26.6 C
Sri Lanka
7 October,2022

දුමින්ද නිදහස් කිරීම:
හිරුණිකාගේ අභියාචනය සලකා බැලේ

Must read

■ ඉඳුවර බණ්ඩාර


භාරත ලක්ෂ්මන් ප්‍රේමචන්ද්‍ර ඇතුළු සිව් පුද්ගල ඝාතන නඩුවේ මරණ දඬුවම හිමි වූ දුම්න්ද සිල්වා ජනාධිපති පොදු සමාව යටතේ නිදහස් කිරීමේ නියෝගය බලරහිත කරන ලෙස ඉල්ලා හිරුණිකා ප්‍රේමචන්ද්‍ර ගොනු කරන ලද අභියාචනා පෙත්සම මැයි 31 වැනිදා සලකා බැලීමට ශ්‍රේෂ්ඨාධිකරණය තීරණය කර ඇත. ඒ එම පෙත්සම විජිත් මලල්ගොඩ, ගාමිණී අමරසේකර හා යසන්ත කෝදාගොඩ යන ශ්‍රේෂ්ඨාධිකරණ විනිසුරු මඩුල්ල හමුවේ මාර්තු 03 වැනිදා සැළකිල්ලට ගත් අවස්ථාවේදීය.

එම පෙත්සමේ වගඋත්තරකරුවන් ලෙස ජනාධිපතිවරයා වෙනුවට නීතිපතිවරයා, අධිකරණ විෂය භාර අමාත්‍යවරයා, දුමින්ද සිල්වා හා නීතිපතිවරයා නම් කර ඇත.


මහාධිකරණ ත්‍රිපුද්ගල විනිසුරු මඩුල්ලක් හමුවේ පූර්ණ නඩු විභාගයක් පැවැත්වීමෙන් අනතුරුව තුනෙන් දෙකක බහුතර තීන්දුවක් මගින් භාරත ලක්ෂ්මන් ඇතුළු සිව් පුද්ගල ඝාතනය සම්බන්ධයෙන් දුමින්ද සිල්වාට මරණ දඬුවම ලබාදුන් බවත්, එම තීන්දුවට ශ්‍රේෂ්ඨාධිකරණ පංච පුද්ගල විනිසුරු මඩුල්ලක් විසින් ඒකමතිකව තහවුරු කරන ලද බවත් එම පෙත්සමේ සඳහන් කර තිබේ.


එසේ තිබියදී ජනාධිපතිවරයා පොදු සමාව යටතේ දුමින්ද සිල්වා නිදහස් කර ඇති බවත්, ජනාධිපතිවරයා එය සිදුකර ඇත්තේ ආණ්ඩුක්‍රම ව්‍යවස්ථාවෙන් පනවා ඇති ප්‍රතිපාදන අනුගමනය කිරීමකින් තොරව බවත් එබැවින් එය ව්‍යවස්ථා විරෝධී බවත් එම පෙත්සමේ සඳහන් කර තිබේ.■

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි