමග සුළු ධනේශ්වරය රාජ්‍ය බලයට සෘජුව හිමිකම් කීමෙන්, ඔවුන් තම ආර්ථික ඵලප‍්‍රයෝජන සාක්ෂාත් කරගැනීම සඳහා කළ අරගලය උග‍්‍රවිය.
රාජපක්ෂ රෙජිමයේ පාලන සමය පිළිබඳ විචාරකයන් විසින් එකල ආණ්ඩු ක‍්‍රමයේ නිත්‍ය ලක්ෂණ වී තිබුණි යැයි අවධාරණය කෙරුණු ‘නීතියේ පාලනය බිඳ වැටීම, දැඩි අධිකාරීත්වය, අධික දුෂණය හා නාස්තිය, පළිගැනීම, සුදුසුකම් නොසැලකීම, අසාධාරණ ලෙස ඵල බෙදාගැනීම’ (වික්ටර් අයිවන්, රාවය) යනාදි ලක්ෂණ සිංහල සුළු ධනේශ්වරය තම ස්වාර්ථ සාධනය සඳහා ගෙන ගිය එම අරගලයේ තීව‍්‍රභාවය ප‍්‍රකාශ වන ආකාරයයි.
සිංහල බෞද්ධ මතවාදය වෙනුවන් පෙනී සිටින අතරම සිංහල සුළු ධනේශ්වරය ඉහත පරිදි ක‍්‍රියාකිරීමෙහි බැලූ බැල්මට ප‍්‍රතිවිරෝධයක් සේ පෙනී යා හැකි හැසිරීම වටහා ගැනීමට අපට අවධානය යොමු කළ හැකි වැදගත් කරුණක් ගණනාථ ඔබේසේකර තම ‘දුටුගැමුණුගේ හෘදය සාක්ෂිය’ පිළිබඳ සුප‍්‍රසිද්ධ රචනයෙන් ඉදිරිපත් කොට තිබේ (Dutthagamini and the Buddhist Conscience”, 1993, මෙම ලිපියෙහි මුල්කාලීන පිටපතක සිංහල අනුවර්තනය සඳහා බලන්න, ”දුටුගැමුණුගේ හෘදය සාක්ෂිය”kathika.wordpress.com.

බෞද්ධ හෘදය සාක්ෂිය බිඳදැමීම
එය නම් ‘56 පරපුර වනවිටත් සිංහල බෞද්ධයන්, කර්නල් හෙන්රි ස්ටීල් ඕල්කොට් අනුදත් බුද්ධිමය (rational)  බුද්ධාගමත් අනගාරික ධර්මපාල අනුදත් දේශපාලන බුද්ධාගමත් වැළඳ ගැනීමෙහි බලපෑම යටතේ, එතෙක් සිංහල ගැමියන් තුළ බෞද්ධ හෘදය සාක්ෂිය වගා කළ බෞද්ධ මානවීය ආචාර ධර්මීය පදනමින් වියෝ වී තිබීම යි.
මා දකින පරිදි, ‘71 කැරැුල්ල සටහන් කළේ අඩු වැඩි වශයෙන් එබඳු බුද්ධිවාදී (rationalist) චින්තනයක් තුළ හැදුණු වැඩුණු, සමාජයෙන් වියෝ වූ තරුණ පරපුරක සමාජ විරෝධී ප‍්‍රකාශයයි. ‘77 පරපුරේ සමය වන විට පොදුවේ ගත් කල මෙම වියෝ වීම සම්පූර්ණ වී තිබුණි යැයි තර්ක කළ හැකිය.
‘නූතන යුගය විසින් බෞද්ධ හෘදය සාක්ෂිය කඩා බිඳ දැමීම’ පිළිබඳ ඔබේසේකර ඉදිරිපත් කරන මෙම අදහස සංක්ෂිප්තව පහත දක්වමි.
සාම්ප‍්‍රදායිකව ලාංකේය ගැමි බෞද්ධයෝ බුදුන්ගේ ජීවන චරිතය පාදක කරගත් ධර්ම ග‍්‍රන්ථයන්හි සහ ජාතක පොතෙහි එන කථා පදනම් කොටගෙන ජනවහරේ පැවත ආ, විවිධ අවස්ථාවල විවිධ ස්වරූපයන්ගෙන් ඉදිරිපත් කෙරුණු කතාන්තරවලට සවන් දුන්හ, ඒවා රඟ දක්වනු නැරඹූහ. ඒවායින් කියැවුණේ අන්‍යයන්ගේ යහපත තකා බෝධිසත්වයන් කරන ආත්ම පරිත්‍යාගය, මානව සත්වයෙකු ලෙස ඔහු තුළ වූ අසාමාන්‍ය කරුණාව සහ ඔහු බොහෝ බවයක ඉපිදෙමින් මිය යමින් පෙරුම් පිරූ පාරමිතාවන් නැතහොත් ආචාරධර්මීය සුසාධිතතාවන් පිළිබඳ ය. මේ අන්දමට සමාජ ජීවිතයට මුසුවුණු කථාන්තර තුළින් බුද්ධ චරිතයේ එන යහගුණ, බෞද්ධ ආචාර ධර්මය වශයෙන් තමන් තුළ වගා කර ගැනීමෙන් හෘදය සාක්ෂිය වඩා ගැනීමේ සම්ප‍්‍රදාය මගින් ඇතිවුණු බෞද්ධ මානව භක්තිය ඔවුන් තුළ විය.
මේ තත්වය වෙනස් කරන යමක් නූතන යුගයේ, දහනව වැනි සියවසේ අගභාගයේ හා විසිවැනි සියවසේ දී, එකට බැඳී උදාවූ නව පෙරමුණු දෙකක බලපෑමට ගැමි බුද්ධාගම යටත් වීමෙන් සිදුවිය. ඉන් එකක් නම්, අලූතින් මතුවෙමින් පැවැති සුළු ධනේශ්වරයක් සඳහා ධර්මපාලගේ නායකත්වයෙන් ඇතිවුණු විප්ලවකාරී බුද්ධාගම ය. අනෙක, ඕල්කොට්ගේ නායකත්වයෙන් ගොඩනැංවූ, බුද්ධ ධර්මය නවීන විද්‍යානුකූල, අන්ධ වූ දේව භක්තියකින් තොර වූ යථාර්ථවාදයක් ලෙස හඳුන්වන උගතුන්ගේ බුද්ධ ධර්මය ය.
ඕල්කොට් මෙරටට බටහිරින් ගෙනැවිත් ප‍්‍රචලිත කළ බුද්ධධර්මය පිළිබඳ බුද්ධිමය දැක්ම අනුව යමින්, ලාංකික උගත්තු බටහිර බුද්ධිවිචාර සම්ප‍්‍රදායේ විධික‍්‍රමවල ආභසය ලැබ, බෞද්ධ ජන සංස්කෘතියේ පුරාණෝක්තිමය, ඇදහිලිවාදී සහ භක්තිවාදී අංග ඉන් බැහැර කළ, ධර්මය මත පදනම් වූ බුද්ධිවාදී බුදු දහමක් බිහි කළහ, එම දැක්මට අනුව ලංකාවේ බෞද්ධ අධ්‍යාපනය, පාසල් සහ දහම් පාසල් සහ පොතපත සම්පාදනය සකස් කළහ.
ධර්මපාල ගොඩනැඟූ විප්ලවකාරී බුද්ධාගම ලාංකේය සමාජය මත ඇති කළ බලපෑම ඔබේසේකර, තම්බයියාගෙන් ගන්නා, ‘සාම්ප‍්‍රදායිකව මුල් බැසගත් බෞද්ධ සංස්කෘතියේ අඳුරු පැත්ත’ යන යෙදුමෙන් පැහැදිලි කෙරෙයි. එය අදාළ වන්නේ බුද්ධාගම ලංකාවේ රාජ්‍ය ආගම ලෙස මුල් බැස ගැනීම පිළිබඳ මහාවංශ අර්ථකථනයට ය. රාජ්‍ය ධර්මය සහ අහිංසා ධර්මය අතර ගැටුමෙහිදී අහිංසා ධර්මයට ප‍්‍රමුඛතාව දුන් අශෝක දහමට පටහැනිව යන මහාවංශ රචකයා දකින අන්දමට සිංහල ජාතියේත් බුද්ධාගමේත් ඉරණම එකට බැඳී ඇති හෙයින් බුද්ධාගම රැකීම වෙනුවෙන් කෙරෙන හිංසා හා ඝාතන යුක්ති සහගත වෙයි.
මහාවංශ අර්ථකථනයට නව ජීවනයක් සපයමින් ධර්මපාල පදනම් ලූ අලූත් දේශපාලනික බුද්ධ ධර්මය ගැමි බුදු දහමේ මානවීය ආචාර ධර්මය පසෙක ලා, නැඟී එන සුළු ධනේශ්වරය වෙනුවෙන්, නවීකාරක ආචාරධර්ම පද්ධතියක් බිහි කළා පමණක් නොව ජනප‍්‍රිය බුද්ධාගමේ එම අඳුරු යටිපැත්ත එනම් බුද්ධාගම රැුකීමේ නාමයෙන් කෙරෙන ප‍්‍රචණ්ඩ ක‍්‍රියා සාධාරණීකරණය යළිත් නූතන ලාංකේය සමාජයෙහි ස්ථාපිත කරලීය.
ඔබේසේකරගේ ඉහත විග‍්‍රහයෙන් කියැවෙන්නේ ‘56 බණ්ඩාරනායක රජය බලයට එන්නේම ගැමි බෞද්ධ ආචාර ධර්මයේ මුල් සිඳගත් සිංහල සුළු ධනේශ්වරයක් මතින් බවයි. සිංහල බෞද්ධ ජාතිකවාදය ජාතිවාදය බවට පරිවර්තනය වීමත් ඒ හා ආශ‍්‍රිතව බුද්ධාගම රැුකගැනීමේ නාමයෙන් අන්‍ය ජනකොටස් මත ප‍්‍රචණ්ඩත්වය මුදා හැරීම සාධාරණීකරණයත් මෙම බුද්ධිවාදී බුද්ධාගම මෙරට මුල් බැස ගැනීමේ ප‍්‍රතිඵල යැයි සිතමි.
ඕල්කොට් සහ ධර්මපාලගේ නූතන බෞද්ධ ව්‍යාපෘතිය සිංහල සුළු ධනේශ්වරය අතර මුල් බැස ගන්නේ ඒ වනවිටත් යටත් විජිතවාදී ලිබරල් බුද්ධිවාදය (rationality) කෝල්බෘක් -කැමරන් ප‍්‍රතිසංස්කරණ යටතේ ජාතික දේශපාලනයෙහි පිහිටුවා ඇති විටකදීය. ඬේවිඞ් ස්කොට් Refashioning Futures (1996) කෘතියෙහි තර්ක කරන පරිදි මෙම ලිබරල් බුද්ධිවාදය ආර්ථිකය, සමාජය සහ එබඳු බුද්ධිවාදයක් ඒ මත පදනම් වනු ඇති විෂයීයභාවයක් subjectivity ලාංකේය සමාජය මත කාවැද්දීම මඟින් යටත් විජිත දේශපාලන තන්ත‍්‍රය නූතන දිශාවක් කරා ප‍්‍රතිසංවිධානගත කිරීම අදහස් කළේය.
එම පසුබිමෙහි බුද්ධිවාදී බුද්ධාගම ප‍්‍රචලිත වීම තුළින්, දහම්පාසල් සහ පාසල් අධ්‍යාපනය සහ ධර්ම සාහිත්‍යය පැතිරවීම මගින් මෙන්ම ධර්මපාලගේ ආගමික ව්‍යාපාරය තුළින් බුද්ධිවාදී භාවිතාවන් ප‍්‍රචලිත කිරීමෙන්, බුද්ධිවාදී දැක්මෙන් යුතු නව පරපුරක් බිහි කෙරුණි. එම භාවිතාවන් සිංහල බෞද්ධ සුළු ධනේශ්වරයේ එදිනෙදා ජීවිතයට කාවැදීමෙන් පරම්පරා ගෙවීයත්ම ඒවා සාමාන්‍ය ගැමි ජනතාවගේ එදිනෙදා දිවි පෙවෙතටද කාවැදීම අනිවාර්යයක් විය. එහි ප‍්‍රතිඵලය නම් බෞද්ධ මානවීය ආචාර ධර්මය ක‍්‍රම ක‍්‍රමයෙන් ලාංකේය සමාජයෙන් අහෝසි වී යාමයි.
එලෙස බෞද්ධ හෘදය සාක්ෂිය අහිමි කරගත් සිංහල සුළු ධනේශ්වරයක සහ ගැමි ගොවි ජනකායකගේ පසු පරපුරු නිර්බාධී ආර්ථිකයක වෙළෙඳපොළ නියාමයන් වැළඳගත් විට රාජ්‍යය සහ මහජන ජීවිතය පිළිබඳ කටයුතුවලදී ආචාර ධාර්මික විනිශ්චයන් පසෙක ලා හුදු ස්වාර්ථ සාධනය පිළිබඳ මාවතට යොමුවීම අපට වටහා ගත හැකි විය යුතුය. පශ්චාත් 2005 සමයේ රාජ්‍ය කේන්ද්‍රීය ප‍්‍රාග්ධන සමුච්ඡුායනය නග්න ස්වරූපයක් ගැනීමේ පදනම බුද්ධිවාදී දේශපාලනය ලාංකේය සමාජයේ අධිපතිභාවයට පත්වීම යැයි සිතමි.
මෙලෙස සිංහල සුළු ධනේශ්වරය දේශපාලන බල තන්ත‍්‍රයට අවතීර්ණ වීම ලංකාවේ පාර්ලිමේන්තු ප‍්‍රජාතන්ත‍්‍රවාදය මෙන්ම, නිලධාරී තන්ත‍්‍රය, අධිකරණය ඇතුළු රාජ්‍ය ආයතනික පද්ධතියද එම පංතියේ ඉහළ නැඟීමේ අපේක්ෂාවන්ට යටත් මෙවලම් බවට හැරවීමෙන් පිරිහෙළන ලදි. පශ්චාත් ‘77 ජේආර් ජයවර්ධන රෙජිමයේ පාලන සමය තුළ රාජ්‍ය කේන්ද්‍රීය සුළු ධනේශ්වරයේ දේශපාලන ව්‍යාපෘතිය එක්තරා දුරකට පසු බෑමකට ලක් වුවද, 2005 රාජපක්ෂ රෙජිමය මෙම ක‍්‍රියාවලිය යළි එහි උච්ඡුස්ථානයට ගෙන ආවේය. අද වන විට ලංකාවේ දේශපාලනය, ආණ්ඩු බලයේ කුමන පක්ෂයක් බලයේ සිටියද, සමස්තයක් ලෙස මෙම ව්‍යාපෘතියේ ග‍්‍රහණයට පත්වී තිබේ.
මේ සියල්ල කරන ලද්දේ ‘සංවර්ධනය’ නාමයෙනි. ජේආර් ජයවර්ධන පාලන සමයේ පටන් ‘සංවර්ධන’ කතිකාව ලංකා දේශපාලනයේ අධිපතිභාවයට පත් විය. යුද සමයේ පසු බැස ගිය සංවර්ධන කතිකාව යළිත් වරක් බලවත් වන්නේ එය උච්ඡුස්ථානයට නැඟුණු පශ්චාත් යුද සමයේ රාජපක්ෂ රෙජිමයේ යටතේ ය. (බලන්න, ‘සෞඛ්‍යයේ පුරය’ සහ සුඛෝපභෝගී පුරය: ‘සංවර්ධනය’ දේශපාලනය යටකොට ගැනීම, කතිකා අංක 1, www.kathika.lk )’
.

නන්නත්තාර පංති කොටස්
මෙලෙස රාජ්‍යය, ආණ්ඩුකරණය සහ ජනතාව අතර දේශපාලන සම්බන්ධය උග‍්‍ර ලෙස පිරිහීමට දායක වූ තවත් වැදගත් කරුණක් මෙහි ලා කෙටියෙන් හෝ වුව නිරීක්ෂණය කිරීම අවශ්‍යය. එය නම්, පශ්චාත් ‘77 පාලන සමයේදී නිර්බාධී ආර්ථිකයේ ව්‍යාප්තිය සමග බැඳී මෙරට ව්‍යාප්ත වූ නන්නත්තාර නැතහොත් පාදඩ පංති කොටස් ලාංකේය සමාජය මත ඇති කරන බලපෑමයි. සාම්ප‍්‍රදායිකව නන්නත්තාර පංතිය නාගරික පහළ පංතීන් හා සබැඳි සංසිද්ධියක් නමුත්, ඉහත සාකච්ඡුා කරන ලද නූතන බුද්ධාගමේ ව්‍යාප්තියේ දිගුකාලීන ඵලවිපාකයක් ලෙස මෙම පංති කොටස් අර්ධ නාගරික සහ ග‍්‍රාමීය සම්භවයන්ගෙන්ද පැනනැඟී ව්‍යාප්ත විය.
මෙම දෙවනුව කී කොටස්වල සම්භවයේ එක් මූලයක් පිළිබඳ වැදගත් නිරීක්ෂණයක් නිව්ටන් ගුණසිංහගේ ඉහත සඳහන් ”—Land Reform” Class Structure and the State˜ ” ලිපියේ දැකිය හැකිය. එය නම් ග‍්‍රාමීය සුළු ධනේශ්වරය සැදුම්ගත් සිංහල පාසල් ගුරුවරුන්, ආයුර්වේද වෛද්‍යවරුන් සහ ජ්‍යොතීර්වේදීන් ගම්බද සුළු වාණිජමය ක‍්‍රියාකාරකම්වල ද නිරත වූ බවයි. ඔහු ම මහනුවර පළාත් ආශ‍්‍රයෙන් කළ තවත් අධ්‍යයනයක (—Agrarian Relations in the Kandyan Countriside in Relation to the Concept of Extrement Social Disntetgreation˜ 1979)”, නිරීක්ෂණය කළේ යටත් විජිත සමයේ සිට වතු කෘෂිකර්මාන්තයට සේවා සැපයීම, සන්නිවේදන කටයුතු සහ වෙළෙඳාම මත පළමු වතාවට දැකිය හැකි සුළු ධනේශ්වර කොටසක් කන්ද උඩරට පළාත්වල දකින්නට ලැබුණු බවයි. ඔවුහු දහනම වැනි සියවසේදී එක්කෝ මුහුදුබඩ පළාත්වලින් පැමිණි සිංහල වික‍්‍රමිකයෝ නැතහොත් මුස්ලිම් වැසියෝ වූහ. ඔවුහු කුඹුරු ඉඩම් කැබැලි හෝ ගෙවතු මිල දී ගනිමින් ගම් තුළ ඉඩම් වෙළෙඳපොළට ඇතුළු වූ අතර, වාණිජ සමපේක්ෂණයෙහි ලා සම්බන්ධ ව සිටියහ.
මෙලෙස සුළු වාණිජමය ක‍්‍රියාකාරකම්වල නිරතවෙමින්, ගමේ ඉඩම් වෙළෙඳපොළ තුළ ක‍්‍රියාකාරීව, වාණිජ සමපේක්ෂණයෙහි නිරතව සිටි, සිංහල සුළු ධනේශ්වර පංති කොටස් වැළඳගත් බුද්ධිවාදී බුදුදහමෙහි සම්ප‍්‍රදායෙහි හැදුණු වැඩුණු ඔවුන්ගේ දුදරුවන් නිර්බාධී ආර්ථිකය අභිමුඛවීම තුළ ඔවුන් මුල් සිඳුණු නන්නත්තාර පංති කොටස් බවට විකාශනය වීමේ අවකාශයක් බිහිවුණි.
