මුදල් විශුද්ධීකරණය වැළැක්වීමේ පනත යටතේ චෝදනා ලබා සිටි හිටපු ජනාධිපති මහින්ද රාජපක්ෂගේ බිරිඳගේ මව වන ඩේසි ෆොරස්ට් මහත්මියව එම නඩුවෙන් නිදහස් කරන ලෙස කොලඹ මහාධිකරණය පෙබරවාරි 25 වන දින නියෝගයක් නිකුත් කර ඇත.
ඒ ඩේසී මහත්මියට නඩු විභාගයකට මුහුණ දීමට සුදුසු මානසික තත්වයක් තිබේද යන්න පිළිබඳව කොළඹ අධිකරණ වෛද්ය නිලධාරියා මඟින් කැඳවා තිබුණු මානසික වෛද්ය වාර්තාව නියෝජ්ය සොලිස්ටර් ජනරාල් ජනක බණ්ඩාර අධිකරණයට ඉදිරිපත් කර තිබුණි. එම වාර්තාවේ අඩංගු කරුණු අනුව විත්තිකාරිය නඩු විභාගයකට මුහුණදීමට සුදුසු මානසික තත්ත්වයක් නොමැති බවට වෛද්ය නිර්දේශ නිකුත් කර ඇති බවට නියෝජ්ය සොලිස්ටර් ජනරාල් පවසා තිබුණි. ඒ අනුව අදාල වෛද්ය වාර්තාවේ ඇතුළත් ව තිබුණු කරුණු සලකා බලමින් මහේස්ත්රාත්වරයා විසින් ඩේසි ෆොරස්ට්ට එරෙහිව තිබූ අධිචෝදනාවන්ගෙන් ඇය නිදහස් කිරීමට නියෝග නිකුත් කර තිබිණි.
