කොළඹ වරායේ ජය කන්ටේනර් ටර්මිනල්හි සේවය කළ සේවකයෙකු කොවිඞ්-19 රෝග ලක්ෂණ පෙන්නුම් කොට කොළඹ ජාතික රෝහලෙහි ප‍්‍රතිකාර ලබමින් සිටින නිසා ජය කන්ටේනර් ටර්මිනල්හි ජේටීසී 1 හා ජේටීසී 2 දොඹකරවල සේවා නවත්වා ඇතැයි කොළඹ වරායේ වෘත්තිය සමිති නියෝජිතයෙක් පැවසීය.
ආරංචිමාර්ග අනුව වාර්තා වන්නේ කොවිඞ්-19 ඇතැයි සැක සහිත සේවකයාව කොළඹ ජාතික රෝහලට ඇතුළත් කර ඇතත්, ඔහුට රෝගය ඇතිදැයි පීසීආර් පරීක්ෂණයකින් තවමත් තහවුරු වී නොමැති බවය. කෙසේ වෙතත් එම පුද්ගලයා ඉන්දියාවේ සංචාරයකට ගොස් පැමිණි අයෙකු බව වාර්තා වේ.
පාර්ලිමේන්තුව කැඳවීම සඳහා කරනු ලබන ඉල්ලීම්වලින් පාර්ලිමේන්තු අනුමැතියකින් තොරව කරනු ලබන මුදල් වියදම කිරීම් සම්බන්ධයෙන් කරනු ලබන ප‍්‍රශ්න කිරීම්වලටත් පිළිතුරු සැපයීම මේ දිනවල ජනාධිපති ගෝඨාභය රාජපක්ෂගේ එක් කාර්යයක් බවට පත්වී ඇත. එම පිළිතුරු යැවීම් ජනාධිපතිවරයාගේ උපදෙස් අනුව කරන්නේ ජනාධිපති ලේකම් ආචාර්ය පී.බී. ජයසුන්දරය.
රාජපක්ෂවාදී මාධ්‍ය අතිශයෝක්තියෙන් ඔසවා තබන අලූත්ම පිළිතුර ජනාධිපතිවරයා වෙනුවෙන් ආචාර්ය ජයසුන්දර යවා ඇත්තේ හිටපු මුදල් අමාත්‍ය මංගල සමරවීරටය. එහි ආචාර්ය ජයසුන්දර අවධාරණය කරන එක් කරුණක් වන්නේ පාර්ලිමේන්තුව විසුරුවා හැර ඇති අවස්ථාවක ඒකාබද්ධ අරමුදලෙන් මුදල් වියදම් කිරීමේ බලය ආණ්ඩුක‍්‍රම ව්‍යවස්ථාවේ 150 (3) ව්‍යවස්ථාව අනුව ජනාධිපතිවරයාට ලබාදී ඇති බවයි.
ආණ්ඩුක‍්‍රම ව්‍යවස්ථාව අනුව එම පිළිතුර ඇත්ත වශයෙන්ම ජනතාව නොමඟ යවන එකකි. එම නොමඟ යැවීම ආචාර්ය ජයසුන්දරගේද නැතහොත් ජනාධිපතිවරයාගේද යන්න නොදනිමු. මන්ද චන්ද්‍රිකා බණ්ඩාරනායක යටතේත් මහින්ද රාජපක්ෂ යටතේත් මුදල් අමාත්‍යාංශ ලේකම් ධුරයේ ආචාර්ය ජයසුන්දර දැරූ හෙයිනි. ආණ්ඩුක‍්‍රම ව්‍යවස්ථාවේ වගන්තියක් කියවා තේරුම් නොගැනීමට තරම් ඔහු පරිපාලන අත්දැකීම් නැති ළදරුවෙකු නොවන නිසාය. ආණ්ඩුක‍්‍රම ව්‍යවස්ථාවේ 150(3) හි තිබෙන්නේ මේ ආකාරයටය.
‘යම්කිසි වර්ෂයක විසර්ජන පනතේ කෙටුම්පත නීතිය බවට පත්වීමට පෙර ජනාධිපතිවරයා විසින් පාර්ලිමේන්තුව විසුරුවාහරිනු ලැබූ අවස්ථාවක පාර්ලිමේන්තුව විසින් රජයේ සේවාවන් සඳහා මුදල් වෙන්කර නොමැත්තේ නම් අභිනව පාර්ලිමේන්තුව රැුස්වීමට නියමිත දින සිට මාස තුනක් ඉකුත් වනතෙක් රජයේ සේවාවන් සඳහා යම්කිසි මුදලක් අවශ්‍ය වෙතැයි ජනාධිපතිවරයා සලකයි නම් ඒ මුදල ඒකාබද්ධ අරමුදලෙන් නිකුත් කිරීමටත්, වැය කිරීමටත් නියම කිරීමට ජනාධිපතිවරයාට බලය ඇත්තේය.’
2020 වර්ෂයේ රජයේ වියදම් වලට අදාළ විසර්ජන පනත් කෙටුම්පතක් 2019 වර්ෂයේ හෝ ජනාධිපතිවරයා ධුරය බාරගෙන පාර්ලිමේන්තුව විසුරුවන තෙක් පාර්ලිමේන්තුවට ඉදිරිපත් කෙරුණේ නැත. විසර්ජන පනත් කෙටුම්පත නීතිය බවට පත්වීම යනුවෙන් සඳහන් වන්නේ අයවැය යෝජනාව පාර්ලිමේන්තුව සම්මත කිරීමය. ඒ අනුව ජනාධිපතිවරයාට 150 (3) ව්‍යවස්ථාවෙන් බලය ලැබෙන්නේ 2019 වර්ෂයේදී හෝ 2020 වර්ෂයේ පාර්ලිමේන්තුව විසුරුවන තෙක් කාලයේදී 2020 වර්ෂය සඳහා විසර්ජන පනත් කෙටුම්පතක් පාර්ලිමේන්තුවට ඉදිරිපත් වී එය සම්මත නොවී තිබී පාර්ලිමේන්තුව විසුරුවහොත් පමණය.
ජනාධිපතිවරයා පාර්ලිමේන්තුව විසුරුවන විටදී ඉදිරිපත් කර සම්මත නොවූ විසර්ජන කෙටුම්පතක් පාර්ලිමේන්තුව හමුවේ තිබුණේ නැත. එවැනි තත්වයක් තුළ 150 (3) ව්‍යවස්ථාවේ ප‍්‍රතිපාදනය ජනාධිපතිවරයාට උදා කරගත නොහැකිය.
ජනාධිපතිවරයාට බලයට පත්වීමට පෙර පැවති එජාප පෙරමුණු ආණ්ඩුව 2020 වර්ෂය සඳහා විසර්ජන පනත් කෙටුම්පතක් පාර්ලිමේන්තතුවට ඉදිරිපත් කළේ නැත. ඒ පැවැත්වීමට නියමිතව තිබූ ජනාධිපතිවරණයක් ජයගන්නා අපේක්ෂකයාට ආණ්ඩුවක් ඇති කරගෙන එම ආණ්ඩුවේ ප‍්‍රතිපත්ති මත අයවැයක් ඉදිරිපත් කිරීමට අවස්ථාව සලසා දෙමින්ය. අයවැය යෝජනාව වෙනුවට කළේ 2020 මුල් මාස 4ක කාලය සඳහා අතුරු සම්මත ගිණුම් යෝජනාවක් පාර්ලිමේන්තුවට ඉදිරිපත් කර එය සම්මත කරගැනීමය.
අපේ‍්‍රල් මාසයෙන් පසු පාර්ලිමේන්තුව අනුමත නොකරන ලද මුදල් ඒකාබද්ධ අරමුදලෙන් වියදම් කිරීම නීති විරෝධී බව කියන්නේ ඒ නිසාය.
ජනාධිපති හා අගමැති රාජපක්ෂවරුන්ගේ ආණ්ඩුව 2020 වර්ෂයට අදාල අයවැය යෝජනාවක් හෙවත් විසර්ජන පනත් කෙටුම්පතක් ඉදිරිපත් නොකළා පමණක් නොව අපේ‍්‍රල් මාසයෙන් පසු මාස කිහිපයක් ඉදිරියට රට පවත්වාගෙන යෑමට අතුරු සම්මත ගිණුම් යෝජනාවක්වත් ඉදිරිපත් කළේ නැත. ඒ වෙනුවට කළේ පාර්ලිමේන්තුව සම්මත කර තිබූ 2020 ජනවාරි අපේ‍්‍රල් දක්වා වූ අතුරු සම්මත ගිණුම් වැය සීමාව ඉහළ දැමීම සඳහා හා ණය ලබාගැනීමේ සීමාව ඉහළ දැමීම සඳහා සංශෝධන යෝජනාවක් ඉදිරිපත් කිරීමය.
