හිටපු ජනාධිපති රනිල් වික්රමසිංහගේ හිටපු ජනාධිපති ලේකම් සමන් ඒකනායක මහතා පෙබරවාරි මස 11 වනදා දක්වා රක්ෂිත බන්ධනාගාර ගත කරන ලෙස කොළඹ කොටුව මහේස්ත්රාත් අධිකරණය ජනවාරි 28 දින නියෝගයක් නිකුත් කර ඇත.
අදාල නඩුව රනිල් වික්රමසිංහ මහතා තමන්ගේ ධූර කාලය තුළ දී නිල සංචාරයක් අතරතුර ඔහුගේ බිරිඳ මෛත්රී වික්රමසිංහගේ උපාධි ප්රදානෝත්සවයකට සහභාගී වීම සඳහා වෙනත් නිල සංචාරයක් නිම කර එමින් සිටියදී ලන්ඩනයට ගිය ගමන රජයේ මුදල් අවභාවිතා කිරීමක් ලෙස චෝදනා ගොනු කරමින් අදාල නඩුව ගොනු කර ඇත. සමන් ඒකනායක මහතා එම සංචාරයේ කටයුතු සම්බන්ධයෙන් ප්රකාශයන් ලබාදීමට මීට පෙර කිහිපවරක්ම අපරාධ පරීක්ෂණ දෙපාර්තමේන්තුව ගොස් ප්රකාශ ලබා දී තිබුණි.
මීට පෙර අපරාද පරීක්ෂණ දෙපාර්තමේන්තුව අවස්ථාවකදී සමන් ඒකනායක මහතාව අත්අඩංගුවට ගැනීම සඳහා ඔහුගේ නිවසට ගොස් ඇති අතර ඔහු නිවසේ සිට නොමැති බව වාර්තා වේ.
පොදු දේපොළ පනත යටතේ චෝදනා ඉදිරිපත් කර ගොනුකර ඇති නඩුවට ඉදිරිපත් වීම සඳහා හිටපු ජනාධිපති රනිල් වික්රමසිංහ මහතාද කොටුව මහෙස්ත්රාත් අධිකරණය හමුවේ පෙනී සිටි අතර මෙම නඩු වාරයේ ඊලඟ කැඳවුම පෙබරවාරි 11 වන දිනට නැවත කැඳවීමට නියමිතය
රනිල් වික්රමසිංහ මහතාගේ සංචාර පිළිබඳ දීර්ඝ ලිපිය – ජනාධිපති රනිල් විදේශ සංචාර 24ක් ගිහින් 2023 වියදම රු.මි.373යි
රනිල් වික්රමසිංහ මහතාගේ ලන්ඩන් සංචාරය පිළිබඳ දීර්ඝ ලිපිය – රනිල් එක් කෝටි 62 ලක්ෂයක් වැයකර ලන්ඩන් ගියේ බිරිඳගේ උපාධි උත්සවයට… කාලසටහනේ රාජ්යතාන්ත්රික කටයුතු නෑ
