ශ‍්‍රීලනිපය හා පොදුජන පෙරමුණ ජනාධිපතිවරණ ප‍්‍රචාරණය වෙනුවෙන් එක්ව ඇතැම් රැුස්වීම්වලදී කටයුතු කරනු ඇති නමුත්, ශ‍්‍රීලනිපය වෙනම රැුස්වීම් මාලාවක් පැවැත්වීමට බලාපොරොත්තු වන බව ශ‍්‍රීලනිප ජාතික සංවිධායක දුමින්ද දිසානායක මහතා කීය.

ගෝඨාභය රාජපක්ෂ මහතාව ජනාධිපතිවරණයෙන් දිනවීමට නම් වඩා සුදුසු කාරණාව වන්නේ ශ‍්‍රීලනිප පාක්ෂිකයන්ව හා පොදුජන පෙරමුණු පාක්ෂිකයන්ව වෙන වෙනම ආමන්ත‍්‍රණය කිරීමෙන් බව ඔහු පවසයි. එම පක්ෂ දෙකේම එකිනෙකා අතර අනවබෝධයෙන් පිරිසක් සිටින බව ඔහු කීය.

ඔහු ඒ බව පැවසුවේ ඔක්තෝබර් 09 වැනිදා අනුරාධපුරයේ පැවති ගෝඨාභය රාජපක්ෂ මහතාගේ ප‍්‍රචාරක රැුළියේදී ඔහුට පාක්ෂිකයන් පිරිසකගෙන් හූ හඬ එල්ලවීම ගැන කළ විමසීමකදීය.

එම සිදුවීම ගැන අදහස් දක්වමින් ඔහු ප‍්‍රකාශ කළේ එසේ හූ කීවේ බීමත්ව සිටි කිහිපදෙනෙකු පමණක් බවයි. ඇතැම් පිරිස්වලට මෙම පක්ෂ දෙක එක්වීමේ වැදගත්කම නොවැටහෙන බවත්, එවැනි අයගේ විරෝධය ගණනට නොගන්නා බවත් ඔහු වැඩිදුරටත් කීය. ශ‍්‍රීලනිප පාක්ෂිකයන්ගෙන් පොදුජන පෙරමුණු නායකයන්ටද මෙවැනි ප‍්‍රතිචාර ලැබීමේ ඉඩක් ඇති බවත්, ඒවා පුංචි දේවල් ලෙස සලකා කටයුතු කළ යුතු බවත් ඔහු කීය.