පාස්කු ඉරුදින ත්රස්ත ප්රහාරය සම්බන්ධයෙන් සිදු කරනු ලබන නව විමර්ශනවලට අදාළව අනාවරණය වී ඇති සාක්ෂි මත රාජ්ය බුද්ධි සේවයේ හිටපු අධ්යක්ෂ සුරේෂ් සලේ මහතාව රඳවා තබාගෙන ප්රශ්න කිරිම සඳහා පැය 72 ක කාලයක රැඳවුම් නියෝගයක් ලබා ගෙන ඇති බව පොලිසිය පවසයි.
අපරාධ පරීක්ෂණ දෙපාර්තමේන්තුව මඟින් සිදු කරගෙන යනු ලබන පාස්කු ත්රස්ත ප්රහාර සම්බන්ධ විමර්ශන අනුව පෙබරවාරි 25 වන දින උදෑසන 7.50ට පෑලියගොඩ පොලිස් වසමේදී සුරේෂ් සලේ මහතාව අත්අඩංගුවට ගෙන තිබුණු අතර ඒ පිළිබඳව දැනුවත් කිරීමට පැවතුණු මාධ්ය හමුවේදී අදාල තොරතුරු පොලිසිය පවසා තිබිණි.
අත්අඩංගුවට ගත් සැකකරුව මේ වන විට අපරාධ පරීක්ෂණ දෙපාර්තමේන්තුව වෙත භාර දී ඇති බවත්, පාස්කු ප්රහාරයේ මහ මොළකරුවන් සහ සෙසු වගකිවයුත්තන් පිළිබඳව තොරතුරු අනාවරණය කර ගැනීම සඳහා ඔහුගෙන් දීර්ඝ ලෙස ප්රශ්න කිරීමට නියමිත බවත් පොලිස් මාධ්ය ප්රකාශකවරයා පවසා තිබිණි.
