පාස්කු ඉරිදා ප‍්‍රහාරකයන් සමඟ ජනාධිපතිධුර අපේක්ෂක ගෝඨාභය රාජපක්ෂගේ සම්බන්ධයක් තිබූ බවට වූ මඩ වීඩියෝ පටයක් එජාපෙ ප‍්‍රචාරක ව්‍යාපාරය නිකුත් කිරීමට නියමිත බවට ශ‍්‍රී ලංකා පොදුජන පෙරමුණ මාධ්‍ය සාකච්ඡුා පවත්වමින් කියන්නට පටන්ගෙන ඇත.

එහිදී මෙම වීඩියෝ පටයට අදාළ කරුණු කිහිපයක්ද පොදුජන පෙරමුණ පාර්ශ්වයෙන් කියා ඇත. ඉන් එකක් වන්නේ එජාපෙ ප‍්‍රචාරක අංශ ප‍්‍රධානියෙකු වන තුෂාර වන්නිආරච්චි මෙය කරන බවය.

තුෂාර වන්නිආරච්චි ඊට ප‍්‍රතිචාර දක්වමින් අපරාධ පරීක්ෂණ දෙපාර්තමේන්තුවට පැමිණිලි කරමින් පවසා ඇත්තේ ඔහුට එල්ලවී ඇති චෝදනාව පිළිබඳ පරීක්ෂා කරන ලෙසය.

සැබෑ ලෙසම ගෝඨාභය රාජපක්ෂට එරෙහිව එවැනි වීඩියෝ පටයක් නිර්මාණය කළාද? නිර්මාණය කරන්න යනවාද යන්න ගැන නිශ්චිත කරුණු තවමත් නැත. එහෙත් රාජපක්ෂ ප‍්‍රචාරක ව්‍යාපෘතිය මේ කරුණ ගැන දැඩි බියකට හා තිගැස්මකට ලක්වී ඇත.

බොරුවක් සම්බන්ධයෙන් නම් යමකු එතරම් බිය විය යුතු නැත. ඒ එම බොරුව බිඳහෙළීම සඳහා කරුණු ඉදිරිපත් කළ හැකි බැවිනි. එම බොරුව නිර්මාණය කළවුන්ට එරෙහිව නීතිමය වශයෙන් කටයුතු කළ හැකි බැවිනි.

දැනටමත් සහරාන් හෂීම් ඇතුළු පාස්කු ප‍්‍රහාර කල්ලිය සම්බන්ධයෙන් හෙළිවී ඇති කරුණ වන්නේ ඔවුන්ට බුද්ධි අංශ ඔත්තුකරුවන් වශයෙන් රාජපක්ෂ පාලන කාලයේදී පහසුකම් සපයමින් දීමනා ගෙවා ඇති බවයි.

දැන් පාස්කු ප‍්‍රහාරය සම්බන්ධයෙන් තමා බලයට පත්වූ පසු තවත් කොමිසමක් පත් කරනවායැයි කාදිනල් හිමිට පොරොන්දු දී ඇත්තේ එම ඔත්තුකරුවන් අයත්ව සිටි ආරක්ෂක අමාත්‍යාංශයේ ලේකම් ගෝඨාභය රාජපක්ෂය.

එවක ආරක්ෂක ඇමති සේනාධිනායක හිටපු ජනාධිපති මහින්ද රාජපක්ෂ පසුගියදා සයින්දමරුදුහි පැවති ප‍්‍රචාරක රැුළියකදී ප‍්‍රකාශ කර ඇත්තේ පාස්කු ප‍්‍රහාරයෙන් පසු සිකුරාදා දිනයේ ඉතිහාසයේ පළමු වතාවට පල්ලි යෑමට මුස්ලිම් ජනතාවට නොහැකි වූ බවත්, එයට වගකිව යුත්තේ බෝම්බ පුපුරවාගත් සහරාන්ලා නොවන බවත්, බෝම්බ පුපුරන බව දැන දැනම නිදාගෙන සිටි පාලකයන් බවත්ය.

මෙවැනි ප‍්‍රකාශයක් සිංහල බෞද්ධ කඳවුරෙන් පිට අයෙකු කීවා නම් ඊට ලැබෙන මාධ්‍ය අනුග‍්‍රහය මෙන්ම ඒ සම්බන්ධයෙන් විරෝධ දක්වන්නට පැමිණෙන විද්වතුන්ගේද අඩුවක් දකින්නට ලැබෙන්නේ නැත. බොහෝවිට කාදිනල් හිමිගේ ශ‍්‍රී මුඛයද ඊට ප‍්‍රතිචාර දක්වනු ඇත. නැතහොත් වෙනත් කතෝලික පූජකයෙකු ඊට ප‍්‍රතිචාර දක්වනු ඇත.

පාස්කු ඉරිදා ප‍්‍රහාරය සම්බන්ධයෙන් ශ්‍රේෂ්ඨාධිකරණයට පෙත්සමක් ඉදිරිපත් කර ඇති සමාජ හා සාමයික කේන්ද්‍රයේ හිටපු අධ්‍යක්ෂ පියතුමා කී ලෙසම පාස්කු ඉරිදා ප‍්‍රහාරය සම්බන්ධයෙන් මහින්ද රාජපක්ෂද බුද්ධි තොරතුරු දැන සිට ඇත.

පාස්කු ඉරිදා ප‍්‍රහාරය සම්බන්ධයෙන් කිඹුල් කඳුළු හෙලන රාජපක්ෂවරුන් දැන් කරන්නේ ජනාධිපතිවරණය ජයගැනීම සඳහා  කතෝලික ජනයාගේ ඡුන්ද ලබාගැනීමට බොරදියේ මාළු බෑමේ කටයුත්තක් පමණය.