එක්සත් ජාතික පක්ෂයේ ජනාධිපති අපේක්ෂක සජිත් පේ‍්‍රමදාසගේ ප‍්‍රතිපත්ති ප‍්‍රකාශය නිකුත් කර ඇති බැවින් ඔහුගේ ප‍්‍රතිපත්ති ප‍්‍රකාශය සලකා බලමින්  සහය ලබා දෙනවාදැයි දෙමළ පක්ෂ සාකච්ඡුා කර තීරණයකට එළඹෙන බව ටෙලෝ සංවිධානයේ නායක සෙල්වම් අඩෙයික්කලනාදන් අනිද්දාට පැවසීය.

තීන්දුවක් ගැනීම සඳහා නොවැම්බර් 1 වැනිදා සිට සාකච්ඡුා පැවැත්වීමට බලාපොරොත්තු වන බව ඔහු කීය.

දෙමළ පක්ෂ පහක් ඔක්තෝබර් 30 වන දින යාපනයේදී  පැවැත්වූ සාකච්ඡුාවේදී ජනාධිපතිවරණයේදී සහය ලබා දෙන්නේ කාටදැයි විසදුමක් නොලැබුණු නිසා තමන්ට කැමති අපේක්ෂකයාට තැපැල් ඡුන්දය ලබා දෙන ප‍්‍රකාශ කළ බව ඒ මහතා පැවසීය.

එම සාකච්ඡුාවට සහභාගිවූ අයගේ පරස්පර යෝජනා හා තීරණ තිබුණු බවත්, එක් ජනාධිපති අපේක්ෂකයෙකුට සහාය දීම වෙනුවෙන් අවසන් තීරණයකට පැමිණීමට නොහැකි වූ බවත් එම සාකච්ඡුා කල් දැමූ බවත් ඒ මහතා පැවසීය.