19.7 C
Sri Lanka
29 September,2022

ඩොලර් මිලියන 500 ඉන්දියානු ණය IMF ආවාට පසු

Must read

ඉන්ධන ලබා ගැනීම සඳහා තවත් ඇමරිකානු ඩොලර් මිලියන 500ක ණය යෝජනා ක්‍රමයක් ශ්‍රී ලංකාව ඉල්ලා ඇතත් එය ලැබෙනු ඇත්තේ ජාත්‍යාන්තර මූල්‍ය අරමුදල ශ්‍රී ලංකාව සම්බන්ධයෙන් සිය කටයුතු ආරම්භ කිරීමෙන් පසුව බව ශ්‍රී ලංකාවේ ඉන්දියානු මහ කොමසාරිස් කාර්යාල ආරංචි ප්‍රකාශ කරයි.

එසේ වුවහොත් ඇමරිකානු ඩොලර් මිලියන 500ක් වන ඉන්ධන ලබා ගැනීමේ ඉන්දියානු ණය යෝජනා ක්‍රමය ඉක්මණින් ශ්‍රී ලංකාවට නොලැබෙනු ඇති අතර රට තුළ දැනට පවතින ඉන්ධන අර්බුදයද තවත් උග්‍රවනු ඇත.


ජාත්‍යන්තර මූල්‍ය අරමුදල මේ වනවිට ශ්‍රී ලංකාවේ ආර්ථික අර්බුදය කළමනාකරණය කිරීම සම්බන්ධයෙන් වූ කටයුතු ආරම්භ කර නැති අතර ඒ සඳහා ඔවුන්ගේ නියෝජිතයකු හෝ කණ්ඩායමක්ද පත්කර නැත. ඒ සම්බන්ධයෙන් මේ වනවිට සිදුවී ඇත්තේ ශ්‍රී ලංකාවේ ණය හා ආර්ථික තත්වය පිළිබඳ ශ්‍රී ලංකා මහ බැංකුවෙන් වාර්තාවක් කැඳවීම පමණය. ඉන්පසු ශ්‍රී ලංකාව හා ජාත්‍යාන්තර මූල්‍ය අරමුදල එක්ව ශ්‍රී ලංකාවේ ණය තිරසර වාර්තාව සකස් කිරීමත්, ඉන්පසු ණය ගෙවීමේ මාර්ගගත සැළැස්ම සකස් කිරීමත් සිදුකරනු ඇත.


ඉන්ධන ලබාගැනීම සඳහා ලබාදුන් ඇමරිකානු ඩොලර් මිලියන 700ක් වන ඉන්දියානු ණය යෝජනා ක්‍රමය මේ වනවිට අවසන්ව ඇති අතර ඊට අදාල අවසන් ඉන්ධන තොගය වන ඩීසල් මෙටි්‍රක් ටොන් 40,000ක ප්‍රමාණය ජුනි 16 වැනිදා ගොඩබාන බව ලංකා ඛනිජ තෙල්නී තිගත සංස්ථාව ප්‍රකාශ කර තිබුණි.


ඉන්ධන ලබා ගැනීම සඳහා වූ දෙවන ඇමරිකානු ඩොලර් මිලියන 500 ණය ගිවිසුම ඉක්මණින් අත්සන් කිරීමට බලාපොරොත්තු වන බව අගමැති රනිල් වික්‍රමසිංහ ප්‍රකාශ කර තිබූ අතර ඔහු වැඩිදුරටත් එහිදී ප්‍රකාශ කර තිබුනේ ඒ මගින් තවත් මාස හතරකට ප්‍රමාණවත් ඉන්ධන ශ්‍රී ලංකාවට ලැබෙනු ඇති බවයි. එසේ වුවද එම කාලයේදී ලබාදීමට හැකි වන්නේ ඉන්ධන ඉල්ලුමෙන් සියයට 50ක් බවද අගමැතිවරයා ප්‍රකාශ කර තිබුණි.


එහෙත් ලංකා ඛනිජ තෙල් සංස්ථාවේ වෘත්තීය සමිති නායකයකු වන ආනන්ද පාලිත ඒ සම්බන්ධයෙන් මාධ්‍යයට පවසා තිබුනේ දෙවන ණය මුදලෙන් ලැබෙන ඉන්ධන සියයට 50ක සැපයුමෙන් හෝ මාස හතරක කාලයකට ඉන්ධන ලබාදිය නොහැකි බවයි.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි