• එවන් තත්වයක් තුළ පැන නඟින ප්‍රශ්නය වන්නේ ජාත්‍යන්තර වශයෙන් ඉන්දියාවෙන් ප්‍රශ්නයක් ඇති කර නොගෙන මෙම කුඩා ව්‍යාපෘතිය ලංකා විදුලි බල මණ්ඩලයටම ක්‍රියාත්මක කිරීමට නොහැකිද යන්නය. ඊට හේතුව එය සතුව විදුලි ඉංජිනේරුවන් 1000ක් පමණ, විදුලි අධිකාරිවරුන් 1800ක් පමණ හා තාක්ෂණ නිලධාරින් 8000ක් පමණ යන 10,000ක පමණ තාක්ෂණ සේවකයන් පිරිසක් සිටින නිසාය.
  • ඇත්තෙන්ම මෙම ව්‍යාපෘතියේ ලොකුම කොටස යාපනයේ දූපත්වල සිදුකරන කොටස නොවේ. ඒ නිසාම ඔවුන්ගේ භූමිය අසලටම පැමිණ චීන සමාගමකට තරම් නොවටිනා ව්‍යාපෘතියක් සිදුකිරීම ගැන ඉන්දියාව සැක සිතීමත්, එයට විරෝධය පෑමත් තාර්කික බව පෙනේ.

ඇමරිකානු අධිරාජ්‍යවාදය, බටහිර කුමක්ත්‍රණ ගැන කියූ කතාවලට වඩා දැන් රට තුළ කතාබහ අලුත් වන්නේ චීනය ව්‍යාපෘති ගැනය. එයට කියන නම චීන නව යටත්විජිතවාදයද නැතහොත් ව්‍යාප්තවාදය දැයි නොදනිමි. ඊට යෙදිය හැකි නම කුමක් වූවත් ඒ ගැන රට තුළ සිටින ආණ්ඩු විරෝධී පාර්ශව පමණක් නොව අසල්වැසි ඉන්දියාව පවා විරෝධය පාන්නට පටන්ගෙන ඇත. ඒ යාපනයේ දූපත් තුනක විදුලි ව්‍යාපෘති චීන සමාගමකට ලබාදීම සඳහාය. ඉන්දියාව කියා තිබුනේ එම දූපත් තුනේ විදුලි ව්‍යාපෘති ක්‍රියාත්මක කිරීමට ඔවුන්ට ලබාදෙන ලෙසත් ඒ වෙනුවෙන් ශ්‍රී ලංකාවට මුදල් ලබාදිය හැකි බවත්ය. එසේම චීනය සිය භූමියට ඉතා ආසන්නයේ සිට මෙම ව්‍යාපෘතිය ක්‍රියාත්මක කිරීම කිසිසේත්ම අනුමත නොකරන බවත් එය ඉන්දියාවේ ස්වාධිපත්‍යයට කරන බලපෑමක් බවත් ඔවුන් කියා තිබේ.
කොළඹ වරායේ නැගෙනහිර පර්යන්තයට පසු ඒ ආකාරයට අසල්වැසි ඉන්දියාවේ අලුත්ම විරෝධය එල්ල වූයේ යාපනයේ අනලතිව්, නයිනතිව්(නාගදීප ) හා ඩෙල්ෆ් දූපත්හි සිදුකරන්නට නියමිත විදුලි ව්‍යාපෘතිය ගැනය. එම ඉන්දීය විරෝධයට හේතුව වන්නේ එම විදුලි ව්‍යාපෘති චීනයට සම්බන්ධ සමාගමක් ක්‍රියාත්මක කිරීමය. ඩොලර් මිලියන 12ක ව්‍යාපෘතියක් වන මෙය චීනයට සම්බන්ධයක් ඇති ීසබදිද්ර – ෑඑයැජයඅසබ සමාගමට ලබාදී ඇත.
දෙමුහුන් පුනර්ජනනීය විදුලි ව්‍යාපෘතියක් වශයෙන් මෙම ව්‍යාපෘතිය ක්‍රියාත්මක වීමට නියමිත අතර ඊට සුළං, සූර්ය බල, කාර්යක්ෂම ඩීසල් හා බැටරි ගබඩා යන ක්‍රම හතර භාවිතා කිරීමට නියමිතය. චීනයට ලබාදී ඇති මෙම කොටස වූ කලී ආසියානු සංවර්ධන බැංකුවෙන් ලබාගන්නා ඩොලර් මිලියන 115ක ණයකින් යුත් ව්‍යාපෘතියක පළමු කොටස වන අතර ඉතිරි කොටස් තුනට අයත් වන්නේ රටපුරා විවිධ ප්‍රදේශවලට සම්ප්‍රේෂණ මාර්ග ඇදීමේ කටයුතුය. ඇත්තෙන්ම මෙම ව්‍යාපෘතියේ ලොකුම කොටස යාපනයේ දූපත්වල සිදුකරන කොටස නොවේ. ඒ නිසාම ඔවුන්ගේ භූමිය අසලටම පැමිණ චීන සමාගමකට තරම් නොවටිනා ව්‍යාපෘතියක් සිදුකිරීම ගැන ඉන්දියාව සැක සිතීමත්, එයට විරෝධය පෑමත් තාර්කික බව පෙනේ.
එමෙන්ම ඉන්දියාවේ එම සැකයට පදනමක් ඇති බව සිතෙන්නේ මෙම ව්‍යාපෘතිය සඳහා අවුරුදු දෙකක පමණ කාලයක් චීන සමාගමට ලබාදීමට යන බවට ඇති ආරංචියත් සමඟය. සුළං විදුලි උත්පාදන උපකරණ සවි කිරීමට යම් කාලයක් වැය වෙතැයි සිතිය හැකි වූවත් මෙම කුඩා ව්‍යාපෘතිය සඳහා අවුරුදු දෙකක කාලයක් අවශ්‍ය නොවන බව විදුලි බල ක්ෂේත්‍රයේ ප්‍රමානිකයින්ගේ මතයය. සූර්ය කෝෂ සවිකිරීමටවත්, ඩීසල් ජෙනරේටර් සවිකිරීමටවත්, බැටරි ගබඩා සවිකිරීමටවත් එතරම් කාලයක් වැයවිය නොහැකි බව ඔවුන්ගේ මතයය. මන්ද සකස් කර ඇති ඒ ආකාරයේ විදුලි ජනක උපාංග සවි කිරීම පමණක් සිදුකළ යුතු නිසාය.
ව්‍යාපෘතිය ක්‍රියාත්මක කිරීමට යන දූපත් තුනේ ජනතාවට විදුලිය නැති කමක් නැති අතර එම දූපත් වැසියන්ට විදුලිය ලබාදීම සඳහා දැනට විදුලි ව්‍යාපෘති ක්‍රියාත්මක වේ. ලංකා විදුලි බල මණ්ඩලය මෙම ව්‍යාපෘතිය සම්බන්ධයෙන් සකසා ඇති දත්ත අනුව අනලතිව් දූපතේ සිටින මුළු පවුල් සංඛ්‍යාව 540ක් වන අතර විදුලි පාරිභෝගිකයින් සංඛ්‍යාව 460කි. ක්‍රිලෝ වොට් 180, 250 හා 100 බැගින්වූ ජෙනරේටර් තුනක් එහි විදුලිය ලබාදීම සඳහා ක්‍රියාත්මක වේ. එහෙත් එහි උපරිම ධාරිතාව කිලෝ වොට් 150ක් වේ. නයිනතිව් දූපතේ සිටින මුළු පවුල් සංඛ්‍යාව 1040ක් වන අතර විදුලි පාරිභෝගිකයින් සංඛ්‍යාව 917කි. ක්‍රිලෝ වොට් 500 හා 250 බැගින් ජෙනරේටර් දෙකක් විදුලිය ලබාදීමට එහි ක්‍රියාත්මක වේ. එහි උපරිම ධාරිතාව ක්‍රිලෝ වොට් 380කි. ඩෙල්ෆ් දූපතේ මුළු පවුල් සංඛ්‍යාව 1430ක් වන අතර විදුලි පාරිභෝගිකයින් සංඛ්‍යාව 1250කි. ක්‍රිලෝවොට් 330 හා 250 බැගින් ජෙනරේටර් දෙකක් විදුලිය ලබාදීමට එහි ක්‍රියාත්මක වේ. එහි උපරිම ධාරිතාව ක්‍රිලෝ වොට් 380කි.
ණය මුදල සම්බන්ධයෙන් ලංකා විදුලි බල මණ්ඩලය හා ආසියානු සංවර්ධන බැංකුව අත්සන් කර ඇති ගිවිසුමේ විස්තර අනුව එම දූපත් තුනට විදුලිය ලබාදීම සඳහා දෙමුහුන් ක්‍රමය යටතේ කොතරම් ධාරිතාවක පුනර්ජනනීය විදුලි ජනන ඒකක සවිකරනවාදැයි සඳහන් වන්නේ නැත. එහෙත් එය දැනට එම දූපත්වල අවශ්‍යතාව අනුව හා ඉදිරි අවශ්‍යතාව අනුව මෙගාවොට් එකකට වඩා වැඩි ධාරිතාවක් යැයි අනුමාන කළ නොහැකිය.
එවන් තත්වයක් තුළ පැන නඟින ප්‍රශ්නය වන්නේ ජාත්‍යන්තර වශයෙන් ඉන්දියාවෙන් ප්‍රශ්නයක් ඇති කර නොගෙන මෙම කුඩා ව්‍යාපෘතිය ලංකා විදුලි බල මණ්ඩලයටම ක්‍රියාත්මක කිරීමට නොහැකිද යන්නය. ඊට හේතුව එය සතුව විදුලි ඉංජිනේරුවන් 1000ක් පමණ, විදුලි අධිකාරිවරුන් 1800ක් පමණ හා තාක්ෂණ නිලධාරින් 8000ක් පමණ යන 10,000ක පමණ තාක්ෂණ සේවකයන් පිරිසක් සිටින නිසාය.■