ණය සීමාව ඉහළ දැමීමේ යෝජනාවට පාර්ලිමේන්තුව විරුද්ධවීම නිසා අවසානයේ කළේ ඡුන්ද විමසීමකට නොගොස් එම යෝජනාව ඉවත් කරගැනීමය.
මේ සියලූ කෙළි රාජපක්ෂ දෙසොහොයුරන් කළේ ලැබෙන පළමු අවස්ථාවේදීම එනම් පාර්ලිමේන්තුවට අවුරුදු හතරක් ගෙවෙන දිනයේදීම එය විසුරුවීමේ ඔවුන්ගේ වැඩපිළිවෙල ගැන අවබෝධයෙන්මය.
එහෙව් රාජපක්ෂ දෙසොහොයුරන්ගේ ආණ්ඩුව ආණ්ඩුක‍්‍රම ව්‍යවස්ථාවේ නැති ප‍්‍රතිපාදන පෙන්වමින් ව්‍යවස්ථා විරෝධී ගමනක් යෑමට සැරසීම ජනතාව ගොනාට ඇන්දවීමක් මිස වෙනකක් නොවේ.
නිවාඩු අවලංගු කිරීමෙන් පසුව සේවය වාර්තා කළ හමුදා නිලධාරීන් රඳවා තැබීම සඳහා අධ්‍යාපන අමාත්‍යාංශයෙන් පාසල් 92ක් ශ‍්‍රී ලංකා යුද හමුදාවට ලබාදී ඇති බව අධ්‍යාපන අමාත්‍යෘංශයේ ලේකම් එන්.එච්.එම්.චිත‍්‍රානන්ද අනිද්දාට පැවසීය.
කොළඔ දිස්ත‍්‍රික්යෙන් පාසල් 70 ක්, ඌව පලාතෙන් පාසල් 06 ක්, මධ්‍යම පළාතෙන් පාසල් 04 ක්, උතුරු මැද පලාතෙන් පාසල් 11 ක්, වයඔ පළාතෙන් එක් පාසලක් එලෙස යුද හමුදාවේ ප‍්‍රයෝජනය සඳහා ලබා දී ඇති බව ඔහු පැවසීය.
මීට අමතරව කොළඹ පී. සරවනමුත්තු ක‍්‍රීඩාංගණය හා මහජන පුස්තකාලය ද හමුදාවේ කටයුතු සඳහා ලබා ගෙන ඇති බව වාර්තා වේ.
විවිධ පොදු වැඩසටහන් සඳහා කුලියට ලබාදෙන ස්ථානයක් වන කොළඹ මහජන පුස්තකාලයේ ශ‍්‍රවණාගාරය තුළ අගමැති කාර්යාලයේ සේවය කරන විශේෂ බලකායේ සාමාජිකයන් නිරෝධායනය කිරීම සඳහා රඳවා ඇතැයි වාර්තා වේ.
අපේ‍්‍රල් 20 වන දින සිට කොළඔ මහජන පුස්තකාලයේ ශ‍්‍රවණාගාරයෙහි නිරෝධායන ක‍්‍රියාවලිය ආරම්භ කර ඇත.
අදාල නිලධාරීන් දින 14 ක කාලයක් නිරෝධායනය කර පීසීආර් පරීක්ෂණද සිදු කරන බවත් එම පරීක්ෂණවලින් කොවිඞ් වැළඳී නැති දැයි තහවුරු කර ගත් පසුව අගමැති කාර්යාලයේ රාජකාරි සදහා යොමු කිරීමට සැලසුම් කර ඇති බවත් වාර්තා වේ.
හංසි මානවඩු
අගමැති මහින්ද රාජපක්ෂගේ ප්‍රධානත්වයෙන් මැයි 04 වැනිදා අරලියගහ මන්දිරයේ පැවැත්වීමට නියමිත රැස්වීම මාර්තු 02 වැනිදා විසුරුවාහරින ලද පාර්ලිමේන්තුවේ මන්ත්‍රීවරුන් විශාල පිරිසක් සහභාගී නොවන නිස ඇතිවිය හැකි අපහසුතාවය වළක්වාගැනීමට 2015ට පෙර පාර්ලිමේන්තුව නියෝජනය කර ඇති විශ්‍රාමික මන්ත්‍රීවරුන්ට එම රැස්වීම සඳහා ආරාධනා කර ඇත.
ඒ අනුව දැනට ජීවත්වන, විසුරුවාහරින පාර්ලිමේන්තුවේ සාමාජිකයන්ව නොසිටි, පෙර පාර්ලිමේන්තු මන්ත්‍රීවරුන් ලෙස කටයුතු කර ඇති මන්ත්‍රීවරුන් ගණනාවකට එම රැස්වීම සඳහා සහභාගී වන ලෙස දැනුම්දෙමින් කෙටි පණිවුඩ යවා ඇත.
මීට පෙර එම රැස්වීම සඳහා කැඳවා තිබුණේ 2015 දී තේරී පත්වූ, අවසන් වරට විසුරුවාහරින ලද පාර්ලිමේන්තුවේ සිටි මන්ත්‍රීවරුන් 225 දෙනාවය. කෙසේ වෙතත් සමගි ජන බලවේගය සහ ජනතා විමුක්ති පෙරමුණ තම පක්ෂවල හිටපු මන්ත්‍රීවරුන් එම රැස්වීමට සහභාගී නොවන බව ප්රකාශ කර ඇත. විසුරුවාහරින ලද පාර්ලිමේන්තුවේ මන්ත්‍රීවරුන් සියයකට ආසන්න පිරිසක් එම පක්ෂ දෙක නියෝජනය කරයි. එක්සත් ජාතික පක්ෂය එම රැස්වීමට සහභාගී වන බව ප්රකාශ කර ඇති අතර දැනට එජාපයේ සාමාජිකත්වය දරණ හිටපු පාර්ලිමේන්තු මන්ත්‍රීවරුන් සිටින්නේ 15කට ආසන්න පිරිසකි. දෙමළ ජාතික සන්ධානය තවමත් තම මතය ප්රකාශ කර නැත.
මන්ත්‍රීවරුන් 225 දෙනෙකු සඳහා සූදානම් කළ එම රැස්වීමට අඩු මන්ත්‍රීවරුන් පිරිසක් සහභාගී වුවහොත්, එමගින් ආණ්ඩුව අපහසුතාවයට පත්වීමේ ඉඩක් ඇති නිසා ඉහත පියවර ගෙන ඇත.
අගමැති මහින්ද රාජපක්ෂගේ ප්‍රධානත්වයෙන් මැයි 04 වැනිදා අරලියගහ මන්දිරයේ පැවැත්වීමට නියමිත රැස්වීම මාර්තු 02 වැනිදා විසුරුවාහරින ලද පාර්ලිමේන්තුවේ මන්ත්‍රීවරුන් විශාල පිරිසක් සහභාගී නොවන නිස ඇතිවිය හැකි අපහසුතාවය වළක්වාගැනීමට 2015ට පෙර පාර්ලිමේන්තුව නියෝජනය කර ඇති විශ්‍රාමික මන්ත්‍රීවරුන්ට එම රැස්වීම සඳහා ආරාධනා කර ඇත.
ඒ අනුව දැනට ජීවත්වන, විසුරුවාහරින පාර්ලිමේන්තුවේ සාමාජිකයන්ව නොසිටි, පෙර පාර්ලිමේන්තු මන්ත්‍රීවරුන් ලෙස කටයුතු කර ඇති මන්ත්‍රීවරුන් ගණනාවකට එම රැස්වීම සඳහා සහභාගී වන ලෙස දැනුම්දෙමින් කෙටි පණිවුඩ යවා ඇත.
මීට පෙර එම රැස්වීම සඳහා කැඳවා තිබුණේ 2015 දී තේරී පත්වූ, අවසන් වරට විසුරුවාහරින ලද පාර්ලිමේන්තුවේ සිටි මන්ත්‍රීවරුන් 225 දෙනාවය. කෙසේ වෙතත් සමගි ජන බලවේගය සහ ජනතා විමුක්ති පෙරමුණ තම පක්ෂවල හිටපු මන්ත්‍රීවරුන් එම රැස්වීමට සහභාගී නොවන බව ප්රකාශ කර ඇත. විසුරුවාහරින ලද පාර්ලිමේන්තුවේ මන්ත්‍රීවරුන් සියයකට ආසන්න පිරිසක් එම පක්ෂ දෙක නියෝජනය කරයි. එක්සත් ජාතික පක්ෂය එම රැස්වීමට සහභාගී වන බව ප්රකාශ කර ඇති අතර දැනට එජාපයේ සාමාජිකත්වය දරණ හිටපු පාර්ලිමේන්තු මන්ත්‍රීවරුන් සිටින්නේ 15කට ආසන්න පිරිසකි. දෙමළ ජාතික සන්ධානය තවමත් තම මතය ප්රකාශ කර නැත.
මන්ත්‍රීවරුන් 225 දෙනෙකු සඳහා සූදානම් කළ එම රැස්වීමට අඩු මන්ත්‍රීවරුන් පිරිසක් සහභාගී වුවහොත්, එමගින් ආණ්ඩුව අපහසුතාවයට පත්වීමේ ඉඩක් ඇති නිසා ඉහත පියවර ගෙන ඇත.
කොවිඞ්-19 වසංගත තත්වයට මුහුණදුන් නැගී එන ආර්ථිකයක් ඇති රටවල් 66ක ආර්ථිකය පිළිබඳව ‘දි ඉකොනොමිස්ට්’ සඟරාව පළ කර ඇති වාර්තාවක එම රටවල් අතරින් දුර්වලම ආර්ථිකයක් ඇති රටක් ලෙස ශ‍්‍රී ලංකාව හඳුන්වා ඇත.
මෙම ශ්‍රේණිගත කිරීම් සඳහා ජාත්‍යන්තර මූල්‍ය අරමුදල, ජේපී මෝර්ගන් ආයතනය, එම රටවල මහබැංකු වාර්තා, ලෝක බැංකු වාර්තා, ජාත්‍යන්තර ශ්‍රේණිගත කිරීම් ආයතන ඇතුළු මූලාශ‍්‍ර සලකා බලා ඇත.
දළ දේශීය නිෂ්පාදිතය, ණය ඇතුළු සාධක ගණනාවක් සැලකිල්ලට ගනිමින් එම වාර්තාව සකස් කර ඇත.
ක්ෂේත‍්‍ර හතරක් අනුව එම රටවල ආර්ථිකය ශ්‍රේණිගත කිරීමට ලක් කර ඇති අතර, ශ‍්‍රී ලංකාව එම ක්ෂේත‍්‍ර හතරෙන්ම දුර්වල රටක් ලෙස හඳුන්වා දී ඇත. එනම්, Public debt, Foreign debt, Cost of borrowing සහ Reserve cover යනුවෙනි. ඒ අනුව රටවල් 66 අතරින් 61 වැනි ස්ථානය ශ‍්‍රී ලංකාවට ලබාදී තිබේ. එම රටවල් ලැයිස්තුවෙහි ශ‍්‍රී ලංකාවට පසුපසින් සිටින්නේ රටවල් පහක් පමණි. ඇන්ගෝලාව, බහරේන්, සැම්බියා, ලෙබනන් සහ වෙනිසුවේලා යන රටවල් ශ‍්‍රී ලංකාවට පසුපසින් සිටී.
අනුරංග ජයසිංහ
කොවිඞ්-19 වසංගත තත්වයට මුහුණදුන් නැගී එන ආර්ථිකයක් ඇති රටවල් 66ක ආර්ථිකය පිළිබඳව ‘දි ඉකොනොමිස්ට්’ සඟරාව පළ කර ඇති වාර්තාවක එම රටවල් අතරින් දුර්වලම ආර්ථිකයක් ඇති රටක් ලෙස ශ‍්‍රී ලංකාව හඳුන්වා ඇත.
මෙම ශ්‍රේණිගත කිරීම් සඳහා ජාත්‍යන්තර මූල්‍ය අරමුදල, ජේපී මෝර්ගන් ආයතනය, එම රටවල මහබැංකු වාර්තා, ලෝක බැංකු වාර්තා, ජාත්‍යන්තර ශ්‍රේණිගත කිරීම් ආයතන ඇතුළු මූලාශ‍්‍ර සලකා බලා ඇත.
