නොදුන්නොත් වෙනම ඉල්ලීමේ සූදානමක්

අගෝස්තු 6වැනි දින රාත‍්‍රියේ එජාප නායක රනිල් වික‍්‍රමසිංහ සහ එහි නියෝජ්‍ය නායක සජිත් පේ‍්‍රමදාස අතර අරලියගහ මන්දිරයේ පැවති විශේෂ සාකච්ඡුාව කිසිදු තීරණයක් නොමැතිව අවසන් වී ඇතැයි වාර්තා වෙයි.

මෙම සාකච්ඡුාව සඳහා සජිත් පේ‍්‍රමදාස මහතා රාත‍්‍රී 9.45ට පමණ අරලිය ගහ මන්දිරයට පැමිණ ඇති අතර රාත‍්‍රී 10ට පමණ සාකච්ඡුා ආරම්භ වී ඇත. එහිදී ඉදිරි ජනාධිපතිවරණය සඳහා තමා එජාපයෙන් ඉදිරිපත්වන්නට සූදානම් බවද ඒ සඳහා තමාට පක්ෂයේ ජ්‍යෙෂ්ඨයන් බහුතරයක් ආරාධනා කර ඇති බවද සජිත් පේ‍්‍රමදාස මහතා රනිල් වික‍්‍රමසිංහ මහතාට ප‍්‍රකාශ කර ඇත. ඒ සඳහා රනිල් වික‍්‍රමසිංහ මහතාගෙන් ප‍්‍රතිචාරයක් ලැබී නැත.

තමාට ජනාධිපතිවරණ අපේක්ෂකත්වය ලබා නොදෙන්නේ නම්, එක්සත් ජාතික පක්ෂයේ නායකත්වය සහ අගමැති අපේක්ෂකත්වය ලබාදිය යුතු බවත් එමගින් රනිල් වික‍්‍රමසිංහට ජනාධිපති අපේක්ෂකත්වය ලබාදීමේ අතරමැදි විසඳුමකට පැමිණීමට හැකි බවත්  සජිත් පේ‍්‍රමදාස දන්වා තිබේ.

මෙම යෝජනා සහ අදහස්වලට රනිල් වික‍්‍රමසිංහ මහතාගෙන් කිසිදු සාධනීය ප‍්‍රතිචාරයක් පළවී නැත. 

මේ පිළිබඳව අදහස් දැක්වූ එජාප සජිත් පාර්ශ්වයේ නායකයෙකු ප‍්‍රකාශ කළේ නායක රනිල් වික‍්‍රමසිංහ සජිත් පේ‍්‍රමදාසට අපේක්ෂකත්වය නොදුන්නහොත් පුළුල් සන්ධානයක් ගොඩනඟා වෙනම තරග කරන්නට සජිත් පේ‍්‍රමදාස මහතා කැමති බවය. එම සන්ධානයට රවුෆ් හකීම්, රිෂාද් බදියුදීන්, මනෝ ගනේෂන්, පී. දිගම්බරම් යන එක්සත් ජාතික පෙරමුණේ කටයුතු කරන සෙසු පක්ෂවල සහාය ලබාගැනීමටද බලාපොරොත්තු වන බවත්ය. එමෙන්ම ඒ සඳහා සාකච්ඡුා සාර්ථකව කර ඇති බවත් එම ප‍්‍රකාශකයා කීය.

එම සන්ධානය ගොඩනැඟීමෙන් පසු දෙමළ ජාතික සන්ධානයේ සහාය ලබාගැනීම සඳහා සාකච්ඡුා කිරීමටද සජිත් පාර්ශ්වය වෙනුවෙන් මෙහෙයුම් සිදුකරන මංගල සමරවීර මහතා ඇතුළු පිරිස සූදානම් වන බවද දැනගන්නට ඇත. අමාත්‍ය හරීන් ප‍්‍රනාන්දු විසින් ලබන සතියේදී සජිත් පේ‍්‍රමදාසගේ අපේක්ෂකත්වය තහවුරු කිරීමට විශාල ජනරැුළියක් බදුල්ල ප‍්‍රදේශයේදී පැවැත්වීමටද තීරණය කර ඇතැයි දැනගන්නට ඇත.