ජනාධිපතිවරයාගේ ප්‍රධානත්වයෙන් සුගතදාස ගෘහස්ථ ක්‍රිඩාංගණයේ දී පැවැත්වූ ජාතික තරුණ සමුළුවට 38,834,217.64ක මුදලක් ජාතික තරුණ සේවා සභාවෙන් වියදම්කර ඇති බව එම සභාව පවසයි.
ජාතික තරුණ සේවා සභාවෙන් අගෝස්තු 12 වන දින පැවැත්වූ ජාතික තරුණ සමුළුව වෙනුවෙන් කොතරම් මුදලක් වැයවී ඇති දැයි යොමු කළ තොරතුරු දැනගැනීමේ ඉල්ලුපතකට පිලිතුරු ලබා දෙමින් ජාතික තරුණ සේවා සභාවේ අධ්‍යක්ෂ (පාලන හා මානව සම්පත්කළමණාකරණ) මනුල චමල් පෙරේරා අදාල තොරතුරු ලබා දී තිබුණි.
තවද සුගතදාස ගෘහස්ථ ක්‍රීඩාංගණයට ජාතික තරුණ සේවාසභාවෙන් ගෙවීම් කර නොමැති බවත් සදහන් කර ඇත. අදාල සමුළුවට වියදම් වූ මුළු මුදල වෙන් වෙන් වශයෙන් දක්වා ඇති අතර කොළඹ ඇතුළු විවිධ පළාත්වලින් බස් රථවල 112ක සාමාජිකයන් 6000ක් අදාල සමුලුවට සහභාගි වු බවත් එම බස් රථ සඳහා රුපියල් 6,535,020ක මුදලක් වැයවී ඇති බවත් සාමාජිකයන්ට ලබා දුන් ටී ෂර්ට් සඳහා රුපියල් 11,812,500ක මුදලක් වැයවී ඇති බවත් පවසා ඇත.
