රේගු අධ්‍යක්ෂ ජෙනරාල්වරයා වශයෙන් පත්කර ඇති විශ‍්‍රාමික මේජර් ජෙනරාල් විජිත රවිප‍්‍රිය වසර දෙකක කාලයක් යන තෙක් එම තනතුරෙන් ඉවත් නොකරන බව ජනාධිපති ගෝඨාභය රාජපක්ෂ රේගු වෘත්තීය සමිතිවලට ප‍්‍රකාශ කර ඇත.

එමෙන්ම රේගු ආඥා පනත සශෝධනය කර රේගු අධ්‍යක්ෂ ජෙනරාල් තනතුර ඉදිරියේදී රේගු සේවාවට ලබාදෙන බවද ජනාධිපතිවරයා එම සාකච්ඡුාවේදී පොරොන්දු වූ බව සාකච්ඡුා සදහා සහභාගි වූ රේගු වෘත්තිය සමිති නායකයෙක් අනිද්දාට පැවසීය.

ශ‍්‍රී ලංකා රේගුව මුදල් අමාත්‍යාංශය යටතේ පවතින ආයතනයක් වන අතර එහි අධ්‍යක්ෂ ජෙනරාල්වරයා පත්කිරීමේ බලය ඇත්තේ මුදල් අමාත්‍යවරයා වන අගමැති මහින්ද රාජපක්ෂටය. එහෙත් රේගු අධ්‍යක්ෂ ජෙනරාල්වරයා පත්කර ඇත්තේ ජනාධිපතිවරයා බව එම සාකච්ඡුාවේදී අනාවරණය වී ඇත.

රජයේ පරිපාලන නිලධාරීන්ගේ සංගමය මෙම පත්කිරීම සම්බන්ධයෙන් මීට පෙර අගමැතිවරයා සම`ග සාකච්ඡුා කළ අතර එහිදී අගමැතිවරයා ඔවුන්ට පොරොන්දු වී තිබුණේ මේජර් ජෙනරාල්වරයාගේ පත්කිරීම අත්හිටුවූ බව හා පරිපාලන සේවයේ අයෙකු ඒ ස`දහා පත්කරන බවය.

ඒ පිළිබ`දව කළ විමසීමකදී ශ‍්‍රී ලංකා පරිපාලන සේවා සංගමයේ ලේකම් රෝහණ සිල්වා ප‍්‍රකාශ කළේ මෙම පත්කිරිම තාවකාලික පත්කිරිමක් යැයි ජනාධිපති ලේකම්වරයා පෙබරවාරි 21 වැනිදා ඔවුන් සමග පැවති සාකච්ඡුාවකදී කී බවය.

එම සාකච්ඡුාවේදී තම සංගමයේ නිලධාරීන් රේගු අධ්‍යක්ෂධුරයට හමුදා නිලධාරියෙකු පත්කිරීම පිළිබඳව සහ ඒ පත්කිරීමේ ක‍්‍රියා පටිපාටියට විරෝධය දැක්වූ බව ඒ මහතා පැවසීය.

ලසන්ත රුහුණගේ/ රේඛා නිලූක්ෂි හේරත්