දළ දේශීය නිෂ්පාදිතය, ණය ඇතුළු සාධක ගණනාවක් සැලකිල්ලට ගනිමින් එම වාර්තාව සකස් කර ඇත.
ක්ෂේත‍්‍ර හතරක් අනුව එම රටවල ආර්ථිකය ශ්‍රේණිගත කිරීමට ලක් කර ඇති අතර, ශ‍්‍රී ලංකාව එම ක්ෂේත‍්‍ර හතරෙන්ම දුර්වල රටක් ලෙස හඳුන්වා දී ඇත. එනම්, Public debt, Foreign debt, Cost of borrowing සහ Reserve cover යනුවෙනි. ඒ අනුව රටවල් 66 අතරින් 61 වැනි ස්ථානය ශ‍්‍රී ලංකාවට ලබාදී තිබේ. එම රටවල් ලැයිස්තුවෙහි ශ‍්‍රී ලංකාවට පසුපසින් සිටින්නේ රටවල් පහක් පමණි. ඇන්ගෝලාව, බහරේන්, සැම්බියා, ලෙබනන් සහ වෙනිසුවේලා යන රටවල් ශ‍්‍රී ලංකාවට පසුපසින් සිටී.
අනුරංග ජයසිංහ
ජනාධිපති ගෝඨාභය රාජපක්ෂ මාර්තු 02 වැනිදා පාර්ලිමේන්තුව විසුරුවාහැරීමට නිකුත් කළ ගැසට් නිවේදනයෙන් මාස තුනක් ගතවීමට පෙර මැතිවරණය පැවැත්වීමට නොහැකි වීමත්, විසුරුවාහරින ලද පාර්ලිමේන්තුව කැඳවීමට ජනාධිපතිවරයා එකඟ නොවීමත් නිසා ඇතිව තිබෙන ආණ්ඩුක‍්‍රම ව්‍යවස්ථා අර්බුදයට අදාල පළමුවැනි මූලික අයිතිවාසිකම් පෙත්සම ශ්‍රේෂ්ඨාධිකරණයට ඉදිරිපත් කර ඇත.
මැයි 02 වැනිදා එම පෙත්සම ඉදිරිපත් කර ඇත්තේ සමගි ජන බලවේගයේ මැතිවරණ අපේක්ෂකයෙකු වන මෛත‍්‍රී ගුණරත්නගේ පුත්, නීතිඥ චරිත ගුණරත්න විසිනි.
පාර්ලිමේන්තු මැතිවරණය ජුනි 20 වැනිදා පැවැත්වීම සඳහා මැතිවරණ කොමිෂන් සභාව නිකුත් කර තිබෙන නිවේදනය ආණ්ඩුක‍්‍රම ව්‍යවස්ථාවට පටහැණි බවත්, එම ගැසට් නිවේදනය බල රහිත කරමින් නියෝගයක් නිකුත් කරන ලෙසත් එම පෙත්සමෙන් ඉල්ලා ඇත.
පෙත්සමේ වගඋත්තරකරුවන් ලෙස මැතිවරණ කොමිසමේ සාමාජිකයන්, ජනාධිපති ලේකම්, සෞඛ්‍ය සේවා අධ්‍යක්ෂ ජෙනරාල් සහ නීතිපතිවරයාව නම්කර ඇත.
ජනාධිපතිවරයා පාර්ලිමේන්තුව විසුරුවාහැරීමට ගැසට් නිවේදනය නිකුත් කළේ මාර්තු 02 වැනිදා බවත්, එම දිනයෙන් මාස තුනක් නොඉක්මවන කාලසීමාවක් ඇතුළත මැතිවරණය පැවැත්වීම අත්‍යාවශ්‍ය කරුණක් බවත් එම පෙත්සමෙන් පෙන්වාදී ඇත. ඒ අනුව ජුනි 02 වැනිදාට පෙර මැතිවරණය පැවැත්විය යුතු බව ඔහු පෙන්වාදී ඇත. ඊට අමතරව කොවිඞ්-19 වසංගත තත්වය නිසා රට තුළ නිදහස් හා සාධාරණ මැතිවරණයක් පැවැත්විය නොහැකි බවත් එම පෙත්සමෙන් තර්ක කර ඇත.
