No menu items!
20.9 C
Sri Lanka
28 March,2024

ජනාධිපතිගේ නීති ලේකම් විනිසුරු ධුරයට නම් කරයි

Must read

විනිසුරු එම් එම් ඒ ගෆූර් මහතා අපේ‍්‍රල් 23වැනිදා සිට විශ‍්‍රාම යෑම නිසා අභියාචනාධිකරණයේ පුරප්පාඩු වී තිබෙන විනිශ්චයකාර ධුරය සඳහා ජනාධිපති මෛත‍්‍රීපාල සිරිසේන සිය කාර්ය මණ්ඩලයේ නීති ලේකම්වරිය පත්කරන ලෙස ආණ්ඩුක‍්‍රම ව්‍යවස්ථා සභාවට යෝජනා කර යැවීමෙන් අධිකරණ ක්‍ෂෙත‍්‍රයේ අලූත් අර්බුදයක් ඇතිවී තිබේ.


අගෝස්තු 2 වැනිදා ආණ්ඩුක‍්‍රම ව්‍යවස්ථා සභාවේ සභාපති කතානායක කරු ජයසූරිය වෙත ලිපියක් යවන ජනාධිපති ලේකම් උදය ආර් සෙනෙවිරත්න එමගින් කියා ඇත්තේ, ශ්‍රේෂ්ඨාධිකරණ නීතිඥ ලක්‍ෂ්මි මේනකා මීනු ජයවික‍්‍රම මහත්මිය එම පුරප්පාඩු වී ඇති අභියාචනාධිකරණයේ විනිසුරු ධුරයක් සඳහා ජනාධිපති විසින් නිර්දේශ කරන බවයි.
ජනාධිපතිවරයා ජයවික‍්‍රම මහත්මියගේ නම නිර්දේශ කර ඇත්තේ, විනිසුරු ධුරය සඳහා ඇයට වඩා ඉතා ඉහළ සුදුසුකම් තිබෙන වෘත්තීය විනිශ්චයකාරවරුන් හා නීතිපති දෙපාර්තමේන්තුවේ නීතිඥවරුන් සිටියදීය.


ඒ අතරින් වර්තමාන කෑගල්ල මහාධිකරණ විනිසුරු රුවන් ප‍්‍රනාන්දු මහතා ජ්‍යෙෂ්ඨත්වයෙන් ප‍්‍රමුඛතම ස්ථානයේ සිටින අතර, ඔහු 1988 නීතිපති දෙපාර්තමේන්තුවට බැඳී සේවය කොට පසුව 1992 ඔක්තෝබරයේදී අධිකරණ සේවයට බැඳී මහාධිකරණ විනිසුරුවරයකු දක්වා කීර්තිමත් වෘත්තීය ඉතිහාසයක් පසුකර ආ විනිසුරුවරයෙකි. එංගලන්තයේ කාඩිෆ් විශ්වවිද්‍යාලයෙන් එල්එල්එම් උපාධිය හා කොළඹ විශ්වවිද්‍යාලයෙන් ආචාර්ය උපාධිය ලබා ඇත්තෙකි.


අනෙක් ජ්‍යෙෂ්ඨ විනිසුරුවරිය, දැනට ගල්කිස්ස සිවිල් අභියාචනා මහාධිකරණයේ විනිසුරුවරිය හැටියට කටයුතු කරන දීපිකා අබේරත්න මහත්මියයි. කොළඹ විශ්වවිද්‍යාලයේ එල්එල්එම් උපාධිධාරිනියක වන ඇය 1991දී අධිකරණ සේවයට බැඳුණු කීර්තිමත් වෘත්තීය ඉතිහාසයක් ඇති විනිශ්චයකාරවරියකි.


මේ දෙදෙනාගේම නම් මීට පෙරද අභියාචනාධිකරණ විනිසුරු ධුරවලට යෝජනාවී තිබීම විශේෂත්වයකි.
මීට අමතරව නීතිපති දෙපාර්තමේන්තුවේ නියෝජ්‍ය සොලිසිටර් ජෙනරාල් සෝභිත රාජකරුණාගේ නමද විනිසුරු ධුරය සඳහා සුදුස්සන් අතර තිබෙන බව දැනගන්නට තිබේ.
මේ සියලූ සුදුසුකම් සැපිරූවන් සිටියදී, තමාගේ කාර්ය මණ්ඩලයේ නීති ලේකම්වරියගේ නම පමණක් ජනාධිපතිවරයා නිර්දේශ කිරීමෙන් අධිකරණයේ වෘත්තීයභාවයට, අපක්‍ෂපාතීභාවයට හා ගුණාත්මකභාවයට මෙන්ම වෘත්තීය විනිසුරුවරුන්ට සාධාරණ ලෙස උසස්වීම් ලබාගැනීමට තිබෙන අයිතියටද ජනාධිපතිවරයා බරපතළ හානියක් කරන බව ‘අනිද්දා’ ඇමතූ ජ්‍යේෂ්ඨ මහාධිකරණ විනිසුරුවරු කිහිප දෙනෙක් පැවසූහ.


ලක්‍ෂ්මි ජයවික‍්‍රම මහත්මිය, මීට පෙර අල්ලස් හෝ ¥ෂණ චෝදනා විමර්ශන කොමිෂන් සභාවේ අධ්‍යක්‍ෂ ජෙනරාල් ධුරය දැරූ අතර, සිරිසේන මහතා ජනාධිපති ධුරයට පත්වීමෙන් පසු ඇය ජනාධිපති කාර්යාලයේ නීති ලේකම් හැටියට ද්වීතියන පත්වීමක් ලැබුවාය.
ලක්‍ෂ්මි ජයවික‍්‍රම මහත්මිය, කිසිදාක පහළ විනිසුරු ධුරයකවත් කටයුතු කර නොමැත.
අභියාචනාධිකරණ විනිසුරු ධුරයට ඇය නම් කිරීම ගැන මේ වන විට අධිකරණ නිලධාරීන් මෙන්ම නීතිඥවරුද බලවත් විරෝධතාව පළකරමින් සිටිති. ජනාධිපති ලේකම් කාර්යාලයේ සේවයේ යෙදී සිටියදී, ඉහළ අධිකරණ විනිසුරු ධුරයක් සඳහා පුද්ගලයකු මෑත කාලයේ නම් කළ පළමු අවස්ථාවද මෙය වෙයි.

- Advertisement -

පුවත්

LEAVE A REPLY

Please enter your comment!
Please enter your name here

- Advertisement -

අලුත් ලිපි