අගමැති රනිල් වික්‍රමසිංහ කැඳවන ලද සාකච්ඡාවක ප්‍රතිඵලයක් ලෙස කොළඹ මහ නගර සභාවේ එක්සත් ජාතික පක්ෂ හා ශ්‍රී ලංකා පොදුජන පෙරමුණු මන්ත්‍රීවරුන්ගේ මැදිහත්වීම් සිදුකිරීම නිසා කොළඹ නගරයේ ලිට්රෝ ගෑස් බෙදා හැරීමේ කටයුතු අවුල් සහගත තත්වයට පත්වී ඇති බව වාර්තාවේ.
සිය ප්‍රදේශයට අවශ්‍ය ගෑස් ඇණවුම් මන්ත්‍රීවරුන් විසන් ඒ සඳහා ඇතිකර ඇති කොළඹ නගරාධිපතිනිය ඇතුළු පිරිසකගෙන් සමන්විත කමිටුවකට දැනුම් දීමෙන් පසු ගෙන්වාගෙන ඔවුන් විසින්ම බෙදා දුන් තුණ්ඩු අනුව නිකුත් කරමින් තිබීම මෙම අවුල් සහගත තත්වයට හේතුවී ඇත.
මේ සම්බන්ධයෙන් අගමැති රනිල් වික්‍රමසංහ ලිට්රෝ සමාගමේ නිලධාරීන් පිරිසක් පසුගිය මැයි 28 වැනිදා අගමැති කාර්යාලයට කැඳවා සාකච්ඡා කර ඇති අතර ඒ සඳහා කොළඹ නගරාධිපතිනිය ඇතුළු එහි මන්ත්‍රීවරුන් පිරිසක් සහභාගි වී තිබේ.■