මෙම ව්‍යවස්ථා අර්බුදයට පසුගිය කාලසීමාවේදී ඇතිවූ සාකච්ඡුාවලදී එයට අදාලව අදාලව වෙනත් මත ඉදිරිපත් කර තිබුණි. ඒ පිළිබඳව අනිද්දා කළ විමසීම්වලදී ප‍්‍රකට නීතිඥවරුන් කිහිපදෙනෙකු පෙන්වාදුන්නේ ඉදිරි දින කිහිපයේදී තවත් මූලික අයිතිවාසිකම් පෙත්සම් සහ මෙම මූලික අයිතිවාසිකම් පෙත්සමට වෙනත් පාර්ශ්වයන් මැදිහත්වීම සිදුවනු ඇති බවත් ඒ අනුව ආණ්ඩුක‍්‍රම ව්‍යවස්ථාවෙහි ඇති වෙනත් කරුණු සහ පනත් ආදිය සැලකිල්ලට ගනිමින් දැන් ඇතිව තිබෙන ව්‍යවස්ථා අර්බුදය ගැන ශ්‍රේෂ්ඨාධිකරණයේ සම්පූර්ණ අර්ථකථනයක් ලබාගැනීමට හැකිවනු ඇති බවත්ය.
දැනට පවතින වසංගත තත්වය නිසා මැතිවරණ ප‍්‍රචාරක කටයුතු කළ නොහැකි බවත් එවැනි පසුබිමක මැතිවරණය සාධාරණ ලෙස පැවැත්විය නොහැකි බවත් මැතිවරණ කොමිෂන් සභාව සමඟ පැවති සාකච්ඡාවකදී ආණ්ඩුවට සම්බන්ධ දේශපාලන පක්ෂ හැර අනෙකුත් පක්ෂවල නියෝජිතයන් ප්රකාශ කර ඇත.
මැයි 02 වැනිදා පැවති මෙම සාකච්ඡාවට සහභාගි වී තිබුණේ මැතිවරණ කොමිෂන් සභාවේ සාමාජිකයන් සහ ඉදිරි මහමැතිවරණයට නාමයෝජනා බාරදී ඇති දේශපාලන පක්ෂවල නියෝජිතයන්ය.
එහිදී දේශපාලන පක්ෂවල නියෝජිතයන් පෙන්වාදී ඇත්තේ සෞඛ්‍ය සේවා අධ්‍යක්ෂ ජෙනරාල්, ප‍්‍රජා සෞඛ්‍ය සේවා පිළිබඳ අධ්‍යක්ෂ, වෛරසවේදී විශේෂඥ වෛද්‍යවරුන් ඇතුළු පිළිගත් විද්වතුන් මැතිවරණය පැවැත්වීම සඳහා සම්පූර්ණ ආරක්ෂිත තත්වයක් ඇතැයි ප‍්‍රකාශයට පත් කරන තුරු මැතිවරණය පැවැත්වීම කල්දැමිය යුතු බවය. මැතිවරණ දිනයක් නියම කර ඇතත්, තවමත් මැතිවරණ ප‍්‍රචාරක කටයුතු සිදුකිරීමට නොහැකි වී ඇති බවත්, නිවෙස්වලට ගොස් මැතිවරණ ප‍්‍රචාරක කටයුතු කිරීම මෙන්ම මැතිවරණ රැස්වීම් පැවැත්වීමද අනාරක්ෂිත බවත් එහිදී පෙන්වාදී ඇත.
ඊට අමතරව මැතිවරණය පැවැත්වීමට නම් අධිකරණ කටයුතු සිදුකිරීමට අවශ්‍ය පසුබිම සැකසිය යුතු බවද එහිදී පෙන්වාදී ඇත. ශ්‍රේෂ්ඨාධිකරණය මෙන්ම මහේස්ත‍්‍රාත් අධිකරණ පවා විවෘත කළ යුතු බවත් සාධාරණ මැතිවරණයක් පැවැත්වීම සඳහා අධිකරණය සාමාන්‍ය පරිදි ක‍්‍රියාත්මක වීම වැදගත් බවත් එම දේශපාලන පක්ෂ පෙන්වාදී ඇත.
අනිද්දා පබ්ලිෂර්ස් (ගරන්ටි) ලිමිටඞ් | 2021 | Powered by BLUESKY.LK