No menu items!
22.3 C
Sri Lanka
29 March,2024

කැලණි ගෙඟන් බෙදුණු එල්ලේ මහා තරගය ගම්බද – නගරබද

Must read

ක‍්‍රීඩා අමාත්‍යාංශය යටතේ මේ වනවිට ලියාපදිංචි ක‍්‍රීඩා සංඛ්‍යාව 68 කි. එම ක‍්‍රීඩා අතරින් ක‍්‍රීඩා 67ක්ම ශ‍්‍රී ලංකාවට පැමිණ ඇත්තේ ලෝකයේ කොහේ හෝ රටක ආරම්භ වීමෙන් පසුය. ඒ නිසාම විදේශයකින් පැමිණි එම සෑම ක‍්‍රීඩාවක් සඳහාම අවශ්‍ය නම් ශ‍්‍රී ලංකා ජාතික කණ්ඩායමක් නිර්මාණය කළ හැකිය. ඒ වෙනත් රටක් සමඟ ක‍්‍රීඩා කිරීම සඳහාය. රටවල් දෙකක් අතර එම ජාත්‍යන්තර තරගවලදී, එක්කෝ එම රට ශ‍්‍රී ලංකාවට පැමිණ ක‍්‍රීඩා කළ හැකිය. නැතහොත් ශ‍්‍රී ලංකා කණ්ඩායමක් වෙනත් රටක සංචාරය කර එම රට සමඟ ක‍්‍රීඩා කළ හැකිය.


මේ ආකාරයට යම් ක‍්‍රීඩාවකින් යම් ක‍්‍රීඩකයෙකු හෝ ක‍්‍රීඩිකාවක රටක් නියෝජනය කිරීම එම ක‍්‍රීඩකයා හෝ ක‍්‍රීඩිකාව ඔවුන්ගේ ක‍්‍රීඩා ජීවිතයේ ලබන එක් ඉහළම ජයග‍්‍රහණයක් වන්නේය. විදේශ රටක් සමඟ ක‍්‍රීඩා කර ජයග‍්‍රහණය කිරීමට ලැබෙනවා නම් ක‍්‍රීඩකයෙකුට හෝ ක‍්‍රීඩිකාවකට එය ඔහුගේ හෝ ඇයගේ ක‍්‍රීඩා දිවියේ ලැබිය හැකි ඊටත් වඩා ඉහළම ජයග‍්‍රහණය වන්නේය.


එහෙත් ඉහත සඳහන් කළ ක‍්‍රීඩා අමාත්‍යාංශය යටතේ ලියාපදිංචි විදේශයකින් ශ‍්‍රී ලංකාවට නොපැමිණි එක් ක‍්‍රීඩාවක්ද පවතී. ඒ එල්ලේ ක‍්‍රීඩාවය. එල්ලේ ක‍්‍රීඩාවට ශ‍්‍රී ලංකා ජාතික කණ්ඩායමක් හෝ ජාතික සංචිතයක් නැත. මන්ද ලෝකයේ වෙනත් රටක එල්ලේ ක‍්‍රීඩාව නොමැති නිසාය. ඒ නිසාම ශ‍්‍රී ලංකා එල්ලේ ජාතික කණ්ඩායකට ලෝකයේ වෙනත් රටක ජාතික එල්ලේ කණ්ඩායමක් සමඟ ක‍්‍රීඩා තරගයක් පැවැත්වීමට හැකියාවක්ද නැත.
එසේ වුවද එල්ලේ ක‍්‍රීඩකයන්ටද ඔවුන් ශ‍්‍රී ලංකා ජාතික කණ්ඩායමට ක‍්‍රීඩා කරනවා යන හැඟීම ඇති එල්ලේ ක‍්‍රීඩා තරගයක් පවතී. එය හඳුන්වන්නේ ‘ගම්බද-නගරබද’ මහා එල්ලේ තරගය වශයෙන්ය. වාර්ෂිකව පවත්වනු ලබන මේ එල්ලේ තරගය බොහෝවිට ශ‍්‍රී ලංකා එල්ලේ සම්මේලනය විසින් සංවිධානය කරනු ලබයි.


මේ ‘ගම්බද-නගරබද’ මහා එල්ලේ තරගයේ ගම්බද හා නගරබද යන බෙදුම් රේඛාව නිර්මාණය කරන්නේ කැලණි ගඟය. කැලණි ගෙඟන් උතුරට ඇති ප‍්‍රදේශ ගම්බද යනුවෙන් හඳුන්වනු ලබයි. කැලණි ගෙඟන් දකුණට ඇති ප‍්‍රදේශ නගරබද යනුවෙන් හඳුන්වනු ලබයි.


ඒ අනුව දැනට එල්ලේ ක‍්‍රීඩාව ක‍්‍රීඩා සමාජ මට්ටමෙන් විහිදී ඇති කැලණි ගෙඟන් උතුරු ප‍්‍රදේශය හෙවත් ගම්පහ හා පුත්තලම් යන දිස්ති‍්‍රක්ක දෙක ගම්බද යනුවෙන් හැඳින්වේ. කැලණි ගෙඟන් දකුණු ප‍්‍රදේශය හෙවත් කොළඹ දිස්ත‍්‍රික්කය නගරබද යනුවෙන් හැඳින්වේ.


එල්ලේ ක‍්‍රීඩාවේ යෙදෙන දෙසීයකට ආසන්න ක‍්‍රිඩා කණ්ඩායම්වලින් මේ ගම්බද-නගරබද මහා තරඟයට ක‍්‍රීඩකයන් තෝරාගනු ලබයි. එහිදී වැඩිම කි‍්‍රඩා කණ්ඩායම් සංඛ්‍යාවක් ඇති ගම්පහ සහ පුත්තලම් දිස්ත‍්‍රික්කවලට පිටියේ කි‍්‍රඩා කරන කී‍්‍රඩකයන් 16 දෙනෙකුගෙන් හා අතිරේක ක‍්‍රීඩකයන් 4 දෙනෙකුගෙන් සමන්විත අතිදක්ෂයන්ගේ කණ්ඩායමක් තෝරාගැනීම ඉතා අසීරුය. නගරබද කණ්ඩායමටද එම ක‍්‍රීඩකයන් සංඛ්‍යාව තේරීම පහසු කාර්යයක් නොවේ. මන්ද ක‍්‍රීඩක සංඛ්‍යාවට වඩා වැඩි ක‍්‍රීඩා කණ්ඩායම් සංඛ්‍යාවකින් එම තේරීම කළ යුතු බැවිනි.


මෙහිදී මුහුණදෙන්නට සිදුවන අනෙක් බරපතළම කාරණය වන්නේ සමබර කණ්ඩායමක් තෝරාගැනීමය. පිතිකරුවන් හෙවත් ප‍්‍රහාරකයන්ද, විශේෂ ස්ථානවල පන්දු රකින්නන්ද (කඩඉම් රැුකීම, මැදපෙළ රැුකීම* වේගවත් හා උපක‍්‍රමශීලී ධාවකයන්ද (දවාගැනීමක් සඳහා පන්දු රකින්නන් ධාවකයන්ට දමාගසන පන්දුවෙන් බේරීම සඳහා පිනුම් ගසන්නන්* තුන් ඉරියව් ක‍්‍රීඩකයන්ද සමබර කණ්ඩායමක් සඳහා තේරීම අවශ්‍යය. සමහර විට තරගය පවත්වන ක‍්‍රීඩා පිටියේ විශාලත්වය එම පිටියට අදාල සුළං හමන දිශාව අනුවද යොදාගන්නා වමත් හෝ දකුණත් ක‍්‍රීඩකයන් සංඛ්‍යාව තීරණය වේ.
කෙසේ හෝ මේ ගම්බද-නගරද මහා තරගයට ක‍්‍රීඩා කීරීම එල්ලේ ක‍්‍රීඩකයෙකුට ඔවුන්ගේ ක‍්‍රීඩා දිවියේ ලබාගත හැකි ඉහළම ජයග‍්‍රහණයක්ය. එය ඔවුන් එල්ලේ ජාතික කණ්ඩායමට ක‍්‍රීඩා කළා වැනිය.


ලෝකයේ වෙනත් ක‍්‍රීඩාවල රටවල් දෙකක් නියෝජනය කළ ක‍්‍රීඩක ක‍්‍රීඩිකාවන් සිටිනවා වාගේම මේ ගම්බද නගරබද මහා එල්ලේ තරගයේදී ගම්බද පිළත්, නගරබද පිළත් යන කණ්ඩායම් දෙකම නියෝජනය කළ ක‍්‍රීඩකයන් දෙදෙනෙකු ගැනද සඳහන් වෙයි.


එක් අයෙකු එක්දහස් නවසිය හැට හා හැත්තෑව දශකවල එල්ලේ ක‍්‍රීඩාවේ නිරතවූ අතිදක්ෂ ප‍්‍රහාරකයෙකු වූ පී.ඞී. රූබන්ය. ඔහු ඔහුගේ මුල් ක‍්‍රීඩා කණ්ඩායම වූ දිප්පිටිගොඩ අතුල (වත්තල හුණුපිටිය ප‍්‍රදේශයේ කණ්ඩායමකි.* ක‍්‍රීඩා සමාජය නියෝජනය කරමින් ගම්බද පිළද, තොටළඟ අරුණ ක‍්‍රීඩා සමාජය නියෝජනය කරමින් නගරබද පිළද නියෝජනය කර තිබේ.
අනෙක් ක‍්‍රීඩකයා එක්දහස් නවසිය අසූව හා අනූව දශකවල ක‍්‍රීඩා කළ දක්ෂ ධාවකයෙකු වූ සුදත් ගමගේය. ඔහු පෑලියගොඩ කුමුදු ක‍්‍රීඩා සමාජය නියෝජනය කරමින් ගම්බද පිළද. හේනමුල්ල ශූරයා පිළ (කොළඹ මෝදර ප‍්‍රදේශයේ කණ්ඩායමකි.* නියෝජනය කරමින් නගරබද පිළද නියෝජනය කර තිබේ. (සුදත් ගමගේ ගම්බද හා නගරබද යන කණ්ඩායම් දෙකටම ක‍්‍රීඩා කරන අයුරු ලියුම්කරු සජීවීව දැක තිබේ.* මේ දක්ෂතාව නිසාම එම ක‍්‍රීඩකයන් දෙදෙනා රටවල් දෙකක් වෙනුවෙන් ක‍්‍රීඩා කරන්නට වර්ණ දිනාගත් ක‍්‍රීඩකයන් දෙදෙනෙකු වැනිය.


තරගකාරී මට්ටමේ එල්ලේ ක‍්‍රීඩා සමාජ කොළඹ ගම්පහ හා පුත්තලම් දිස්ත‍්‍රික්කවලින් රට අභ්‍යන්තරයට, එනම් කැලණි ගෙඟන් ආරම්භයෙන් ඔබ්බට ඇති ප‍්‍රදේශවලට ව්‍යාප්ත වුවහොත් ගම්බද නගරබද එල්ලේ තරගයේ කැලණි ගෙඟ් බෙදුම් රේඛාවට කුමක් වනු ඇද්ද?x

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි