එක්සත් ජාතික පෙරමුණ සමඟ කටයුතු කරන පක්ෂ, පුද්ගලයන් හා සංවිධාන සමඟ අගෝස්තු 05 වැනිදා ගොඩනැඟීමට නියමිත සන්ධානය වැළැක්වීම සඳහා එක්සත් ජාතික පක්ෂ කෘත්‍යාධිකාරී මණ්ඩල රැුස්වීමේදී එහි නියෝජ්‍ය නායක සජිත් පේ‍්‍රමදාස පාර්ශ්වය ගත් උත්සාහය ව්‍යර්ථ වී ඇත.

අගෝස්තු 05 වැනිදා ගොඩනඟන සන්ධානයට අදාළ ව්‍යවස්ථාව අධ්‍යයනය කිරීමටත් ඒ සඳහා සංශෝධන ඉදිරිපත් කිරීමටත් කල් ලබාදෙන ලෙස හා ඒ සඳහා සන්ධානය ගොඩනැඟීමේ කටයුත්ත පසුපසට ගන්නා ලෙස සජිත් පිළේ සාමාජිකයන් ඉල්ලා ඇතත් ඊට අගෝස්තු 01 වැනිදා අරලියගහ මන්දිරයේදි පැවති එක්සත් ජාතික පක්ෂ කෘත්‍යාධිකාර මණ්ඩල රැුස්වීමේදී අනුමැතිය ලැබී නැත.

අවශ්‍ය සංශෝධන ඉදිරිපත් කරන ලෙස එම පාර්ශ්වයට දැනුම් දී ඇති අතර සන්ධානය ගොඩනැඟීමෙන් පසුත් එම සංශෝධන ක‍්‍රියාත්මක කළ හැකි බවද දැනුම් දී ඇත.

සන්ධානය සඳහා සකස් කර ඇති ව්‍යවස්ථා ලියවිල්ලේ එජාපයට ඇති බලය අඩු බවත් එජාපය දියවී ඇති බවත් සජිත් පාර්ශ්වය එහිදී පෙන්වාදී ඇත.

සන්ධාන යෝජනාව කල් දැමීම සඳහා ඡුන්දයක් පවත්වමු යැයි එක් අවස්ථාවක යෝජනාවක් ඉදිරිපත් වී ඇතත් ඉන් පක්ෂයේ බෙදීමක් ඇතිවන බව පෙන්වා එය පසෙකට කර තිබේත

ඒ අනුව එක්සත් ජාතික පෙරමුණු සන්ධානය අගෝස්තු 05 වැනිදා පෙරවරුවේ සුගතදාස ක‍්‍රීඩාංගණයේදී ප‍්‍රකාශයට පත්වීමට නියමිත අතර ඊට එක්සත් ජාතික පක්ෂය, ශ‍්‍රී ලංකා මුස්ලිම් කොංග‍්‍රසය, රිෂාද් බදියුදීන්ගේ සමස්ත ලංකා මහජන කොංග‍්‍රසය, මනෝ ගනේෂන් හා පලනි දිගම්බරම්ගේ දෙමළ ප‍්‍රගතිශීලී පෙරමුණ, ජාතික හෙළ උරුමය හා දැනට ආණ්ඩුව සමඟ කටයුතු කරන පක්ෂ එක්වනු ඇතැයි ප‍්‍රකාශ වේ’ එමෙන්ම පුද්ගලයන් වශයෙන් අමාත්‍ය රාජිත සේනාරත්න හා අමාත්‍ය අර්ජුන රණතුංග ඊට එක්වනු ඇතැයි පැවසේ’ ඊටත් අමතරව වෘත්තිය සමිති හා සිවිල් සංවිධානද ඊට එක්වනු ඇතැයි කියැවේ.x

ඉඳුවර බණ්ඩාර