නන්නත්තාර පංති කොටස්වලින් ආ සාමාජිකයෝ, චන්ද්‍රිකා කුමාරතුංග ජනාධිපතිත්වය යටතේ සහ මහින්ද රාජපක්ෂ ජනාධිපතිත්වය යටතේ පැවැති රජයන්ගේ සමය තුළ පළාත් පාලන මට්මේ සිට ජාතික මට්ටම දක්වා වැඩි වැඩියෙන් ඉහළට නැගෙමින් එන්න එන්නම දේශපාලන බලයේ කොටස්කරුවන් බවට ද පත්වූහ.
මෙම පංති කොටස් අතරින් වර්ධනය වූ පාදඩ ධනේශ්වර පංති කොටස් ද 2005න් පසු රාජ්‍ය බලයේ ප‍්‍රධාන කොටස්කරුවන් බවට පත්වීම රාජ්‍ය දේපළ සහ සම්පත් අවභාවිතය සහ දුෂණය ජාතික මට්ටමේත් එහි සිට පළාත් පාලන මට්ටම දක්වාත් ව්‍යාප්තවීමටත් දේශපාලනයේ ප‍්‍රචණ්ඩත්වය පැතිරීමටත් හේතුවූ ප‍්‍රධාන සාධකයක් යැයි සිතමි. ඔවුන් අත සිංහල බෞද්ධ ජාතිකවාදය බලය සඳහා වන හුදු මෙවළමක් වන හෙයින් ඉතා පහසුවෙන් ජාතිවාදය බවටත් ප‍්‍රචණ්ඩත්වයටත් හැරවිය හැකිය. (මෙහි පාදඩ යන්නෙන් අදහස් කරන්නේ ඔවුන්ගේ මුල් ඉදිරුණු සහ අල්ලසට නැඹුරුවූ,දුෂිත ස්වරූපය යි.) විධායක ජනාධිපති බවට මහින්ද රාජපක්ෂ පත්වීම සමගින් ලංකාවේ සමාජයේ අධිපති තලයට නැඟණු නව පාදඩ ධනේශ්වර කොටස් රාජපක්ෂ රෙජිමයේ දේශපාලන බලයෙන් ලාංකේය සමාජය තම ග‍්‍රහණයට නතු කර ගත්හ. රාජපක්ෂ රෙජිමයට එරෙහිව ඡුන්දය පාවිච්චි කිරීමට මෙරට ජනයා බහුතරයක් පෙළඹවූ ප‍්‍රධාන හේතුවක් වූයේ මෙම පිරිස් ජනයාට නිදහස සහ ප‍්‍රජාතන්ත‍්‍රීය හිමිකම් අහිමි කරමින් රාජ්‍ය බලය අවභාවිතයට යොමු වීම යැයි සිතමි.
ජාතිවාදී කලකෝලාහලවලදීත් මෙන්ම දේශපාලනයේදීත් (උදා: මෑතකාලීන මුස්ලිම් විරෝධී කෝලාහලවලදී මෙන්ම පසුගිය පළාත් පාලන මැතිවරණයෙන් පසු සමයේදීත්) ජනයා මත ප‍්‍රචණ්ඩත්වය මුදාහැරීමට නන්නත්තාර පංති කොටස් විවිධ දේශපාලන බලවේග විසින් යොදා ගනු ලැබීම, පසුගිය කාලය තුළ දකින්නට ලැබුණි. ඉදිරියේදී සිංහල බෞද්ධ ජාතිකවාදය පදනම් කොට ගෙන ලාංකේය දේශපාලනයේ යළිත් මතු වීමට ඉඩ ඇති අධිකාරවාදී තත්වයන් යටතේ දේශපාලන බලවේග තම පසමිතුරන් මර්දනයට බල සේනා වශයෙන් මෙම පාදඩ පංති කොටස් යොදා ගැනීමේ බලවත් අනතුරක් පවතින බව නිරීක්ෂණය කළ හැකිය.
නමුත්, මේ අතරම සිංහල බෞද්ධ සුළු ධනේශ්වරය සහ නන්නත්තාර පංති කොටස් ලාංකේය සමාජය මත බල පවත්නා අධිපතිභාවයේ නිශේධනාත්මක ඵලවිපාක කිසියම් දුරකට සමනය කිරීමට දායක වීමට ඉඩ ඇති නැඹුරුවක්ද සිංහල බෞද්ධ ජාතිකවාදී දේශපාලන පිළෙන්ම මතු වනු අද දක්නට ලැබෙයි.
සිංහල සුළු ධනේශ්වරයෙහි ඉහළ ස්ථරයන් අද වන විට සංක‍්‍රමණීය අවධියකට එළඹ ඇති බව අපට නිරීක්ෂණය කළ හැකිය. රාජපක්ෂ රෙජිමය යුද්ධයෙන් පසු එළඹි ‘සංවර්ධන’ සමයේදී ආර්ථික ඵල ප‍්‍රයෝජනය සඳහා ගෝලීය මූල්‍ය ධනවාදය සහ එහි දේශීය ඒජන්තයන් සමග ද ගැට ගැසුණු මොවුන්, උග‍්‍ර සිංහල බෞද්ධ ජාතිකවාදී ස්ථාවරයන්ගෙන් දුරස්ථවීමේ නැඹුරුවක් වත්මනෙහි පවතින අයුරු ඔවුන්ගේ දේශපාලන නායකත්වයේ කොටස්වලින් ප‍්‍රකාශ වන බව දැනටමත් විචාරකයන්ගේ අවධානයට යොමු වී ඇත. ඔවුන්, ඉදිරියේදී රාජ්‍ය කේන්ද්‍රීය, ධනේශ්වර ආර්ථිකයක් ගොඩනැඟීම සඳහා දේශපාලන බලය යළිත් තමන් අතට ගැනීමට යොමුවීමේ ඉඩකඩ පවතියි.  (ලබන සතියට)

2018.06.03 දින ‘අනිද්දා’ පුවත්පතේ ඉහත හිසින් පළවූ ලිපිය හොඳින් කියෙව්වෙමි. ඊට හේතු 2ක් විය. එකක් 90 දශකයේ සිට මේ දක්වා අපේ රටේ රැුකියා විරහිත උපාධිධාරීන්ගේ රැුකියා අයිතිය වෙනුවෙන් සටන් කරන අරගල කරන ව්‍යාපාරයක මූලිකයෙකු වීම නිසාය. අනෙක මෙම ලිපිය ලියූ නීතිඥ උපුල් කුමාරප්පෙරුම මේ මොහොතේ සමාජ ප‍්‍රගතිශීලී කඳවුර නියෝජනය කරන පුද්ගලයකු ලෙස රූපාන්තරණය වී සමාජයේ සාතිශය සංවේදී ප‍්‍රශ්න දෙස ධනේශ්ව්ර ආණ්ඩුවල අර්බුදයන් ගොඩයන දිශාවට පවතින ක‍්‍රමයේ සුරක්‍ෂිතයෙකු ලෙස මත දක්වා තිබීම නිසා ඇති වූ අප‍්‍රසන්නභාවය නිසාය.
උපුල් කුමාරප්පෙරුම මහතාට අනුව රැුකියා විරහිත උපාධිධාරීන් අසාධාරණ සැලකීම් ඉල්ලන ලෙස පෙනුණද අප කිසිවෙකුට උපාධිධාරීන් ඉල්ලන අසාධාරණ සැලකීම් මොනවාදැයි නොවැටහෙයි. අසාධාරණ සැලකීම් කියනකොට ආණ්ඩුව උපාධිධාරීන්ට සැලකීම් කරනවා. නමුත් කරන සැලකිලි ප‍්‍රමාණයට වඩා අසාධාරණ ලෙස සැලකීම් ඉල්ලනවා වගේ හරියට ෂයිලොක් මස් රාත්තලම ඉල්ලනවා. ඒක අසාධාරණයි වගේ යන්න දැනවීමට ඔහු උත්සාහ කරයි. ඔහුට එසේ පෙනීම, දැනීම විමතියට හේතුවක් නොවන්නේ ඔහු නිවැරදි සමාජය විග‍්‍රහයක් කරගෙන නොතිබීම නිසාවෙන් නිසා අපි කලබල නොවෙමු. ඔහුගේ එම මතවාදයට හෝ අදාල ලිපියේ අඩංගු කරුණුවලට අප උපාධිධාරී සමාජය එක`ග නොවන්නේ රැුකියා විරහිත උපාධිධාරීන්ට ආණ්ඩුව සාධාරණ සැලකීම් කිසිවක් නොකරන නිසාවෙනි.
උපාධිධාරීන් මේ මොහොතේ රැුකියා ඉල්ලමින් අරගල කිරීම මතවාදීමය වශයෙන් වැරදි බවට සමාජගත කිරීමට උත්සාහ දරන සටහන්කරු ඔහුගේ ලිපියෙන්ම පළමුවෙන්ම පිළිගන්නා සත්‍යයක් ඇත. ඔහුගේ සටහනේම උපුටාගැනීම කළහොත් මෙසේය. ‘‘සරසවි අධ්‍යාපනයේ උපාධි පාඨමාලා දෙස බැලූවිට උපාධිධාරියකු වීමෙන් පසු රජයේ් රැුකියාවක සුරක්‍ෂිතභාවය ඇත්තේ උපාධි පාඨමාලා කීපයකට පමණි. අඩුතරමින් ඉංජිනේරු උපාධියට හෝ මෙම සුරක්‍ෂිතබව ලැබී නොමැත. එම නිසා උපාධිධාරීන් විදෙස්ගත වන බවද…’’ ලිපියේ සමස්තය දෙස අවධානය යොමුනොකළත් ඔහු විසින් මතුකිරීමට උත්සාහ දරන තර්කය ඔහු විසින්ම ආරම්භයේදීම නිශේධනය කරගෙන ඇති බව අපට හැෙ`ග්. එවැනි වටිනාකමක් හෝ පිළි ගැනීමක් නොපැවතියත් උපාධියක් අරගෙනත් ලංකාව තුළ රැුකියා සුරක්‍ෂිතභාවයක් නොමැති කමින් උපාධිධාරීන් විදෙස්ගතවීමේ අර්බුදයක් ඇතිවී ඇත්තේ මෙතෙක් පැවති කිසිදු ආණ්ඩුවකට හෝ රාජ්‍ය ප‍්‍රතිපත්ති සම්පාදක ආයතනයකට අපේ රටේ නිදහස් අධ්‍යාපනය යටතේ උසස් අධ්‍යාපනයේ අවසන් ප‍්‍රතිඵලය මත උපාධියක් හිමිකරගෙන සමාජගතවන උපාධිධාරීන් පිළිබඳ පැහැදිලි තිරසාර වැඩපිළිවෙළක් නොමැතිවීම හැමදාමත් උපාධිධාරීන්ට රැුකියා ඉල්ලමින් සටන් කිරීමට සිදුවීම සාමාන්‍ය තත්වයකි.
උපාධිය මූලික සුදුසුකමක් වන බොහෝ රැුකියා නිර්මාණය වී ඇත්තේ සේවාවන් ලෙස බව ලිපියේ පෙන්වා දේ. එය සත්‍යයකි. රැුකියා විරහිත උපාධිධාරීන් බදවාගැනීම සදහා අදාල සේවය වන්නේ ‘‘සංවර්ධන නිලධාරී සේවයයි.’’ මෙම සේවය සදහා බදවාගනු ලබන්නේ රැුකියා විරහිත උපාධිධාරීන් පමණකි. එයත් විවෘත අංශයෙන් පමණකි. අපගේ අරගලය වන්නේ ඒ ස`දහා අඛණ්ඩව වාර්ෂිකව බ`දවාගැනීම් සිදුකිරීම කළයුතුය යන්නය.
ලිපියේ උතුරේ සහ දකුණේ තරුණ නැගිටීම් පිළිබදවත් එහි අවසන් ප‍්‍රතිඵලවලින් එකක් වන 1991 සිට තරග විභාග ක‍්‍රමය යටතේ රාජ්‍ය සේවයට බ`දවා ගැනීම් සිදුවූ බවත් සදහන් කර ඇත. එවැනි තීරණයක් ගැනීමට පැවැති එජාප ආණ්ඩුවට සිදුවූයේ 88-89 අරගලයේදී 60000කට ආසන්න මිනිස් ජීවිත බිලිගෙන සමාජය තුළ ඇතිවූ ආණ්ඩු විරෝධී දේශපාලනය යටපත්කර ගැනීමටය. එවැනි ඛේදවාචකයක් ඇතිවීමේ පදනම පිළිබදව ලියුම්කරුට අදහසක් ඇත. ආර්ථික, සමාජීය, දේශපාලන වශයෙන් වෙනස්කොට සැලකීම නිසා ඇති වූ පීඩනය සමාජ අරගලයට පදනම් වූ බවද පවසන ඔහුට වසර ගණනාවක් උපාධියක් ලබාගෙන ජීවත්වීම සදහා උපාධියට සුදුසු රැුකියා අවස්ථාවක් අහිමිව වසර ගණන් පීඩා විදින උපාධිධාරීන්ගේ පීඩාව නොදැනීම කනගාටුදායකය.
ආණ්ඩුව කිසි විටෙකත් සුදුසුයැයි සිතා රැුකියා ලබාදී නැත. 1999-2012 දක්වා බදවා ගැනීම් ගත් කල මේ සෑම අවස්ථාවක්ම උදාවී ඇත්තේ වසර 05කට වඩා වැඩි කාලයක් ඉකුත් වූ පසුවය. ඒ සෑම අවස්ථාවක්ම නිර්මාණය වූයේද උපාධිධාරීන් ගෙන ගිය දැවැන්ත අරගල නිසා බව රට පුරා ජනතාව දන්නා කරුණකි.
උපාධිධාරීන් ප‍්‍රධාන සටන්පාඨ දෙකක් ඔස්සේ මේ වන විට අරගල කරන බව ලිපියේ දක්වා ඇත. එකක් වන්නේ රාජ්‍ය සේවයේ රැුකියාවක් ලබා ගැනීමයි. අපගේ පැහැදිලි අරගලය හා සටන් පාඨය වන්නේ එයමයි. එම ඉල්ලීම දිනාගැනීම ජාතික වගකීමකි. උසස් අධ්‍යාපනයේ ඉහලම ප‍්‍රතිඵලය දක්වා ළ`ගාවන අපේ රටේ තරුණ දියුණු මානව සම්පත රටේ ජාතික අභිලාෂයන් වෙනුවෙන් යොදාගැනීමේ වැඩපිළිවෙළක් මෙතෙක් පත්වූ කිසිදු ආණ්ඩුවකට නොතිබුණි. එවැනි වැඩපිළිවෙළ සැකසීම ආණ්ඩුවලට අවශ්‍යද නැත. ඒවා වියදම් යන වැඩ විය හැකිය. ආණ්ඩුවට අවශ්‍ය සීපා හෝ සිංගප්පූරු වැනි ගිවිසුම් හරහා රටට අවශ්‍ය ශ‍්‍රම බලකාය ආනයනය කර ව්‍යාපාරිකයන්ට අවශ්‍ය මානව සම්පත ලබාදීමයි. රට තුළ ගෙවුණු දශක 7 තුළ පැහැදිලි අඛණ්ඩ ජාතික ආර්ථික ප‍්‍රතිපත්තියක් සකස් වී ක‍්‍රියාවට නැංවූයේ නම් වසරකට විශ්වවිද්‍යාලවලින් පිටවන උපාධිධාරීන් ප‍්‍රමාණවත් නොවීමට ඉඩ තිබුණි. එවැනි වැඩපිළිවෙළක් නොමැති නිසාම ආණ්ඩුවට උපාධිධාරීන් ගැටලූවක්ම විය.
රටේ ජාතික ධනයෙන් ඉගෙනගෙන 2600000 පමණ උසස් පෙළ හදාරන සිසුන්ගෙන් වසරකට 20000ක් පමණ විශ්වවිද්‍යාල වරම් ලබන වෛද්‍යවරුන්, ඉංජිනේරුවන් ඇතුළු උපාධිධාරීන් හා ජාතික විශ්වවිද්‍යාලවලින් බාහිර උපාධි ලබන සියලූ උපාධිධාරීන් රටේ ජනතාවගේ සේවාවන් කාර්යක්ෂම කිරීමට මෙන්ම රාජ්‍ය සේවය ශක්තිමත් කිරීමට මෙම බුද්ධිමය මානව බලකාය රාජ්‍ය අංශයේ ස්ථිර රැුකියා ස`දහා යොමුකිරීම ඉතා නිවැරදි හා සාධාරණ කටයුත්තකි.
වයස අවුරුදු 45 දක්වා උපාධිධාරීන් බ`දවා ගැනීමේ සීමාව දීර්ඝකරන ලෙස කරන ඉල්ලීම අසාධාරණ බව පැවසේ. 1999 සිට 2012 දක්වා උපාධිධාරී බ`දවාගැනීම් රට තුළ සිදුවී ඇත්තේ අවම වසර 5කට වැඩි කාල පරසයක් තුළය. ඒ අනුව එක් බදවාගැනීමක් අවසන් කර ඊළ`ග වසර බ`දවාගැනීම අතර අවුරුදු 05ක 06ක කාලයක් ගතවන විට ඇතැම් උපාධිධාරීන්ගේ වයස අවුරුදු 35 ඉක්මවීම වැලැක්විය නොහැක. ආණ්ඩුව විධිමත් ආකාරයක වාර්ෂික බදවාගැනීම් සිදුකළේ නම් කොටසකට එවැනි අසාධාරණයක් සිදු නොවේ. එමෙන්ම 35ට වැඩි උපාධිධාරීන්ද ඉතිරි නොවේ. බදවාගැනීම අවුරුදු 45 දක්වා දීර්ඝ කිරීමක් ඉල්ලා සිටිනුයේ පොදුවේ රාජ්‍ය සේවයට බ`දවාගැනීමේ අවම විශ‍්‍රාම වැටුප් හිමිකම සදහා වසර 10ක සේවා කාලය සලකා බැලෙන නිසාය. අදාල ලිපියේ එය සටහන්කර ඇත්තේ විශ‍්‍රාම වැටුප් හිමිකම ස`දහා සලකා බලන කාලය වසර 20ක් කියාය. එය අසත්‍යයකි. ඔහු ආණ්ඩුවට හුරු ආකාරයෙන් පවතින නීතිය නැමීමක් සිදුකරමින් දැනට පවතින වසර 10, 20 ලෙස දක්වා අදාල ඉල්ලීම අසාධාරණ එකක් බව කීමට උත්සහ දරා ඇත. දැනට රජය හදුනාගත් රැුකියා විරහිත උපාධිධාරීන් 57000ක් වේ. ඒ අතර අවුරුදු 35 ඉක්මවූ අවුරුදු 40ට අඩු හදුනාගත් උපාධිධාරීන් ප‍්‍රමාණය 2000කටත් අඩුය.
බදවාගත් උපාධිධාරීන් දැනට මුහුණ දෙන අමිහිරි අත්දැකීම්ද ලිපියේ සටහන්කර ඇත. බදවා ගැනීමටත් ආණ්ඩුවට වැඩපිළිවෙළක් තිබිය යුතුය. බදවාගත් සංවර්ධන නිලධාරීන් විධිමත් කළමනාකරණයක් හරහා ඵලදායී සේවාවක් වෙනුවෙන් සුදුසු රාජකාරී පවරමින් සේවයේ යෙදවීම සදහාද ආණ්ඩුවට වැඩපිළිවෙළක් තිබිය යුතුය. එවැනි වැඩපිළිවෙළක් නොතිබීමේ විපාකයට වගකිව යුත්තේ රටේ උගත් බුද්ධිමත් මානව ප‍්‍රජාව නොවන බව පෙන්වා දියයුතුය.
දශක කීපයක් ඉදිරියට හිතමින් රටට සුදුසු ඵලදායී ඉලක්කයක් වෙනුවෙන් නවීකරණය වියයුතු අධ්‍යාපන වැඩපිළිවෙළක අවශ්‍යතාව උපාධීධාරීන් ලෙස බැහැර නොකරමු. නමුත් දැනට තිබෙන අධ්‍යාපනය තුළ ලබාගන්නා උපාධිය අඩුපාඩු ඇත්නම් ඒ ස`දහා වගකිව යුත්තේ උපාධිධාරීන් බව හගවමින් කැකිල්ලේ රජුගේ නඩු විභාගයක් ඔහු විසින්ම පවත්වයි. එය අපගේ කාර්යයක් නොවේ.
ඔහු කියන විදිහට උපාධිධාරීන්ට රැුකියා දුනහොත් වැටුප් ගෙවීමට මුදල් සොයාගැනීමට බදුබර වැඩිකිරීමට සිදුවන බවත්, එය ජනතාවට බරක් ලෙස පෙන්වා රැුකියා විරහිත උපාධිධාරී අරගලය ජනතාවට බදුබර පටවන ජනතා විරෝධී අරගලයක් බව ඇගවීමට උත්සහ දරා ඇත. ඔහු කිසි විටෙකත් මෙම ලිපියේ දශක 7ක්ම ගෙවා ඇති මහලූ ධනවාදී ආර්ථිකය රට නිෂ්පාදන ආර්ථිකයක් දක්වා රැගෙන යා යුතු වුවත් යැපුම් ආර්ථියක් මත හිරකර තිබීම ගැන සාකච්ඡුා නොකරයි. පාලකයන් හා ඔවුන්ගේ දුදරුවන් ගෝලබාලයන් මාරුවෙන් මාරුවට කොල්ලකෑ ජනතා දේපොළ මහ බැංකු කොල්ලකෑම් ආදි රටේ ජනතාවට අහිමිකර ඇති ජාතික ධනය ගැන කථා නොකරයි. එම කොල්ලකෑ ධනය අත්පත් කරගෙන රටේ ආර්ථිකය ගොඩනැගිය යුතුය යන්න ඔහු කතා නොකරයි. එසේ වුවහොත් උපාධිධාරීට රැුකියා ලබාදීම ආණ්ඩුවට කිසිදු බරක් නොවන බව පෙන්වා දීමට උත්සාහ නොකරයි. වර්තමාන ආණ්ඩුව 57000ක් වන උපාධිධාරීන්ගෙන් 20000කට පමණක් රැුකියා දෙන බවට පොරොන්දු වී ඇත. පසුව එයත් 5000 දක්වා අඩුකර ඇත. ඒ තුළින් මතුවිය හැකි පීඩාව හා ආණ්ඩුවට එල්ලවිය හැකි බලපෑම සමනය කරගැනීම වළක්වා ගැනීම ඔහුගේ අරමුණ බව දැනේ.
රාජ්‍ය අංශයේ සෑම කෙනෙකුගේම අවසන් ඉලක්කය සුරක්ෂිත විශ‍්‍රාම වැටුපකට හිමිකම් කීමය. එය සත්‍යයකි. එය ඔහු භුක්ති වි`දිනුයේ දීර්ඝ කාලයක් රාජ්‍ය සේවය වෙනුවෙන් ඔහු කරනු ලබන සේවාව වෙනුවෙනි. ජීවත්වීම සදහා ශ‍්‍රමය වගුරන පැය 08 කම්කරුවෙකුට රාජ්‍ය සේවයේ සේවකයෙකුට වෙනත් ආදායම් මාර්ග වෙත ප‍්‍රවේශ විය නොහැක. ඒ නිසා විශ‍්‍රාම වැටුපක් සහිත රැුකියාවක් බලපොරොත්තු වීම වැඩි සැලකිලි බලාපොරොත්තුවීමක් සේ කිසිසේත් නොහැෙග්.
අප කිසිවිටෙකත් ආණ්ඩුවකින් අසාධාරණ සැලකීම් නොඉල්ලමු. හේතුව වන්නේ අසාධාරණ කෙසේ වෙතත් සාධාරණ ඉල්ලීමක් වත් ආණ්ඩුවකින් ලෙහෙසියෙන් ලබාගත නොහැකි නිසාය. කුමාරප්පෙරුම මහතා දන්නා අසාධාරණ සැලකීම් මොනවාද යන්න දැනගැනීමට උපාධිධාරීන් ලෙස අපි කැමැත්තෙන් සිටිමු. උපාධිධාරීන් ලෙස අපට ඇත්තේ එකම අහිංසක හා සාධාරණ බලාපොරොත්තුවක් පමණි. ඒ අන් කිසිවක් නොව ඉගෙනගත් උපාධියෙන්, ලබාගත් දැනුමෙන්, තරුණ ජවයෙන් රටටත්, රටේ සමස්ත ජනතාවට යහපතක් කළ හැකි ශක්තිමත් ආර්ථියක් ගොඩනැගිය හැකි සේවාවක් කර කරන කාර්යභාරය අනුව වැටුපක් ලබාගෙන සාමාන්‍ය සරල ජීවිතයක් ගොඩනගාගැනීම පමණි. ඉන් එහාට ගිය ඉලක්ක රාජ්‍ය සේවකයන් ලෙස තබාගෙන පලක් නැත. රට පාලනය කරන කුමන හෝ ආණ්ඩුවකින් සාධාරණ සැලකීම් ටික හෝ අවම වශයෙන් ලැබෙන්නේ නම් ප‍්‍රමාණවත්ය. අසාධාරණ සැලකීම් කෙසේ වෙතත් අවම සාධාරණ සැලකීම් වන උපාධියට සරිලන රැකියා අවස්ථාවක් ලැබෙන්නේ නම් එය හොදටම ප‍්‍රමාණවත්ය.

x කේ. සංජීව

‘මට හාර්ට් ඇටෑක් එකක් වගේ ආවා, ක්ලාන්තේ වුණා, මේ මොන කරුමයක්ද කඩාපාත් වුණේ කියලා හිතුණා.’
වතුර බොමින් කුරිරු රංගයක් අමාරුවෙන් ඉදිරිපත් කරමින් පසුගියදාක මාධ්‍ය හමුවක් පවත්වමින් මාධ්‍ය රංගනයක් මෙලෙස ඉදිරිපත් කළේ රාජ්‍ය අමාත්‍ය සුජීව සේනසිංහ මහතාය. ඒ බැඳුම්කර ගනුදෙනු අරබයා රහස් පොලීසිය අධිකරණයට ඉදිරිපත් කළ බී වාර්තාවක ඔහුගේ නම සඳහන් වීම හේතු කරගෙනය. මෙම මාධ්‍ය හමුව නැරඹූ අපට නම් මෙය පෙනුණේ ප‍්‍රහසනයක් ලෙසය. එහෙත් සුජීව සේනසිංහ සටකපට දේශපාලකයෙකු බව පසුගි යදා පැවති දෙරණ 360 රුපවාහිනී වැඩසටහනේදී තහවුරු කළේය. ඒ, තමා අර්ජුන් අලෝසියස්ගෙන් සල්ලි ගත්තා නේද යැයි දෙරණ ප‍්‍රශ්නයක් නගන විට, ඔබ මාධ්‍ය ආයතනයත් අර්ජුන්ගේ ප‍්‍රශ්නගත සමාගමෙන් ඍජුවම මුදල් ගත්තේ නැද්දැයි විමසමින්ය. දැන් අපි ප‍්‍රශ්නගත රහස් පොලිස් බී වාර්තාව දෙසට හැරෙමු.
ජනාධිපතිවරයා විසින් පත්කරනු ලැබූ බැඳුම්කර කොමිසමට සහාය වීම සඳහා පත්කරනු ලැබූ රහස් පොලිස් කණ්ඩායම තවදුරටත් මෙම බැඳුම්කර වංචාව පිළිබඳව කරුණු සොයමින්ද ඒවා අධිකරණය වෙත වාර්තා කරමින්ද එම තොරතුරු සමාජයට අනාවරණය කරමින්ද සිටියි. මෙම තත්ත්වය තුළ ටෝනේඩෝවක් විලසින් බැඳුම්කර ගනුුදෙනු පිටුපස සැඟවුණු කූට ගනුදෙනු වර්තමාන ආණ්ඩුව උස්සා පොළවේ ගසා ඇත. මෙහිම දිගුවක් ලෙස පසුගි යදා අධිකරණයට ඉදිරිපත් කරනු ලැබූ බී වාර්තාවේ සඳහන් වූවේ රාජ්‍ය අමාත්‍ය සුජීව සේනසිංහ මහතා පර්පර්චුවල් ටෙ‍්‍රෂරිස් ආයතනයට අනුබද්ධ මැන්ඩිස් අරක්කු කොම්පැණියෙන් මිලියන 3ක් ලබාගෙන ඇති බවය. ඒ අවස්ථා තුනකදී මිලියනය බැගින් මුදල් චෙක්පත් තුනක් ලෙසය.
මේ අනුව 401139 අංක දරන පළමු චෙක්පත 2015. 08. 24 වැනි දින ලබා දී ඇති අතර, එය මාරුකර ඇත්තේ අමාත්‍ය සුජීව සේනසිංහගේ උපදෙස් මත ඔහුගේ ආරක්ෂාවට සිටින උපපොලිස් පරීක්ෂකවරයාය. 401159 අංක දරන ඊළඟ චෙක්පත ඔහුට ලැබී ඇත්තේ 2015. 11. 12 වැනි දිනය. ඔහුට ලබාදී ඇති අංක 023552 දරන තුන්වෙනි චෙක්පත ලබාදී ඇත්තේ 2016. 03. 31 වැනි දිනයේදීය. මෙම දිනයට අදාළව ප‍්‍රශ්නගත බැඳුම්කර ගනුදෙනුවක්ද සිදුවී ඇති බව නීතිපති දෙපාර්තමේන්තුවේ නියෝජ්‍ය සොලිසිටර් ජෙනරාල් යසන්ත කෝදාගොඩ පවසන්නේ ය.
රාජ්‍ය මුදල් පරිහරණය නියාමනය කරන්නට සිටින කෝප් කමිටුවේ සාමාජිකයෙකු වන සුජීව සේනසිංහ දැන් මුලින් සඳහන් කළ ලෙස ගලේ පැහැරූ බල්ලෙකු මෙන් මාධ්‍ය හමු පවත්වමින්ද 360 වැනි රූපවාහිනී වැඩසටහන්වලට සහභාගි වෙමින්ද කියන්නේ කුමක්ද? ඔහු කියන්නේ තමා (තමාගේ මැතිවරණ ව්‍යාපාරය වෙනුවෙන් ස්වේච්ඡුාවෙන් වැඩකළ එහි මුදල් කමිටුව)මුදල් ගත් බවය. ඡුන්දයකදී කවුරු මුදල් දුන්නත් ලබාගන්නා බවය. ඒ අනුව මේ මුදල් කවුරු දුන්නාදැයි දන්නේ නැති වුණත් එම මුදල් ගෙන වියදම් කළ බවය. එය ලංකාවේ මැතිවරණ අරබයා සාමාන්‍ය ක‍්‍රමය බවය.
හරි, සුජීව නිවැරදි යැයි මඳකට සිතමු. එහෙත් මැතිවරණයකට මිලියන තුනක් දෙන ව්‍යාපාරිකයෙකු තමා සල්ලි දෙන බව, දෙන ගණන නොදන්නා, නොසොයන පුද්ගලයෙකුට සල්ලි දේවි යැයි සිතිය හැකිද? මැතිවරණයකදී එහි වියදම සදහා මුදල් දෙන සහ ගන්නා අප දන්නා සම්ප‍්‍රදාය නම් අදාළ ඡන්දය ඉල්ලන පුද්ගලයා හෝ ඔහුගේ මොනයම් නියෝජිතයෙකු හෝ ව්‍යාපාරිකයාගෙන් මුදල් ඉල්ලා ලබා ගැනීමය. නැතිනම් එම ව්‍යාපාරිකයා ඡන්දය ඉල්ලන තැනැත්තාට ඍජුව හෝ ඔහුගේ නියෝජිතයෙකු හරහා හෝ ඔහුට මුදල් ලබාදීමය. මේ අවස්ථාවේදී නියෝජිතයෙකු හරහා එය සිදුවන්නේ නම් එම නියෝජිතයා ඡුන්දය ඉල්ලන තැනැත්තා දැනුවත් කිරීම සාමාන්‍ය පිළිවෙතයි. එහෙත් මෙහිදී සුජීවට මෙම මුදල් ලැබී තිබෙන්නේ ඬේසි ආච්චිට මැණික් මල්ල දුන් සිස්ටම් එකටය.
සුජීව පුනපුනා කියන්නේ මෙම මුදල් මැතිවරණය සඳහා ලැබුණු බවය. එහෙත් මේ චෙක්පත් තුනම ඔහුට ලැබෙන්නේ මැතිවරණය හමාරවී බොහෝ කාලයක් ගිය පසුවය. හරි, අපි මොහොතකට මෙහෙම සිතමු. ඔහු කියන ලෙස මෙය මැතිවරණය සදහා පොරොන්දු වූ මුදලක් නම් එය එකම චෙක්පතකින් එකම අවස්ථාවක දෙන්නට නොතිබුණේ ද? ඇලෝසියස් මහතාගේ මෙන්ඩිස් අරක්කු සමාගමට මිලියන 3ක් ඒ සඳහා එකවර මුදාහැරීමට අසීරුද? නැත. මේ එක බොරුවකින් තවත් බොරුවක් වසා දමන බබාකරණ තර්ක සම්ප‍්‍රදායයි. ඔහුම කියන ලෙස ඔහු ගුඞ් ලෝයර්ය. එනිසා ලේසි නැත. එහෙත් මේ ගුඞ් ලෝයර් දැන්නම් හොඳටම අනාගෙනය. ඔහු මුලින්ම කියන්නේ දුන්න සමාගමක් පුද්ගලයෙකු නොදැන සිටි බවය. ඊළඟට කියන්නේ මැන්ඩිස් සමාගම, අර්ජුන් ඇලෝසියස් තමාගේ පර්පෙචුවල් ටෙ‍්‍රෂරිස් සමාගමට ඈඳා ගත්තේදැයි නොදැන සිටි බවය. එහෙම දැනගෙන සිටියේ නම් හොඳ පවුල් පසුබිමක් තිබෙන තමන් හිතාමතාම මුහුණේ දැලි උලාගන්නේ පවුලේ දැලි උලන්නේ හෝ නැති බවය. අන්තර් ජාතික වෙළෙඳ අමාත්‍යාංශයේ රාජ්‍ය අමාත්‍යවරයා ටෙ‍්‍රෂරිස් බූවල්ලා එවකදී තව තවත් ව්‍යාපාර තම ගොඩට ඈඳාගත්තා දන්නේ නැත.
දැනට අනාවරණය වී ඇති තොරතුරු අනුව 2015. 07.04 සිට 2017. 03. 03 දක්වා සුජීව සේනසිංහ මහතාට අර්ජුන ඇලෝසියස්ගෙන් ලැබී ඇති දුරකතන ඇමතුම් ප‍්‍රමාණය 36ක් වනවිට ඔහු ඇලෝසියස් මහතාට දුරකථන ඇමතුම් 26ක් ලබාදී ඇත. මෙම දුරකථන භාවිත දවස් මතකයේ තබාගෙන පළමු චෙක්පත ලැබෙන දිනය ගැන සිතමු. පළමු චෙක්පත ලැබෙන්නේ 2015. 08. 24 වැනි දිනය. දැන් ඔබට සුජීව ළමයකු වී ඇති තරම පෙනෙනු ඇති. ඔහු දන්නේ නැති ඇලෝසියස් මේ ඇමතුම්වලදී තමන් මෙන්ඩිස් අරක්කු කොම්පැණියෙන් චෙක්පත් එවන බව නොකියන්න ඇතැයි සිතිය හැකිද? අපට නම් බැරිය. එනිසා බබාකරණය වූ සුජීවයන්ට මේවා කියන්නට හම්බන්තොටින්වත් කොණ්ඬේ බැඳපු චීනෙකු සොයා දිය යුතුය.
අවසානයේ මේ සිද්ධිය අරබයා සුජීව සේනසිංහ කියන්නේ කුමක්ද? ඔහු කියන්නේ මේ සිද්ධිය මත කතානායක හෝ තම පක්ෂයේ නායකයා හෝ තමාට ඇමති තනතුරෙන් මන්ත‍්‍රී තනතුරෙන් ඉවත්වන්නට කියන්නේ නම් ඔහු එක පයින් ඉවත්වන්නට ලෑස්ති බවය. මෙයත් බබා කතාවක් හැර වෙන කුමක්ද? සුජීව සේනසිංහ වැදගත් පවුලක වැදගත් මහත්තයෙකු නම් හෝ ගුඞ් ලෝයර් මහත්තයෙකු නම් හෝ ඔහුට මේ කියන විදියට තවත් කවුරුවත් කියනකම් ඉන්නට අවශ්‍ය නැත. බී වාර්තාව අධිකරණයට ඉදිරිපත්වී එය මාධ්‍ය මගින් අනාවරණය වූ සැණින් අදාළ ධුරයන්ගෙන් ඉවත්වන්නට තිබුණි. දැන් තිබෙන තත්ත්වය අනුව ඉදිරියේ දී සුජීව සේනසිංහ මහතා රහස් පොලීසිය හමුවේද මාධ්‍ය සාකච්ඡාවක් තබන්නට අවස්ථාව උදාවෙනු ඇති. මේ වන විට ඔහුගේ මැතිවරණ ව්‍යාපාරයේ සිටි ප‍්‍රමුඛයන්ගෙන්ද ආරක්ෂක නිලධාරීන්ගෙන් ද ප‍්‍රකාශ සටහන් කරගෙන ඇත.
සුජීව සේනසිංහට එල්ලවන චෝදනාවම මීට ප‍්‍රථම එල්ලවුණේ හිටපු අමාත්‍ය දයාසිරි ජයසේකරටය. ඔහු ඇලෝසියස්ගේ පර්පෙ චුවල් ටෙ‍්‍රෂරීස් සමාගමට අනුබද්ධ වෝල්ට් ඇන්ඞ් රෝ සමාගම මගින් 2015 වසරේ ලබා දුන් රුපියල් මිලියනයක මුදල් චෙක්පත මැතිවරණ ප‍්‍රචාරක කටයුතු සදහා තමා විසින් භාවිත කරන ලද බව පිළිගෙන තිබේ. ඒ අනුව මුලින්ම ඔහුගේ ආරක්ෂක නිලධාරියෙකුගෙන් රහස් පොලිසිය ප‍්‍රශ්න කළ අතර පසුව පසුගිය 12 වැනිදින හිටපු අමාත්‍යවරයාගෙන් ද ප‍්‍රකාශයක් සටහන් කරගෙන ඇත. එහිදී හිටපු අමාත්‍ය දයාසිරි ජයසේකර එලෙස තමාට අලෝසියස්ගෙන් මුදල් ලැබුණු බවට පිළිගෙන ඇත. දැන් මෙම පරීක්ෂණ ඉදිරියට යන්නේ මෙලෙසින්ය.
මොවුහු දෙදෙ නාම කෝප් කමිටු සාමාජිකයෝය. දෙදෙනාටම අලෝසියස්ගෙන් දුරකථන ඇමතුම් ලැබී ඇත. අලෝසියස්ගෙන් දුරකථන ඇමතුම් ලැබුණු කෝප් කමිටුවේ අනෙකුත් සාමාජිකයෝ සිටිති. මූලික වටයේදී මේ පිරිසේ ආරක්ෂක නිලධාරීන් රහස් පොලීසියට ගෙන්වා අදාළ ප‍්‍රශ්න කිරීම් කරගෙන යනු ඇත. දෙවන වටයේදී ඔවුන්ද ප‍්‍රශ්න කිරීමට ලක්වෙන බව දැනගන්නට ඇත. දැනට අනාවරණය වී ඇති කරුණු අනුව මාධ්‍යවේදීන් රැුසක්ද ඍජුවම අදාළ ආයතනයෙන් හෝ අනුබද්ධ ආයතනයකින් මුදල් ලබාගෙන ඇති බවට තොරතුරු හෙළිවී ඇත. එම තොරතුරුද ඉදිරියේදී අධිකරණයට සවිස්තරව වාර්තා කරන බව රහස් පොලිස් ආරංචි මාර්ගවලින් දැනගන්නට ලැබේ. මේ අනුව අපට දැනට පෙනෙන චිත‍්‍රය කියන්නේ රජයට දැවැන්ත පාඩුවක් සිදුකළාට අමතරව මෙහි දැවැන්ත අල්ලස් දුෂණයක්ද සිදුවී ඇති බවය. එනිසා දැන් රජය කෙලින් නිවැරදිව සිට මොවුන් සියලූදෙනාට විරුද්ධව නීතිය යටතේ මුලින්ම කටයුතු කළ යුතුය. දැන් පෙනෙන්නේ බැඳුම්කර ටොනේඩෝවෙන් ආණ්ඩුව කුඩුපට්ටම් වී ඇති බවය. මේ අවස්ථාවේදී රජය රජයක් ලෙස කටයුතු නොකළහොත් මේ බබාලාගේ ක‍්‍රියාකලාපයන් නිසා නොදුරේදීම රටද කුඩුපට්ටම්වී යනු ඇත.

කේ. සංජීව

‘හාමුදුරුවන්ට වෙඩි තිබ්බට අපිට කමක් නෑ. මොකද හාමුදුරුවෝ කියන්නේ හොඳ චරිතයක් නෙවෙයි. අපිට ප‍්‍රශ්නය තියෙන්නේ කිරිවෙහෙර පුදබිම ලෙයින් තෙත් කරපු එකයි. ඒක කැත වැඩක්. අනික මෙතැන අනුහස් තියෙන නිසා තමයි කකුලටයි බඩටයි වෙඩි පිට වෙඩි වැදිලත් හාමුදුරුවෝ බේරුණේ.”‍
කතරගම කිරිවෙහෙර ආසන්නයේ දිවි ගෙවන මගේ මිත‍්‍රයා දුරකතනයෙන් මා සමග පවසන්නේය. හොඳ චරිතයක් නොවෙයි කියූ සැණින් ප‍්‍රශ්නයක් පැනනැගෙන අතර, අනෙක් පසෙකින් හොඳ චරිතයක් නොවෙයි කියා ඔහු හෝ ඇය ඝාතනය කරන්නට හෝ ඒ සඳහා උත්සාහ කරන්නට හෝ කුමන පුද්ගලයෙකුටවත් අයිතියක් නැති බවද කිවයුතුය. දැන් රට අරාජිකයි, හමුදුරුවොන්ටත් වෙඩි තියන කාලයක් මේක, මේ වෙඩි තැබීම අරබයා කතාවන් පැතිරෙන බැවින්ද, එනිසාම බොහෝ දෙනෙකු බොරදියේ මාළු බාන්නට කැසකවන බැවින්ද, කිරිවෙහෙර පන්සලේ නායක හාමුදුරුවන්ගේ කැරැුට්ටුව නොදන්නා බෞද්ධයන් මෙම වෙඩි ප‍්‍රහාරය බුදු දහමට විරුද්ධව එල්ල කළ වෙඩි ප‍්‍රහාරයක් සේ සලකා නැවත දියසෙන් කුමාරයෙකු හොයන්නට උත්සාහ ගන්නට පුළුවන් නිසාද අපි මේ කිරිවෙහෙර පන්සලේ වෙඩි තැබීමේ කතාවේ සුලමුල සොයන්නට සිතුවෙමු.

කතරගම කිරිවෙහෙර
කිරිවෙහෙර යනු මහසෙන් රජ විසින් තැනුණු සහ ශ‍්‍රී ලංකාවේ කතරගම පිහිටි, පුරාතන ස්තූපයකි. අඩි 95ක උසකින් යුතු එය අඩි 280ක වට ප‍්‍රමාණයකින් යුතුය. මෙම ගොඩනැගිල්ල බොහෝ දුරට ක‍්‍රි.පූ. 3 වන සියවස තරම් පැරණි වෙයි. මේ කිරිවෙහෙර ඉතිහාසය පිළිබඳව සාමාන්‍යයෙන් කියන කතාවය. ලංකාවේ ජනප‍්‍රිය මෙන්ම පිංවත් සැදැහැවතුන්ගෙන් වැඩියෙන්ම මුදල් සහ ආධාර ලැබෙන වෙහෙර විහාර අතර කිරිවෙහෙරද ඉහළින්ම සිටියි. දේශපාලකයන්ගේද ධනවතුන්ගේද නිරන්තර ගරු බුහුමනට ලක්වෙන මෙම ස්ථානය, ඔවුන් අතර ජනප‍්‍රිය වන්නට හේතුව වී තිබෙන්නේ තමන්ට තිබෙන බලාපොරොත්තු මෙම ස්ථානයේ දී භාරයක් වීම මගින් සපල වෙන බවට වන විශ්වාසයයි. එනිසාම සල්ලිද රන් ද තවත් බොහෝ දේවල්ද මේ පන්සලට ලැබෙන්නේ තොග ගානටය. මේ මහා පන්සල ඇතුළත මහසෙන් දේවාලය නමින් දෙවොලක්ද පවත්වාගෙන යයි. එතැනටද සල්ලි සහ රන් ලැබෙන්නේ දෙවියන් ගෙනත් දෙන්නා සේ ය. ඉතිං මේ බිමේ වැඩවසන නායක හිමිද එහිමිගේ ගෝල හිමියෝද මේ මහසෙන් දෙවොලේ කපුවෝද මේ සල්ලි ලබාදෙන දෙවියන්ගේ නියෝජිතයින් සේ මේ බිමේ සෝබමාන ජීවිත ගතකරති. මේ තත්ත්වය තුළ දැනට වාර්තා වෙන විදියට සහ ගම්මුන් කියන විදිහට මේ ඝාතන තැතටද, මේ අසිරිමත් පුදබිමේ ලේ සෙලවීමේ පාපකරුමයටද හේතුව පන්සලට ලැබෙන මේ අසීමිත ධනය බෙදාගන්නට කුලල් කා ගැනීමය.

සිද්ධිය
කිරිවෙහෙර පුදබිමේදී පසුගිය 12 වැනි දින රාත‍්‍රි 10.50ට පමණ මෙම වෙඩි තැබීම සිදුවන අතර එයට ඉලක්ක වන්නේ පන්සලේ වර්තමාන විහාරාධිපති කොබවක ධම්මින්ද හිමියන් සහ තවත් හිමිනමක් ය. ඒ කිරිවෙහෙර වැදපුදාගෙන පහළ මළුවේ ධාතු මන්දිරයට දෙසට යන විටය. ගම්මුන් කියන්නේ විහාරාධිපති හිමියෝ පන්සලේ සිටිත් නම් සාමාන්‍යයෙන් රාත‍්‍රියට මෙම චාරිකාව සිදුවන බවය. මෙහිදී කොබවක හිමිගේ උදර ප‍්‍රදේශයට වෙඩි ප‍්‍රහාර 5ක් එල්ල වී ඇති බව හම්බන්තොට මහා රෝහලේ ප‍්‍රකාශකයෙකු පවසන අතර එනිසාම එහිමියන් හදිස්සි සැත්කමකට ද ලක්කර ඇත. මේ ලිපිය ලියන පසුගිය බදාදා සවස වනවිට එහිමියන් හම්බන්තොට රෝහලේ දැඩි සත්කාර ඒකකයේ සිට වැඩිදුර ප‍්‍රතිකාර සඳහා ගුවනින් කොළඹ ගෙනැවිත් ඇත.
එහිමියන් කොළඹ ගෙනේමත් සමග ජාතික රෝහලට පැමිණෙන හිටපු ජනාධිපතිවරයා පවසන්නේ කතරගම නායක හිමියන්ට කතරගමදීම වෙඩි තැබීම වර්තමාන පාලනයේ දුර්වලතාවක් බවය. වර්තමානයේදී නීතිය වල්වැදී ඇතැයි එහිදී පවසන හිටපු ජනපති මහින්ද රාජපක්ෂ මහතා පොලීසිය සහ ආණ්ඩුව දැඩිව විවේචනය කිරීම විහිලූ‍ සහගතය. වර්තමානයේ පාතාල ක‍්‍රියාකාරකම් මෙන්ම සමාජ ප‍්‍රචණ්ඩත්වයද උත්සන්න වී ඇත. දකුණේ පාතාල ක‍්‍රියාකාරකම්වලම දිගුවක් ලෙස පසුගියදා කරන්දෙණිය ප‍්‍රාදේශීය සභාවේ උපසභාපති ඩොනල්ඞ් සම්පත් ද මහපාරේ වෙඩි තබා ඝාතනය කරනු ලැබිණි. ඔහු හිටපු පාලකයාගේ සුවච කීකරු ගෝලයෙක්ය. මේවායින් පෙනෙන්නේ රාජපක්ෂ යුගයේ සමාජ තත්ත්වයන් සමාජයෙන් උදුරා දැමීමට වර්තමාන ආණ්ඩුවට නොහැකිවී ඇති බවය. භාවනාවට මුල් තැන දෙන පොලිස්පතිවරයෙකු ලැබීමේ වාසනාව නිසා මේ ප‍්‍රචණ්ඩ ක‍්‍රියාකාරිත්වයන් ඉහළ ගියා යැයි ද කෙනෙකුට තර්ක කළ හැකිය.
එනිසා බොරු සෝබන පොලිස්පති දැන්වත් වැඩ පෙන්විය යුතුය.

මෙම සිද්ධියේදී තුවාල ලැබූ අනෙක
ඇත්තටම මේ වෙඩි තැබීමට හේතුව කවරේද? අපි ගම්මුන්ගෙන් විමසුවෙමු.
‘පන්සලේ ඉස්සෙල්ලා හිටපු නායක හාමුදුරුවෝ, අලූ‍ත්වැව සෝරත ලොකු හාමුදුරුවෝ අපවත් වුණාට පස්සේ තමයි පානදුරේ කෙසෙල්වත්ත පන්සලේ ඉඳලා මේ හාමුදුරුවෝ කිරිවෙහෙරට වඩින්නේ. එතකොට මහසෙන් දේවාලේ කපු මහත්තයා සහ සහයකයා විදිහට හිටියේ අසේල බණ්ඩාරයි, ජනක බණ්ඩාරයි කියන අයියයි මල්ලියි. කොහොම හරි මේ දෙගොල්ලෝ හොඳට හිටියා. දේවලේත් හොඳට කළා. ප‍්‍රදේශයේ ව්‍යාපාරිකයෝ හොඳට මේ දේවාලෙට සල්ලි රත්තරන් දුන්නා. මෙහෙම දේවාලෙට දීපු රත්තරං මාලෙකට වංචා කළා කියලා ධම්මින්න හාමුදුරුවෝ මෙයාලා එක්ක විරසක වුණා. මිනිස්සු කියන්නේ හාමුදුරුවන්ගේ යාළුවෙක් තමයි දේවාලෙට මාලය තෑගි කළේ, ඊට කලින් ඒක වීඩියෝ කරලා හාමුදුරුවන්ට දීලා කියලා. ඊට පස්සේ හාමුදුරුවෝ මාලේ ගැන කපු මහත්තයාගෙන් ඇහුවාම කපු මහත්තයා වෙන මාලයක් තමයි ගෙනත් දීලා තියෙන්නේ. ඊට පස්සේ හාමුදුරුවොයි මේ කපුවෝයි විරසක වුණා. හාමුදුරුවෝ දේවාලෙට සීසීටීවී හයිකරන්න හැදුවත් කපුවෝ නිසා ඒක කරගන්න බැරිවුණා. අන්තිමට මේ දෙගොල්ලෝ දේවාලේ අයිතියට නඩු කිව්වා. අවුරුද්දක් විතර ගිහිං නඩුවෙන් හාමුදුරුවෝ දිනුවා. දේවාලේ කිරිවෙහෙරට අයිති වුණා. අර කපු මහත්තුරු එළියට දැම්මා. ඊට පස්සේ දිගටම ප‍්‍රධාන කපු මහත්තයා කියලා තියෙනවා ධම්මින්න හාමුදුරුවෝ මරනවා කියලා, තනියෙන් දේවාලේ කන්න ඉඩ තියන්නේ නැහැ කියලා.’
කිරිවෙහෙර අවට මිනිසුන් කියන ලෙස මේ වෙඩි තැබීමේ මූලය තිබෙන්නේ මෙතැනය. ගම්මුන් කියන ලෙස මේ කාලය තුළ හාමුදුරුවන්ට විරුද්ධව කැලෑ පත්තර විශාල ලෙස ගසා ඇත. එම කැලෑ පත්තර සහ මේ විරසකය නිසා හාමුදුරුවන්ගේ රහසිගත කොළඹ ජීවිතය කිරිවෙහෙර අවට මිනිසුන්ට තවදුරටත් රහසක් වන්නේ නැත. එනිසා ගමේ මිනිසුන් කියන්නේ හාමුදුරුවන්ගේ කැරැුට්ටුවද භික්ෂුවකට තරම් නොවෙන බවය. එහෙත් එයින් වෙඩි තැබීම සාධාරණ වන්නේ නැත. අනික් පසෙකින් දෙවියන් සහ දෙවියන්ගෙන් එන සල්ලි බෙදාගන්නට සහ බදාගන්නට සැපත අතහැර මහණ වෙනවා යැයි කියන මේ භික්ෂූන්ට යුතු නැත. එය විකාරයකි.

තරම් නොවෙන ක‍්‍රියා
මෙම හාමුදුරුවන්ට පානදුර ප‍්‍රදේශයේ අඹුවන් දෙදෙනෙක් සිටින බව කිරිවෙහෙර ප‍්‍රදේශයේ ප‍්‍රසිද්ධ කරුණක්ය. මෙම ලිංගික කාරණාවන් පිළිබඳව මේ ලියුම්කරුට නම් කිසිදු ප‍්‍රශ්නයක් නොමැති බව කිව යුතුය. එහෙත් මෙම කාන්තාවන් දෙදෙනා මේ හාමුදුරුවන්ට විරුද්ධව තිස්සමහාරාම අධිකරණයේ නඩු දෙකක් පැවරීම ප‍්‍රශ්නකාරීය. මේ කියැවෙන එක කාන්තාවකට එක දරුවෙකු සිටින අතර, අනෙක් කාන්තාවට දරුවෙකු ලැබෙන්නට සිටින බවද අසන්නට ලැබෙයි. ඔවුන් තමන්ට සාධාරණය ඉටුකරගැනීම සඳහා නඩු මගට පිවිස ඇත. ඒ මේ හිමියන් එම කාන්තාවන් මේ වන විට අමතක කර දමා තිබෙන නිසා වන්නට පුළුවන්ය. ප‍්‍රශ්නය තිබෙන්නේ මෙතැනය. පන්සල්වල සිටින භික්ෂූන් රහත්වී නැති නිසා හැඟීම් දැනීම් නැති පිරිසක් යැයි සිතන්නට බැරිය. එනිසා හොඳම දෙය තමන්ට ගිහි ජිවිතයක් ගතකරන්නට අවැසි නම් මහණ දම් අතහැරීමය. එවිට සමාජයටත් එය ප‍්‍රශ්නයක් නැතිය. පන්සලටත් ප‍්‍රශ්නයක් නැතිය. එහෙත් අද සිවුර ඇඳ සිවුරට මුවාවී බොහෝ භික්ෂූන් කරන්නේ ජනතාව ගොනාට ඇන්දවීමය. මේ තත්ත්වය තුළ අද පන්සල් යනු ව්‍යාපාරික ස්ථානයන් ය. ලොකු ලස්සන විසිතුරු හිටි පිළිම හිඳි පිළිම සපිරි පන්සල් ලොකු ව්‍යාපාරික ආයතනයන්ය. එනිසා ඒවාට ලැබෙන මුදල් ප‍්‍රමාණයද, එනිසාම ලාභයද ඉහළය. මේ විහාර ඇතුළත තිබෙන්නේ බුදු දහම නොව පිළිකුල් සහගත කුලල් කා ගැනීම්ය. බල්ලාට වැටුණු බලූ‍ පොරයන්ය.

පොලිස් පරීක්ෂණ
කිරිවෙහෙර මහසෙන් දේවාලයේ හිටපු කපු මහතාගේ සැලසුමක් මත ඔහුගේ ජීප් රථයෙන්ම පැමිණි තුන් දෙනෙකු මෙම වෙඩි තැබීම සිදු කර ඇති බව හෙළිවී ඇතැයි පොලීසිය සිය මූලික පරීක්ෂණ පිළිබදව අනාවරණය කරමින් කියන්නේය. මෙම ලිපිය ලියවෙන පසුගිය 13 වැනි බදාදා සවස වනවිට කිසිදු සැකකරුවකු අත්අඩංගුවට ගෙන නැත. ප‍්‍රධාන සැකකරු ලෙස පොලිසිය හඳුනාගෙන ඇත්තේ අසේල බණ්ඩාරය. පොලිස් ආරංචි මාර්ග කියන්නේ ඔවුන් ප‍්‍රදේශයෙන් පලාගොස් ඇති බවය. පොලීසිය ප‍්‍රකාශ කරන්නේ ඔවුන් සොයා මෙහෙයුම් ආරම්භ කරැුති බවය. මෙම වෙඩි තැබීම සඳහා පැමිණි වාහනය මේ වනවිට සොයාගෙන ඇත. තවත් දෙදෙනෙකුගෙන් ප‍්‍රශ්න කර ප‍්‍රකාශ සටහන් කරගෙන ඇත.
මෙම වෙඩි තැබීම බෞද්ධ ආගමට තැබූ වෙඩි පහරක් සේ දකින ඉක්මන් සිංහලයන්ට අවසන් ලෙස කියන්නට ඇත්තේ මෙවැනි සිද්ධීන් දෙස විචාරශීලි ලෙස බලන්නට ඉගනගන්න කියා ය. තිරය දෙසම නොබලා තිරය විවරකර ඇතුළත බලන ලෙසය. බුදු දහම කියන්නේද එයමය.x