වැලිකඩ බන්ධනාගාරයේ සිරකරුවන් අට දෙනකු ඝාතනය කිරීම පිළිබඳ නඩුව ඔක්තෝබර් මස 14 වන දා සිට විභාගයට ගැනීමට කොළඹ ත‍්‍රිපුද්ගල විශේෂ මහාධිකරණ විනිසුරු මඩුල්ල  තීරණය කර ඇත.

එම නඩුව පොලිස් මත්ද්‍රව්‍ය නාශක කාර්යාංශයේ හිටපු පොලිස් පරීක්ෂක නියෝමාල් රංගජීව සහ හිටපු බන්ධනාගාර කොමසාරිස් වරයෙකු වන එමිල් රංජන් ළමාහේවා යන විත්තිකරුවන්ට එරෙහිව නීතිපතිවරයා ගොනුකර ඇත. එදින සාක්ෂි දීම සඳහා  සාක්ෂිකරුවන්ට අධිකරණය හමුවේ පෙනී සිටින ලෙස දන්වා සිතාසි සිතාසි නිකුත් කර ඇත.

2012 වසරේ නොවැම්බර් මස 9 දා වැලිකඩ බන්ධනාගාරය තුළ පොලිස් විශේෂ කාර්ය බළකාය සිදු කරන ලද සෝදිසි මෙහෙයුමක් අතරවාරයේ ඇතිවූ ගැටුම්වලින් සිරකරුවන් අට දෙනකු මරා දැමීම, ඒ සඳහා කුමන්ත‍්‍රණය කිරීම නීති විරෝධී ජන රාශියක් වශයෙන් කටයුතු කිරීම ඇතුළු චෝදනා 33 ක් යටතේ නීතිපතිවරයා අදාල විත්තිකරුවන්ට එරෙහිව නඩු පවරා තිබුණි. මේ වන විට එම විත්තිකරුවන්ව අධිකරණය මගින් ඇප මත මුදාහැර ඇත.

හංසි මානවඩු